عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 11-06-2006, 01:29 AM   #21
عضو مبدع
 
صورة عيون رساوية الرمزية
 
تاريخ التسجيل: Dec 2005
المشاركات: 1,426
قوة التقييم: 0
عيون رساوية is on a distinguished road
بصراحه مااستغربت اكثر هالردود..لكن نبدا حبه حبه:
عاشق الاسمر...مشكور اخوي والله يجزاك خير
***************
ابن محفوظ بطول معك شوي انت تقول((والمشكله ان غالب الي يمشن عصلات يعني عضمان هذي المفروض ماتتحرك الا اذا لاسمح الله فيها سكر ماقول الا الله يشفيها)) اسمح لي انك تخالف الحقيقة اذا انت مرة اومرتين صادفت عصلا مودليل على ان كل الموجودين كذا واسال اي احد تعرفه يمشي هناك بيحكي لك عن حالات الله يكون بعونها ماجوا يتسكعون اللهم يدورون العافيه..((اما بالنسبه للحوامل اذكر مره جاي من المسلخ بالليل متجه للحوطه ففوجئت بامرأه حامل ومعها زوجها يتمشون الله يوفقها ويوفق زوجها ابتعدو عن الناس وكلامهم هذي بنت فلان تمشي وهذا فلان وبقية هالكلام والقرق)) لاحظ انك شفتهم وممكن غيرك بعد شافهم يعني ماتغبوا عن عيون الناس ولاراحوا للبر تمشي على الشارع ممكن بالله تقولي وش فرقها عن اللي يمشون بالمحفل؟؟ ثانيا قولة بنت فلان تمشي وش فيها؟؟ تمشي تراها موتسوي حاجه ثانية لاسمح الله تمشي متستره ومتغطيه وهاللي انت شفتها مع زوجها ممكن أي احد يحكي فيهم ويقول شفت فلان ومعه زوجته يمشون يعني ايهم اهون امشي لحالي بين حريم مايعرفوني ولااخذ واحد من اهلي كل من مر من عنده عرفه هذا والله اللي بيجيب الهرج ..وثالثا موكل وحدة تلقى لها زوج اواحد يمشي معها ((مره خطمت من عند المحفل واذا فيه حفريه من الجهه الشرقيه واناظر واذا العمال متكين على جدار المحفل والحريم يتمشن من عندهم نص متر بينهم وهم يتفرجون على الرايحه والجايه وتولع الفتيله عندي هذا الكلام الساعه 5 تقريبا ودق على الهيئه مارد احد ودق على الشرطه ويجونك البواسل اللي فيهم غيره على اهلهم وضفوهم عن المكان اعتقد اخذوهم للمركز.
وعندي سؤال اللحين ليش سكتت المرأه عن هذا العامل ولم تتصل بزوجها او اخوها او ابوها ليبعده عن الموقع هل اذا كان سعودي وجلس ستسكت؟)))
اجاوبك واقول لوانه سعودي كان اول من يبلغ عنه انا...لانه ماراح يحفظ لسانه كعادة اغلب شبابنا ومااعمم عليهم كلهم..وغير كذا انت قلت يتفرجون وانااسالك على ايش يتفرجون؟؟ حمدلله حريم متغطيات ومتسترات والنظر محد يتحكم فيه هذاك انت يعني ماقد شفت حرمه تمشي بالشارع ولابالسوق ولابالحاره؟؟ وغير هذا حنا بمكان مكشوف كلن يقدر يشوف السيارات واللي بالبيوت والخ الخ كل هذولا بتبلغ عنهم لانهم يشوفون اللي يدورن؟؟..اما قولتك والحريم يتمشن ..معليش قصدك يمشن ترى فيه فرق لوهالحريم يبن تمشي كانوا عرفوا وين يروحن..واخرة الكلام انت ماذكرت ان هالعمال تعرضوا للحريم بشي فليه كل هالبلبله والمبالغه؟؟
**************
اخوي دحيم مشكور على ردك ((لكن المشكلة بعض النساء أو الفتيات (أخص) ليس لها حاجه في المشي فقط ترفه على نفسها لتخرج من البيت ,وقد يكون خروجها لأشياء آخرى والله المستعان))هالفئة اللي تقصدها تلقاها بصورة اوضح في مكان ثاني مثل السوق وحديقة القرين لكن بالمحفل مااظن فيه ترفيه ولافيه مجال اصلا انها تسوي اشياء اخرى لانه فيه مسافه بينه وبين الشوارع اللي حوله واي سيارة تقترب تكون محط انظار الجميع اللي راح يلاحظون اذا كان فيه شي مريب وغير هذا لاتنسى دوريات الهيئة تدور باستمرار..
**************
اخوي سابح ضد تيار باجراء بسيط ممكن منع اي احد يجلس وهو وضع لوحات تحذيرية مع وجود الهيئة..وايضا ان تكون هالمسطحات بعرض متر تقريبا يعني ماتوصل للشارع ومجاورة لخط المشي فقط للاستراحه ..
**************
اخوي MAC.MAZYAD شكرا لرايك وعلى قولتك مافكرنا اصلا بالمساواة مجرد مطالب بسيطة وعاديه ولكن من يسمع..
