عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 10-03-2006, 04:02 PM   #1
عضو متواجد
 
تاريخ التسجيل: Nov 2005
المشاركات: 57
قوة التقييم: 0
كونان is on a distinguished road
حمى النعووووووووووووومه

يا شين التخيكر والميوعة ، ويامصل الواحد إذا قام ينعّم صوته ويالله يطلّع الحتسوه من زود الدلع .
اول مهنا كنت اتوقع ان مافيه ناس لهالدرجه لكن شوفة عيني مهوب شي ينقال لي وهالواحد اللي شفته وكلمته خالص مرررره
منتهي ويالله تسمع حسه وسالفته إلى الحين وهي مطيّره عقلي ومهبله بي والقصه المضحكة والمبكية في نفس الوقت هي اني كنت مع
اثنين من ربعي نتمشى بالسيارة وسقطنا على واحد معه سيارة تقصر وانت تقول فخمه وانتم خابرين عاد معنا شلخة موتر
ولازم نمتع عيوننا ونكحلها بمناظر الفخامة على الطبيعة وعلى قولة المثل ( اذا فاتك اللحم اشرب مرقته) ، وما أمدانا
نتعداه الا وهو يكتم الدعسه ويلحقنا ؟ ويساوينا بموتره يعني اوقفوا ابيكم قلنا تم وسفط على جنب ووقفنا عنده وحنا مستغربين
وش عنده ووش يبي ؟ المعنى نزلت القزازه اللي من يمه ( هندله ) طبعا عاد بذهانتي طلعت صوت وانا انزلها ( زززززز)
قالك تماتيك وشكل المواتر مع بعض يموت من الضحك كنك موقف ملكة جمال لبنان عند ملكة جمال الصومال طبعا هذي بالنسبه
للمواتر والا اللي في وسط الموتر يسوونه هو وموتره ( ادهن سير ربعي ) عاد راعي الفخامة التفت لنا وخذ له مزه بالزقار
ه وقال ( من فيكم ) ؟ بصوت خآآآفت وقعدنا نناظر بعض ( ودي الاه ساطرني كف ولا سألني هالسؤال ) وقلنا له وشوو
اللي من فينا ؟؟ خذ له مزه ثانيه والتفت بميوعة وقال : ( ميييين فييييكوم ) احوووول وش يبي ذا قلنا له وش تقصد
بمن فينا ؟ وأنواع علامات الاستفهام والتعجب تحوم فوق روسنا ثم رد بصوت يالله نوحيه كله دلع وانوثه ( آآآآسف يمكين
غلتآآآآن ) ودعس بموتره وراح ؟ آآبوك من خكري والمشكلة انه واحد كبير وله شنب والى الحين وانا افكر وش يبي
ووش قصده واستغرب بعد وشلون هالآدمي عايش حياته بالطريقه هذي يعني مثلا تخيلوا لو يوقع عليه ( ذباب )
وش يبي يسوي به ؟ اكيد يبي يقول للذباب ( وخررررررر ) ثم يبي يحط مطهر ديتول على مكانه ، طيب لو تبي توقع
عليه بعوضه وتشفط من دمه وش يبي يسوي بها اكيد مهوب ( راصعها ) وهي على يده أقل مافيها يبي يحرك يده فوقها
وهو يقول ( يالله روهي هنآآآك ) من زينك انت ودمّك عني انا ان هالبعوضه عقب ما تشرب دمك يبي يرتخي خرطومها
( صارت فيل مهيب بعوضه ) وتبي تدب فيها النعومه وتصير ابرتها رخوه ما عاد تنغز احد ومستعد احلف بعد انها تبي
( تطرش ) اذا خذت منه دم ومعذوره . آآه بس يا حمى النعومه اللي لاعبه فيه لعب وجايبه جهدها تصدقون عاد اني
اكتشفت ان اللي مصاب بالمرض هذا انه مهوب عايش اكثر من خمس سنين أو بالكثير ست ( من معي ) لأنه يبي يزهق
من تقلبات الجو وتبي تتلف ( تسبده ) من كثر ماتحوم ( صارت حمامه مهيب تسبد ) ويبي يجيه انسداد في
( مجرى البؤبؤ الأيمن والأيسر ) من كثر ما يغضي عقب كل كلمه ينطقها هذا غير تلف الحبال الصوتيه لأنها تبي تجيم
من قل الاستعمال يعني تخيلوا انه يبي يقعد كم سنه ما ( زعق ) او صرخ كل ( حتسيه ) مقصور عليه مررره ويمكن
بعد يصاب بارتخاء ( العصعص الإرتوازي ) بسبب قل الشيل والحط . والحمدلله بعد مرضهم مهوب معدي والا كان
انا يا محاكيكم قد رحت في خرايطها من يوم نزلت ( الدريشه ) لكن السؤال اللي ( يجدع ) نفسه هو هالنمونه اللي
ما بعد مرت عليها عوامل التعريه والخشونه وشلون نقول عنهم رجاجيل ؟ هذولي جنس ثالث او جنس رابع ان صح التعبير
( الإملاء ) وبصراحه الود ودي اني آخذ واحد منهم وأربطه في ( حوش غنم والا بقر ) يومين يطقه الخياس
وتدودي عليه الذبان الين يقول ربي الله والا أتله بأذانه واحطه في البر الحاله وسط القوايل واخليه يطقها كعابي الين تسارب
هالنعومه اللي هو مسويها أو اني اربطه مع رجليه واسحبه في ( مطينه او ريغه ) الين يعقل وينضبط ، وفيه بعد سؤال
آخر ( توه واصلني بالفاكس ) وهو وشلون يبي يتزوج المريض بحمى النعومه اذا صارت الحرمه أرجل منه ؟ والله يكون
في عونها بنت الحلال يبي يخلص المكياج عنها ويغثها في عمرها لكن الحقيقة هذا حده ياخذ له أرنب والا قطوه من قطاوة المطاعم
اللي مدلعات ( ياكلن شي ماناكله حنا ) مع مراعاة تقصيص ضفورها قبل ليلة الدخلة .....
كونان غير متصل  

 
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 02:31 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19