LinkBack أدوات الموضوع انواع عرض الموضوع
قديم 15-11-2005, 10:21 AM   رقم المشاركة : 1
معلومات العضو
ahmad2692
عضو نشط
 

إحصائية العضو







افتراضي المراجع سعودي والموظف بنجالي (يوجد صور)

أنا كنت اسمع عن تردي مستوى أداء الدوائر الحكومية بالرس ولكن كنت أقول أكيد إن بعض الدوائر مبالغ في ذمها مثل إدارة الأحوال المدنية بالرس واليوم عندي مراجعة بالأحوال لاستخراج شهادة ميلاد وهذا اللي صار





الثلاثاء 13/10/1426 الساعة 7.30 صباحا البوابة الرئيسية الغربية مفتوحة دخلت بسيارتي ودخل معي عسكري على طول راح لغرفة خارجية بالجهة الشمالية الشرقية وأنا رحت لبوابة الإدارة اللي بالجهة الشمالية وفتح الباب موظف وجلس على مكتب كنه من مكاتب اللي عند جوازات بريدة اللي يعبون الاستمارات وأول موظفين يدخلون اثنين بنجالية عمال نظافة ماقصرو على طول آخذو مفتاح مكتب المدير ودخلوا ينظفون وطبعا وبدون أدنى شك المكتب فيه أوراق ومستندات رسمية مهمة والأكيد وانتم عارفين أن البنجالية محترمين وأمينين جدا جدا (والله لو كان العمال سعوديين أن يصدر أمر من المدير نفسه بعدم دخول المكتب حتى يحضر هو بنفسه)

المهم وسألت الموظف متى يجون الموظفين قال بالطريق 000

الساعة 7.45 بداء الموظفين يتوافدون ويوقعون ولكن اتضح أنهم يطلعون خارج الإدارة وبعضهم يوقف السيارة عند الباب وهي تشتغل ويوقع ويركب السيارة ويروح قلت وش السالفة قال الموظف ماهنا دوام هالوقت حتى عندنا ضغط الدوام بعد عشر اغلب المراجعين يدخلون الرس وعلى طول لسوق الغنم اللي يبيع واللي يشتري وإذا خلصو ينكبون مرة واحدة أنا طبعا عندي حب استطلاع وقلت أبي أشوف هاللي يوقعون ويطلعون على رجليهم وين يروحون اتضح أن العسكري حاط مجلس قهوة وشاهي وسوالف وشوي ويجي شايب موظف ويوقع وينادي على البنجالي ويعطيه مفتاح قال تنظيف صديق ويعطينا ظهره لمجلس العسكري كان معي مراجع ثاني مصري 000

وبعدين قلت لواحد من الموظفين وهو يوقع ويبي يلحق على القهوة والله ماني مسكت على هالكلام قال ياخي وش تبي قبل خمس أشهر جاء موظف من هيئة الرقابة ونفس طريقتك وكتب محاضر وتكلم مع المدير قلت وتعدلت الأمور شهر ورجعتو على موالكم قال لا والله طريقتنا هي هي والمدير مايداوم الا الساعة 9 قلت ممتاز المحافظة لها دور قال ماتدري إن فيه أحوال إلا عن طريق المخاطبات ويمكن لو تسأله وين المحافظة مايدري وين موقعها 000

المهم مع كل هذا الانتظار والمهازل اللي تصير ويدخل اللي بعده ويوقع قال والله ماكنت أبي أداوم00 ولقافة منى قلت ليش وأنا ماعرفه قال ياخي الجو ماهو جو دوام قلت إيه اقول ليش تستغيثون علشان ماتداومون وجلس يضحك يفتكر إني جالس انكت مايدري إني جالس على نار 000

