عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 26-12-2005, 09:00 PM   #1
عضو مبدع
 
صورة عيون رساوية الرمزية
 
تاريخ التسجيل: Dec 2005
المشاركات: 1,426
قوة التقييم: 0
عيون رساوية is on a distinguished road
مهوب فخر لي لاقالو انتي من الرس...

[grade="DC143C FF1493 FF6347 4B0082 32CD32"]
مرحبا جميعا...
هذا اول موضوع لي بالمنتدى وانشالله ماراح يكون الاخير..واللي خلاني اكتب الموضوع البلاوي اللي تصير بديرتنا كل يوم لدرجة اني صرت اتفشل لاقلت من الرس...
بالله عليكم وش اللي بالرس يخلينا نفتخر فيها..البلديه؟؟ولاالمستشفى؟؟ولاادارات التعليم؟؟ولا الكليات؟؟والخ الخ.........
كل هذولي فيهن الف عيب ومليون علة..ياناس رشحوني رئيسة للبلدية والله لااسوي اللي ماسواه اطلق شنب واطول لحية ..ووش اللي يمنع اصلا الحمدلله الدولة ماتقصر وموفره كل شي وحتى لونقص شي اقدر اطلبه..بس اتربع على الكرسي والقي الاوامر وتحت ايدي الاف العمال الاجانب اللي يستنزفون ميزانيتنا وهم مرتاحين عندنا بالرس بس ولابغيرها يكدون مثل مايستلمون واقرب مثال لنا البدايع..اللي اتحدى تمر منها وماتشوف بلدية يشتغلون ويبدعون..وحنا ويننا عند ارواحنا فرحانين بكم دوار سويناه ولطينا فيه ثيل وصفينا كم حصاة وخلاص صار شكل جمالي..هذا لواجمع طلاب ابتدائي سوو ازين منه..فمابالكم لاصارت فكرة مهندس طول بعرض..بدال مايصمم اشياء تبهر وتلفت الانتباه يحط ثيل وحصى بس تسكيته عن قولة ماحطينا شي واكبر دليل دوار دخنه اللي عند بيت البلطان حاطين فيه ذاك البرج اللي كنه برج حمام والباقي كللللله ثيل..واخزياه بس واذا مشيت شوي تستقبلك اشجار البرسوبس يمينك ويسارك وفوقك وتحتك وبكل مكان..المدن الثانيه يحاولون باقصى حد يخففون منها وحنا نتفاخر بكثرتها واسالو زوار عيادة الصدريه والربو..ولااقبلت شوي يجيك دوار الاهله اللي مايحتاج نهرج فيه لانه اخذ حقه من سنين يوم قالواصنام..بس الجديد ذيك الربعه اللي تجيك على اليمين صافين لي حجر ومشغلين دينمو يصب ماء عليهن وبس؟؟بالله ذا شكل جمالي؟؟هذا غير الارصفه اللي بعضها من كثر مايسفلتون غاص بالارض السابعه والشوارع اللي احفر وادفن والمطبات اللي بكل شبر ومياه البيارات الفايضه والشجر اللي ماقد قصصوهن الا اذااشتكى احد منهن والحواري المليانه قمامه ماتجي البلديه تشيله الا بشكوى بعد وغيره واجد لواقعد شهر ماخلصت..بس كلمة للي يبي يصير رئيس للبلديه((وش يضرك لاامرت العمال يسوون مشاريع مدامك قاعد بمكتبك؟؟))
ونطلع من البلدية للمستشفى اللي صاير اكبر مجمع للمتسولين من العمال..اللي لوانك تحتضر مايخدمونك الابفلوس ماكن الدولة تعطيهم رواتب وبالذات الجنسية الهنديه اللي الله لايكثرهم وان ماعطيتهم شي سرقوك..ناهيك عن التعديات اللي تصير بالمستشفى وبالذات للحريم خاصة بغرف الولاده اللي حاطين اسمها اللي مايشتري يتفرج اجل تخيلو وحدة تطلق بالولادة وماتدري الاعمال النظافة داخلين عليها؟؟ويوم راحت تشتكي قال المدير اصلا يتهيالك..وياليته وحده بس كذا حرمه اعرفهم صارلهم نفس الشي..وبعد بغرفة العنايه يرمون الحريم بلاغطا وكلن يتفرج الااللي يتصدق عليهن ويغطيهن..هذا غير الاهمال والمواعيد اللي بطلعة الروح ولاالمطبخ اللللللللله لايحدنا له طبخهم بدال مايساعدك على الشفاء يمرضك اكثر وهذا انا مجربته بنفسي الله لايعيد الشر من جد طبخهم سيء ووجباتهم اسوأ..ومايقهرك الاان اللي ينفخ عليك اجنبي والله قهر بديرتنا وواطين على روسنا بلاهم مالقو احد فوقهم يربيهم..
