عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 21-07-2013, 11:09 PM   #1
عضو ذهبي
 
صورة غليص ولد رماح الرمزية
 
تاريخ التسجيل: Sep 2007
البلد: في بلاد الحرمين
المشاركات: 3,974
قوة التقييم: 0
غليص ولد رماح is on a distinguished road
Smile الشيخ القارئ : حمزة الدباسي واستخراج الجن هذا ماحصل أمامي يوم الجمعة في منزلة

(( السلام عليكم ))
رحت لعنيزة يوم الجمعة معزوم عند واحد وبعد ماخلصت الفطور وصليت التراويح استئذنت من الرجال ومشيت أبرجع للرس غيرت الطريق وضيعت شوي ومريت من عند بيت وأشوف زحمة سيارات والباب مفتوح حسيت فيه شي وكأني لمحت لوحة عند الباب قلت وش عندي أبرجع أبتأكد طلع شيخ يقرأ على الناس وأتذكر موضوع واحد اسمه رضاح انه صفقه الشيخ قلت أبنزل وأشوف وإن حصل أبيه يقرا علي دخلت ولقيت واحد ملتحي يستقبل الناس والاستفسارات قلت أبغى الشيخ يقرا علي قال استريح بالمجلس دخلت ولقيت تقريباً سبع أشخاص وقدام المجلس فيه غرفة اللي فيها الشيخ اللي يقرا وأسمع صراخ وصياح والشيخ يقرا صوته واضح بصراحة شي يخوف بعد ربع ساعة طلع الشيخ وطلع المريض وقال من اللي بعده المهم كل مادخل أحد عنده لازم يصيح ويصيرله شي والمشكله قبل شوي جالسين عندي بالمجلس مافيهم الا العافيه أنا أتكلم اللي كانوا عندي بالمجلس وبعد مادخلوا عنده واحد ورا الثاني حسيت كلهم تأثروا وأصوات تخوف المهم جاء دوري قلت الله يستر أنا وش جابني أخاف يطلع بي بلا المهم بعد ماطلعوا قالي ادخل دخلت ولقيت كنب وخمس كراسي ودخلوا معي مجموعه توهم جايين وسكر الباب حسيت إني تقل خايف وبنفس الوقت قلت أبشوف وش يصير المهم وقف بالنص يقرا علينا أنا قلت بيني وبين نفسي بس كذا بعد ماقرا بدقيقتين اللي جمبي على اليمين صرخ ولف وجهه وظهره يمين بقوه قلت الله يستر والشيخ مستمر بالقراية وشفت اللي يساري يفتح يده اليسار ويسكره وأحسه بدا ينزل شوي شوي وألتفت أشوفه واضح انه فيه شي قلت أفا والله جاك الموت ياغليص وبدا يرفس اللي يساري واللي على يميني يصيح ونطقت الجنية قلت والله البلشه أنا أحتري بس متى تطلع جنيتي وأنا طايرة عيوني من الهبله بعد ماخلص من القراية بدا من أول واحد يقرا عليه وينفث بصدره لحد ماوصل للي على يساري ويقرا عليه آيات ويمد يده بقوه قال الشيخ امسك يده وبدا ينغزه ويمسك أصابعه وبعد ماخلص جاء دوري ومسكني مع راسي ورجعه على ورا بقوه ويعطين ذيك التفلات حسيت انه فلقني ويمسكني مع بطني بأصابعه قسم بالله يابغيت أفطس من الضحك ما أحب الحركه هذي ويقرا علي آية السحر يده اليسار على راسي ومن قوة يده ماشاء الله صرت أشوف فوق من ظغط يده وأصابع يده اليمنى على بطني أنا احتري يصير لي شي وأعصابي مشدودة قلت أبفتح يدي وأسكر عشان أعرف إني طبيعي وماصار لي شي عاد هو شافني فتحت وسكرت يدي زاد بالظغط يحسبني تأثرت ويمسكني مع رجولي وصدري وأنا ماسك الضحكه يعني لو طول شوي كان انفجرت من الضحك عاد راح عند اللي باليمين هذا عاد طول معه لمين تكلمت جنيته والشيخ يهدده ويسأل وهي تقول وش تبي أنت أذلف عني طلعت قصمنجية تراك غثيتني وكل ماقرا آية السحر صرخ ويغوله الشيخ ويقول للجنية هذا سحر ولا عين يقول مدري الله يشفيه والله حالته مره صعبة والجنية عيت تطلع قال والله ما أخليك يالخبيثه أنتي ضعيفة والله لأطلعك وبعدين يسألنا واحد واحد وش عندك وش تحس فيه وبس .

مايستفاد من الموضوع :
1- أن الشيخ ماشاء الله عليه مؤثر وقراءته مؤثره
2- يعرف الشخص إذا عنده بلا
3- سألت واحد من عنيزة يقول معروف هذا الشيخ
4- أنصح بزيارتة
5- أدويته غالية
غليص ولد رماح غير متصل   الرد باقتباس

 
قديم(ـة) 21-07-2013, 11:36 PM   #2
عضو مبدع
 
تاريخ التسجيل: Nov 2008
المشاركات: 1,185
قوة التقييم: 0
عزك is on a distinguished road
ههههههههههههههه
صدق أهل الرس فيهم فضول
مافيك إلا العافيه (عساها تدوم) وتدخل عند شيخ
حسيت أنك صحفي
هههههه
__________________
عزك غير متصل   الرد باقتباس
قديم(ـة) 22-07-2013, 12:50 AM   #3
عضو بارز
 
