شاخت حصانيها

[علي الخليوي]

السلام عليكم ورحمة الله وبركاته
الاخوه والاخوات الكرام
اشارك بهذه القصيده المتواضعه ارجو ان تحوز
على رضاكم





شاخت حصانيها


[poem=font="Simplified Arabic,5,white,bold,normal" bkcolor="transparent" bkimage="./images/backgrounds/37.gif" border="double,4,gray" type=2 line=0 align=center use=ex num="0,black"]


سميـت بسـم اللـذي للخلـق روافـي =محصـي عددهـا ورازقهـا ومنشيـهـا

يقـول من هـو يسخـر عاصـي القافـي =عسـر القوافـي تثنـى لـي محانيـهـا

جبت اليراع والـدواة وبيـض ٍ سخافـي =وخطيـت بيـوت ٍ جزيـلات ٍ معانيـهـا

من هاجـس ٍ بالفكـر يلعبـه اصنافـي =هجوس فكـري تحـذف لـي مراميهـا

قالوا قصيـدك قديـم وشعـرك خلافـي =غطـت عليـه الحداثـه هـي وهاليهـا

قلت اسمحوا لي قديم الصـوف ينشافـي =ولـى البريسـم جديـده فـي مطاويهـا

شعر الحداثـه طـري وعـوده رهافـي =ارضـه هشـاش ٍ تحـدر فـي مبانيهـا

مثـل الدينـار العراقـي عنـد صرافـي =خسران من باعهـا وخسـران شاريهـا

ياتيـك شعـر الحداثـه غـث وسفافـي =لولا الصحافـه تطبـل لـه غـدا فيهـا

يرجد حكي فاضي ولى صـاب الاهدافـي =والبنـدق اخطـت هدفهـا مـن مقديهـا

جيتـك شربتـك شربتينـي وذا كـافـي =صـارت قصيـده وجـاب اللـي يغنيهـا

حشـو ٍ مكـرر كثيـر الدبـك بسرافـي =تقـراء القصيـده ولـى تفهـم معانيهـا

كل ٍ غدا شاعـر ٍ يضـرب بالاوصافـي =القـاب وحـزاب والصحـبـه ينقيـهـا

ادخل على الله بعضهـم شعرهـم وافـي =ماعـم نـاس ٍ تعلـت فـي مراقيـهـا

الشعـر ولـى وناسـه صابهـا عيافـي =مـن قشـر ماتسمعـه صمـت اذانيهـا

شعر الحداثـه علـى جريـف ومهيافـي =لابـد ماتـرجـع العـالـم الماضيـهـا

وسجيـت رجلـي بـدو ٍ والقـدم حافـي =ابغـي افـرج همـوم ٍ كنـت مخفيـهـا

عديت روس النوايـف جيـت مشرافـي =بديـار قـوم ٍ مـارب البيـت حاليـهـا

تكانفتنـي هـمـوم القـلـب ياكـافـي =من ذا الزمـن الـردي بانـت مواريهـا

قاسيـت وقـت ٍ يبيـح السـد والخافـي =وقـت ٍ بـه اذنـاب كابـرة ٍ علابيـهـا

شاخ الثعـل والدوينـي صـار عرافـي =لارحـم وقـت ٍ شاخـت بـه حصانيهـا

اشنـاب طاحـت لهـا بالطيـب ميقافـي =عيال الحمايـل اشـوف الوقـت جافيهـا

ابن الحموله رجـع بـه حظـه انكافـي =صكـات بقعـى تومـي بـه بلاويـهـا

عقـب المعـزه تكـدر شربـه الصافـي =شربـه همـاج ٍ وغيـره مهتنـي فيهـا

حثيت رجلي بدربي ولـى اتبـع الهافـي =والناس الاشـراف انـا منهـا وخاويهـا

ماخضت في عرض غيري ولى بي خطافي =واللـي بهـا شبهـة ٍ ماتـي حراويهـا

اقـدم الواجـب اليـا جـانـي الـلافـي = قولـة هــلا مرحـبـا لازم نبديـهـا
[/poem]


الشاعر

علي الخليوي

[الطموح]

الحق أن الكلمات تطاوعك دون أن تعسرها .

وأنك شاعر رائع .

شكرا لك

[غريب الدار]

[glow="3300CC"]

المشاركة الأصلية بواسطة علي الخليوي

[poem=font="Simplified Arabic,5,white,bold,normal" bkcolor="transparent" bkimage="./images/backgrounds/37.gif" border="double,4,gray" type=2 line=0 align=center use=ex num="0,black"]
شاخ الثعـل والدوينـي صـار عرافـي =لارحـم وقـت ٍ شاخـت بـه حصانيهـا [/poem]

صح لسانك يابوناصر

وهالبيت ذكرني ببيت من قصيدة راكان بن حثلين ((الله يرحمه)) ويقول فيه :

[poem=font="Simplified Arabic,4,white,normal,normal" bkcolor="transparent" bkimage="./images/backgrounds/87.gif" border="none,4,gray" type=2 line=0 align=center use=ex num="0,black"]
شفت الحصاني تعتلي روس الاقذال = والذيب يمشي يتقي بالمسايل[/poem]


الله لايهينك على هالقصيده الجزله

لاعدمتك[/glow]

[علي الخليوي]

الطموح

حياك الله اخي

وصح الله بدنك


لاهنت

[علي الخليوي]

غريب الدار

هلاااا وغلاااا

حياك الله وصح الله بدنك

لاهنت يالقرم

[عنووود الصيد]

بعد السلام...

صح الله هالسان
وزانه بالأيمان
كلمات وعبارات غاية في الجمال

[majed]

الشاعر الرائع على الخليوي
لك تحيتي وتقديري وصح الله لسانك
على هذه الرائعه
دمت لنا
-