**************
اخوي السجل ((ليش تجلسين بالثيل ؟؟؟؟امشي واخلصي روحي وشوله الجلسة اللي ماله داعي النور العصر وقت مناسب للمشي وغيرة ماله داعي)) اولا اسمح لي مومن حقك انت تحدد اللي له داعي واللي ماله ثانيا اناماقلت ابتسدح واتبطح على هالثيل انا قلت يوضع كاستراحه للي يمشون يعني امشي نص ساعه وارتاح دقايق وارجع اكمل وغيرهذا ممكن اللي يجيني يتاخر شوي حرام يعني اجلس انتظره؟؟ اماقولة العصر وقت مناسب هذا انت ماتحدده اطلع ربع ساعه العصر عندباب بيتكم وشف انت تتحمل الحر ولالا بتقولي محد غاصبك تمشين وابقولك الاالظروف غاصبتني امشي هالوقت عشان نور الشمس ولالوفيه انارة كان مشيت بالمساء اهون شوي بتقولي اقعدي ببيتكم بقولك الله ماقال انحجروا يالحريم ولاتطلعن ابد ودامني ماسويت شي يغضب ربي بطلعتي فليه مااطلع..(( وبعدين اللي تبي تمشي تروحو يوديها رجله او حدى عياله للبر والحزووم وتمشي لين تقول بس المحفل ما جاب لنا الا المشاكل ولو بيحطون به شي بيجيب مشاكل اكبر )) يعني انت لاقالك احد من اهلك امش وديني للبر ومسافه مدري كم وكل يوم عشان امشي بتوديهم؟؟ طبعا لا ومثلك كثير ناس يودون يوم وعشرة لا وفوق هذا ليش اروح للبروبقلع ودران واناالحمدلله التسهيلات موجودة عندي ممشى مسفلت ومريح..
**************
ابورزان شكرا على ردك ..
**************
اخوي ساكن المحفل اللي لفت انتباهي بردك استشهادك بالآيه الكريمه(( وقرن فى بيوتكن ولا تبرجن تبرج الجاهلية الاولى)) وكانك بكذا تقول ان الحرمه لازم تقعد ببيتها وماتطلع منه وان طلعت فهي ارتكبت معصيه..في زمان الرسول صلى الله عليه وسلم ووقت مانزلت هالآيه كانت النساء يخرجن للعمل ويخرجن في الحروب ويداوين الجرحى وكذلك للاحتطاب والبيع والصلاة في المسجد والرسول صلى الله عليه وسلم قال خيرمكان للمرأة بيتها لكن ماقال ان خرجت منه فهي عاصيه !!
**************
اخوي قضى فكان كلامك صح 100%..
**************
اختي العزيزة نجمة بعيدة اسمحي لي قليلا((لم أمشي في الممشى هذا قط.. ولكنني مررت من عنده أكثر من مررررررررة ,وبصراحة أشمئزيت من منااضر تلك الفتيات في ذالك الممشى ,, يعلم الله أنني أستغربت تلك المناضر فتيات يرتدين البنطال والعباأة المفتوحة وضيقة من الأعلى)) ممكن هالنماذج كانت موجودة اول مابدا المشي بالمحفل لكن الان مااظن وان كان ظني خطأ اتمنى تثبتي هالشي ولاالكلام سهل وكلن يقدرعليه..
**************
اخي كول قد تكون هذي نظرة البعض لكن ليس الاغلبية..اخي سابح ضد تيار بصراحة مافهمت ردك هذا الممشى خاص بالنساء ومافيه اختلاط فاين دعم الحكومة؟؟..
**************
اخي حزم الظامي((ولو كنتَ عاقلاً لزرت المكان ونظرتَ بعينك !!)) مدري وش تقصد بجملتك هذي وش بيشوف بعينه؟؟ نساء عرايا مثلا والعياذ بالله اقول اتقوا الله وخلوا عنكم المبالغات..
**************
اخواني المتفائل ودحيم شكرا على الرد وكل انسان له رايه الخاص فيه..
**************
اخي الرس2005 ((واذا كنتم تطالبون بالمحفل مكان مختلط نحن نطالب بغير ذلك)) لوتحول الى مختلط بيلقون الحريم مكان ثاني يمشون فيه ..
**************
اخي ابن محفوظ احس انك بالغت شوي المحفل زي ماقلت سابقا مافيه اي مجال للاشياء اللي انت خايف تصير فيها.. ومااظن يخفاك بلاوي السوق البشعه واللي صحيح مكان مزبوط للي يبي يسوي الخبائث ومااشوف احد جزع وقال الغوا السوق كله الاكل يوم يكبر ويتوسع والجميع غضوا البصر عنه وحطوا حرتهم بالمحفل والله حاله..
**************
واخيرا عندي كلمة للجميع وهي خلوا الناس عنكم وشوفوا حالكم..ترى اغلبكم يودي اهله للسوق والمنتزهات ويتمشون ويطلعون ويسافرون واغلبكم امه مشاركه بدورية الحارة وتدقها رجليه يعني ولاواحد بالمليون بصدق ان فيه آدمي حاجر زوجته ولااهله مايطلعون طول حياتهم..فليش ادعاء المثاليه والمكابرة وشب الشر على الفاضي انجنيتوا عشان المحفل وماانجنيتوا عشان غيره واللي اشد منه..لاواللي يقهر هاللي يطالبون باماكن مغلقه خاصه بالنساء وحطوا لنا نوادي يوم رحنا لها قامت الدنيا ولاقعدت وصارت اللي داخله نادي كنها مسويه بلا يعني هي هي مايملى العيون الاالتراب لكن مهاانقال ومهما صار راح نتمسك بحقنا بهالمكان ولوالغوه بنلقى غيره انشالله وانادامني ماكفرت ولافجرت ولاعصيت ربي ودامني كافه خيري وشري بمشي وامارس حقي بهالرياضه اللي محد يقدر يحرمني منها ..
عيون رساوية غير متصل  

