العودة   منتديات الرس اكس بي > منتديات الرس اكس بي > تاريخ الرس و الأدب و الشعر
التعليمـــات التقويم اجعل كافة الأقسام مقروءة

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

موضوع مغلق
 
أدوات الموضوع انواع عرض الموضوع
قديم 09-07-2005, 03:30 PM   #1
ملّوح
Guest
 
المشاركات: n/a
افتراضي مسجـــــات اشعــــــار لعيونكمــ




في زمانك محد يشيل همك
لاحبيبك لا أخوك لا رفيقك
ماتهم اللي يهمك
لو بغيت تعيش صح
صل فرضك وأقضب أرضك
وخلها للي عيونه ماتنام ونام



أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه

صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر



وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه


من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها


أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله

أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام


شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه



يامرحبا أعداد ما لاحت بروق
ترحيبة المؤمن بحكم الشريعه
رسالتن جتني من أعز مخلوق
ومن كان مثلك طيب مانبيعه
ياطيب الجدان من جذر وعروق
أفعالهم كل الخلايق تذيعه



من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته



أرسلك المرسول يامعرب الجد
من ساس قوما"يحتمون المظله
يحمل تحياتي بها الود ممتد
من ضامري ماهي سواليف شله
البعد ماعنه الرجاجيل تنحد
لو حال من دونه سماء نجد كله
والحر مهما راح لابد مايرد
للنايف اللي كل حر فطن له



الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق



مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه



كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي



غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق



وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى



زينه على كل المخاليق غطى
عقل وجمال وخف دم مخلوطي
عمره صغير وجاهل توه ماتغطى
ولاغيره أحد يخيط قطوطي
غرون على عرش البنات أيتوطى
قطع على الزينات كل الخطوطي
ياليل قلبي على قلبي أخطى
حط القدر بيني وبينه شروطي



صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام

من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله



العام رجلي بالطويله تعدي
واليوم كني مكتف الرجل تكتيف
ضيعت عمري في أسترح وأستعدي
نوب جزاء ونوب أنقريه وتنظيف
يارجل سجي وياعين لدي
لديار نجد وعاليات المشاريف



خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن



سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره



سلام ياشيخ تربى على الطيب
سلام يارجل عزيز وغالي
تعيش ياحر تعلى المراقيب
حر ولد حر على الرجم عالي
يحتار فيه الشعر تشريق وتغريب
رجل عزيز النفس ماله مثالي
رجل الوقفات راع المواجيب
صلف على الصكات مابه جدالي


هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس


وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي



ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني


ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه


مايبعدك عني ولا أي مخلوق
وإن غبت يبقى في غيابك خطوره
مثل الشجر مهما رفع هامته فوق
يبقى مصيره مرتبط في جذوره
حنا تخاوينا على سلم وطروق
ياحلو خوة طيبين المشوره


أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك



سيدي بالحال رد النظر
وأرحم محب حياته بين يديك
إلى متى يازين وأنا أنتظر
صبري قضى والعمر منك وإليك
الناس طلعت على سطح القمر
وأنا معك ماقدرت أوصل إليك
ماعاد باقي علي إلا أنتحر
وأموت لجلك حسبي الله عليك


ليه يا دنيا تعزين الرخوم ؟
والشجاع يعيش عمره في نكد
تطرحينه كل ما حاول يقوم
كل ما يبني يفاجأ با الهدد
والخبل جظه ورى ذيك النجوم
عالي مرتاح دايم في سعد
والشجاع تحاصره سود الهموم
وان تخلص من نمر طاح بأسد!



لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري

ان شاء الله تعجبكم..
 
قديم 09-07-2005, 03:49 PM   #2
فتى الرس 456
عضو
 
تاريخ التسجيل: Jul 2005
المشاركات: 3
معدل تقييم المستوى: 0
فتى الرس 456 is on a distinguished road
افتراضي

أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه

0000000000000000000

شكرا أوي أوي أوي


فتى الرس
فتى الرس 456 غير متواجد حالياً  
قديم 09-07-2005, 04:12 PM   #3
ملّوح
Guest
 
المشاركات: n/a
افتراضي

يالله تستاهلون وهذي مسجات حزينه الله يبعد عنا وعنكم الهم والحزن



ليتك تشوف اللي جرى وصار فيه,,,,,,وتشوف ماشفته وارء سود الايام
اخفي جروحي في ضميري خفيه,,,,,,كني سجين ينتظر حكم الاعـــدام
حكم القدر لاصار غصب عليــه,,,,,,مايمنع المكتوب تحطيم الارقـــام



:::::::::::::::::::::::::::::::::::::::::::::::::: ::::


عزاه ياخلن سعى في عذابـــــــي,,,,,,وانا عن عيون المخاليق اداريه
مدري نوى خلي يصفي حســـابي,,,,,,ولا يبي يجرب غلاه وتغليــــــه
احترت مابين الخطاء والصوابي,,,,,,وشلون محبوبي عذابي يسليــــه

:::::::::::::::::::::::::::::::::::::::::::::::::: ::::

