LinkBack أدوات الموضوع انواع عرض الموضوع
قديم 08-07-2012, 01:57 PM   رقم المشاركة : 1
معلومات العضو
 

إحصائية العضو







افتراضي مرثية بالامير الراحل نايف بن عبدالعزيز

‏​‏​‏​مرثية
مها السديري في زوجها الامير نايف بن عبدالعزيز رحمه الله رحمة واسعه واسكنه فسيح جناته


العام يا أم سعود كان الحزن ضيف
واليوم دق اوتادة الحزن فينا
الحزن غيمه غيبت نجمه الصيف
وباأسباب جوره ياجواهر شكينا
غاب الحبيب وﻻبقى للهنا طيف
واﻵه يانورة تهاوت علينا
كن الظهر ياسعود فيه انغمد سيف
والصدر صار لكل اﻻوجاع مينا
اقول يامحمد متى فارق وكيف
واصيح ياسارة متى هو بيجينا
يانوف من عقبه ترى بسمتي زيف
جف الفرح من حولنا وانطفينا
أبوك يانواف ماله تواصيف
وانشد مشاعل كان مثله لقينا
والكون ياهيفا بلا ظله مخيف
واعذر بكانا يافهد لو بكينا
كان القمر كان البحر والمجاديف
كان الحنان اللي بحضنه دفينا
وكان الملاذ لشاكي الضيم والحيف
كم شال عنا كم خذا عن يدينا
عاش ورحل كله مهابه وتشريف
جار الحرم فوق الحكي وان حكينا
والله لو كان المقدر على الكيف
ماغبت يا نايف وﻻاحنا ظمينا
كل مارخيت الجفن جدت عواصيف
والشوق ثار وفارقتني السكينه
وشفتك مثل شمس بروس المشاريف
نورك يناديني وانا اقول وينه؟
والقاك واصحى والمحك راقي النيف
حي ولو صلت عليك المدينه
أحسك بجنبي ماهي تخاريف
ياساكن عيون المهاه الحزينه
في ذا جلسنا بين صمت وسواليف
وفي ذا الممر اثنينا كم مشينا
وفي هالزوايا كم جمعنا مواليف
وياما على ذيك المرايا ضوينا
عشره عمرماتنتهي بالصواديف
وذكرى تبي تحيا ولو مابقينا
الموت يانايف كتاب وتصاريف
وحنا بحكم اللي خلقنا رضينا


















التوقيع


عضو لجنة شباب الاعمال بالغرفة التجارية بالرس
رد مع اقتباس
قديم 08-07-2012, 05:50 PM   رقم المشاركة : 2
معلومات العضو
رساوي مفيد
عضو نشط
 

إحصائية العضو







افتراضي

صح الله اختيارك وصح الله ذوقك اخي ابو متعب
وصح لسان الاميره مها

رد مع اقتباس
قديم 08-07-2012, 06:03 PM   رقم المشاركة : 3
معلومات العضو
[إبن الحزم]
مشرف منتدى تاريخ الرس
 
الصورة الرمزية [إبن الحزم]
 
 

إحصائية العضو







افتراضي

لا تُستغرب بلاغة هذه القصيدة نابعة من منابع القصيد وزاد ذلك حزن فراق الزوجة لزوجها وهذا الفقيد يختلف كثيراً عن غيره من الأزواج رحمه الله وأسكنه فسيح جناته .
إن الذي يتمعن في كلمات هذه المرثية يعلم جيداً أنها نابعة من توجد الثكلى المفجوعة في أغلى من تحب , عظَّم الله أجرها وجبر مصيبتها .
والبيت التالي من هذه المرثية يصف فجيعة غالبية المواطنين جبرالله مصيبتنا جميعاً بفقدنا لأسد السنة (نايف بن عبدالعزيز ) طيب الله ثراه .
كن الظَّهر ياسعود فيه إنغمد سيف ::::: والصَّدر صار لكل الأوجاع مينـا
ماهي مليومة ( مها السديري ) في توجدها لزوجها الأمير نايف بن عبدالعزيز رحمه الله رحمة واسعه وأسكنه فسيح جناته .
أستاذي الكريم ( أبو متعب ) لن أنسى ذهولي وأنا جالس أمام التلفزيون بعد صلاةالظهر حين ظهر نبأ النعي باللون الأحمر في حقل عاجل وأنا من عامة الناس , فكيف تكون حال من فقد شريك حياته ؟؟؟
لك تحيتي وأحترامي .


















التوقيع

[[إبـن الحــــزم]]

رد مع اقتباس
قديم 08-07-2012, 07:24 PM   رقم المشاركة : 4
معلومات العضو
 
الصورة الرمزية ولد صقر العروبة
 
 

إحصائية العضو








افتراضي

رحمه الله رحمة واسعه واسكنه فسيح جناته



















التوقيع

,,اللهم صل على محمد,,

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 08:43 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8