LinkBack أدوات الموضوع انواع عرض الموضوع
قديم 30-12-2016, 03:14 PM   رقم المشاركة : 1
معلومات العضو
ام مصعب
عضو خبير
 

إحصائية العضو







افتراضي ابيات .جرت مجرى المثل

أبيات أصبحت مضرب للأمثال وخلدها المؤرخون لجمالها وقوتها الشعريه رغم قصرها :-

مسلط بن شعيفان ابو اثنين السبيعي:

قالوا هبيل وجايزلي هبالي
اهبال طيب ولا صحاوة رخامه.!

محمد الحداري :

من قال بالناس قالوا به
ومن عال تأتيه عيالي

تركي بن حميد :

واخير منها ركعتينن بالاسحار
لا طاب نوم اللي حياته خساره

عبد الله بن رشيد :

مايستشك يا حسين كود الرديين
و إلا ترى الطيب وسيع بطانه

عبيد بن رشيد :

اضرب على الكايد إليا صرت بحلان
عند الولي وصل الرشا و انقطاعه


ابن سجوان :

يمنى بلا يسرى تراها ضعيفه
و رجل بلا ربع على الغبن صبار


خضير الصعيليك :

الله يعدلها عن الضلع و الميل
و إلا يميلها على الناس مره


عبد الله بن لويحان التميمي:

الحنظله لو هي على شاطي النيل
زادت مرارتها القديمة مراره

مريبد العدواني :

النوم ساس اللوم بان الردى به
و اللي يبي الطولات نومه شلافيح


شالح بن هدلان :

من حل دار الناس حلوا دياره
لا بد ما تسكن دياره و يغبن

حجرف الذويبي :

يرزقني رزاق الحيايا بجحرها
لا خايلت برق ولا هي بحايله

راكان بن حثلين :

ما قل دل و زبدة الهرج نيشان
و الهرج يكفي صامله عن كثيره


محمد الحداري :

ولابد ما تقضي ليالي الحياتي
امرض وأطيب .. وعقبه أمرض ولا أطيب


هواش الحربي

اشهدشهادة حق مدح الردي عيب
مثل الصلاة اللي على غير قبله

مفضي الشمري :

الطيب لو هو من أبعد الناس ينفعك
يصير لك عند اللوازم سنادي
و إلا الردي لو هو من الأدنين يقطعك
يعل وجهه للفنا و السوادي


طلال بن رشيد :

لو حسب للسوس زراع القصب
ما زرعنا ي العصافير الشعير

جديع بن هذال :

ترى لذة الدنيا معاميل و فراش
و صينية يركض بها العبد مسعود


بركات الشريف :

رافق أصيل فى زمانك يشاكيك
لا شاف خملاتك عن الناس غطاك


محمد بن هادي بن قرمله :

الرزق عند الله والحظ توفيق
والعمر يفنى والليالي تدومي


راكان بن حثلين :

يا ما حلا الفنجال مع سيحة البال
في مجلس ما به نفوس ثقيله

بركات الشريف :

م أخطاك ما صابك و لو كان راميك
و اللي مصيبك لو تتقيت ما أخطاك

الأمير / عبيد العلي الرشيد :

ربعي لقوا بي عقب شيبي عذاريب
قالوا على ساقة خويه يحامي
قلت إن هذا من قديم بنا عيب
مستارثينه من خوال و عمامي


الجرباء :

الحر لا صكت عليه المغاليب
مجبور عن دار المذله ينزي


مقحم النجدي :

أحد على جاره بختري و نوار
و أحد على جاره صفاة محيفه
الجار لا بده مقفي عن الجار
و كل بجيرانه يعد الوصيفه

نديم المجره :

قولوا لرعيان الغنم لاينامون
اشوف بالمرعى مواطي ذيابه

زامل الحميدي السبيعي:

الصبر مفتاح الفرج خابرينه
لكن مفتاح الصبر وين نلقاه.!!


















التوقيع

لاتكن لينا فتعصر .... ولا يابساً فتكسر
رد مع اقتباس
قديم 01-01-2017, 09:02 AM   رقم المشاركة : 2
معلومات العضو
خلف
مشرف المنتدى الأدبي
 

إحصائية العضو








افتراضي

اختيار موفق
شكرا ام مصعب



.



















التوقيع

رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 04:57 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8