عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 15-08-2005, 02:03 AM   #1
عضو مميز
 
تاريخ التسجيل: Dec 2004
المشاركات: 238
قوة التقييم: 0
القبطان الحزين is on a distinguished road
مخالفات مرورية بالجوال,, جدا تطور === فقط بالرس

بسم الله الرحمن الرحيم

مساكم اللة بالخير واسعد الله صباحكم

ما ابي اطول عليكم وادخل بالموضوع مباشرة

من اربعة اشهر دق علي الجوال واذا به مرور الرس فقال لي ان عليك مخالفة مرورية بالسيارة الفلانية رقم اللوحة............. فقلت خيرا ان شاء الله انا خارج البلد وعند عودتي سوف اراجعكم

فاخذتني المشاغل والنسيان عن المراجعة وبعد اسبوعين تقريبا من هذه المكالمة اردت ان ابيع السيارة وعند ذهابنا الى المرور لنقل الملكية قالوا السيارة مطلوبة وعليها غرامة وحجز شهر
ونحن قد ابلغناك ولم تراجع فقلت اسدد المخالفة ودبلها بعد بس فكوني من الحجز انا بايع السيارة وهذا المشتري فلم يوافقوا فتكنسلت البيعة وسددت المخالفة وحجزت السيارة شهر مع اني لا اعلم هل هي صحيحة المخالفة ام لا لكثرة السيارات وكثرت سائقيها قلت ممكن معهم حق


وقبل شهر دق الجوال من الرس

انا :مرحبا
المتصل : السلام............
انا: وعليكم .........
المتصل:الاخ فلان الفلاني
انا : وصلت على خير من معي
المتصل : مرور الرس وعليك يا اخ ان تراجع الادارة
انا : خير ان شا الله بس وش العلم
المرور : عليك مخالفة مرورية
انا : وش السيارة <<<<<<<< ناوي يكفخ السواقين
المرور: السيارة........... رقم اللوحه ...........
انا:<<<< مستغرب +-/ سيارتي الشخصية
انا: وش المخالفة
المرور : قطع اشارة البريطاني يوم الخميس الساعة 1 ظهرا
انا : كم رقم اللوحة <<< ابتاكد ومستغرب يوم الخميس وقبلة باربع ايام ماني بالقصيم كلة وسيارتي معي
المرور:رقم اللوحة..........
انا: خير ان شالله بس الحين انا خارج البلد
المرور : ترجع بالسلامة والمراجعة باقرب وقت


يوم رجعت للرس رحت للمرور دخلت على الظابط حق قسم السير
قلت لة دقيتوا علي على شان موضوع كذا وكذا
قال الظابط نعم عليك مخالفة كذا وكذا يوم كذا بعد ان اخرج اوراقا من درجة
انا: يااخي ان مو موجود بالقصيم كلة بهذا اليوم وقبلة بايام
الظابط : عندك دليل
انا: نعم وعطيته الدليل
الظابط :يمكن انت منتب بالرس بس سيارتك بالرس عطني دليل ان السيارة مو بالرس
انا :هههه وشلون تبي دليل كل ديرة اروحلة اصدم بة والا وشلون الا ليش العسكري يوم شافني ما وقفني و عطاني مخالفة بوقتها
الظابط: ما تعلمنا شغلنا كيف يعني العسكري يكذب
انا : نعم يكذب ثم يكذب ثم يكذب وقمت اهرج والطلط وجبت الاول مع التالي
الظابط :اكتب معروض وقدمة
انا : طلعت القلم وقلت لة عطن ورقة
الظابط : ما عندي ورقة!!!!!!!!! شف الاسلوب
انا : قمت للمكتب اللي جنبة وطلبت ورقة وكتبت الموضوعين موضوع السيارة الاولة مع الثانيةوعطيته اياه
الظابط: ما كتبت ان العسكري يكذب ؟
انا : استغربت يعني ما قال اكتب معروض الا يوم قلت ان العسكري يكذب
الظابط: انت تقول العسكري يكذب
انا: اللي انا كاتب ما يكذيب العسكري بس يكذب القضية كله بما فيها العسكري وقسم العسكري ومدير العسكري
واخذة الطلط والطلط علية