تاريخ التسجيل: Jul 2006
المشاركات: 323
قوة التقييم: 0
ggg7891 is on a distinguished road
وش اسم الشيخ
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ggg7891 غير متصل   الرد باقتباس
قديم(ـة) 22-07-2013, 12:56 AM   #4
عضو ذهبي
 
تاريخ التسجيل: May 2011
المشاركات: 3,082
قوة التقييم: 0
fahadالبدراني is on a distinguished road
ههههههههههههههههه مافيك الا العافيه بس صراحه قريت موضوعك يخووف وخصوصاً اللي جلسوا يصارخوون
الله يعطيك العافيه
بس ممكن تدلنا ع الشيخ واسمه واذا فيه رقمه
fahadالبدراني غير متصل   الرد باقتباس
قديم(ـة) 22-07-2013, 03:09 AM   #5
عضو بارز
 
تاريخ التسجيل: Aug 2010
المشاركات: 314
قوة التقييم: 0
ألأطلسي is on a distinguished road
ماشاء الله عليك ياغليص
انا مصدقك وتسلم على الجرأة
بس انا اللي فطست من الضحك مو انت
صراحة كل سطر خطيته نكتة
نادر لما ادخل القسم العام القى الضحكة والوناسة
دائما امهاوش وتقطيع جلود
طرح جميل وقصة مؤثرة ومضحكة
شكرا لك ياغليص
ألأطلسي غير متصل   الرد باقتباس
قديم(ـة) 22-07-2013, 03:27 AM   #6
عضو ذهبي
 
صورة غليص ولد رماح الرمزية
 
تاريخ التسجيل: Sep 2007
البلد: في بلاد الحرمين
المشاركات: 3,974
قوة التقييم: 0
غليص ولد رماح is on a distinguished road
اقتباس:
المشاركة الأساسية كتبها عزك مشاهدة المشاركة
ههههههههههههههه
صدق أهل الرس فيهم فضول
مافيك إلا العافيه (عساها تدوم) وتدخل عند شيخ
حسيت أنك صحفي
هههههه
هو من ناحية فضول فهو فضول لأن فيه رجال ونساء داخلين وطالعين

أنا دخلت مشتهي أنضرب بس دغدغن الله يهديه
غليص ولد رماح غير متصل   الرد باقتباس
قديم(ـة) 22-07-2013, 03:29 AM   #7
عضو ذهبي
 
صورة غليص ولد رماح الرمزية
 
تاريخ التسجيل: Sep 2007
البلد: في بلاد الحرمين
المشاركات: 3,974
قوة التقييم: 0
غليص ولد رماح is on a distinguished road
اقتباس:
المشاركة الأساسية كتبها ggg7891 مشاهدة المشاركة
وش اسم الشيخ
اسمه حمزة الدباسي مكانه عند جوازات عنيزة
غليص ولد رماح غير متصل   الرد باقتباس
قديم(ـة) 22-07-2013, 03:40 AM   #8
عضو ذهبي
 
صورة غليص ولد رماح الرمزية
 
تاريخ التسجيل: Sep 2007
البلد: في بلاد الحرمين
المشاركات: 3,974
قوة التقييم: 0
غليص ولد رماح is on a distinguished road
اقتباس:
المشاركة الأساسية كتبها المظلوم الأول مشاهدة المشاركة
ههههههههههههههههه مافيك الا العافيه بس صراحه قريت موضوعك يخووف وخصوصاً اللي جلسوا يصارخوون
الله يعطيك العافيه
بس ممكن تدلنا ع الشيخ واسمه واذا فيه رقمه
والله بصراحة الشيخ هذا رائع ماشاء الله عليه قلبه قوي ومعطيه الله نشاط وجسم واللي به جني بيطلع من الهبله

رقمه موجود معي بس ممنوع أحطه بالمنتدى مكانه عند جوازات عنيزة أسأل أي واحد هناك عن الشيخ وهو يدلك لأنه معروف

وأحسن مافيه يسمع لك وصدره وسيع ويعطيك من وقته كثير بس هو الحين وقف عن القراءه باقي الأيام الجاية من رمضان لأنه يقول أبسافر مكه والوعد بعد العيد وأعتقد قال يوم السبت والأحد موعد القراءة في غير رمضان
غليص ولد رماح غير متصل   الرد باقتباس
قديم(ـة) 22-07-2013, 03:42 AM   #9
عضو ذهبي
 
تاريخ التسجيل: Apr 2010
البلد: الرس وه بس
المشاركات: 2,186
قوة التقييم: 0
كلير is on a distinguished road
الله من الرخيص عندك
كلير غير متصل   الرد باقتباس
قديم(ـة) 22-07-2013, 04:41 AM   #10
عضو ذهبي
 
صورة غليص ولد رماح الرمزية
 
تاريخ التسجيل: Sep 2007
البلد: في بلاد الحرمين
المشاركات: 3,974
قوة التقييم: 0
غليص ولد رماح is on a distinguished road
اقتباس:
المشاركة الأساسية كتبها ألأطلسي مشاهدة المشاركة
ماشاء الله عليك ياغليص
انا مصدقك وتسلم على الجرأة
بس انا اللي فطست من الضحك مو انت
صراحة كل سطر خطيته نكتة
نادر لما ادخل القسم العام القى الضحكة والوناسة
دائما امهاوش وتقطيع جلود
طرح جميل وقصة مؤثرة ومضحكة
شكرا لك ياغليص
والله هذا اللي صار مازدت شي من عندي وأنا ماكتبت الموضوع الا أبي الفائدة للجميع لأنه يستاهل الواحد يروح له والله هو الشافي

واللي يبي رقم الشيخ موجود عندي أرسله ع الخاص بعد إذن الإدارة

شرفتني بمرورك الجميل
غليص ولد رماح غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 11:08 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19