عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 14-06-2013, 03:04 PM   #1
 
تاريخ التسجيل: Jan 2013
المشاركات: 4,365
قوة التقييم: 0
ناصر بن علي العلولا is on a distinguished road
(( هل شاهدتم في حياتكم مثل هذا الزواج ))

السلام عليكم ورحمة الله وبركاته

(( هل شاهدتم في حياتكم مثل هذا الزواج ))

( استبيحكم عذرا ان اكتب هذا الحوار
(بالعامية) كما دار بيننا ،

جلست مع أحد كبار السن وباركت له زواج ابنته ودعوة لهم بالتوفيق ،*

وقلت له وأنا أمازحه أنا زعلان عليك ابو فلان ( وراك ماعزمتن )

فقال لي : اصلا ما عزمت أحد .

قلت له : وشلون ما عزمت أحد وانت مزوج بنتك .
قال :*
الحمد الله ، انا زوجت ( 7 ) من بناتي ، أنا الي أختار رجالهن بنفسي .

قلت له وشلون تختار رجالهن .

قال : قال أروح لأحد الشباب ألي معجبن بخلاقة وتربيته ودينه وأكلمه ، وأقول أنا عندي بنية للزواج ، وأنا شاريك وباغيك وراغبك ،*

الا قال ميخالف ، واعطان الموافقة ، اخليه يجي يتقهوى عندي مغربية ، وأدخل البنت علينا وأخليه يشوفة واتشوفه ،*

وتجلس لها خمس دقايق ، وبعدين تطلع ،*

واقوله رح ياوليدي وفكر واستشير ، وبعد يومين رد لي ،

ان كان اعجبتك البنت فالحمدالله توفيق من الله*

*وان كان ما اعجبك ، إستر على ماوجهت، والله يرزقك احسن منها .

( وأبشرك كل الي اخترتهم وافقوا وتزجوا والحمد الله ومبسوطين وما عندهم خلاف ابدا)

ويقول كذلك : إذا جاب المهر مثل ( 50000) او اقل او اكثر ، رجعت نصفه له ،*

وقلت له زينبه بيتك واشتري اثاث به ،

وباقي المبلغ ، اعطيه البنت ، وأقول له خليه عندك ، لين بعد الزواج ،*

اذا دخلت على على رجلك ، اشتروا الي انتم تبون والي يعجب رجلك ويبيه ، من ذهب او ملابس او غيره ،*

وبعد ايام انادي المملك ، واملكهم ،*

وإذا سأل الشيخ المملك عندك شروط .

أقول له (( البنت وعند اهله ))

وبعدين أعزمه هو وإخوانه ووالده ، على الغداء *ذبيحة وحدة ،

وهم ياكلون غداهم ، أركب البنت وشنطته بالسيارة ،

وتجلس تحتري رجله لين يطلع ، واذا طلع ، يلقى زوجته بالسيارة .

ويسافر هو وزوجته على راحتهم .*

وبعد الزواج بشهرين ،

استأجر استراحة ، واصلح عشاء للاقارب والاصدقاء، ثلاث او اربع ذبايح ،*
والحمد الله

///////////////////
قلت له ياعم ما عمر واحدة طلقة من بناتك.
قال لا*

والله الحمد ابدا.

///////////////////
قلت : ما عمر وحدة ازعلت وجت لمك بالبيت ، طالعة من بيت رجلة ،

قال مرة وحدة ، زعلت وجت لي بالبيت زعلانه مع رجله ، وكان الوقت على اذان الظهر،*

قلت وش جابك لا تفصخين عباتك ، امشي اركبي السيارة ،*
ويوم دخلت على رجله بالبيت ، مسكته وحبيت راسه ، وقلت سامحنا ، امسحه بوجهي ، هالمرة ، وهاذي مرك عصاك الي ما تعصاك .

/////////////
وقال لي يا ابو علي يا ولدي

(( الي يستر عورك حطه فوق راسك ))

حكمة من حكيم وخبير في هذه الدنيا
عن عمر يقارب ( 90 ) سنة
ناصر بن علي العلولا غير متصل   الرد باقتباس

 
قديم(ـة) 14-06-2013, 04:23 PM   #2
عضو مميز
 
تاريخ التسجيل: Apr 2011
المشاركات: 166
قوة التقييم: 0
مسكت is on a distinguished road
لله دره هذا حكيم وعاقل
مسكت غير متصل   الرد باقتباس
قديم(ـة) 14-06-2013, 05:26 PM   #3
عضو ذهبي
 
صورة صلاتي سر سعادتي الرمزية
 
تاريخ التسجيل: Oct 2008
البلد: الـــــرس
المشاركات: 3,845
قوة التقييم: 0
صلاتي سر سعادتي is on a distinguished road
ما شاء الله تبارك الله
ربي يوفقه ويحسن له بالدنيا والاخرة
__________________
اللهم اغفر لوآلدي وارحمهمآ وأعفو عنهمآ ,
وأغسلهم بالماء والثلج والبرد ونقهم من الخطايا كما ينقىء الثوب
الأبيض من الدنس .
اَمين ..اَمين..أمين
صلاتي سر سعادتي غير متصل   الرد باقتباس
قديم(ـة) 14-06-2013, 05:38 PM   #4
عضو متواجد
 
تاريخ التسجيل: Jan 2013
المشاركات: 59
قوة التقييم: 0
ابوسعود2013 is on a distinguished road
ماشاء الله تبارك.الله
ابوسعود2013 غير متصل   الرد باقتباس
قديم(ـة) 14-06-2013, 05:51 PM   #5
عضو مبدع
 
تاريخ التسجيل: Jan 2012
المشاركات: 1,257
قوة التقييم: 0
اللهم صل على الحبيب is on a distinguished road
الله يوفقه هو وبناته
اللهم صل على الحبيب غير متصل   الرد باقتباس
قديم(ـة) 14-06-2013, 05:57 PM   #6
عضو ذهبي
 
تاريخ التسجيل: May 2011
المشاركات: 3,082
قوة التقييم: 0
fahadالبدراني is on a distinguished road
ماشاء الله تبارك الله
هذا اللي يدور صدق الستر ع بناته ويعجبك بتصرفه ولاننسى ان احد الصحابه رضوان الله عليهم خطب ل ابنته
واكثر مايعجبني اذا كان الزواج عائلي بعيداً عن البضخ والفشخره
وفق الله الجميع لمايحبه ويرضاه





سبحان الله وبحمده سبحان الله العظيم
fahadالبدراني غير متصل   الرد باقتباس
قديم(ـة) 14-06-2013, 06:17 PM   #7
مشرف المنتدى الرياضي
 
صورة قـــرحـش الرمزية
 
تاريخ التسجيل: Apr 2008
البلد: ..مطلع شمس !!
المشاركات: 5,255
قوة التقييم: 15
قـــرحـش will become famous soon enough
.. ماشاء الله عليه .. والله يكثر من أمثاله ..
.. طيب سؤال ياابوعلي باقي عندهـ بنات والا خلاص مالنا نصيب < وجه وآحد مستحي !
.. بالتوفيق للجميع والله يوفق ويسعد كل شبابنا وبناتنا ويرزقهم بحلاله عن حرامه ..
.. تحيتي ..
__________________
قـــرحـش غير متصل   الرد باقتباس
قديم(ـة) 14-06-2013, 06:30 PM   #8
 
تاريخ التسجيل: Jan 2013
المشاركات: 4,365
قوة التقييم: 0
ناصر بن علي العلولا is on a distinguished road
حسب علمي بالرجل
انه لا يوجد عنده احد الان
لكن ترى الناس الي يبون يسترون بناتهم اكثار
والله يرزقهم ويستر على بنات المسلمين
ناصر بن علي العلولا غير متصل   الرد باقتباس
قديم(ـة) 15-06-2013, 09:08 AM   #9
Banned
 
تاريخ التسجيل: Oct 2008
البلد: متأرجح مابين القاع والغيـــمـ
المشاركات: 12,457
قوة التقييم: 0
جداوي كول will become famous soon enough

,




اقتباس:
المشاركة الأساسية كتبها ناصر بن علي العلولا مشاهدة المشاركة
حسب علمي بالرجل
انه لا يوجد عنده احد الان
لكن ترى الناس الي يبون يسترون بناتهم اكثار
والله يرزقهم ويستر على بنات المسلمين
اللهـ يهديكـ ياشيخ ناصر
وانت ماحلالكـ تحكي هالقصهـ الا بعد ما راحن بناتهـ
تبينا نتحسر يعني


ونعمـ الرجــــــــل واللهـ
وكأني اشوف ابوي فيهـ
زوج 67
الاولى قبل 25 سنهـ
والاخيرهـ السنهـ اللي راحت
بــ 25 الف ريال
وكل ما زاد ردهـ
ولما نسألهـ ونقلهـ الاسعار الحين نار الـ 25 وش تسوي
يقول .. ماعندي وحدهـ أحسن من الثانيهـ .. مهرهن واحد









جداوي كول غير متصل   الرد باقتباس
قديم(ـة) 15-06-2013, 10:27 AM   #10
عضو مميز
 
تاريخ التسجيل: Feb 2013
المشاركات: 212
قوة التقييم: 0
غدورة is on a distinguished road
مدري به شئ زين وبه شئ شين
دكتاتوريه ازوج وأجدع بنتي بالسيارة
وذا جت زعلانه احبب برجله
أنا مع الستر والزواج المرتب
بس مو مع أن ما يكون لي سند بدنيتي
ابوي وإخواني. لجئت زعلانه يوقفون معاي
مو تبوس برأسه جعله '........
وعصرهم مو عصرنا لأنك بها لزمن ودك تعطي الرجل على .....
غدورة غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 12:30 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19