المهم
الظابط : خلاص تحال المعاملة الى لجنة العقو بات
انا : وبعد ما تحال
الظابط : نشوف النتيجة ونعلمك وانا مدير اللجنة !!!!
انا : خير ان شا الله



طلعت من عندهم والا يومك مادقوا وكل ما رحت قال الظابط اللجنة ما اجتمعن

<<<<والله العظيم,والله العظيم, والله العظيم هذا ما حصل لي>>>>>>


يا ناس يا عرب وش اسوي اذا كنت اقاضي القاضي

لا احد يقول المسامح كريم
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
القبطان الحزين غير متصل  

 
قديم(ـة) 15-08-2005, 03:00 AM   #2
عضو بارز
 
تاريخ التسجيل: Aug 2005
البلد: ....
المشاركات: 633
قوة التقييم: 0
hmooode is on a distinguished road
اخوي حزين والله شي مضحك ...

حنا عندنا نظام ارعن الحقيقة وجدا سخيف.. يعني مع احترامي للمحترمين ,,
والله ياجماعه انا ابوي رجال كبير عمره بالسبعين وله مكانته بالديره اللي انا منها ,, جاا عنده واحد من الباديه وقاعد يسولف معه ومن ضمن السواليف يتكلم ابوي معه عن شهادة الزور وانه حرااام والى اخر الموضوع ... وش تتوقعون رد هالرجال على ابوي ,,,

قال , والله يابوعبدالله لو يجي واحد من جماااعتي ويطلبني اشهد معه ضد ربي لشهد معه .. الله اكبر ياجماعه .. شوفوا الجهل وكيف الضابط يقول العسكري مايكذب وش هالكلام ,,

وقصه ثانيه,,
جوا حماعه لم الوالد بالمزرعه ومعهم دكتور امام مسجد طبعا من نفس الفصيله اللي قبل شوي يطلبون من الوالد يوافق لهم على منحهم ارض بيحطونه مستوصف والارض مساحته حوالي 5000م المهم قالهم الوالد الارض كانت لنا والان فيها مشاكل ,,سالفه قديمه ناس جوا عندعمي الله يرحمه وهو على الفراش وقعوه على البيع ,,وطبعا الصك مازال باسم الوالد وعمي ولكن اصحابه الحاليين معهم الروقه حقت البيع .. الزبده مو وودي اطول عليكم قالهم الوالد انا ماقدر افرغلكم السالفه كذا وكذا ( اللي ذكرته لكم انا فوق ) قالوا مافيه مانع الصك مازال باسمكم ,, قال الوالد والله شي عجيب واذا كان كان باسمنا بس موهب ملكنما كيف افرغلكم ارجعوا لاحصاب الملك وسماهم واذا وافقوا ماعندي مانع واذا طلبوا مقابل انا مستعد بالشي المعقول ,, ويتكلم الشيخ حقهم .. ويقول يابوعبدالله بس الصك باسمك انت والمرحوم وانت قبيلنا ماعلينا منهم ذولاك .. واجيك انا وانفض ريشي قلتلهم بلا هبال الظاهر الوالد ماقصر معكم بس مابكم عبايه ,, ارجعوا لاصحاب الملك واذا وافقوا ابشروا بالخير .. ورجعوا لنفس الموضوع ,, قلتلهم خلاص اللي عندنا قلناه وانتهينا بس... عندكم شي ثاني ..

وانا اقول الله يستر بس من هالزمن والله انه يخوف والواحد الحين ماعنده مشكله يكذب بس يطلع من المشكله اللي هو طايحنبه ...

الله المستعان ..
صدق من قال الرجال بالمقابر .. الا قليل .

