[SO NICE]

السلام عليكم

اسعد الله مساكم جميعا :)

بغيت استفسركم عن موضوع وماردي ايش الحل الصحيح او الطرف الصحيح

انا اتفقت مع نقل بمبلغ 900 شهريا
طلب منا بنات زياده ماحصلنا
قال ان ماحصلتم راح اتركم

داومنا معاه فقط يومين ( الثلاثاء والاربعاء )

وكلمناه ان بنتركك لان ماحصلنا بنات لك زياده وانت بتتركنا بالنهايه

رفض وان ماراح اسامحكم لما تدفعون لي المبلغ كااامل
وانكم لعبتوا علي

هو مو راضي يفهم ان انت بالنهايه بتتركنا

طمع بالحيل
بعض الاحيان اداوم مع نقل فرضا اسبوع
يقسم المبلغ على 4 اسابيع ويقول هذا حسابي
مايقولون المبلغ كامل ابد

ماعندي امكانيه الحين ادفعله المبلغ كامل واخاف ناكل حقه مادري !

يجوز لنا ندفع له حق بس اليومين
او ان مايجوز لنا ولازم ندفع له الشهر كامل او ان ماراح يحللنا ليوم الدين !

افيدوني

[اكاي]

أذا كان رفض انكم تتركونه معناته انه بيكمل معكم ؟صح؟
اذا كان بيتمم كلامه ويترككم خلاص تعطونه حقه اليومين فقط لأنه ماله حقياخذ المبلغ كامل اذا رفض نقلكم

[SO NICE]

^
رافض ينقلنا
بس جا بالبدايه الرفض منا لان قال ان ماحصلتوا ماراح انقلكم
+ يبغى المبلغ كامل

[{ زخة مطر }]

طيب انتم قولوا له اذا راضي تنقلنا بروحنا وانكم دورتوا على بنات معكم وماحصلتوا

اذا قال خلاص بكمل معكم وين المشكله اكيد هو محتاج

بس انتم قلتوا له انكم خلاص بتبطلون ولاراح تنقلون معه سواء جبتم معكم بنات او لا

يعني بيفهمها انكم لقيتوا نقل غيره واستغنيتم عنه

فأنتم ارجعوا كلموه واستمروا معاه اذا رضى فيكم انتم بس

والمؤمنين على شروطهم يعني وش اتفقتم عليه بالبدايه

والله ييسر لكم اموركم يارب

[أبـــو طـــآرق]

نصيحتي لك يا أختي لاتتفاهمين معاه انتي

خلي ولي امرك او احد زميلاتك يتفاهم معاااه وراح يتفقون على الشي المرضي لكم

وان شاء الله انه يكون متفهم

[خفرع]

هو يتوقّع بأنّ كل الموظفات و الطالبات جالسات على كنز من الذهب ولا يعرفون وين يودون الفلوس لا ويطالبهن بالشهر كامل وهو أساساً سبب الرفض فهذا أحمق فاهم الذهانة غلط ..
لا تعطونه الا حق يومين ولا عليكم منه ..