نطلع من المستشفى نمر شوي على المستوصفات اللي كلها منازل آيله للسقوط تذكرني ببيوت الشفا والله ماشفت واحد يفتح النفس الاحوسة وقلة سنع وبالذات مستوصف حي الشمال لان ملفات اهلي كلها عندهم وهوبصراحة اسوأمستوصف من ناحية المبنى وبعد المعامله ومشهورين بتضييع الوقت اجل تجيهم الساعه اربع يقولون بنسكر والدوام ماينتهي الاخمس؟؟ تجيهم الساعه 12 مسكرين للصلاة ومن 12 ونص الى 1 ونص استراحة غدا؟؟ ولاجت ثنتين الاربع فتحو بعد الهواش طبعا ولاالعالم زحمه وقلق..هذا غير الحريم اللي بالملفات انواع شوفة النفس والمنافخ كنهم يكدون على العالم..ولاالدكتور اللي قبل متسدح بغرفة المدير والعالم ترك بالصالة تنتظره..ولاالمدير اللي للاسف ماله كلمه لانه كذا مرة تجيه شكاوي وهوهو ياعبيد ماتغير شي..
نطلع من ريحة المستشفيات لادرات التعليم والتوجيه..وهالاماكن مايمشي فيها الافيتامين واو..ولاالاشراف النسائي انوااااااااااااع المنافخ من هالعجز ماغير متسدحات وينفخن على الضعيفات وانواع التحطيم..خاصه يوم سالفة الترسيم قبل كم يوم كل من دخل عليهن قالوله انتن مصدقات انكن تترسمن؟؟ وش اللي يمنع من الترسيم لولا ان السالفه فيها إنا..ولاالرجال لابغو يصرفون قالولاولياء الامور جب وهات ويخلون هالشيبان يركضون بكل جهة واخرتها ولاشي لانهم محددين مسبقا من اللي يبي يترسم..
ونجي للكليات اللي هي كلية البنات هذي غاسلتن ايدي منها عقب ماشفت الهوايل فيها ومنوين نرجي خير وعميدتها اجنبيه ونص المعلمات نفس جنسيتها واللي يقهر انه حتى السعوديات ومن ضمنهن الاداريات مستسلمات لاوامر هالعميده المتسلطه واللي معينينها عندنا بعدماجاها نقل تأديبي من تبوك وتفرعنت لانها ضمنت انه بالرس ماراح يجيها نقل تأديبي ابد..هذا غير بقية الجاليه اللي تتلفظ على بناتنا بالفاظ اقل من سوقيه والتسيب اللي بالكلية والتلاعب بالامتحانات والمكافآت بحجة الشبح اللي اسمه صندوق الطالبات يذكر ولايشاف..وياويل اللي يفتح افمه يحجز له مقعد ست سنين بالكلية لانه ماراح ينجح..
ونحول على كلية العلوم الصحية للشباب اللي يرفع الضغط فيها ان هاك المباني الزينه يحوس فيها هالاجانب وعيالهم بارده مبرده وعاد انتم عارفين وش كثر هم نظيفين ولايخربون الشقق ابد..امحق..يعني نجيبهم بقروش ونكد عليهم بقروش ونسكنهم بعد؟؟ وياليت فيهم بركه الا كلهم حاسدين حاقدين على خير بلادناومهما ادعو اللطف تظل عيونهم صغيره علينا...
الى هنا انا انكسرت ايدي ولسه بااااااااااقي لكن بكمل الايام الجايه وباذن الله ماراح اخلي مكان الا واجيب عيوبه لعل وعسى يجي يوم وتتحسن الاحوال واللي مالقيناه بالشكاوي والاوراق نلقاه عن طريق هالمواضيع وانا ماقلت كل هذا الا وانا مقهورة وودي اشوف الرس فعلا راقيه ومتطورة موب مضحكة لكل من هب ودب ومااظنكم نسيتومقالات السماري بجريدة الجزيرة اللي كلن جزع منهاوراح يرد عليه ويفند كلامه..وهو لاجينا للصدق صادق والف صادق ماقال شي غلط بس حنا اللي نكابر ومانعترف بعيوبنا...
صح ولاانا غلطانه بعد؟؟
وعلى فكرة هالموضوع اناكتبته اليوم بمنتدى الرس نت وكتبته هنا لاني ابي صوتي يوصل لاكبر عدد ممكن لعل وعسى يتغير شي!!
[/grade]
عيون رساوية غير متصل  