 
قديم(ـة) 11-06-2006, 02:49 AM   #22
عضو مميز
 
تاريخ التسجيل: May 2005
المشاركات: 200
قوة التقييم: 0
حزم الظامي is on a distinguished road
أختي عيون رساوية : الله يحفظك ويهنيك بدنياك ....

اختي كلامك جميل ومنطقي ...

وان دل على شي يدل على عقل راجح ورأي سديد ...

لكن اسمحي لي اقول لك شي :

ترى اهل الخير ومنهم بعض الشباب هنا قصدهم حفظ المرأة وسترها ...مو قصدهم التضييق عليها .....

لا والله ...

بل الأكيد إن ودهم يعطونه دم قلوبهم تقديراً لها ولمكانتها .

بس اللي يمنعهم ظروف الجيل عندنا ماتساعد

والله ماتساعد !!!

يعني لو مافي مضايقات وخوف على المرأة كان أفتى العلماء بجواز قيادتها !!!

ولتساهلوا في كثير مما يتشددون فيه حاليا ....

بس الشباب طايش !!!

والهيئة وش تغطي !!!!!!!!

ومثله المحفل اقتراحك رائع لكن شوفي وش يبي يترتب عليه !

والله تصير مضايقات وامور مايعلمها الاا الله !!!

مو منكن لكن من الشباب

وشوفي وش سووا بحديقة طريق القرين وحديقة الشباب !!!