انا اللي عشت بالدنيا اصارع غابة الاحزان,,,,,,حزن هموم عذابي يبتسم فيهــــا
تعبت بدنيتي هايم وصرت بدنيتي حـــيران,,,,,,تعبت وهذي الدنيا دايم الاقيهــــا
زانا في داخلي نغمة وجدها داخلي فــنان,,,,,,وجدها نغمة حيه وتبغى من يغنيها

:::::::::::::::::::::::::::::::::::::::::::::::::: ::::

الله يرحم حبنا اللي قتلتـــــيه,,,,,,جفت دمومعي والبقا في حيــاتك
ياللاسف كل الاسف مابكيتيه,,,,,,انتي الغرور اعماك مع حب ذاتك
انتي بديتي الحب وانتي نهيتيه,,,,,,اقري عليه الفاتحه في صـــــلاتك
مرة لبستي الحب مره فصختيه,,,,,,هذا الهواؤ لاتحسبينه عبــــــــاتك


:::::::::::::::::::::::::::::::::::::::::::::::::: ::::

قررت انا هجرك وقررت انســـاك,,,,,,وسديت باب كنت لك هو بنـــيته
ماني بمثل اول احبك واهــــــواك,,,,,,ليت حبي مات من قبل ليتـــــــه
خلك تحسف موت من حر ماجاك,,,,,,ياواحسافه على حبي اللي عطيته


:::::::::::::::::::::::::::::::::::::::::::::::::: ::::

مركون بين البحر والبيت وحداني,,,,,,ابني لروحي أمل وجروحي ا تهده
وامر قبل الغروب ارتب احزاني,,,,,,اطوي شراع الهوى وانوح وامـــده
لايابحر منهو اللي ناسي الثانــي,,,,,,انا او اللي هجر شاطيك من مـــــده



:::::::::::::::::::::::::::::::::::::::::::::::::: ::::

رحتي وفكري راح يابنت محتار,,,,,,بين الرجاء والخوف طال انتظاري
الصمت يصلاني على واهج النار,,,,,,يسري بتفكيري لبعض الطواري
ماعاد لي قدرة على كتم الاسرار,,,,,,سري كشفته واصبح اليوم عاري

:::::::::::::::::::::::::::::::::::::::::::::::::: :::

عني تغيب ايام تظهر لــها ايام,,,,,,مدري ولع او قصدها زود تشويق
ان كان تشويق تراني من العام,,,,,,ميت وحبك حي بين المــعاليــــق
وكانه دلع ياحسرتي منه لي دام,,,,,وش لو اقاوم سطوته ساعة الضيق


:::::::::::::::::::::::::::::::::::::::::::::::::: ::::

يانور عيـــني فــــرقتنا المــــقادير,,,,,,والكل منا مبعدن عن خــــــــليله
حكم القدر ياصاحبي لازم يصــــير,,,,,,,وليا حكم محدن يحاول يزيـــــله
مدري من ايام الدهر حصل تقصير,,,,,,ولا صدوف الوقت صارت بخيله


:::::::::::::::::::::::::::::::::::::::::::::::::: :::
فزيت اسبابق خطوتي لاجل اعزيك,,,,,,في موت حبك وانتهي من حياتي
وطيت ذاك الحب وعهود ماضيــك,,,,,,ابعد خلاص اليوم بعدك غناتـــي
مات الوفاء والقلب ماعاد يرجيــك,,,,,,ودفنت ماضـــــي حبك بذكرياتي
 
قديم 09-07-2005, 04:13 PM   #4
الرساووويـه
عضو غير مشارك
 
تاريخ التسجيل: Nov 2004
المشاركات: 0
معدل تقييم المستوى: 0
الرساووويـه is on a distinguished road
افتراضي

مسسسسسسسسجات راائعه

واعجبتني

خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن


الله يعطيك العافيه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
الرساووويـه غير متواجد حالياً  
قديم 09-07-2005, 05:35 PM   #5
abu naif
مشرف سوبر
 
تاريخ التسجيل: Aug 2004
الدولة: المملكة العربية السعودية
المشاركات: 11,912
معدل تقييم المستوى: 0
abu naif has a spectacular aura aboutabu naif has a spectacular aura aboutabu naif has a spectacular aura about
افتراضي

مااااااقصرت اخوي ملوح
الله يعااااااافيك على الرسااااائل الحلوه
ويبعد عناااا وعنك الحزن





تحيتي لك
__________________
.
.
abu naif غير متواجد حالياً  
قديم 10-07-2005, 03:19 AM   #6
خلك حولي
عضو مبدع
 
تاريخ التسجيل: May 2005
المشاركات: 1,537
معدل تقييم المستوى: 0
خلك حولي is on a distinguished road
افتراضي

والله ماقصرت

مراقبنا وخونا

( ملـــــــــــــــوح )

مسجات رائعـــــــــــــــــــــــــــــه
يسلم حسك ويسلم ذوقك

وننتظر كل جديد منك

بصراحه مبدع انت أينما حللت

تحية ود أزفها لك

خلك حولي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
خلك حولي غير متواجد حالياً  
قديم 22-07-2005, 03:57 PM   #7
ملّوح
Guest
 
المشاركات: n/a
افتراضي

مشكورين على مروركو واتمنى انها نالت استحسانكم
 
موضوع مغلق

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:50 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir