عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 07-09-2005, 03:45 PM   #1
Banned
 
تاريخ التسجيل: Sep 2005
المشاركات: 83
قوة التقييم: 0
غيرشكل is on a distinguished road
Lightbulb تبي تضحك وانت تشغل مخك إدخل برجلك اليمين

أبو صالح وأبو راشد
أبوصالح جالس مع أبو راشد بعد صلاة العصر.. يسولفون ويقطعون الوقت..
تنهد أبو صالح وقال: افكر في هالدين العظيم اللي طلع من مكة المكرمه وصل الى آخر الدنيا!!!
قال أبو راشد: إيه والله انك صادق يا أبو صالح.
قال أبو صالح: بس لا يهمونك دين اهل آسيا الوسطى وأوربا.. والله ما لهم من الإسلام الا اسمه!!
رد أبو راشد: والله انك صادق (بالعاميه) يا أبو صالح!
واضاف أبو صالح: ولا دين هالاشوام.. والله دينهم ماهوب اللي انت تبي يا أبو راشد!!!
فرد أبو راشد: والله انك صادق يا أبو صالح!!
قال أبو صالح: والا هالافارقه والمصاريه والسودانيين.. متصوفه مبتدعه.. ماهوب والله هم والاسلام ولايف!!!
قال أبو راشد: إيه والله يا أبو صالح انك صادق!!
قال أبو صالح: إن بغيت الاسلام في هالديره (السعوديه)
قال أبو راشد: إيه والله انك صادق يا بو صالح!!
فرد أبو صالح بتنهد: والله ماهوب دين كل اهل هالديره على اللي تبي يا أبو راشد!! أهل الجنوب اهل بدع وزيدية واسماعلييه مالهم من الدين إلا اسمه!!
قال بأو راشد: إيه والله انك صادق يا أبو صالح!!
واضاف أبوصالح: والا اهل الشرقية.. رفضة وشيعة والله.. ما خذوا من الإسلام إلا اسمه!! واهل الحجاز مبتدعة صوفية.. ماهوب والله اللي انت تبي يا أبو راشد!!
واضاف أبو راشد: إن بغيت الدين والله في نجد.. والباقين خلهم على يسراك (شمالك)!! والله انك صادق يا أبو صالح!!
أضاف أبو صالح: والله بعد ماهوب كل اهل نجد دينهم على اللي تبي!! أهل الرياض واللي حولها شرابين للتتن ويشوفون الدش.. والله مادري عن دينهم يا أبو راشد!!! لكن لا بغيت الاسلام تراه عندك بذيا.. بالقصيم!!!
رد أبو راشد وقال: والله انك صادق يا أبو صالح!!
فأضاف أبو صالح: والله ماهوب كل اهل القصيم دينهم على اللي انت تبي.. أهل( عنيزة والرس) واللي حولها يبيعون التتن ويلبسون كبك والدشوش مليانه بالسطوح!!! إن بغيت الدين والله تراه بذيا عندك.. ببريده!!
رد أبو راشد: والله انك صادق يا أبو صالح!!!
واضاف أبو صالح: والله ماهوب دين كل اهل بريده على اللي انت تبي!! طلعت هالاستراحات وما يندرى من اللي يشوف الدش ومن اللي ما يشوفه.. إن بغيت الدين كما أنزل ترى في حارتنا.. بذي!!
قال أبو راشد: والله انك صادق يا أبو صالح!!!
قال أبو صالح: والله بعد ماهوب كل اهل الحارة على اللي انت تبي.. أشوفهم يسحبون رجليهم للمسجد تقل انهم مغصوبين على الصلاة!! والله مابوه في الحارة الا انا وانت يا أبو راشد!!
رد أبو راشد: والله انك صادق يا أبو صالح!!
قال أبو صالح: إلا اشوفك مانتب تخشغ في الصلاة يا أبو راشد!!!!!