وختاما شكراً لك مرة اخرى..
حزم الظامي غير متصل  
قديم(ـة) 11-06-2006, 04:44 AM   #23
عضو مبدع
 
تاريخ التسجيل: Jun 2006
البلد: امريكا & السعوديه
المشاركات: 1,331
قوة التقييم: 0
Mac.Mazyad is on a distinguished road
اقتباس:
المشاركة الأساسية كتبها ابن محفوظ
الله يجعلك ماتاجد الخبزه ان شاء الله
الله يجزاك خير ان شاء الله
ماشاء الله كذى تعلمت الدعاء والادب مع الناس
بوركت وزوجت بكرا

لكن على العموم انا يكفيني اذا وضعت الكراسي وجلست وحده من هالعجز والا البنات

انهم يدعون لي بس غير كذا ما ابي شي

فعلا عقول معارضة لاجل المعارضه
Mac.Mazyad غير متصل  
قديم(ـة) 11-06-2006, 04:55 AM   #24
عضو مبدع
 
تاريخ التسجيل: Jun 2006
البلد: امريكا & السعوديه
المشاركات: 1,331
قوة التقييم: 0
Mac.Mazyad is on a distinguished road
اقتباس:
المشاركة الأساسية كتبها alrass2005
والله شي غريب من هؤلاء
أناس تدافع عن سنة محمد وشرعه وتخاف من أنتشار الخبث
وهؤلاء يدافعون عن القصيبي ذلك الشامخ الذي تحطم حينما أحتك بالدعاة والخير والصلاح حتى عروه وكشفوه على حقيقته أستمع لشريط الاسلام ماله وماله وماعليه بعد هذا الشريط
القصيبي الذي يريد أن يُخرج بناتنا من بيوتهن الى المراكز التجارية بين العمال وووووو
القصيبي ورقة أحترقت وأحترقت ولكن مازال من يعتبرهـ قدوة لمن هم على شاكلته
شي غررررررررررررررررررررررررريب وغرررررررررررررررررررررريب
واذا كنتم تطالبون بالمحفل مكان مختلط نحن نطالب بغير ذلك ونرمي هذه العمل بذمة مدير البلدية والمجلس البلدي الموقر
اولا من قال ان البنات او النساء اللاتي سوف يعملن بمحلات الملابس النسائيه بانهن سوف يختلطن بالعمال؟
ثم مهلا الم تزر سوق الرس العام من قبل؟
ما رايك بالنساء اللاتي يبعن في البسطات حول محل الشاورما المشهور؟
حتى ان باب المحل يفتح مباشرة على البسطات؟
ترى لماذا لم تتكلمو عليهن وتتهمونهن بالاختلاط والفجور؟

اتمنى ان تجيب على تلك التساؤلات يافهيم زمانك

مهلا
عندما يكون الممشى في المحفل مخصص للنساء هل يعني هذا انه مختلط؟
ليس من العدل ان نحرم الاغلبيه من شي مباح لعيون اقلية تنظر الى كاس الماء المملوء الى النصف
على انه فارغ كعقولهم
من لا يثق باهله لا يسمح لهم بالذهاب هناك هو ليس مجبر على جعلهم يذهبو الى ذلك المكان
Mac.Mazyad غير متصل  
قديم(ـة) 11-06-2006, 05:43 AM   #25
عضو نشط
 
تاريخ التسجيل: Apr 2005
المشاركات: 99
قوة التقييم: 0
مهلا is on a distinguished road
Mac.Mazyad
عزيزي
أول من رفض فكرة القصيبي الجهنمية هم التجار وأهلا البيع والشراء ونعم ستكون البائعة وسط العمال هذا هو القرار ولن يكون مكان مغلق البسطات التي تتحدث عنها من يبيع فيها عجائز وهي تملك بسطتها لااحد يتحكم فيها ويجرد عليها ولاتبيع الا في أوقات محددة المحفل نطالب بتخصيصه وليس منعه هذا الشي لابد أن يعرفه الجميع والسلام عليكم
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مهلا غير متصل  
قديم(ـة) 11-06-2006, 05:52 AM   #26
عضو مبدع
 
