العودة   منتديات الرس اكس بي > منتديات الرس اكس بي > تاريخ الرس و الأدب و الشعر
التعليمـــات التقويم اجعل كافة الأقسام مقروءة

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

موضوع مغلق
 
أدوات الموضوع انواع عرض الموضوع
قديم 30-01-2006, 09:03 PM   #1
ســـامي العرفـــج
عضو مميز
 
تاريخ التسجيل: Jan 2006
الدولة: دار أبو متعب
المشاركات: 217
معدل تقييم المستوى: 0
ســـامي العرفـــج is on a distinguished road
Lightbulb عيـــــــــــــــــــال (( قصيدة ))

السلام عليكم ورحمة الله وبركاته
هذه القصيدة أهديها لكم وإن شاء الله تعجبكم
على فكرة مناسبة القصيدة واضحه من أول بيت



عــــــــيـــــــــــــال
[poem=font="Simplified Arabic,5,white,bold,normal" bkcolor="transparent" bkimage="./images/backgrounds/37.gif" border="inset,5,silver" type=2 line=0 align=center use=ex num="0,black"]
الجــــاهل اللي مايعرف المواجيب = اللي بوقت الضيم مـــــــا ينغزابه
منهو يشيل العـار والـــذل والريب = نذر علي مــــــــا جيه وأطـق بابه
لا صار هذا العلم يـا شيب يا شيب = يا شيب عين اللاش عقب السلابه
مــــا نيب متحســف لا لا ولا نيب = متحسب في شي عـــــاب احتسابه
الطيب ما يشريه ألا هــــل الطيب = وإلا الزلايب مــا لهـــا إلا الزلابه
ياعون منك للعيـــــــون المهاديب = اللي مشـن في درب محدن مشابه
إي والله إني مــــا لفيت المكاسيب = لفيت أنا في ديــــــــر محدن لفابه
كني أشوف الـدار عقب المعازيب = مرفــــــوع فيهـا ابليس ويا كلابه
علمن تبين مــــا حجبنه محـاجيب = علم سمعه منيـــــــر شيب شبــابه
يا حيف شيخ كحلته الرعــــــابيب = اللي عيــــــاله دنســـوا في ثيــابه
جار الزمن يا هيه وحنــا مغاليب = والمرجلة ياهووه صـــارت غلابه
في عين منهـــو رهبته المصاليب = اللي يســــــاوم للحيـــــــاة الربابة
يا منك لله منك نــــــــادين وآجيب = نادي طويل الصيد خوذي جـوابه
مسيت بالخيرات يا أبـــا الجلاليب = ياللي تحوف الخيط وسط الجلابه
اللي تشكى منك حمــــر اللواهيب = ذي لابتك تسوى ثمــــــــانين لابه
أي والله إني فاتــــح العين وآهيب = لكـن عيني مــــــا تشوف المهـابه
يا كن عيني ما تحسب المحـاسيب = تشوف شي مـــــــا يحسب حسابه
هذا خـــوي ذيب وهذا ولـــد ذيب = والشــــــاهد الله راح وقـت الذيابه
والنـــــــــايف الي قيدته العذاريب = الي غبنه الغيـــــض من حر ما به
مـــروا عليه وعلمـــوه المواهيب = قولــوا له الأشنــــــاب كلها تشابه
تفرق بها الأفعــال وقت العذاريب = يظهـر بها الفتــــــــال فعل ومهابه
وقولوا له إن الدهــــاليــز ماهيب = تنفذ بهـا الأسيـــــــاد واهل اللبابه
وإن الخشـــوم النايفات اللواهيب = تــــاوي الحــــرار ولا توبد غرابه
خســـــران يالي ماتبيح المجاليب = كسبـــان دام الشـــح عندك كسابه
وإلا الشهامة والحميا على الطيب = أبعــد عـلـيـك مـن الثـريـــا ومابه
لا والذي سوان وسـوا بي الطيب = اللي فـقــده الــــلاش ولا ارتجابه
اني لا أعـز النفـس عنك ولا هيب = نفسي ذليلة يوم ترضى المهابه
اللي بليا عـــز يقنب كمـــــا الذيب = يقنب ولــو هي مــا تـفـيـد القنابه
يومـن يجيلك فيه تشكي العزاريب = فيه يتــــورا وســـط عينـــك إنابه
وأنته تشوف المزن تهذي هذاريب = تظن السحـــــــابه يقتفيها سحابه
ياخايع اللهفـــــات تقوى اللواهيب = ازريت يالنـــــــايف تنومس ثيابه
خيبت ظني يـــــوم شفت العذاريب = أدورك ما ألـقـــــاك وقت المجابه
السيف سيفي والقصـــايد مخاليب = وزهابك المـــزعوم ابخص طنابه
ماني ابن عرفج واســج المهاديب = ولا ني ولــــد صالح إذا أنت لآبه
والحظ جـعـــل الحظ ياويك يا ذيب = ويجـــــاوبنك لا عـــــويت الذيابه
عفنــاك يا حظ يخطي ولا يصيب = ملعـــــون أبو وقت يشيب صوابه
هذا وحنــــــــــا بـلا حظ ونصيب = وشلــــون لو بيح لنــــا الحظ مابه
باكـــر تدور الدايــرة كـا لـدواليب = تشقـــع بهـــا الأقدار راع الذرابه
قرم ولد قرم ولد قــرم ومنــاجيب = اللي عــــزيــــز بالحنـــــايا جنابه
وقت تجاذب فيه ســــود المخاليب = عسم عجــــاج الوقت محد صفابه
يا كــود فزاع الليــــــال المحاديب = اللي خبصهـــــــا دون حد النهابه
لله درك يـــــــــا سمي المعــاريب = وقفتـك هذه مـــــا بهـا أية غرابه
لا صرت ولد مزبنين المعــاطيب = ماهي غريبة نخــــــــوتك للطلابه
هـــذه يميني تــلهـــــا للتــراحيب = وعطني يمينن مــا تبا ألا الرحابه
وخــوينــــــا مانصلبه بالمصاليب = يــــوم التميمي واقف في هضابه
قاله أبا الضلعــان طلق المهاديب = حـر القطــــام اللي وصلها جوابه
والطيب مــا يشــريه الا هل الطيب = وإلا الزلايب ما لــــهـا الا الزلابه[/poem]

:mad: وسلامتكم
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ســـامي العرفـــج غير متواجد حالياً  
موضوع مغلق

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:57 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir