عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 10-05-2006, 05:58 PM   #1
عضو مميز
 
تاريخ التسجيل: Feb 2006
المشاركات: 268
قوة التقييم: 0
أثـــــــــــــــر is on a distinguished road
طفولة معاق..

السلام عليكم ورحمه الله وبركاته ..............



الطفوله .....



أحلى مافي هالحياه
مرحله من غير هم
كنا دايم نبتسم




كنا حتى لو بكينا .....وجارت الدنيا علينا
بعد لحظات وثواني.......
بسمه فينا ترتسم
كنا نركض خلف كوره..
لا لا انا ماكنت معهم ؟
وحدي بس بعيد عنهم......
كنت من ضحكهم ........
جالس لحالي اهذري !
جالس احسب كم (كوبري)..
صلحه (احمد)في (ماجد)؟؟
والله واجد!!
وقبل ما يحل الظلام.
للبيوت نروح نجري..
لا لا انا ماكنت معهم ..
امشي واعدد اثرهم!
وهم عني يبعدون ..
يبعدون..يبعدون..
الا (ماجد)!
كان مثلي حيل ضايق ..
بس حزني كان حارق..
كان يسالني ببراءه ..
ليه تعرج ؟..قلت مادري ! باستياء
ليش تبكي ؟قلت ما بكي بكبرياء
ضاق مني ..
ثم سالني في غباء..
قال (وثرايك تثابق)؟
وراح عني..!

كنت اسال دوم نفسي ..
ليش ما اركض معاهم؟؟
ليش دوم امشي وراهم؟؟
وش بلاي ؟؟او وش بلاهم؟؟
ليه انا غير الانام؟؟
زاحمتني الاسئله ..

كل شئ اجهله ؟

وان تعبت من الاجابه ..
احظن الحيره وانام..


مرت سنين وكبرت..
صار همي اليوم اكبر
حتى دمعي صار اكثر..
للاسف توي قدرت ..
افهم اني شخص (عاجز)
يعني بيني وبينكم
مليون حاجز !!!
صدقوني ذي حقيقه..
لاطلعت السوق ..كل ما مشى دقيقه
القى كل شئ ابله!
يمشي ويناظر صديقه..
ويغمز له
يقول :ناظر..!
وش يناظر..!
وتتفجر في خفوقي الف ضيقه..


وزاد همي ...
يوم فكرت بوظيفه ..ثم زواج..
اي وظيفه ..واي زواج؟؟
اللي مثلي..
مهما طالب ..لو يلف ولو يدور
زين لو حطوه كاتب
لا..وعلى بند الاجور ..
ما هو رسمي!!
صدقون لو تدرج ..وصار راتبه يتصاعد
وابتدا وضعه يزين
ما اظنه بيتزوج..الا من بعد التقاعد..
من سنه الى سنتين!


وفي النهايه ..
يابلدنا ..مهما كانت تسمينا
عاجزين..معوقين
لك عهدنا ..وذا قسمنا:
اقسم بالله العظيم..منزل الذكر الحكيم
ان اصونك يابلادي ..من شرور العابثين
من مطامع كل حاسد ..من نوايا كل فاسد
واني لك حصن حصين
انتي ناديني وشوفي ..لا نويتي باجهاد
والله اقهر لك ظروفي ..دامك انتي لي بلادي
وباسم كل العاجزين..
دام فيك اصبع يطول الزناد..
لا يهمك يابلادي .......
وازهليها


[glow="339966"]م
ن
ق و ل[/glow]
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
أثـــــــــــــــر غير متصل  

 
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



SEO by vBSEO 3.6.0 ©2011, Crawlability, Inc.