[CENTER]hbs999@hotmail.com
لاتسأل عن من هلك كيف هلك ولكن إسأل عن من نجى كيف نجى[/CENTER
:) ]
غيرشكل غير متصل  

 
قديم(ـة) 07-09-2005, 07:41 PM   #2
عضو بارز
 
تاريخ التسجيل: Jan 2005
البلد: غير مهم
المشاركات: 525
قوة التقييم: 0
قضي فكان is on a distinguished road
قصة جميلة ومعروفه بها فائدة وعبرة

حيث يجب على الأنسان أن لايحجر الخير في نفسه والا كانت النتيجة كما في القصة
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
قضي فكان غير متصل  
قديم(ـة) 08-09-2005, 12:16 AM   #3
عضو متواجد
 
تاريخ التسجيل: Sep 2005
المشاركات: 40
قوة التقييم: 0
عاشقة الحرية is an unknown quantity at this point
شكراً جزيلاً على هذه القصة اللطيفة ...
حقاً ..كثير من الناس يفكرون بهذه الطريقة ويظنون أنهم " يا أرض اتهدي ما عليك قدي " مع أنهم أقل من غيرهم بكثير ..
مثل ما يحدث لدينا من عدم تقبل "البعض" لأفكار المتدينين من جنسيات عربية أو غيرها .. و يقتصرون على المتدينين السعوديين و كأنهم شعب الله المختار ! ! !
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
عاشقة الحرية غير متصل  
قديم(ـة) 08-09-2005, 04:14 AM   #4
 
صورة فيصل العلي الرمزية
 
تاريخ التسجيل: Sep 2005
المشاركات: 28,894
قوة التقييم: 0
فيصل العلي will become famous soon enough
تصدقون عندنا جار مثل ابوصالح هذا

انتقاداته على الجيران كثيرة

وعياله أدشر ماخلق ربي
فيصل العلي غير متصل  
قديم(ـة) 09-09-2005, 10:23 AM   #5
Banned
 
تاريخ التسجيل: Sep 2005
المشاركات: 83
قوة التقييم: 0
غيرشكل is on a distinguished road
شكرا

لمروركم............ ودمتم سالمين
غيرشكل غير متصل  
قديم(ـة) 09-09-2005, 03:33 PM   #6
عضو متألق
 
تاريخ التسجيل: May 2005
البلد: اوطه فوق السطوح
المشاركات: 1,084
قوة التقييم: 0
..جينان.. is on a distinguished road
سبحان الله...أغلب الناس مايشوفون عيوب أنفسهم..
ويعتقدون أنهم منزهين عن الخطأ..
عموما..
أشكرك على هالموضوع
ولاتحرمنا جديدك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
..جينان.. غير متصل  
قديم(ـة) 09-09-2005, 05:44 PM   #7
عضو متواجد
 
تاريخ التسجيل: Sep 2005
المشاركات: 36
قوة التقييم: 0
العسل is on a distinguished road
السلام عليكم ورحمة الله وبركاته ....

اختي غير شكل ..

القصة اللي اوردتيها جميلة اعجبتني مررررررررررررررة

لكن لي ملا حظة بسيطة عليها وهي :




ماتشوفين طال عمرك انها نفسها قصتي اللي اوردتها تحت عنوان سالفة قديمة بس حلوة
قبل يومين بتاريخ 5-9-2005
وبلغ عدد المشاهدات 32
والمشاركات 4 من غير ردي انا
وهي موجودة حاليا في الصفحة الاولى من منتدى القصص
لكن السؤال المحير؟؟

اين المشرف غريب الدار
اين المشرفة قمر الرياض وقد مروا على مشاركتي

وهاهم يرونها متكررة من قبل عضوة اخرى

انتظر الاجابة عاجلا !!!!!!!!!!!

العسل
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
العسل غير متصل  
قديم(ـة) 09-09-2005, 08:00 PM   #8
Banned
 
تاريخ التسجيل: Sep 2005
المشاركات: 83
قوة التقييم: 0
غيرشكل is on a distinguished road
شكرا للجميع على مرورهم وتعليقهم والله
لا يحرمنا من جياتكم

إخوي (( العسل ))
أولا أنا مذكر ولست مؤنث مع جل إحترامي وحبي وتقديري و...و....و....و..... للجنس الناعم( المؤنث)
ثانيا وهو لا يقل أهميه عن الأول إنني والله لم أدخل أي منتدى آخر غير هذا المنتدى وكأني أدمنت عليه
مع جل شكري لك يا عسل
غيرشكل غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 02:10 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19