عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 18-01-2006, 11:48 PM   #1
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
مأساة مساهم في السوق السعودي

((مأساة مساهم في السوق السعودي عبّر عنها بقصيدة صادقة))

قال الذي في سوق الاسهم تغربـل
إنـدق حالـه قبـل مالـه يدبَّـل
شاروا عليّه نـاسِ غشْـمٍ مهبّـل
دبّل قروشك عام سبعه وعشريـن

قلت اصبرو قدمت قرضٍ على البنك
أُما شرولـي رزّ ولاشـرو زنـك
والله يسهّلها على اللي شكا الضنك
دبّل قروشك عام سبعه وعشريـن

لكن أخاف السوق ياخذ خشوعـي
ما غير افكّر بالسهم فـي ركوعـي
هذا نزل نسبـه وذا فـي طلوعـي
دبّل قروشك عام سبعه وعشريـن

حتى المجالس هرجة الناس الاسهم
ضاعت حلاة الكيف والكـل مهتـم
أحدٍ تشوف السـن وأحـدٍ مغلـدم
دبّل قروشك عام سبعه وعشريـن

واحترت مدري ويش اباخذ واخلي
سهم ٍمعلـي بـس الاخـر مدلـي
محدن يجيب العلـم محـدن يدلـي
دبّل قروشك عام سبعه وعشريـن

قلت المشوره قالو السهـم سابـك
إمية سهم فالمحفظه مـن حسابـك
هذي عروس السوق حظك رسابك
دبّل قروشك عام سبعه وعشريـن

ولاّ المصافي ياعريـب الجـدودي
سَهْمَ الملوك وكـلِّ يـومٍ يـزودي
لكن حذرا عـن سهمْهـا تنـودي
دبّل قروشك عام سبعه وعشريـن

وش رايكم في سافكـو ياجماعـه
قالو بنيّة سابـك مـن الرضاعـه
إغرف مادام ان السهم وسْط قاعـه
دبّل قروشك عام سبعه وعشريـن

قلت الخزف مافيه شـكٍّ ولاريـب
والعالم اِني صرت في صيدته ذيب
قالو موفّق والخزف يخْلِف اِبطيـب
دبّل قروشك عام سبعه وعشريـن

قلت اُم عشْرينٍ وخمسين رمزه (1)
بنتٍ تعلّق قلب من شـاف غمْـزه
الـدرّه اللـي مـا تغشّـاه همْـزه
دبّل قروشك عام سبعه وعشريـن

قلت اِبو عشرينٍ وستين طيّب (2)
قالـو مضاربهـا كريـمٍ حبـيّـب
قلت الهدف قالـو هدفهـا قريّـب
دبّل قروشك عام سبعه وعشريـن

قلـت الدوائيّـه عساهـا تعيضـي
تشفي حظيظٍٍ له زمـانٍ مريضـي
قالو لي ابشر سَهْمها مـا يغيضـي
دبّل قروشك عام سبعه وعشريـن

قلت النصيحه وش تقولون بالغـاز
قالو مصيبٍ فيه وابرك من القـاز
ياما تخفّى في عباتـه مـن الغـاز
دبّل قروشك عام سبعه وعشريـن

والجبس قالو سهْم خمسة نجومـي
باكر تشوفه فوق الالفيـنِ يومـي
ياسِعْدِ من يمسك عليه ويصومـي
دبّل قروشك عام سبعه وعشريـن

قلـت الغذائيـه وقالـو شِريْـكـه
إنتاجهـا بالسـوق خُبـزٍ وكيكـه
قلت احسبنّـه بالصناعـي مَليكـه
دبّل قروشك عام سبعه وعشريـن

قلت اِِبو ألفينٍ وميّـه وعَشْـرَه(3)
قالـو كلبشـاتٍ تضـرّك بِقِشْـرَه
واِنْ كان تدعي قول ربي تحشـره
دبّل قروشك عام سبعه وعشريـن

قلت اُمِّ ألفينٍ وميّه وعشريـن (4)
قالو لقينـا النـاس عنهـا مِقفّيـن
قلت البلا ؛ قالـو تبِـذّ المساكيـن
دبّل قروشك عام سبعه وعشريـن

قلت اشْتري صـدْقٍ وقالـو تركّـد
نخاف بكـره مـن خبرهـا تنكّـد
اصبر يجيك العلـم عنهـا موكّـد
دبّل قروشك عام سبعه وعشريـن

قلت الحسـا يانـاس ولاّ زجاجـي
قالو علامك كـنِّ فيـك ارتجاجـي
الحر الاشقر مـا يعـوّد دجاجـي
دبّل قروشك عام سبعه وعشريـن

قلت اُم ألفينٍ وميّـه وستيـن (5)
قالو مضاربها يجيـب الطواعيـن
ذا له سنه تطلـع وتنـزل رياليـن
دبّل قروشك عام سبعه وعشريـن

قلت اللجين وسيسكو ودّي اقحـش
كلٍّ يوصّي قالو اُوصاتنـا اِنحـش
من طبِّ فيهن حشّو اِرْجِيْلِته حـش
دبّل قروشك عام سبعه وعشريـن

قلت المشـوره ياجماعـه بفيبكـو
الظاهر اِنّـه ماتقـادي لسيسكـو
قالو لي اِنشد عن نَتَاجـه سدفكـو
دبّل قروشك عام سبعه وعشريـن

قلت الحقيقه جايـزن لـي أنابيـب
مدري خطا ياناس ولاّاِنِّي اِمصيـب
ولاّ نما ، قالو تـرى لـهْ طلاليـب
دبّل قروشك عام سبعه وعشريـن

والمعدنيّـه ، قالـو اُمَّ المساميـر
جنِّب عنَه ما من وراهـا تباشيـر
ياما لِحقْنا مِن سَهَمْهـا مخاسيـر
دبّل قروشك عام سبعه وعشريـن

شاوَرْتُهُـم بالكيمـو اُمَّ الدناميـت
امضاربه لا هوب حـيٍّ ولا مِيـت
واللي شراها دبّـل مـن التناهيـت
دبّل قروشك عام سبعه وعشريـن

والزامل ومِن بعـده اللـي تسمّـى
مجموعـةٍ واللغـز فيهـا مِعمّـى
من فاز فيهـن راس مالـه تنمّـى
دبّل قروشك عام سبعه وعشريـن

قلت آخذ الصحرا و قالـو ترفّـق
لاتخدعك بالسـوق نـاسٍ تطفّـق
مـا كـل رجـالٍ يحلّـل يـوفّـق
دبّل قروشك عام سبعه وعشريـن

قلت المراعي له دعايـه وراعـي
آخِر سَهَمْ لي بالمجـال الصناعـي
ما قيل رجلٍ طـبِّ فيهـا وجاعـي
دبّل قروشك عام سبعه وعشريـن

قلت السِمنت وقيل حـاز العلامـه
واللي عطاك العلـم حشّـم مقامـه
لاشـك نجمـه لامـعٍ باليمـامـه
دبّل قروشك عام سبعه وعشريـن

قلت الفنادق قيـل مثـل البنـادق
قلـت العقاريـه وقالـو خـنـادق
قلت آخذ البحري وقالـو صنـادق
دبّل قروشك عام سبعه وعشريـن

قلت اِبشرو بالحج جاك الجماعـي
بين المشاعر ياهل العرف ساعـي
ويزور ساسكو بنت عمّه رضاعـي
دبّل قروشك عام سبعه وعشريـن

قلت الضحيه والضحيـه مواشـي
قالـو توقّـع لاتجـي للخشاشـي
قلت الله اكبر فيهِن الرزق ماشـي
دبّل قروشك عام سبعه وعشريـن

مكه وطيبه مـع عسيـرُ وتهامـه
كلٍّ عليهن عـضّ بِسْـرة اِبهامـه
الرابح اللي حطِّهِـن فـي حزامـه
دبّل قروشك عام سبعه وعشريـن

قالـو مبـرّد يالسنافـي تكـسِّـب
والصادرات الهقـوه اِنّـه تنسِّـب
وابعد عن التعميـر باكـر تِحسِّـب
دبّل قروشك عام سبعه وعشريـن

قلت آخذ الباحه وشمس وثمـاري
ولاّفتيحي مـع جريـر التجـاري
حيث اِن له فضل على كـل قـاري
دبّل قروشك عام سبعه وعشريـن

قالو وعدهن عقب عيـد الضحيّـه
اِن كان لك رُوحٍ مع النـاس حيّـه
قلت السنـه هـذي علينـا رِخيّـه
دبّل قروشك عام سبعه وعشريـن

قلت آخذ الكهرب وقالـو عقـارب
شطّر عنه كنّك عن الـداب هـارب
الناس تدري وين عذب المشـارب
دبّل قروشك عام سبعه وعشريـن

قلت الزراعه وش تقولـون فيهـا
قيل الصراحـه كـل عيـنٍ عليهـا
واخصِهـن بيشـه ونـادك تليهـا
دبّل قروشك عام سبعه وعشريـن

والباقيـات الخيـر فيهِـن تبَـيَّـن
وان طعت شوري في سهمهِن تليَّن
حقَّ النظر فيهـن شـويُّ وتعيَّـن
دبّل قروشك عام سبعه وعشريـن

والاتِّي(6) الثنتينِ فيهـن وصايـا
واشوف بعض الناس عنهن قِصايا
والله لاصبر ليـن احقـق رِجايـا
دبّل قروشك عام سبعه وعشريـن

قلت البنوك وقيل عنهـن حرامـي
غير البلاد اللـي تـورَّع وشامـي
والراجحي قبلـه رفيـع المقامـي
دبّل قروشك عام سبعه وعشريـن