 
قديم(ـة) 26-12-2005, 09:45 PM   #2
Banned
 
تاريخ التسجيل: Jun 2005
البلد: الرياض الحبيبه
المشاركات: 1,496
قوة التقييم: 0
THE JOKER is on a distinguished road
للمره المليون, سأحاول أن أطبع هذا المقال واعطائه أحد زملائي بالعمل, وهو من مدينة جازان, فهو لم يذهب باتجاه الشمال, ولا حتى أحياء شمال الرياض,ويعتقد بأن القصيم بشكل عام, والرس والبكيرية بشكل خاص.

يعتقد أنهن مدن هاموناباترا الفرعونيه, وهي مدن مخازن الذهب في عصر الفراعنه ..!!!

.
THE JOKER غير متصل  
قديم(ـة) 26-12-2005, 11:39 PM   #3
عضو مميز
 
تاريخ التسجيل: Dec 2005
البلد: بيتنا
المشاركات: 260
قوة التقييم: 0
صوت بنت الرس is on a distinguished road
الصراحه اختي انتي قدها وقدود

وكلااااااااااامك جدا عاجبني انا قليل اكتب

بس ماكتب الى على المواضيع اللي صدق تعجبني

وين السوق وين المجمعات ليه الحسد برس

للحين بيتزا هت مافتحت دليل على وشو على ان الحسد يفشي بين رجالات الرس

صرنا مثل اللي يقول معك واسطه تمشي مامعك توكل عللى الله

كلامك والله عين العقل انا اللي بطبعه وانشره عند الوزارات بس اخاف يزلقون والله

وانتي عين الصواب
صوت بنت الرس غير متصل  
قديم(ـة) 26-12-2005, 11:45 PM   #4
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
مع كل هذا .....سأفتخر بأني من الرس مهما كان .... فالرس بحاجتنا جمعيا ...ولن أحملها ذنب تقاعس بعض أبنائها عن خدمتها
__________________

آخر من قام بالتعديل هزيم الرعد; بتاريخ 26-12-2005 الساعة 11:58 PM.
هزيم الرعد غير متصل  
قديم(ـة) 27-12-2005, 12:18 AM   #5
عضو مبدع
 
صورة عيون رساوية الرمزية
 
تاريخ التسجيل: Dec 2005
المشاركات: 1,426
قوة التقييم: 0
عيون رساوية is on a distinguished road
يسلمووو جميعا على الردود ..واحب اقولك ياهزيم الرعد وين بعض ابنائها اللي تقاعسو عن خدمتها؟؟ هذي دوائر حكومية بكبرها تقاعست عن اداء واجبها بالشكل الصحيح مو شخص اوشخصين..دوائر يعتمد عليها كل فرد من الرس واي خطأ اوتلاعب او اهمال يأثر علينا وعلى سمعة مدينتنا..:)
عيون رساوية غير متصل  
قديم(ـة) 27-12-2005, 12:37 AM   #6
عضو نشط
 
تاريخ التسجيل: Aug 2005
المشاركات: 76
قوة التقييم: 0
مشكلتي حلو is on a distinguished road
مشكووووووووووووووره اختي على الموضوع الرائع
وانا معك في كل كلمة قلتيه
لكن كل هالمنافخ ماراح ينفع
لازم الموضوع ياصل للملك عبدالله الله يحفظه ويخليه لنا
هو اللي بيوريهم الشغل
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مشكلتي حلو غير متصل  
قديم(ـة) 27-12-2005, 12:37 AM   #7
عضو متواجد
 
