تعقيب على موضوع(نجمة سهيل) الغراااااز

[الشاوي]

إذا غرزت أعلمك وش أتسوي ؟ سوّ لك فنجال شاي وتقهوى وخلك في بيتك أصرف لك ، والاّ لا تعدى المسفلت إذا صرت ما تعرف تسوق ...... لا تحمق علىّ تراها مزحة خفيفة على الطاير .عاد الصراحة إذا غرزت وسّع صدرك ، سوف يمر عليك واحد من هالأشياء والاّ كلهن ما تدري ، هذا إذا وقف لك !! /1ـ بدوي يبي يفصفصك بالأسئلة ويطلع روحك ما ساعدك ، لازم تتحمل لعّل وعسى . ( ترى ماهوب كلهم كذا ) .
2ـ حضري توه شاري له جيب يبي يتعلم عليك ، ثم تكتشف إنه مايعرف يشغل الدبل ! ولا معه واير أوحبل للسحب ! هذا ودكّ تتوطاه بجيبة .
3ـ واحد خكري من بعيد يفتح شوي من القزازه يتفرج عليك كأنك في حديقة الحيوان !!! ثم يروح ويخليك ! يمكن تقول إن كان معك شوزن ودكّ تثوربه dwe .... أنا قايلك : وسع صدرك .....
4ـ واحد مطيفيق قام يجرجرك وهكس معك ! sdd على الأقل لقيت واحد يونسك ، أو ما تدري يدبل كبدك .
5ـ راعي الفزعه بحق وحقيق نشمي من النشاما ،، ( يعجبك في فعله ولا هي تصانيع ) . لكن متى يجيك هذا ، كثر الدعاء .أما إذا كنت مانت متحمل ماسبق فعليك بما يلي /
أـ عليك بالجيب ولو كثرت افلوسه ، تسلم من منة الخلق ، الاّ إذا كنت عليمي عاد وش أسوي لك ؟!!! نرجع للشاهي .
ب ـ خل معك البالون وماطور ولا أسهل منهن ....
ج ـ إذا كنت ما تحب وجع الراس والموتر مغرز بالحيل أكتب أرقام السطحات على الطبلون ويجونك يمشون مليون .

أسمع الحل اللي يجمد على الشنب !

طق لك شبح وخله للسفرات والجخات ولا يلمس كفرها التراب !!!!
وطق لك معه بعير وخله للروحات والكشتات فهو صبور عن الأكل والشراب !!!
قالوا : كشت وطلعت للبر ؟ قلت : نعم ، قالوا : غرزت ؟ قلت : لا ، قالوا : أجل ما كشت !!!! لا تلمونهم متعودين على الغرابيل .
وسلاااااااااامتكم من الغرااااااااابيل .

[رسلان]

ممممممممممممممممم

أظن الموضوع هذا مكانه الترفيه والتسلية :) ....

[الشاوي]

ممم مم مم ممممم مممممممممممممم

ياأخ يا رسلان وراك علي زعلان ، حقك عليّ معاليش ، شكلي دقيت على الوتر الحسّاس !!
لكني أقول لك ولغيرك وسع صدرك ، الدعوى إكتب واقرا ، والاّ لو تدقق شوي بس اشوي ترى .............. :rolleyes:
على كل حال أتمنى أن أكون رفهتك وسليتك وما شفت شئ الى الحين بس لو أفضى للجهاز شوي كان تشوف .
على فكره شكلك تخطط تكون مشرف !!! والله تصلح !
ما فيه مانع بس اكتب معروضك وجبه للبلديه بكرا ،،،،،،،
مرحبن م م به .

[رسلان]

المشاركة الأصلية بواسطة الشاوي

ممم مم مم ممممم مممممممممممممم

ياأخ يا رسلان وراك علي زعلان ، حقك عليّ معاليش ، شكلي دقيت على الوتر الحسّاس !!
لكني أقول لك ولغيرك وسع صدرك ، الدعوى إكتب واقرا ، والاّ لو تدقق شوي بس اشوي ترى .............. :rolleyes:
على كل حال أتمنى أن أكون رفهتك وسليتك وما شفت شئ الى الحين بس لو أفضى للجهاز شوي كان تشوف .
على فكره شكلك تخطط تكون مشرف !!! والله تصلح !
ما فيه مانع بس اكتب معروضك وجبه للبلديه بكرا ،،،،،،،
مرحبن م م به .

:)

موضوع جميل ومرح لاشك ...
ولكن التنظيم أمر جميل وجيد ..
أو لك رأي ثاني ؟ :)

مشكووووووووووووور