ما باقي الاّ وحدةٍ (7) مـا ذكرتـه
وسمه عليها بس انا احرقت كرتـه
واللي شرح لي عن نشاطه شكرته
دبّل قروشك عام سبعه وعشريـن

هذي معاناتي علـى طـول الايـام
واقول ما حصّلت يا كـود الاوهـام
ليتي مشطِّر عن غرابيـل الاسهـام
دبّل قروشك عام سبعه وعشريـن

واشكر تداول والخليـج وهواميـر
وارْفِق لهم مِنّـي تحيّـه وتقديـر
حيث اِنهم بين المواقـع مشاهيـر
دبّل قروشك عام سبعه وعشريـن

الفيصل المشهور مابيـن قوسيـن
والذيب ذيب المنتدى لـهْ محبيـن
يالله تثبِّتهُم علـى الحـق والديـن
دبّل قروشك عام سبعه وعشريـن

وبروكرٍ مِعْـه الشريـف وأمانـي
والمحترف والنـور بالبنـت بانـي
حطّو لهم بالقلـب قصـر ومبانـي
دبّل قروشك عام سبعه وعشريـن

والمختصر بالمختصر لـه مقامـه
ياما على عِلمـه لقينـا السلامـه
والريم له بيـن الموصيـن شامـه
دبّل قروشك عام سبعه وعشريـن

وابـن مبـارك بالتحاليـل فـنـي
والشمريّـه علمهـا مـن مَغَنِّـي
وابو السلابد لا هـرج قـال عنِّـي
دبّل قروشك عام سبعه وعشريـن

والعذر للي مـا ذكرتـه بالابيـات
والشكر موصول لهم طول الاوقات
الله يرزقهم مـن الـزرق طرقـات
دبّل قروشك عام سبعه وعشريـن

ومن قبل اختم القاف عندي نصيحه
واخص به كـل الوجيـه الفليحـه
المال عند النـاس مثـل المنيحـه
دبّل قروشك عام سبعه وعشريـن

زك وتصـدّق لاتطـوِّف زكـاتـك
ما تدري ان الموت بطْرف عباتـك
ما قيل مالٍ زخرفـو بـه حصاتـك
دبّل قروشك عام سبعه وعشريـن

والخاتمه صلّو على سيـد الابـرار
ما غرّد القمري وما طايـرٍ طـار
واعداد ما يلفي على البيـت زوار
دبَل صلاتك قبل عرض الموازيـن

(1) صافولا. (2) التصنيع . (3) الكابلات . (4) المتطورة .
(5) اميانتيت . (6)شركتـا الاتصـالات . (7) التعاونيـة .


(منقول لإضفاء البسمه)
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  

 
قديم(ـة) 18-01-2006, 11:53 PM   #2
عضو مبدع
 
تاريخ التسجيل: Aug 2005
المشاركات: 1,491
قوة التقييم: 14
المتفائل is on a distinguished road
اللهم صل وسلم على نبينا محمد وآله وصحبه .

شكرا بحر وزادك الله تبسما وانشراحا .
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
المتفائل غير متصل  
قديم(ـة) 19-01-2006, 12:10 AM   #3
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
أخي المتفائل شكرا لك وبارك الله فيك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  
قديم(ـة) 19-01-2006, 01:29 AM   #4
عضو متواجد
 
تاريخ التسجيل: Jan 2006
البلد: في سوق الأسهم
المشاركات: 62
قوة التقييم: 0
السهم الذهبي is on a distinguished road
بحرررررررررررر كم أنت رائع كروعة هذه القصيدة

تضاف إلى المعلقات السبع لتصبح ثماااااااان

شكرا لك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
السهم الذهبي غير متصل  
قديم(ـة) 19-01-2006, 11:28 AM   #5
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
السهم الذهبي شرفتنا وشكرا لك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  
قديم(ـة) 19-01-2006, 11:23 PM   #6
 
تاريخ التسجيل: Jun 2005
المشاركات: 991
قوة التقييم: 0
خالد الغــــرير is on a distinguished road
شكرا أخي بحر
وما ذكر يحكي واقع فعلا لا ينبغي إنكاره ولا التغافل عنه وهذا غيض من فيض

وقد بينت في مقال خاص عن الأثار السلبية المترتبة على واقع المساهمات الموجود

يكفينا حديث النبي صلى الله عليه وسلم : ( لا ضرر ولا ضرار )

اللهم اكفنا بحلالك عن حرامك وبفضلك عن من سواك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
خالد الغــــرير غير متصل  
قديم(ـة) 20-01-2006, 01:01 AM   #7
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
أخي أبا سليمان
شرفتنا رفع الله قدرك وما قلته عين الصواب
اللهم اكفنا بحلالك عن حرامك وبفضلك عن من سواك (( آمين))
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 05:58 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19