عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 14-09-2005, 03:25 PM   #1
Banned
 
تاريخ التسجيل: May 2005
المشاركات: 1,586
قوة التقييم: 0
afor12 is on a distinguished road
Angry شوفوا كيف تعاملت الخطوط السعودية مع هذا الشاب المشلول ؟؟ للاسف !!!!!!!

شوفوا كيف تعاملت الخطوط السعودية مع هذا الشاب المشلول ؟؟ للاسف !!!!!!!

السلام عليكم ورحمة الله وبركاته ..


يأناس احببت أن أذكر في موضوعي مشاهد ومعاناتي في رحلة سفري إلى جنوب المملكة لكي اقضي عطلتي الصيفية مع أقربائي وأذكركم أول معاناة لي وهي وصلني خبر من والدي إن السيارة الخاصة بي لازم إنها تنشحن قبل موعد سفري بأربع أيام تضايقت كثيرا لذلك لأني لا استطيع إنا اخرج لزملائي لمدة أربع أيام لكي أودعهم واقضي معهم أخر لحظات الوداع وهذه أول معاناة صدمتني وأوجعتني كثيرا ولكن سهل الله أن تمر تلك الايام بسرعة وبدون ملل فأنا من كلاامي هذا أناشد شركات النقل السيارات إذا علموا أن السيارة هذه سيارة معاق إن يمشونها من وقتهااا (ولهم طرقهم اذا ارادو) ولا يجلسون السيارة في الحوش لمدة أربع أيام بحجة انتظار مجموعة سيارات لكي تتجمع وينقلونها معا ..


واليكم ياخواني معاناتي الثانية وهي عند وصولي للمطار رفض المطار الدخول بكرسيي المتحرك للطائرة ومما اضطرني لشحن كرسيي المتحرك وتم إعطائي كرسي الله يرحم حاله إللي دواسات الرجول وحده موجودة والثاانيه الله يعينك خل رجلك تزحف بالأرض (على الأقل تنظف أرضية المطار) والحمد لله تمالكت نفسي ووضعت رجل فوق رجل مع أني لاأستطيع حراكها بس الله يعين قعدنا ماسكينها (قلت انا إن شاء الله كلها دقايق وتعلن الخطوط عن موعد اقلاعنا ..


الرحلة إلي كل شوي يعلن موظف الخطوط لقد تم تأخير الرحلة إلى التاسعة مساءا قلت لا إن شاء الله امكن حصل لخبطه وراح نمشي وحضرت الساعة 8.30 وقال موظف الخطوط وان مستانس إني برتاح بفك رجلي إلي وانا ماسكها وشوي قال لقد تم تأخير الرحلة إلى 11.30 ..

بلعتها وعلى هذه الحالة لين جت الساعه2.00 وأعلن موظف الخطوط تاسع مره واخيرااااااااااا قال على المسافرين رحله رقم ...... التوجه للبوابة ............

تصدقون ياناس من شدة الفرحة بغيت أقوم أمشي وجوك الناس زحمه على البوبات إنا بدخل قبل أنا عندي عائله انا أمي رأسها مصدع خلوها تدخل ترتاح والي يقول الخدامة رفضت تشتغل تعبت تطارد العيال بالأسياب حطوها درجه أولى عشان ترضى وأنا قاعد وسطهم ماقالوا خلو اللي على الكرسي يخش وفجأة جاني موظف الخطوط جزاه الله خير وقال لحظه تفضل عاد انا استانست وأتفاجأ يوم وصلت لبوابة الطيارة قال الموظف خلك أخر واحد قلت ليه قال عشان ماتسبب زحمه قلت حاضرين بس أهم شي إن الرحلة ما تتأخر والحمد لله خلصوا الناس وجابوا لي كرسي صغيرررررررررررررر قالوا لي انقز عليه عشان ندخلك بين سيب الطياره بس والله ماقصروا الهنود إذا طحت من اليمين مسكوني وإذا طحت من اليسار مسكوني لأن الكرسي ما فيه تكايات جانبيه الين وصلنا الكرسي المطلوب وشلوني بيديني ورجولي وجلسوني اخيرا في مقعدي وانا مقفلة معي من الحالة ذي ..

فأنا أناشد الخطوط السعودية بتوفير أماكن للمعاقين أحسن من الشل والحط ويسهلون علينا والله حاله ..

واليكم يا أخواني معاناتي الثالثة وصلت المطار وكان الجو ممطر ذاك الوقت ونفس الطريقة شلوني على كرسي ويالله لين وصلت للكرسي حق المطار واذ بي اتفاجأ كرسي مافيه دواسة رجلين تحت قلت للعامل الي جابه وش هذا قال هذا أحسن كرسي احمد ربك انه جاك ونزلونا عن طريق الرفاعه ذي لساحة المطار ورجولي وأنت بكرامه تسحب بلللأرض ومطر يعني نصفي السفلي قلب الثوب من ابيض إلى بني مائل لسواد وعلى هالحاله لين وصلت صالة القدوم وحصلت خالي هناك ورحت للبيت هناك وانا زعلاان مره والحمد لله وصلت السيارة اليوم الثاني ومضت الاجازه وجينا بنرجع كانت الرجعة أحسن ترتيب (من كثر مادعيت ربك يفرجها) على العموم وصلنا المطار حق الجنوب وعطوني كرسي وكاله والرحلة مشت في موعدها بس أعجبني شي في المطار وهو أنهم مشو المعاقين قبل وتعرفون شلوني من الكرسي حقهم لاان طبعا كرسيي مشى نفس ألطريقه بالشحن وحطوني على الكرسي الصغير الي أمكن الطفل الي عمره 8 شهور ما يمديه يجلس عليه والحمد لله أقلعت الرحلة نفس الوقت وصلنا مطار الدمام وطبعا نفس الخطوات الي قبل والحمد لله وصلت بيتنا ولااتنسون شي قعدت انتظر السيارة يومين لين تحي تاخرو مع إني معطيهم قبل لااسافر بأسبوع بس قعدت 7 أيام
فيا ناس إنا ذكرت الموضوع هذا لكل من يهمه الأمر ويقدر مانعانيه من مرمطه من شركات الطيران والنقل


انااااااااااااااا لله وإنا إليه راجعون
afor12 غير متصل  

 
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 08:11 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19