روحي بحايـل مـا تفـارق جبلهـا (( قصيدة للعريفي ))

[المهاجر]

[poem=font="Simplified Arabic,5,darkred,normal,normal" bkcolor="transparent" bkimage="./images/backgrounds/11.gif" border="double,2,silver" type=2 line=0 align=center use=ex num="0,black"]
روحي بحايـل مـا تفـارق جبلهـا= حبي لها عيّا علـى كـل الأوصـاف

افـرش حصاهـا واتوسّـد سهلهـا=وارقد بحضن جبال سلمى ولا اخاف

اسمـح واراضيهـا واداري زعلهـا=واشتاق له شوق الطنايـا للأضيـاف

او شوق سمر جبال حايـل لاهلهـا= جاوزت من حبي لها حد الإسـراف

عيني بإجاء ماتسمـع اللـي عذلهـا=وخشوم سلمى مثل شذرات الأسياف

قصـة غـرام تـراب حايـل نقلهـا= تحكي على التالين من ماض الأسلاف

اجـاء تهضّـم عبرتـه وإحتملـهـا= ولا هي بعادة عبرت الحـر تنشـاف

وحوّل على سمـر الجبـال ونزلهـا=عن دار ذلٍ عقب ما شاف ما عـاف

سلمـى تغنـي لـه قصايـد غزلهـا=على الوفاء والود وسلوم الأشـراف

وحاتم زرع عود الصخى في جبلهـا= واوقد بشامخ ضلعهـا نارالأضيـاف

وعنتر علـى عبلـه كتابـه عقلهـا= شحوا عليه عيال سلمـى بالإنكـاف

داربهـا الشلقـان صاغـوا مثلـهـا= خويهم شالوه مـن فـوق الأكتـاف

وقصة معشي الذيـب محـد جهلهـا= يا من يعد الذيب من عرض الأضياف

وراع اللبـون اللـي علينـا نزلهـا= ترعـى لبونـه بالقريـه والأريـاف

ما لوم مـن روحـه لحايـل بذلهـا= وارخص لها قلب من الـود ينـلاف[/poem]


.

[فيصل العلي]

مشرفنا المهاجر
أشكرك على رائعتك .. وديار أجا وسلمى
تستحق هذا الثناء والإعجاب

[المهاجر]

المشاركة الأصلية بواسطة فيصل العلي

مشرفنا المهاجر
أشكرك على رائعتك .. وديار أجا وسلمى
تستحق هذا الثناء والإعجاب

وأنت أيه ألأسطوري

تستحق الشكر والتقدير على ردك وعلى تواجدك في مواضيع الجميع kjkj

[هبوب الشمال]

مشرفنا العزيز
المهاجر
قصيده تستحق الثناء..صح لسانك
واكيد انها ماجت من فراغ..!

[al dolar]

فعلا اخي المهاجر مدينة حائل تستحق هذه الكلمات الجميله
وانا انصح اللي مازار حائل يزوره والله ماراح يندم
وشكرا مجددا اخي المهاجرعلى القصيده
تحياتـــــــــــــــــــــــــــــــــــــــــــــ ـي

[ملح الجريف]

رائعة

تسلم أخي / المهاجر

وهلا بــــ هـــــ الطلة البهية


.

[الطموح]

من أين لك ذلك

المهاجر شاعر ستره الظلام

ولكن نجم شاعريته رفض إلا الظهر فكان بجمال قصيدته

رائع يا مهاجر

شكرا لك

[صوت الرس]

بالفعل قصيدة رائعة
فهذه قصائد في قصيدة
وجامعة لتلك الروايات

إبدعت أخي العزيز
المهاجر

[majed]

صح الله لسانك اخي المهاجر
قصيده رااائعه
مشاء الله عليك اثريك شاعر
ولا تعلم
لالا لالا لالا لالا مانسمح لك لازم تنزل لنا كم قصيده
لك التحيه
-

[المهاجر]

أشكر الجميع على الرد على القصيدة
وتراي متفشل منكم نسيت أكتب لكم اسم الشاعر , هذه القصيده قالها الشاعر امتطى صهوة الكلمة . تجلت عواطفه وأحاسيسه فعبر عن حبه ووفاءه لموطنه حايل في عرض رائع يدل على عمقه يدل على عمية في التفكير وقدرته على تجسيد العواطف إلى انغام شجيه تفيض
حبا ً ووفاء ً . انه الشاعر / احمد بن فهد العلي العريفي