وأخيرا 8.20 يحضر موظف القسم اللي نبي أنا والمصري وامسك فيه عند دفتر التوقيع قبل مايطلع للمكتب الشتوي (مجلس العسكري) ونعطيه أوراقنا وماقصر خلص موضوعنا والمكاتب خالية حتى إعداد هذه الأسطر سوء من عمال النظافة الذين يسرحون ويمرحون داخل سجلات المواطنين وهذه بعض الصور تبين دخول العمال لمكتب المدير 00الارشيف بدون موظفين00ممرات خالية00موظف القسم يراجع طلباتنا عند دفتر الحضور 00وصورة للموظف المخلص أبو ريس 40 سنه خدمة أول واحد يحضر وأخر واحد ينصرف

http://n9com.com/n9/11-13-2005/Image(017).psd.jpg
http://n9com.com/n9/11-13-2005/Image(016).psd.jpg
http://n9com.com/n9/11-13-2005/Image(018).psd.jpg

باقي الصور بعد ساعة راح اضيفهم

(( باقي الصور تمت اضافتهم بالصفحة الثانية وهذا اقتباس لهم ))



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر تعديل ahmad2692 يوم 16-11-2005 في 04:55 PM.
قديم 15-11-2005, 06:46 PM   رقم المشاركة : 2
معلومات العضو
سيف الرعد
مشرف المنتدى العام
عضو مجلس الإدارة
 
الصورة الرمزية سيف الرعد
 
 

إحصائية العضو








افتراضي

ياليل يا عين
صوره
مع التحيه
لكل مخلص

شكرا لك



















التوقيع



(خليفة الخليفة)
تسرني متابعتك تويتر وسناب شات وانستقرام
khalifam2@
قديم 15-11-2005, 06:51 PM   رقم المشاركة : 3
معلومات العضو
ahmad2692
عضو نشط
 

إحصائية العضو







افتراضي

شكرا على مرورك سيف الرعد



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 15-11-2005, 09:01 PM   رقم المشاركة : 4
معلومات العضو
الناظم
عضو غير مشارك
 

إحصائية العضو








افتراضي

الله يعظم اجركم ان شاء الله
هذا اللي اقول



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 16-11-2005, 04:26 AM   رقم المشاركة : 5
معلومات العضو
رياضي رساوي
عضو متواجد
 

إحصائية العضو







افتراضي

بصراحه اخوي أحمد انت الغلطان احد يروح الساعه سبعه ونصف!!!!!وبعدين نصيحتي لكل المراجعين للدوائر الحكوميه تجنب الحظور بالأوقات التاليه : 1/بدية الدوام (النفس شينه) 2/بعد ساعه من بداية الدوام (فطور) 3/من الساعه عشر حتى اثنعش(تداول اسهم)خلهم يسترزقون......4/خروج المدارس(كلن بيجيب عياله)............بعد الواحده ظهرا يبدأ الجوع والطفش والتململ........فأختر ياعزيزي احمد الوقت المناسب مما ذكر أعلاه ولا تخف فستجد من هم على شاكلة ابو ريس ولكن مااقلهم.........وسلم لي على دوام الساعه تسع!!!!!!!

قديم 16-11-2005, 09:34 AM   رقم المشاركة : 6
معلومات العضو
ahmad2692
عضو نشط
 

إحصائية العضو







افتراضي

ويعظم اجرك يالناظم



رياضي رساوي

اشكرك بعنف وشراسة اصلا انا لو دريت بالخطة التفصيلية اللي ذكرتها انت للدوام مااحرقت اعصابي كان خليت مراجعتي في رمضان بعد ساعة من الدوام 0000000000

ويصير اي مراجعة من السنة للسنة

لكن والله فكرت اعطي اوراقي لبنجالي عندي يمسح السيارة اخليه يوصلهن للموظفين البنجاليه اللي هناك هم اللي ماعندهم وقت للفطور او للمدارس او او 000



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 16-11-2005, 11:59 AM   رقم المشاركة : 7
معلومات العضو
غريب الدار
عضو مجلس إدارة سابق
 
الصورة الرمزية غريب الدار
 
 

إحصائية العضو








افتراضي

الصور ماطلعن عندي !!!



