واسف على الاطاله .
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
hmooode غير متصل  
قديم(ـة) 15-08-2005, 05:23 AM   #3
عضو متواجد
 
تاريخ التسجيل: May 2005
المشاركات: 62
قوة التقييم: 0
nasser is on a distinguished road
أخي القبطان الحزين سالفتك مع المرور تصلح قصة لفلم مصري , ومع ذلك لابد أن نسمع وجهة نظر المرور العظيم قبل ما نحكم لك أو عليك , وأنا خابر إن فيه واحد في المنتدى حاط نفسه محامي للمرور عساه يرد علينا
nasser غير متصل  
قديم(ـة) 15-08-2005, 10:11 PM   #4
عضو مميز
 
تاريخ التسجيل: Dec 2004
المشاركات: 238
قوة التقييم: 0
القبطان الحزين is on a distinguished road
حمودي شكرا على مرورك



لكن وش رايك وش اسوي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
القبطان الحزين غير متصل  
قديم(ـة) 15-08-2005, 10:24 PM   #5
عضو مميز
 
تاريخ التسجيل: Dec 2004
المشاركات: 238
قوة التقييم: 0
القبطان الحزين is on a distinguished road
اخي ناصر

فلم مصري والا عراقي


وبعدين وش يقول اللي بيدافع عن المرور انها ما صارت او مش ممكن تصير بالمرور

انا اقولك صايرة معي ومن شهر ما لقيت اي تجاوب من المرور

ويوم المخالفة علي ما اخذوا الا يومين وهم جايين يركضون يدقون تعال ادفع المخالفة

يبون فلوس ياخي يطلبون فلوس بشكل مباشر مو يجرمون الناس بشي مو لهم


لكن مثل ما قلت فلم مصري ويضحك بعد





يا ناس يابشر وش اسوي





اليوم رحت لمهم قالوا الظابط باجازه ولا نسوي شي الين يجي يعني معقولة تتوقف المعاملات على رجل
واحد ما يكلف احد ينوب عنة باجازتة
والبشر مثلي واشكالي ينتظرون لين يجي حضرتة

والله لواني مراجع الديوان الملكي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
القبطان الحزين غير متصل  
قديم(ـة) 17-08-2005, 02:01 AM   #6
عضو مميز
 
تاريخ التسجيل: Apr 2005
المشاركات: 124
قوة التقييم: 0
المهدي is on a distinguished road
عطيك الف عافية ياخوي والله انها كلها سرقة
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
المهدي غير متصل  
قديم(ـة) 17-08-2005, 02:24 AM   #7
مشرف سوبر
 
تاريخ التسجيل: Aug 2004
البلد: المملكة العربية السعودية
المشاركات: 14,939
قوة التقييم: 30
abu naif has a spectacular aura aboutabu naif has a spectacular aura aboutabu naif has a spectacular aura about
اخوي القبطاااااااااان
تصدق قبل شهر دخلت المرور على شاااااان اجدد الرخصه
المهم استفسرت عن المخاالفااااااات قاااااااالو 550 رياااااال وقبل ترى بعد مسدد حوااااالي 600 يوم اجدد الجواز
المهم اشوف البرنت 750 يقول بعد التخفيض والله ماا اذكر منهم الا ثنتين وحده سرعه طريق القصيم وحده حزام اماااان
الباااقي والله ماااااني بذاااكرهن ولا اتصلواااااا فيني ولا شي ....وبعدين اقولك واحد من الزملا ء رقم بطاااقته في الرخصه فيهاا
خطاااااااء رقم واااحد ويحلف بالله خمس سنوااااااااات وانا انوااااااااع المخلفااااااات ولا سجلوااااا على ولا وحده <<<<< شكلهم علي انا .........
المهم ارجع واقولك طلعت من عندهم 750+625+100 تطويف
625 تامين ..... سألت النقيب او الملازم اول / الزرير عن افضل شركه للتامين قال عندنااا ثنتين
التاميناات و سمر اظن قااااااااال ... وحقيقه اشكره على حسن اخلاقه وتعااامله واحترااامه
المهم امنت عند التاااميناااات والله مدري يمكن يقفلووون بكره مثل الشركه الاوربيه
اللي اخذت فلووووووس النااااس وراااحت ....
وهذي قصه واااحد من زملائي صدم وااااحد وكاااااان مئمن على الاوربيه المهم جااء المرور
وقال انت الغلطااان ... زميلي قال انا معي تأمين الاوربيه قاااااااال الاوربيه روح دورهااااا
والغريب زميلي يقول يوم اروح للمرور واسم الاوربيه في اللسته ومعتمد .... طيب من اللي يحميه ؟
شكلي طوووووووووولت

