عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 11-01-2006, 07:31 AM   #1
عضو بارز
 
تاريخ التسجيل: Nov 2005
البلد: في بيتنا
المشاركات: 549
قوة التقييم: 0
إنسان is on a distinguished road
إشغلو بزارينكم قبل لايشغلونكم // خاصه بالعيد

كل عام وأنتم بخير

ومن العايدين الفايزين

ابقولكم على حاجه يمكن تفيدكم خاصه بهالايام

طبعا الكثير يجتمعون بهالايام السعيده ولا يخلو الاجتماع من الاطفال

وانا الصراحه شفت الصمرقع من بزارينن بالاستراحه وبالبيت البارح

انواع الحوسه والمضاربات وبلاوين عسى الله لايوريكم مثله

المهم صدفه وانا اقراء موضوع بحدا هالمواقع والقى فيه هاك الافكار عن العيد

توزيع حلاو وكتب واشرطه و و و و و و الخ

ومايهمنا هنا فكرة تصلح انك تشغل هالبزران به

الا وهي





شكلكم متحمسين تبون اقوله







وش رايكم اقوله لكم بكرا


كخخخخخخخخخخخخخخخخخخخخخ

صادوه





الفكره تقول انك تسوي مسابقات والعاب

واللي اعجبن انك تسوي مسابقة أحسن رسمه

طبعا تجيب لهم كراسات رسم او اوراق كبيره واقلام وتلاوين وتخليهم يرسمون

ومن المقترح ان الرسمه تكون عن العيد

عاد انتم عطوهم عبارات وافكار من عندكم تساعدهم

وبرايي انكم تخلونهم يكتبون التاريخ على الرسمه

واذا خلصو تقولون لهم ياخذونه ويعلقونه بغرفتهم ذكريااااااااااااااات

وعاد ترا المسابقات ماتصلح الا اذا صار به جوايز

وفيه فكره معجبتن واجد للجوايز

الا وهي



تبونه هالحين ولا بكرا




شكلي ابتلفع هالحين





المهم الفكره هي انك تجيب كرتون والاحسن انك تجلده او تغلفه وتفتح فتحه من فوق على قد اليد او اللي تبي تحط بوسطه ويمكن تغطيه بقماش


طيب وش تبي تحطون بوسطه



تحطون ؟؟؟؟؟؟؟؟؟؟؟؟؟؟؟




لاتخافون ابعلمكم هالحين مو بكرا














حطو جوايز هههههههههههههههههههههههه












لاصز عاد الجوايز احسن شي تكون مشكله

بساكيت - حلاو - نفيخ - العاب من ابو ريالين - قروش - عصير - صلصه !!!!!!!!!! للترفيه والوناسه - وكل شي في بالكم يفيد ولا يضر

وبالختام اتمنى اني افدتكم وامتعتكم

وعادي قولو اللي بقلوبكم علي اسلوبي زين ولا مو زين

انا راعيها ولا مو راعيه

ومع السلامه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر من قام بالتعديل إنسان; بتاريخ 12-01-2006 الساعة 03:21 AM. السبب: اضافة صور
إنسان غير متصل  

 
قديم(ـة) 11-01-2006, 09:16 AM   #2
عضو متواجد
 
تاريخ التسجيل: Dec 2005
المشاركات: 60
قوة التقييم: 0
Battoo is on a distinguished road
افكار حلوه ورائعه
مشكور اخوي على الموضوع
واكثر شي جازلي اللهجه

وكل عام وانت بخير
تحياتي
Battoo غير متصل  
قديم(ـة) 11-01-2006, 01:47 PM   #3
عضو ذهبي
 
تاريخ التسجيل: May 2005
المشاركات: 2,019
قوة التقييم: 0
hack3000 is on a distinguished road
افكار حلوه أخوي انسان


لا عدمناك وأفكارك


تحياتي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
hack3000 غير متصل  
قديم(ـة) 12-01-2006, 02:14 AM   #4
عضو بارز
 
تاريخ التسجيل: Nov 2005
البلد: في بيتنا
المشاركات: 549
قوة التقييم: 0
إنسان is on a distinguished road
الحلو والرايع مرورك يا باتو

ومادري وش انت من مودماني ؟؟؟ بطو يعني بطه صغيره ولا باتو يعني نامو !!!!!!!!

واشوا إن اللهجه جازتلك والله يخلي الهمجه والهجمه ghrffwe

شرفتنا وانستنا

شكرا لك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
إنسان غير متصل  
قديم(ـة) 12-01-2006, 02:16 AM   #5
عضو بارز
 
تاريخ التسجيل: Nov 2005
البلد: في بيتنا
المشاركات: 549
قوة التقييم: 0
إنسان is on a distinguished road
الحلو مرورك ياخيي هاك 3000

وانت عطن لو الف واخليك صديقي

الله مير يسلمك وشكرا للتشجيع kjkj

اشواقي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
إنسان غير متصل  
قديم(ـة) 12-01-2006, 02:58 AM   #6
عضو بارز
 
تاريخ التسجيل: Nov 2005
البلد: في بيتنا
المشاركات: 549
قوة التقييم: 0
إنسان is on a distinguished road
التجربه للفكره جبته لكم

بدون مقدمات .....................

مسكت معي اطبق الفكره حبا في المغامره واغدين أهجد هالمبزره اللي ابلشونا ــ الله يصلحهم ــ

وعلى الاقل نكسب دعوه من هاللي حولنا

المهم مالكم بالطويله رحت العصر لمحلات ابو ريالين وظفيت لي قحشت كراسات وتلاوين وبرايات ومساحات وقص ولزق ومقصات ولعابيب وشوية هدايا صغينونه

ومريت البقاله واخذت حلاو وبسكوت وعصير وحليب و و و و

ومريت محل واخذت نفيخ

ودخلت البيت وانصا المستودع واخذ اسفنجه وصلصه ومادري وش بعد ــ بس تكفون لااحد يعلم امي ــ

وامر هاك الدالوب والقط منه كم سبحه وشين احسبه يوكل وطلع دهن عود كخخخخخخخخخخخ
ــ ياويلي لو يدري ابوي ــ

المهم جمعت قحشت ادوات للمعركه / وشويت جوايز للترضيه والتسكيت

ومثل مانتم شايفين



وتوجهت لمقر المعركه واثر الشباب توهم جايين كاشتين قلت زين شكلهم دايخين ويبي ينامون

الكلام هذا على صلاة الاخير / ويوم دريت ويبدون مثل العاده

المهم عقب الصلاة قلت يله عندي لكم مفاجأه ومير يركدون شوي ويبدون ينشدون وشي متى وين معين

المهم انبسطت يوم شفتهم متحمسين وابدا اتشرط عليهم تأدبو نظفو رتبو اجلسو قومو

ويوم ركدو ودرو إن به جوايز وحركات ومركز اول

وابدا اشرح لهم الفكره وانه عن العيد والوقت نص ساعه إلى ساعه

وماصدقو على الله ويبدون مثل مانتم شايفين



وبعد حول الساعه تخلله انواع الاسئله والاستفسارات وخذ وهات وشف وناظر وعدل وبدل واسوي ومانب مسوي

المهم اخذنا لنا فسحه حول عشر دقايق ورجعنا علشان يشطبون على الرسمات



ونسيت اقولكم ان اللي حولنا كلهم تأثرو وانقهرو ودهم يشاركون وانواع الواسطات المهم قلت مايخلف بس بشرط تدعمونن يعني مادي ومعنوي مهوب تصدمونن

قالو زين وسمحنا لهم بالمشاركه ويوم بدت تاصل المشاركات

[img][/img]





تابع في المقال التالي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
إنسان غير متصل  
قديم(ـة) 12-01-2006, 03:12 AM   #7
عضو بارز
 
تاريخ التسجيل: Nov 2005
البلد: في بيتنا
المشاركات: 549
قوة التقييم: 0
إنسان is on a distinguished road








صورة جميع المشاركات


ثم تم عمل مسابقه اكبر كرشه للترفيه والتنويع والتجديد


ثم اسحب هديتك او جائزتك

وفرحه بالجائزه


وهذا ماجازت له


العرق دساس

تابع ايضا >>>>>>>>>>>>
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
إنسان غير متصل  
قديم(ـة) 12-01-2006, 03:20 AM   #8
عضو بارز
 
تاريخ التسجيل: Nov 2005
البلد: في بيتنا
المشاركات: 549
قوة التقييم: 0
إنسان is on a distinguished road
والصراحه اللي اعجبني وانبسطت له النجاح الباهر لهاالتجربه البسيطه الجميله المثيره المفيده

وفرحت فرحا كبيرا لحرص اللي حولنا كلهم على شوفت الرسمات والجوايز والترقب وشد الاعصاب عند السحب

واكتشقت شي مثيييييييير

يوم اني تركتهم ياخذون راحتهم مارجعو زي اول بالعكس انشغلو بالرسمات والجوائز

واللي اعجبن بقوه بقوه بقوه

اللي تشوفونه بالصور الجايه





فقط تركت الادوات عندهم وكلن وكيفه يسوي اللي يبي بدون ماقولهم شي

ومثل ماتشوفون هوايات تمارس ومواهب واعده

بس انتم وفر لهم مايبون ويبي يعطونكم فوق مااتصورون

اتمنى اني قدمت تجربه جيده

واتمنى ان تجربو وتحكو لنا تجاربكم

الكلام كثييييير والصور اكثر بس اعذرون

تصبحون على خير
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
إنسان غير متصل  
قديم(ـة) 12-01-2006, 03:57 AM   #9
عضو بارز
 
تاريخ التسجيل: Nov 2005
البلد: في بيتنا
المشاركات: 549
قوة التقييم: 0
إنسان is on a distinguished road
بعض السطور اللتي سقطت سهوا

1- اكيد شفتو طريقة الكرتون وماعليش سويته بسرعه ولا يمكن يكون احسن وجذاااااب

2- من الجوائز / معمول - بسكوت تمر - ريالات - حلاو مشكله - توكس وشلته - يوسف فندي - نفيخ - ادوات مكتبيه - مناديل - كشاف - حبل حق شبره امره - جوالات حقات يامكه وياطيبه ونشيد .........

3- كانت الاعمار مختلفه من الابتدائي والمتوسط والثانوي واحسن رسمه بالجامعه + مساعدة مدرسة فنيه

4 - رسمتين او رسمتان من العنصر النسائي

5- للاسف مافيه توجيه لكيفية الرسم واصوله لان ماعندي خبره

6- تلاحظون رسماتهم بعضه واقعيه وبعضهن من جنبه بس انه تعكس تفكيرهم وتصورهم للشي

7- ياليت تكتبون الرسمه اللي اعجبتكم / والرسمه الطريفه

8- نبهت عليهم يكتبون الاسم والتاريخ ويختفظون به

9- قلتلهم يمكن المسابقه الجايه تكون الجايزه الاولى للي يجيب رسمته ذي / عاد متى المسابقه الجايه ؟؟ يمكن بكرا ولا بعد اسبوع ولا بعد شهر ولا بعد سنه والله يستر لايصير مابششششششش

10- التكاليف لاتذكر ابدا فكل شي بريالين ويمكن يتخاشرون بادواتهم

11- تركت بعض الادوات عندهم يمكن يستفيدون وينبسطون

12- اخذت الباقي من الادوات يمكن استفيد منه بمسابقات ثانيه ولا اعطيه احد يستفيد منه

13- بدلت الجوايز للي وده ولا اعجبته جائزته / وبالاخير بديت اوزع عليهم كلهم لين قضى اللي بالكرتون >>> كريييييم <<<<<< اسم عصير

14- اذا تذكرت شي كتبته
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
إنسان غير متصل  
قديم(ـة) 12-01-2006, 05:04 AM   #10
مشرف المنتدى العام
عضو مجلس الإدارة
 
صورة المهاجر الرمزية
 
تاريخ التسجيل: Nov 2004
المشاركات: 18,398
قوة التقييم: 33
المهاجر will become famous soon enoughالمهاجر will become famous soon enough
اخي إنسان

أحييك وأحي فيك هذا النشاط والأفكار

أخي لقد سرني كثيرا ما كتبته هنا وأعجبني كثيرا

يعلم الله أنني أحببت فيك هذه الحيوية والنشاط واستثمار مثل هالاحتماعات بما يعود على الصغار بالنفع والفائدة


أخي لا أملك شيء أقول ولا أكتبه ولا أعمله سوى أنني سأقوم بتثبيت الموضوع لأهميته

ولروعته ولروعة ما فيه من فكرة وتقبل تحيات أخيك المهاجر


.
__________________
لما عفوت ولم أحقد على أحد...... أرحت نفسي من هم العداوات

كنا أذل قوم فأعزنا الله بالإسلام ومهما ابتغينا العزة بغيره أذلنا الله
إن لم تكن متميزاً فستختفي وسط الزحام
اللهم اغفر لنا ولوالدينا أجمعين
المهاجر غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 07:46 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19