تاريخ التسجيل: Dec 2005
المشاركات: 46
قوة التقييم: 0
دنــــــــــــا is on a distinguished road
حبيبتي الغالية عيون رساوية
اولا اهلا وسهلا فيك بالمنتدى
ثانيا والاهم
عزيزتي مشاركتك رائعة وموعيب ان الواحد يقول الحق
بس معليش احب اقول لك ان المنتدى مو بس انت اللي تطالعين فيه يعني فيه ناس اعرفهم من الرياض ومن الشرقية ومن جدة ومن ...... ومن............. ومن كل مكان تقريبا مشاركين بالمنتدى ( طبعا لان منتدانا والحمدلله سمعته كويسة ومافيه احد مايعرفه وهذا شي يشرف )
بس احس انه من العيب ومن العار ( فشيلة يعني) انك تطلعين عيوب مدينتنا الحبيبة واللي مايشتري يتفرج على قولتهم
يعني مااحس ان هذا منظر حضاري
وين الوفاء ؟؟؟
الحين اللي مايعرف الرس امداها تشين بعينه من الكلام ( واي كلام ) اللي قلتيه
انا معك والله معك بكل كلمة قلتيها صــــــــــــــــــــــــــــادقة والله
بس مالها داعي الفضايح
فيه اساليب ثانية
اكرر انا مو ضدك بالعكس بس الصراحة تضايقت وحطيت نفسي مكان اللي يطالع موضوعك الحين من جدة والا من اي مكان بغض النظر
اكررررررررررررررررررررر انت صادقة وكلامك مضبوط
بس ( الشق اكبر من الرقعة)
يعني احنا وش بيدينا
والرس راضين فيها
عالحلو وعالمر<<<<<<<<<<<<<<<<<<<<<<< وهذا وفاء منا لها
اكرررررررررررررررررررررررر وللمرة المليون انا مو ضدك يا غاليتي بس نشر الغسيل ماله داعي اذا كان بيشوه سمعتنا معه
ماتزعليش ياحببتي هذي وجهة نظري
و وجهات النظر كثيرة ومختلفة ويارب نستفيد منه زي ما نزعل منه ونتضايق
مع كل حبي وتقديري لك غاليتــــــــــــــــــــــــــــــــــــــــــي عيون (((( رساويـــــــــــــة )))
اخوي هزيم الرعد يعطيك الف عافية على ردك (انسان فاهم فعلا)
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
دنــــــــــــا غير متصل  
قديم(ـة) 27-12-2005, 01:37 AM   #8
عضو
 
تاريخ التسجيل: Dec 2005
المشاركات: 9
قوة التقييم: 0
ahmed0454 is on a distinguished road

الاخت - عيون رساوية

اولا انا معك فيما قلتي ولكن جملة لاتفصيلا فالهروب من مشكله لايعني التخلص منها فسوف تبقى الرس هي

الرس ونحن ابنائها ويجب علينا النهوض بها لاان نجعلها تحتضر ونحن واقفين مكتوفي الايدي بدون ان نقوم بتقديم

المساعده لها ومحاولة مساعدتها على استرداد عافيتها من جديد فدعونا كمواطنين يدا واحده مع دوائرنا

الحكومية شعارنا معاً يد بيد من اجل الرقي بمحافظتنا .

وهذه احدى مواضيعي فأستأذنك ان اضع رابطها هنا لعلاقتها بموضوعك وتعليقي

http://alrassxp.com/forum/showthread.php?t=33591

ومني اجمل تحيه
ahmed0454 غير متصل  
قديم(ـة) 27-12-2005, 01:45 AM   #9
Banned
 
تاريخ التسجيل: Jun 2005
البلد: الرياض الحبيبه
المشاركات: 1,496
قوة التقييم: 0
THE JOKER is on a distinguished road
اممممممممممممممممممممممممممممااااااا ماعندكم بيتزا هت ..؟؟؟

.

ناقص تقولين ماعندكم كارفور :)
THE JOKER غير متصل  
قديم(ـة) 27-12-2005, 04:45 AM   #10
عضو مشارك
 
تاريخ التسجيل: Dec 2005
المشاركات: 22
قوة التقييم: 0
أبوخــــــــالد is on a distinguished road
مشكووووووووووووووووووووووووووووووووورة ياعيون وياليت المرات الجاية تتكلمين عن الأسواق وعن الفيصلية(سربال) اللي برمضان ماتدخلينه الابلعنت الخير وانت معك اهلك
والا المرافق الحكومية ياحبيبي عالمرافق الحكومية لو تدخلين هاليومين اي مكان حكومي تبين بس توقيع كل يوم بكرا علشان هالأسهم قالبين المكاتب صالات اسهم
وبعدي الرس فجروها يقالهم تطوروا خلوا (((ميد))) تفتح اللي انصح كل فتاة في هالمنتدى انه ماتروح لحاله له لان الهندي اللي فيه يوزع على البنات ابكات دخان لا ويقولهن عادي خوذيه ماراح اعلم احد ......وين التطور ياناس...............................
بالله عليكم هذي تسمونه ....((((محافظة))))(((( الرس)))).... هذي ماأسميه ولا.... ((مـ....)))((((الرس))))) بس حرف الميم
يالله بعد عشرين سنه تصير (((محـ ))) الرس................................
............................ ولك اخت عيــــــــــــــــــــ رساوية ـــــــــــــــون كرتون شكر
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
أبوخــــــــالد غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 05:17 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19