منتديات الرس اكس بي  

العودة   منتديات الرس اكس بي > منتديات الرس اكس بي > تاريخ الرس و الأدب و الشعر

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

إضافة رد
 
أدوات الموضوع انواع عرض الموضوع
قديم 31-05-2014, 05:44 PM   #1
2022
عضو
 
تاريخ التسجيل: Feb 2011
المشاركات: 4
معدل تقييم المستوى: 0
2022 is on a distinguished road
افتراضي البارحه ياعيال نومي تملمال

ابيات للشاعر الكبير / صنيتان بن نافع الصبيحي الحربي قالها بعد ما الم به المرض الذي على اثره كف بصره عام 1407 هـ اسأل الله ان يمده بالصحه والعافيه ويختم لنا وله بخير
:::::
[poem="type=1 bkcolor=#ccffff color=#333333 font="bold medium arial, helvetica, sans-serif""]البارحة ياعيال نومي تملمال = عيني جزت من نومها مستمله
من واهس في خاطري ضيق البال = الشوف داني والجسد فيه عله
مالي جدا كود التماني والامثال = واشكي على اللي كل عقد(ن) يحله
ومن قال انا عندي حيالات واحتال = في غير تدبير الولي ما حصله
ويالله ياللي من لجا فيك ماينال = ولا ياصله رمي النفوس المغله
اطلبك حسن العاقبه مع فضى البال = وبيت وسيع ومنزل مانمله
انا دخيلك يوم حضرات الاهوال = تجيرني عن كل عثرة وخله
ياللي تصوت بالحياء عقب الامحال = وفضلك وسيع وكل نفس بضله
ومتقوم بالقوت لدقاق واجلال = وكل بحكم الرب حقه يدله
يطعم ضعيفين الجهد مع هل المال = واهل الغياء واللي بعد خاضعن له
الخلق له حسبه وللرزق كيال = ومتبرع له بالدفاء والاضله
ياما عطى من واحد ماله عيال = ومن واحد ماله عيون تدله
ومن عيل ماعنده ام ولا مال = ورزقه يجيه من السماء مندبله
وسرو تحت صخره ومن فوقها جال = ويجيه قوته ماطلع من محله
ومن لا تعبر ضارب درب الاهمال = ويا ظنتي ماياجد العرف لله
ويغره الشيطان في طول الامهال = وابليس خطو الادمي يستغله
ومن ضيع الناموس والباس ياعيال = اليا غر من سلم العرب وش يدله
ومن يقتدي في سنة الرسل ما عال = كل المعاني دربهن واضح له
وترى الفتى ياناس يجزى بالاعمال = اليا بد كلن مابذر محضر له
الشين هو والزين يحفظ بمكيال = شينه عليه وطيبه صافي له
ولابد من يوم على تال الاجيال = كل رقيبه بالجزاء واقف له
تنشر صحايفكم عليكم بالاكمال = مافيه نقص ولا يجي فيه زله
احد ينزل منزل ماله امثال = واحد على وجهه جهنم تمله
ومن ركب المبنى على الجرف ينهال = ومن حط ساسه بالعزاء ما يخله
وما قل دل وباقي الهذر غربال = يجمع على الانسان من كل عله
واليا جاء الحساب وبطلة كل الاقوال = واهني من ربه على الحق دله
مار اشقثوا لله ترى الموت ختال = ماتاه غر والعمل مردفله
وصلوا على اللي مطلق له بالارسال = سيد الخلايق صفوة الخلق كله[/poem]

.

التعديل الأخير تم بواسطة خلف ; 02-06-2014 الساعة 09:55 AM
2022 غير متواجد حالياً   رد مع اقتباس
قديم 02-06-2014, 09:59 AM   #2
خلف
مشرف المنتدى الأدبي
 
تاريخ التسجيل: Dec 2005
الدولة: الرس
المشاركات: 2,137
معدل تقييم المستوى: 0
خلف is on a distinguished road
افتراضي

صح لسان الشاعر صنيتان الحربي

اسأل الله ان يمده بالصحه والعافيه ويختم لنا وله بخير

قصيدة تنبض بالحكمة



.
__________________
خلف غير متواجد حالياً   رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:45 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir