عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 05-09-2005, 07:14 AM   #1
عضو مميز
 
تاريخ التسجيل: Jun 2005
المشاركات: 136
قوة التقييم: 0
رساوي11 is on a distinguished road
Angry من هو الفاشل؟؟؟؟؟؟؟؟؟؟

من هو الفاشل ؟؟ 52-*
السلام عليكم و رحمة الله و بركاته ..



هلا و غلا جميع أخواني و أخوتي الأعزاء ..

لو سألنا شخص ما سؤال بسيط جداً و أعتقد أنه سهل ..

و قلنا له يالغالي شنو الفرق بين الإنسان الناجح و الإنسان الفاشل ؟؟؟

بيقول الفاشل فاشل ما يحتاج إجابة ,, و لو حاولت معه شوي و طلبت إجابة معقوله بيقولك الفاشل هو اللي عكس الناجح ,, و لو طلع الحبيب فيلسوف فيها بيقولك الشغلة تعتمد على النتائج و من خلالها يتضح مدى فشل أو نجاح
الشخص ..

لو تأملنا بالإجابات اللي فوق بنلقاها بالفعل إجابات صحيحة ،، لكن في نظري ان الفاشل هو اللي ما يحاول يتعلم من أخطاءه ,, يعني بمعنى آخر الناجح هو اللي يقدر يعتمد على نفسه في حياته .

في حاضرنا لو توهق الولد في دراسته شنو يسوي ؟؟

على طول يبه أبي مدرس ,, عاد الوالد يستغرب و يقول يا ابوك الرجاجيل مو احسن منك شد حيلك و تنجح ,, الولد هنا يزعل و يعمل لنا أزمه و تصير تدخلات من وزارة الداخليه و في النهاية يجي المدرس و يعطيه المختصر المفيد و ينجح الولد ...

لكن الولد شنو استفاد من الدراسه ,, ولا شيء ,, يعني من جميع الجهات خسران ,, لا هو اللي استفاد و لا حتى أهله راضين على مثل كذا نجاح ..

في الجامعة ,, يطلب الدكتور بحث على الطلاب ,, تلقاهم يتسابقون على المكتبة اللي بعد الدوار يسار ،، ليش ؟؟

عشان يعمل لهم بحث زي الناس و ياخذون الدرجة ,, طيب حاول يالغالي ،، يقولك ماني فاضي ارسب في المادة ,, زين الحين يمكن ترسب بس على الأقل تنجح و أنت تستاهل ،، و تتعلم أحسن من إنك تاخذ شهادة و ما تدري وش درست أصلاً ...

شرايكم هذول الشخصين اللي فوق نسميهم ناجحين و لا فاشلين ؟؟

أنتم أدرى ..

قبل فترة وجيزة إشتريت لي جهاز كمبيوتر ,, عاد أنا الا و أزعج الشباب و أنا كمبيوتري أحسن منكم و مدري ايش ,, لكن واحد منهم الله يهداه سألني قال وش المكونات اللي بجهازك ,, هنا طاح وجهي و قمت أغني ليت السلامه تنشري و أشتريها ..

بالنسبة لي لو تعطل شي بسيط في جهازي على أقرب مهندس ،، و يا ليتها شغله معقده ،، تلقاها جداً بسيطة بس مشكلتي ما أعرف ,, و المشكلة اللي أكبر منها إني ما حاولت أتعلم ,, لما تعرفت على أجانب ،، يعلم الله إن حتى العجوز عندهم تفهم بالكمبيوتر أحسن مني ،، مع إني مقابل الكمبيوتر 25 ساعة باليوم ,, لكن ما يوم قلت ليش ما أتعلم شوية شغلات مهمة و بسيطه بالكمبيوتر ..

في هذي أنا اللي أسمي نفسي مو أنتوا ,, أعتبر نفسي في هذي فاشل ..

كنت أقدر أسجل بدورة كمبيوتر و أتعلم الحاجات الأولية و البسيطة بس الكسل مرض الله يعافينا منه ...

مرة كنت جالس ألعب مع خويي بلاي ستيشن و مندمجين بقوة ,, إتصل خوينا و قال الحقوا علي العجلة نايمه و متوهق ,, جينا و لا ابو الشباب مبسط و المكيف على آخره و مشغل الفارس و يغني ،، زين ليش ما اشتغلت بالعجلة ،، قال والله شسوي ما أعرف ..

و ترى ما هي اول مره يبنشر العجل عنده بس ما حاول يتعلم من المكانيكي عشان ما يحتاج له مرة ثانية ..

مرة كان يضحك علينا مدرس بمعهد اللغة ,, زارنا في شقة الشباب و شاف سرير مكسورة خشبه منه و راعي السرير خلى فراشه بالأرض لين ما يجي النجار و يصلحه ,, المدرس يقول ليش ما نزتوا للشارع و خذيتوا خشبة و ركبتوها و خلاص ,, و القهر انه تحتنا محل حق أسره و يبيع قطع أخشاب ،، و آخر شي قال المدرس عشان كذا يسمونكم العالم الثالث و هو ميت ضحك و حنا مالنا وجه نشوفه ..

يعني طلعنا فاشلين ..



بس معه حق ترى ,, لأنه الشخص هناك تلقاه عنده خلفية بأمور كثيرة ،، يعرف يطبخ و يغسل و يصلح السيارة و يركب الكمبيوتر و يصلح الفيديو و يركب الأثاث و حتى و أنتم بكرامه يعرف يغير حفاظ الطفل ..

هذا مو المفروض نسميه فشل ؟؟؟

الشيء اللي يقهر ،، انه حنا لنا عين بعد ,, و نقول على الغرب ان عيالهم يخافون من ظلهم و انهم ما يعيشون لوحدهم ،، لكن للأسف ترى الولد منهم من يجي عمره 17 ياخذ له سكن لوحده و ما يشوف اهله الا بالشهرين مره ،، و مستحيل يطلب منهم شي ،، و عايش حياته طبيعي و يعرف كيف يتصرف و كيف يعيش ،، لأنه يتعلم ،، مو زينا كل شي جاهز ...

نابليون سألوه عن سبب تميز جنوده ..

قال لهم كنت أعالج ثلاث بثلاث ،، من قال لا أقدر قلت له حاول ،، و من قال لا أعرف قلت له تعلم ،، و من قال لا أستطيع قلت له جرب ..

الأمثلة كثيرة و يمكن أغلبها من تجارب عشتها أنا و من خلالها عرفت إن الناجح بس اللي يحاول يتعلم من أخطاءه ..

و لو قلنا ممن يتعلم الفاشل ؟؟؟

بالطبع راح نقول يتعلم من الناجح ليصبح مثله ..

هالمره اللي بيرد علينا هو أبو الفلسفة ..

سقراط سألوه من هو مثلك الأعلى ،، قال الناجح و الفاشل ،، قالوا غريبه كيف تتعلم من الفاشل ،، قال أتعلم إني أحرص أن لا أقع بمثل خطأه و الناجح أتعلم كيف صلح غلطته و نجح ..

أهم شيء الإنسان ما يفكر بالنتائج السريعة و اللي على المدى الطويل تتزايد سلبياتها ،، مو مشكله تخسر الحين ،، لأنك بكره راح تفوز ,, لكن الخطأ إنك تفوز الحين ،، و بكره تضرب لي أخماس بأسداس ..

على الطاير ..

* جميل أن الشخص يقيم نفسه و يعرف إنه فاشل قبل يسمعها من غيره , و الأجمل إنه يطور نفسه بنفسه و يصير ناجح .

*خصوصاً لو قالك حد الحين أنت فاشل ،، مستحيل تمنع نفسك إنك تكرهه ،، مع أنك تعرف إنك فاشل ،، لكن ما نحب نسمعها من الغير .

* حتى لو تحتاج للمساعدة فليس عيباً أن تستعين برأي من يفوقك خبرة لتطور من نفسك .

* في إعتقادي أنه من أهم أسباب تخلفنا عن العالم كله ،، إنه ما نعرف كيف نعتمد على نفسنا ،، و أيضاً ما نتعلم من أخطائنا .

* تسلم لي هالعيون اللي قرأت الموضوع كله .


منقوووووووووووووووووووووووووووووووووول
رساوي11 غير متصل  

 
قديم(ـة) 05-09-2005, 07:26 AM   #2
عضو نشط
 
تاريخ التسجيل: Sep 2005
البلد: الــــــــــــــــــرس/ الراجحيه
المشاركات: 89
قوة التقييم: 0
ريال مدريد is on a distinguished road
مشكور اخوي على نقلك...
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ريال مدريد غير متصل  
قديم(ـة) 05-09-2005, 11:31 AM   #3
عضو خبير
 
تاريخ التسجيل: Dec 2004
المشاركات: 5,258
قوة التقييم: 19
عالي مستواه is on a distinguished road
الله يعطيك العااااافيه اخوي رساوي 11


موضوع جيد واختيار رااااائع
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
عالي مستواه غير متصل  
قديم(ـة) 05-09-2005, 01:27 PM   #4
عضو متألق
 
تاريخ التسجيل: Apr 2004
المشاركات: 894
قوة التقييم: 0
البارق** is on a distinguished road

للأسف الغالبية منا عند أول تجربة خاطئة نعلن الفشل
علينا أن نحاول مراراً وتكراراً حتى ننجح
فكم من محاولات فاشلة توجت بالنجاح المذهل بعد ذلك

تحياتي
البارق** غير متصل  
قديم(ـة) 05-09-2005, 07:04 PM   #5
عضو مميز
 
تاريخ التسجيل: Jun 2005
المشاركات: 136
قوة التقييم: 0
رساوي11 is on a distinguished road
شكراااااا على مروركم أخواني
ريال مدريد
عالي مستواة
البارق
رساوي11 غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 02:03 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19