تحيتي وتقديري
__________________
.
.
abu naif غير متصل  
قديم(ـة) 17-08-2005, 08:45 AM   #8
عضو نشط
 
تاريخ التسجيل: Dec 2004
المشاركات: 73
قوة التقييم: 0
prince charming is on a distinguished road
السلام عليكم


عندي سياره ضاعت اللوحه الخلفيه سويت إعلان عنها


وبعد شهر قلت ابي أطلع بدل فاقد لوحه رحت للمرور


قدمت على اللوحه قالي تعال بعدأسبوع جيته بعد أسبوع


قالوا من قالك بعد أسبوع هذي تطولت لازم نرسل للمصدر السياره


ويرسلولنا ملف عن السياره من حقهم طيب متى اجي قالوا بعد شهرين


جيتهم بعد شهرين مع بدايه الصيفيه قالوا موظف اللوحات إجازه


أنا مسغرب اذا كان الموظف إجازه مافي أحد ينووووب عنه


يتعطل اللوحات عشان حساب واحد طيب متى أجي قالوا بعد مايجي الموظف


متى يجي الموظف قالوا بعد شهر جيتهم بعدها بشهرين بشروا


قالوا موظف اللوحات مستاذن يومين <<<<<<<<والله حاله


وكل يوم موقفيني المرور والشرطه وين اللوحه اقولهم ضايعه


مايصدق على الله يسحب دفتر المخالفات تحكه يده يبي يسجل مخالفه


واوريه أعلان اللوحه يقول ماينفع مار عليه أسبوع طيب ماهو ذنبي ذني موظف



اللوحات مافيه تاخذ مخالفه يعني تاخذ ويعطيني مخالفه على اللوحه <<<<<والله شي يقهر



وبعد أسبوع رحت المرور أشواء لقيت موظف اللوحات قال لازم تسدد المخالفت الي عليك



كلها مخالفت اللوحه ثنتين مادري ثلاث واسددهن واجيه من بكره


قال تعال بعد يومين موظف التحصيل ماهو فيه والله هذا كلامه



وجيت بعد بيومين أشواء وخلصت من اللوحه


بس حبيت أذك هذا الموقف من مرور الرس


والله أشين موقف مر علي بالدوائر الحكوميه



والله على ما أقوله شهيد



الى متى والدوائر الحكوميه كذا


ولا اذا جيتهم ونفسهم فووووووووووق خشومهم


ياناس خافوا ربكم



اذا جيت الواحد نفسه فوووووق خشمه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
prince charming غير متصل  
قديم(ـة) 17-08-2005, 11:39 PM   #9
عضو مميز
 
تاريخ التسجيل: Dec 2004
المشاركات: 238
قوة التقييم: 0
القبطان الحزين is on a distinguished road
المهدي

abu naif

prince charming



شكرا على مروركم وتعليقكم

وانتم بصراح زدتوا الطين بله

احنا عارفين الفساد الاداري والمالي بالدوائر الحكومية وهذ مايخفى على احد

ومنهاادارة مرور ارس طبعا

بس هذولا موهب بس فساد الا يتبلون الناس بشرهم والمثل يقول <<لاخيرهم ولا كفاية شرهم>>



ولكن يبقى السؤال


مااااااااااااا العملللللللللللللللللللل
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
القبطان الحزين غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 03:22 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19