التوقيع

غريب الدار
Instagram & Twitter: A_Karim_M
قديم 16-11-2005, 01:09 PM   رقم المشاركة : 8
معلومات العضو
اهم100
عضو متألق
 

إحصائية العضو







افتراضي

بسم الله.
الله يعين المراجعين دام الموظفين كذا وين الأدارة ........وين المحافظة من الزيارات المفاجاة على الدوائر الحكومية.............. وين الوزارة من الموضوع ............ وين الخوف من الله في تادية الواجب ............
أخوي (((ahmad2692))) طالبك أنك تقول تم .....................
والطلب هو أنك توصل الرسالة إلى الوزارة وإذا بغيت شاهد أنا موجود بالخدمة
و خل(((((((((((((((( الــبـــهــــم ))))))))))))))))))) هذولا الي مايخفون من الله على الأقل يخافون من الوزارة
(((((((((((والوزير الأمير نايف مايقصر إذا وصلتة السالفة )))))))))))
وشكراً .

قديم 16-11-2005, 02:28 PM   رقم المشاركة : 9
معلومات العضو
المفرق
عضو مميز
 

إحصائية العضو







افتراضي

كلامك في محله وشكرا علي هذا البحث



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 16-11-2005, 02:58 PM   رقم المشاركة : 10
معلومات العضو
ابو عواهين
عضو متواجد
 

إحصائية العضو








افتراضي

معليش اخوي

مع احترامي لك مو مصدق هالسالفة لأشياء كثيرة

معرفتي بعدد كبير من موظفي الأحوال

وكلامك متناقض بالمرة

وحلو إن الموظف يعلمك عن الطلبات في أي مكان تقابله بالدائرة الحكومية

يعني لو سألته وقال لك تعال معي للمكتب أقول لك ثم رحت تمشي وراه لحد ما وصلك المكتب وجلس على كرسيه

وقعد يعدد عليك الطلبات أيهم أحسن الطريقة هذي وإلاإنه يقول لك على طول وإنت في مكانك

((( صدق رضاء الناس غاية لا تدرك )))

بعدين اخوي الصور اللي انت منزلهم ما تدل على شيء معين

وعمال النظافة مهمتهم تنظيف المكاتب ( معروووفة عند الكل ) يعني ماجبت جديد

وما أعتقد إن مدير الإدارة بيخلي أشياء مهمة على مكتبه ويطلع خاصة وإحنا نعرف إن الأحوال لها انظمتها الحساسة المتعلقة بالجنسية

عموما لي عودة للموضوع بس إمهلني لحد ما أتأكد من السالفة وسالفتك معهم

مع إنك أنت أدنت نفسك بنفسك يوم قلت إن الموظف بنجالي والمراجع سعودي ثم رجعت تقول جاء الموظف السعودي وخلص معاملتك على طول

حتى وهو مخلص معاملتك ما سلم منك صدق ناس فاضية ومالها هم إلا البلبلة

شكرا


((((( ملاحظة ))))))

يبدو أن كل من وافقك الراي ينطبق عليهم المثل اللي يقول مع الخيل ياشقرا (( مع احترامي لهم )) فهم حكموا على الموضوع من خلال زاوية وحدة (( اللي هو كلامك فقط )) وهذا هو الخطأ

لالالالالالالالالالالا تنسى أتمنى نشوف باقي الصور ولي رجعة للموضوع بس لما أشووف الموضوع من بعض موظفي الإدارة

لأني حتى لو أكتب وأنا ما أشوف إلا وجهة نظرك أعتقد إني بكون ظالم للطرف الآخر عشان ماسمعت رأيهم بالسالفة


وشكراااا



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر تعديل ابو عواهين يوم 16-11-2005 في 03:00 PM.


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 07:49 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8