LinkBack أدوات الموضوع انواع عرض الموضوع
قديم 05-03-2016, 07:59 AM   رقم المشاركة : 1
معلومات العضو
 

إحصائية العضو







افتراضي ما صارت الاشكال مقياس الاحرار

ما صارت الاشكال مقياس الاحرار
عمر الفتى ما يرتقي بالنظيره

ترا السراير للمفاليح مخبار
الله يرا ابن ادم بفعل السريره

مقياسها بادروب الافعال الاندار
وارفاية الاصحاب وقت العسيره

ما ينفع المقرود تزييف الاخبار
وما يرفع المكروه طيب العشيره

ما يدرك الطولات تباع الاشرار
يمناه في كسب المراجل قصيره

الطيب يبغا حامل المسك صبار
ما هوب مثل اللي على الثوب كيره

منهو يطق بخالي الجو مسمار
والا الشواطي بالمباني يديره

هذا محال ولا حكت فيه الاقطار
مثل الجمل بالقيظ طافي هديره

مثله كذلك مفلس الطيب هذار
يمدح مقامه دون عرف وبصيره

مثل الطوير اللي للاخشاب نقار
والا كما ثلوم الشفار الطريره

ما فيه دين ولا توقا عن النار
عسا السلامه ما نتيه بمسيره

سريت باحساسي مع دروب الاقفار
وابديت من بالي بيوتن كثيره

دليت اطورق بالمباعيد الاشعار
واميح من فكري كما دلاي بيره

لقيت دوحه طولها خمسة امتار
ما حولها بافسوح الاقفار ديره

ما داج فيها من المخاليق ديار
ريانتن عقب المطر مستنيره

تكيت فيها ما تولاها منشار
مهزوعة الاغصان ينسم عبيره

شبيت نار ولا تكلفت الاسفار
موقدها الارطا من طعوسن مطيره

يمكن يجيني صحبتن من هل الكار
سنايعن نسل الوجيه السفيره

افرح بهم فرحة شواوي بالامطار
والا كما الزارع ملا السيل حيره

ما همني فيهم تسانين الاعمار
طيب الفتى يوزن بحسن البريره

وسلامتكم

يوسف عبد الله الخليفة - الرس



















التوقيع


عضو لجنة شباب الاعمال بالغرفة التجارية بالرس
رد مع اقتباس
قديم 24-03-2016, 10:02 PM   رقم المشاركة : 2
معلومات العضو
جرح الزمن
مشرف المنتدى العام
 
الصورة الرمزية جرح الزمن
 
 

إحصائية العضو








افتراضي


صح لسان قايلها وسلمت يمين ناقلها
يعطيك الف عاااافية على النقل الرااائع
تحيااااتي


















التوقيع


‏كَمّ تكُـــونّ آلحَيــــآة قَــآتِلـــة حِـــــينَ يغيــــبُ فِيهَـــآ شَخّصـــاً
تـــعَـــودتّ عَلى وَجُـــــودهـ بكــلّ لَحظَــــة
رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 04:55 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8