عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 08-03-2006, 10:12 PM   #1
عضو بارز
 
تاريخ التسجيل: Nov 2005
البلد: تأخرت طيارة شيكاغو ! ! !
المشاركات: 619
قوة التقييم: 0
الكاغدي is on a distinguished road
ملاحظاتي , بس عادي تقدرون تشاركون :)

^
^
^
^
^
^
^
^
^
^
^
^
^
^
^
^

السلام عليكم ورحمة الله وبركاته...

الموضوع عبارة عن ملاحظاتي في عالم المنتديات اللي قضيت فيه تقريبا 6 سنوات ........

قضيت فيها زهرة شبابي ((ياسلام)).... وسنوات طفولتي البريئة ((يا حلاوة)) !!

المهم...من كثر ما دخلت على المنتديات وسجلت فيها ؛؛؛ حسيت إني خبير في هذا المجال..

....أو يمكن يتهيأ لي كذا .....لأنكم جايز مجربين اللي أقولكم عليه أو شايفينه ومعاصرينه...

* ملاحظة صغيرة *
ثقوا ثقة تامة إني ما راح أقول إلا الحق ولا شيء غير الحق!!!!!!>>>>>> "حشا محكمة"

^بســــــــــم اللــــــــــــه الرحمـــــــــــــــن الرحيــــــــــــم^

1) الحال في المنتديات غريب جدا …..يعني يمكن أنا وأخوي نشارك في نفس المنتدى ..أو أنت واختك

أو هي وخاله أو هو خالته……………أو حتى واحد وزوجته….ولا تكتشفهم إلا بالصدفة البحته..ويمكن ما نكتشفهم

أبداً…………على هالحاله يمكن يكون الغـــــــــــــــالي ((عفور)) أخوي الصغيّر ! أو ريم الصحارى خالتي.........

أو غلا أختي الصغيّرة >> تصدقون يمكن لأني ملاحظها هاليومين..طول اليوم تكتّب بهالكمبيوتر ............أهاااااا

كشفناك يا غلااا >>>اعترفي !

فكروا راح تلقون الأمر مثير للدهشة والعجب.......ولله في خلقه شؤون !!

*نصيحة*......روحوا شيكوا على أجهزة اخوانكم .........يمكن تلاقون أحد هنا معانا>>>>بس علمونا....

××مثال××

قبل شهرين اكتشفت إن ولد خالتي معنا هنا في المنتدى ..ياحبي له بعد.لا تسألوني من هو ..لأن المصلحة العامة

تقتضي عدم البوح بذلك...ويا ويله ويا سواد ليله لو لمّح بشيء.........

2) آراء (بعض) الأعضاء في المنتديات يمكن ما تعبر عن رأيهم الحقيقي .يعني يجيك واحد يدافع عن

قضية ما بكل بسالة واستماتة و إذا جيت تناقشه فيها برا المنتدى قال لك رأي آخر تماماً...بعيد جدا .....كل هذا

لأن الجماهير عايزه كده..وتبريره لها ((((أنه لو خالف راح يلقى banned كبر راسه>>>>خخخ حلوه))))

يعني عشان يمشي مع الناس ...لازم يصير مثل رأيهم ...أنا أفسر هذا الشيء بأن كثير من المنتديات فيها أعضاء

ما يخلون الواحد بحاله إذا صار مخالف رأيهم...فيخاف الأعضاء الآخرين من الوقوع في براثن مثل هؤلاء الأعضاء

لاجئين إلى اتخاذ وارتداء قناعات ما تعبر عنهم....أنا ما ألومهم ..ليش؟؟ لأن اللي ما يمشي مع الهوى يطير

بعيد...وهذا كلام أقوله و أنا مو مقتنع فيه أبدا..لكن هذا هو الواقع ............

++مثال++


مرة سجلت بمنتدى بمعرفين ..قلت خلي أجرب كيف يحس الواحد إذا كان عنده شخصيتين مختلفتين جدا...

المهم خليت واحد مع الناس ..وواحد شخصيتي الحقيقية ::مثل الكاغدي يعني::................المفاجأة أن الاسم الأول

صار له احترام ..بعكس الثاني اللي صار كلن يستهين فيه...مادري ليش ... تقدرون تفهموني ؟؟

3)بعض المشرفين يمكن ما يصير له أدنى علاقة بالمنتدى حقه...يعني يجيك مشرف على منتدى الجوال..وهو

ماعنده جوال.......أو على منتدى الرياضة وهو مايعرف الفاول من البلنتي.......طبعا هذا الأمر مو موجود عندنا

هنا..واللي أشوفه إن كل المشرفين متخصصين بالمنتدى اللي ماسكينه ..وهذي صفه تحسب للمنتدى..........

==مثال==

طبعا هذا الأمر صار لي وأنا بزر في أولى ثانوي ..أيام المراهقه يعني >>>تكفى ياللي صاك الأربعين..خل لحيتك

تكمل بالأول<<<

ما علينا ..المهم سجلت أنا واختي في منتدى مغموووور جدا UNKNOWN يعني...ومستانسين ..واثقين انهم

بيحطونا مشرفين _بما أن الأعضاء عددهم ما يزيد عن خمسين_..وفعلا بدينا نشارك ونتفاعل ...لدرجة اني وصلت

200 مشاركة بيومين..(واضح انه على غير سنع)>الله يخلي منتدى الترفيه.................

المهم ..قعدنا اسبوعين ولا حطونا مشرفين ..بس طرت على بالي فكره اني أدخل باسم بنت ...وفعلا سجلت باسم

بناتي بحت...وبديت أشارك بمنتدى الطبخ _كان فاضي_..وقعدت أكتب وأكتب واسهر الايام والليالي....وانقل من

هالطبخات ...(والله..من جد بديت أعرف أنواع الطبخات و الحلا والسلطات..)


وأخيرا ....وبعد جهد جهيد ..جاء الإشراف على منتدى الطبخ ..استانست أول شيئ..تعرفون ليش؟؟ لأني انتصرت

على اختي اللي حاولت تصير مشرفة منتدى القصص بس ما قدرت مسيكينة !

وثانياً لأني قدرت أدخل منتدى المشرفين السري..(والله كشخة) !

بس بعدين صار هالاشراف عبء كبير علي...أثقل كاهلي...>>والله أتكلم جد ..يعني الاشراف مهوب

وناسه ..مسؤولية وتعب..أصلا مجرد انك لازم تشيك على كل الردود والمواضيع ..هذا أمر ممل جدا ومجهد

جدا..""الله يعين مشرفينا""..

و ما زلت أشعر بالذنب لأني دخلت باسم أنثوي ..بس تجربة حلوه...


3) (بعض) الأعضاء يكتبون بأسماء أنثوية ..و(بعض)العضوات يكتبون بأسماء ذكورية..

وكلن له أسبابه ..أنا أقول إن الذكور المتأنثين ..مالهم أسباب وجيهة...يمكن واحد يدخل بيشوف كيف

الوضع....ويمكن ثاني يدخل لأغراض سيئة...أما البنات المتذكرات ..أعتقد والله أعلم ..إنهم يشوفون شخصية الذكر

في المنتديات ..يتقبل الأعضاء منها أي شيء..بعكس البنت ..لازم يكون لها حدود..وتعقيدات..((والله اني

أرحمهم ..أمزح..لا يقومون علينا الحين)) !

المهم ((ياكثر ما أقول المهم !! ))

إنه شيء غريب هذا .. يعني إنك تتقمص شخصية غير شخصيتك,,, !!

--مثال—


مثل ما قلت بالمثال السابق ..دخلت باسم بنت في منتدى ..عشان أصير مشرف((وياليته اشراف على سنع ...طبخ !!

والله من الدجة بعد !! ))!!


واستحليت السالفة ..وبديت أشارك وأكتب من هالطبخات اللي مادري من وين مخترعينها....وجلست في المنتدى

حوالي سنتين ونصف ..وأنا بنت ..وكانت تجربة غريبة ..أدري إن هذا الأمر مستهجن ..ويمكن يطلع لي واحد ويسب

ويشتم..بس أنا كنت بزر أيام السوالف هذي ..يعني في الماضي...وحنا عيال اليوم..

4) بعض الأشخاص يمكن يجزمون إنك العضو الفلاني ..وانت منتب هو ..ما أدري وش السبب؟! يمكن

تقارب الأسلوب ..أو الأفكار والا إش بالضبط ..ما أدري .. !! ويمكن يسوون كذا عشان يرغمونك على الاعتراف

بشخصيتك الحقيقية ..عليهم أساليب بعد !!

&&مثال&&


قبل شهرين ولد خالتي اللي قلتلكم عليه نشب في حلقي ..يقول لي أنت (الناظم) ويحلف ويمطع بهالأيمان ..(صراحه

الله يعينه على الصوم ،، هذا اذا صام!!) ..عجز يصدقني يوم قلت له إني مهوب أنا الناظم..ومت من القهر .. (مو عشان

الناظم فيه عيب ..حشا..لكن تعرفون أنا ما أبي إلا شخصيتي)...و أخيرا قررت أقول له إني الكاغدي ...الله يقطع

ابليسه خلان أخر له كل شيء..بس هو ثقة ما شاء الله عليه ..يستاهل..

**لا تصير مغرور عاد..و رجاء لا تلمــــّــــح !!

المهم..مادري ليش اتهمني اني الناظم ..مع اني ما اشوف أي تشابه بيننا...((والا إيه يالناظم))؟؟!!


5) المعرفات والتواقيع عالم غريب جدا ..آلاف الأسماء وآلاف التواقيع ....منها اللي يضحك..مثل الكابتن

مناحي..ورزه بس رجه.. ومنها اللي يحزن ....ويثير كثير من الشجون..ومنها اللي ما لأمه داعي بهالحياة ....,,وفيه

أسماء تخوف ..وتثير الرعب.مثل (الزاحف)..والله اني اذا شفته انهبلت...>>((بسم الله!!))..

وفيه أسماء تهديك وتريحك..وبمجرد ما تشوفها تحس بالراحه..مثل أبو ريماس..وأبو عذاري ..

و الفيصل..معاك حق..عالي مستواه..والأمثله كثيره..

شيء ملفت للنظر ..يعني كيف الواحد يقدر يسمي نفسه ..والعادة إنه أهله اللي يسمونه ..لكن الحين يقدر الواحد

يحدد شوي من هويته باسمه ..يرسم شخصيته..يحدد أبعاده...ويحصر اهتماماته..شيء غريب فعلا..

أما التواقيع فشغلة ثانية....يعني هي أكثر شيء يبين شخصية الواحد _طبعا اذا كانت من تصميمه_.. ويمكن تحدد

الطريقة اللي نتكلم معاه فيها..وفيه ناس ما عندهم توقيع..مو لأن مالهم هويه أ ما عندهم شخصية..لكن ما يدرون

وش يحطون ..والا ما يعرفون ...الله أعلم...

>>مثال<<

اسمي..............يمكن تنهبلون إذا عرفتوا كيف طلعته ..مره كنت قاعد بالاجازة الصيفية أدور معنى كلمة بمعجم

(منجد الطلاب) وطاحت عيني على كلمة(الكاغدي::بائع الكاغد "اللي هو الورق")وشكلها تخزنت في عقلي

الباطن ..إلى يوم سجلت في المنتدى ..واحترت وش اختار اسم وفجأة طلع لي الكاغدي ...خطيته على طوول..

والله يسامحه واحد من الأعضاء كان يحسبني عراقي ..مادري وش دخل الكاغد بالعراق!!!!!!!

أما توقيعي فمر بعدة مراحل ..أول شيء حطيت صورة براد بيت..و(شكله كانت ممنوعة) ..لأني من بكرا لقيتها

طايرة,,,فأنا ما أعرف هالمنتدى إلا مؤخرا _توي جديد_وما ادري وش السالفه يعني..

ومر التوقيع بعدة مراحل انتهت بصورة مات...اللي انحذفت مؤخرا...يمكن لأنه حليو ومملوح ويشبهني مره...

6) الرسائل الخاصة وما أدراك ما الرسائل الخاصة ....عالم ثاني غير الكتابة بالمنتدى ,,فيه تشوف

الأعضاء على طبيعتهم .. وانت تاخذ راحتك بالحديث أكثر ... ويمكن تتكشف لك شخصيات الأعضاء الثانية ...مثلاً

واحد كريه بالمنتدى لكن تكتشف إنه عادي بالرسائل ..أو واحد تحس إن ما يحس ..لكنه طلع يحس

(((يحس ...تحس .. الحمد لله والشكر )) ... بعد الرسائل تزيد المحبة بين الأعضاء ... وعن طريقها يمكن توضح

أكثر ... تسولف ...تنكت ... تسب بعض المرات ... تهبل بالناس ((وهذي عاد اللي مهب زينة لأن ترويع المسلم

حراااام))) ... بس خاصية الرسائل رهيبة جداً ... تخيلوا لو ما فيه رسائل ... تخيلوا بس كيف بيكون الوضع !!!!


الخـــــــــــــــــــــــــــــــــــــــــاتمة:: :


هذه هي ملاحظاتي الصغيرة ..ومن بعدها الأمثلة من تجاربي الشخصية المتواضعة ..اللي فيها شوية إضاءات

وكثير من الأخطاء ..لأني بشر ...لكن حبيت أسردها بشفافية مطلقة...

علنا بكذا نلقي بعض الضوء على هالوضع المثير للعجب ..اللي هو المنتديات....

*ملاحـــظـــة*

هذه ملاحظات وليست قواعد أو تعميمات ..إنها وجهات نظر شخصية..لا تعدو كونها إبداء دهشة أو عجب..فقط لا غير...

ملاحظة ثانية
>>>ما يعرف يرتب الموضوع كل شوي ناط بشي !!

راح أنقطع فترة عن المنتدى ... بسبب ظروف الدراسة ... لأني لاحظت ان النت يأخذ من وقتي كثير ,, وأنا يبي لي

معدل عالي شوي يعني لازم أشد حيلي .... بس من جد راح أفقد كل شيء بالمنتدى ...

المهم :: الله الله بالدعوات ... ادعولي الله ينولني اللي في بالي ...يا كريم ..

تحياتي للجميع ............. حبايبي ............

نشوفكم في الإجازة ...

::الــــــــــــــكــــــــــــــاغـــــــــــــــ ـــدي::
ملاحظة ثالثة ((وش يبي ذا ))
عبوا الموضوع ابتسامات من عندكم لأن حقاتي ما يشتغلن الظاهر ....
الكاغدي غير متصل  

 
قديم(ـة) 08-03-2006, 10:36 PM   #2
مشرف المنتدى الأدبي
 
تاريخ التسجيل: Dec 2005
البلد: الرس
المشاركات: 2,144
قوة التقييم: 15
خلف is on a distinguished road
سواليف توسع الصدر ، المهم اني عرفت معنى الكاغدي اللي كان محيرني كل هالمده ،

وكنت ناوي اسأل عن معناه .......

الله يوفقك في دراستك وينجحك بتفوق . وتعود لنا سالم وغانم عشان تقبل بك (( الهانم )) ..

ومع السلامه يابياع الورد ... اقصد بياع الورق .
__________________
خلف غير متصل  
قديم(ـة) 09-03-2006, 10:36 AM   #3
عضو متواجد
 
تاريخ التسجيل: Jan 2006
المشاركات: 62
قوة التقييم: 0
عــاصي is on a distinguished road
أهلاً بصاحب القلب الطاهر :: الكاغدي ...

يا أخي ما أدري ليش أحبك في الله .. أما موضوعك فالحق أنه ممتع و ضحكت كثيراً أثناء القراءة ...

وبالسلامة ترجع ان شاء الله ... بالتوفيق ...
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
عــاصي غير متصل  
قديم(ـة) 09-03-2006, 10:42 AM   #4
عضو
 
تاريخ التسجيل: Jan 2006
المشاركات: 6
قوة التقييم: 0
العبقريتان is on a distinguished road
الموضوع Very nice
وتروح وترجع بالسلامة ....
أما عن غلا ....فتأكد إنها مش أختك ...
خذها منا .....
يمكن حنا خواتك !!!!!!!!
العبقريتان غير متصل  
قديم(ـة) 09-03-2006, 11:33 AM   #5
عضو متألق
 
تاريخ التسجيل: Apr 2005
المشاركات: 793
قوة التقييم: 0
السحب الوابلة is on a distinguished road
موضوع غاية في الجمال,ويصلح ان يكون بداية مشروع رواية او كتاب قصصي,بالتوفيق
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
السحب الوابلة غير متصل  
قديم(ـة) 09-03-2006, 11:45 AM   #6
عضو بارز
 
تاريخ التسجيل: Jul 2005
المشاركات: 535
قوة التقييم: 0
د.واقع is on a distinguished road
الصراحة موضوع رائع ... وتجارب مفيدة

مشكور أخوي الكاغدي (اللي يعرفن ولا أعرفه)

وترجع بالسلامة "بس من وين؟"
د.واقع غير متصل  
قديم(ـة) 09-03-2006, 02:43 PM   #7
عضو مبدع
 
تاريخ التسجيل: Jul 2005
البلد: الرس
المشاركات: 1,176
قوة التقييم: 0
غلا is on a distinguished road
هلا والله

الكاغدي

خذها من العبقريتاااااااااااااااااااااااان

انا مب اختكــ

بس يمكن اختك تصير اختي!!!!!


ملاحظاتك روووووووووووووووووووووووووووووووعه..

واسلوب حلو

وانا عندي ملاحظه......

فيه ناس تكتب وترد على نفسه ........... ظاه غريبه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
غلا غير متصل  
قديم(ـة) 09-03-2006, 05:38 PM   #8
عضو متألق
 
تاريخ التسجيل: Jan 2006
البلد: alrass
المشاركات: 736
قوة التقييم: 0
maraam is on a distinguished road
فغلا موضوع رائع

ويتخلله بعض الطرائف

أما مشرف منتدى الطبخ شيء رهيب

وما أقول إلا الله يوفقك وينجحك ويحقق لك ماتصبو إليه وأنا بعد لي نصيب من الدعاء>>>>>طماعه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
maraam غير متصل  
قديم(ـة) 10-03-2006, 06:35 PM   #9
عضو مميز
 
تاريخ التسجيل: Feb 2006
المشاركات: 161
قوة التقييم: 0
أبو طيف is on a distinguished road
خخخخخخخخخخخخخخخخخخخخخخخخخخخخخخخخخخخخخخخ

مدامك تعرف تطبخ..

ترى العشااا عندكم بكرا.............................................. ........

والا مشرف طبخ على الفاضي....................................كككككككك كككككككككككككككك
أبو طيف غير متصل  
قديم(ـة) 10-03-2006, 10:45 PM   #10
عضو بارز
 
تاريخ التسجيل: Oct 2005
المشاركات: 603
قوة التقييم: 0
ابن السلف is on a distinguished road
السلام عليكم
(بعض) الأعضاء يكتبون بأسماء أنثوية ..و(بعض)العضوات يكتبون بأسماء ذكورية..

...أما البنات المتذكرات ..أعتقد والله أعلم ..إنهم يشوفون شخصية الذكر

في المنتديات ..يتقبل الأعضاء منها أي شيء..بعكس البنت ..لازم يكون لها حدود..وتعقيدات..((والله اني

أرحمهم ..أمزح..لا يقومون علينا الحين)) !

إنه شيء غريب هذا .. يعني إنك تتقمص شخصية غير شخصيتك,,, !!

كلام مؤكد للواقع !!!
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ابن السلف غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 02:50 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19