LinkBack أدوات الموضوع انواع عرض الموضوع
قديم 13-04-2016, 03:09 PM   رقم المشاركة : 1
معلومات العضو
ملك العلوم
عضو اسطوري
 
الصورة الرمزية ملك العلوم
 
 

إحصائية العضو








افتراضي لولا البكاء ؟ فديتك ❤❤

دام العيون اللي ااهملت تشفي القليل من الغليل
الله يبارك بالعيون اللي ليا ضقت اهملت



دمعة قهر تثبت لي ان اللي يحبوني قليل
ولاضحكه بوجيه ناس لا تضايقت انكلت



البارحه يوم الهموم تحط بالصدر وتشيل
والشاهد الله ماحبست بمحجري دمع وفلت



الدمعه اللي ماتهز صدور ربعي لاتسيل
اكنها مثل الجمر ولايقولون انزلت



اللي وهو مافزلي كنه محملني جميل
اجيه برجولي عشان اشكي له الحال ؟اكملت



ماكل من شافك قوي يفرح ليا جيته ذليل
الناس لا من حست بضعف الشجاع استنذلت





بعيونهم ببقى مثل ماللهبوب من النخيل
على كثر ماضامها صفق اللواهيب اعتلت



وشلون احس ان العذاب اللي على متني ثقيل
وانا ادري ان اللي تصبرني على الحزن وصلت



معشوقتي لاضاق صدري من ليالي الحزن ليل
ياكثر ماشربت معي من علقم الحزن وكلت



معشوقتي ما للفرح برجوعها يمي سبيل
الا مثل ما للربيع من الزهور ليا ذبلت



معشوقتي من عمر جيل ومدرسة مليون جيل
معشوقتي ورث السنين اللي تجلت وانجلت



اللي على كثرالمصايب كل مافيها جميل
الناس لا كبرت تشين وذيك لاكبرت حلْت



لامن تثنت للهبوب تميّل اللي ما يميل
وان مالت عقول الخفاف من الرياجيل اثقلت



كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت



تقبل على لون المسا لاجات مفتوله جديل
غصبن عن عيون النسا مايرمشن اليا قبلت



عشقتها لاني من اللي يعشقون المستحيل
صدقتها لانها لي قالت القول : افعلت



الترفه اللي تنطح الفريس وتفك الدخيل
ما الرجال اللي تحملني مثل ما استحملت



لو كل خلق الله ملوا ما تمل وما تميل
لان الرجال بهالزمن قلو وهذيك استرجلت



ان كان وقفتهم معي من باب مايخدم بخيل !!
هذيك ماهيب وقفت جنبي هذيك تبهذلت



خانوا وهي ماهونت عالوا وعيت لاتعيل
تبدلت كل الوجوه وذيك ماتبدلت



لانه ليا عز الرجا ماللخليل الا الخليل
ماقد قرت في محجري قصة عن الحزن وسلت



كل الذي يجري معي يجري مع الطرف الكحيل
اليا رضيت ترضى عشاني وان تزعلت زعلت



تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت



معها عرفت اني قوي حتى وانا مافي حيل
واعدها بمية خوي كان الهموم استفحلت



دام الشدايد تكشف بـ صاحبك معدنه الاصيل
ليت السنين اللي حدتني على الضياع استعجلت



الشدخ اللي تثبت ان اللي يحبوني قليل
ولا ضحكه بوجيه ناس لي تضايقت وانكلت



بنت اليا طحت تشيلك من القاع شيل
ابرك من وجيه الرجال اللي ليا طحت جفلت



















التوقيع

رحلت عن الدنيا ولم ترحل من قلبي

رد مع اقتباس
قديم 12-06-2016, 12:32 PM   رقم المشاركة : 2
معلومات العضو
مون مون
عضو نشط
 

إحصائية العضو







افتراضي

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

رد مع اقتباس
قديم 13-06-2016, 02:22 AM   رقم المشاركة : 3
معلومات العضو
يزن الخليفه
عضو متواجد
 

إحصائية العضو







افتراضي

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

رد مع اقتباس
قديم 14-06-2016, 11:46 PM   رقم المشاركة : 4
معلومات العضو
سوكراَ
عضو متواجد
 

إحصائية العضو







افتراضي

تسلمم هاليمين
ماننحرم "

رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 04:58 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8