تاريخ التسجيل: Jun 2006
البلد: امريكا & السعوديه
المشاركات: 1,331
قوة التقييم: 0
Mac.Mazyad is on a distinguished road
اقتباس:
المشاركة الأساسية كتبها alrass2005
Mac.Mazyad
عزيزي
أول من رفض فكرة القصيبي الجهنمية هم التجار وأهلا البيع والشراء ونعم ستكون البائعة وسط العمال هذا هو القرار ولن يكون مكان مغلق البسطات التي تتحدث عنها من يبيع فيها عجائز وهي تملك بسطتها لااحد يتحكم فيها ويجرد عليها ولاتبيع الا في أوقات محددة المحفل نطالب بتخصيصه وليس منعه هذا الشي لابد أن يعرفه الجميع والسلام عليكم
ماشاء الله تبارك الله
اكيد التجار راح يرفضون تدري ليه؟
لان البنغالي والا الهندي او الشامي ياخذون اذا كثرو 1000 ريال
بينما قرار وزارة العمل حدد بان الحد الادنى سوف يكون ب 1500
اذا افترضنا ان هناك 500الف عامل يعملون بهذا المجال
كل واحد منهم يحصل على 1000 ريال
اتعلم ان الناتج النهائي لجميع رواتبهم هو 500,000,000
خمس مئة مليون ريال تحول خارج البلاد الا تظن بان هذا يظر الاقتصاد؟؟؟؟؟
ثم انك لا تتخيل ان صاحب المحل سوف يقوم بعملية الجرد فوق السرير مع موظفته
اعتقد انه هناك ضوابط
ثم كفانا حكما على اشياء لم تجرب بعد

عجبي لاناس لاتنظر الا حتى طرف انفها
Mac.Mazyad غير متصل  
قديم(ـة) 11-06-2006, 06:11 AM   #27
مشرف المنتدى الدعوي
عضو مجلس الإدارة
 
تاريخ التسجيل: Nov 2002
البلد: الرس
المشاركات: 11,074
قوة التقييم: 27
سابح ضد تيار will become famous soon enough
سنبقى في جدل وأخذ ورد وكل يرى رأيه الصحيح
والمسؤولية أمام الله على البلدية والمجلس البلدي وهم أصحاب القرار
ويجب أن يكون القرار بناء على دراسة ويراعى فيها المصلحة للجميع والله الموفق
والشي الذي لاينبغي أن يكون هو تبادل الاتهامات والتجريح وووووووو لأننا نبقى أخوة مهما أختلافنا
__________________
تاريخ 1437/12/17. هو تقاعدي المبكر. حيث قضيت عشرين سنة بالتعليم عشر سنوات مدير. وعشر. سنوات معلم فالحمد. الله الذي يسر. أمري وأكرمني
سابح ضد تيار غير متصل  
قديم(ـة) 11-06-2006, 01:02 PM   #28
عضو مبدع
 
صورة عيون رساوية الرمزية
 
تاريخ التسجيل: Dec 2005
المشاركات: 1,426
قوة التقييم: 0
عيون رساوية is on a distinguished road
اتفق العرب على ألا يتفقوا..
عيون رساوية غير متصل  
قديم(ـة) 11-06-2006, 08:24 PM   #29
عضو بارز
 
تاريخ التسجيل: Nov 2005
البلد: تأخرت طيارة شيكاغو ! ! !
المشاركات: 619
قوة التقييم: 0
الكاغدي is on a distinguished road
الممشى مو عوائل؟؟؟؟

لأني مرة رحت بالعصر أنا و الغالية أمي.....

وكنت متحمس _أول مرة يروح لممشى (رساوي)_ولابس بدلة رياضة وجزمات سبورت وساعة توقيت وجهاز ووكمان.وكل اللي تبون..
أحسبه وناسة _ مثل كورنيش الدمام _

مير وينط هكاالواحد ومعه مرته حامل....ويمسكن على جنب وهات يا نصايح ...يقول لي وش مشغل بهالرادو (يحسبه رادو هعهعهع)....يوم قلت له ..أغنيه ويقعد ياويلي ويلاه......وترى مايصلح تلبس هاللبس وما يصلح تجي لهاالاماكن وانت صغير و_حليوه >>>هذي من عندي !

وصراحة خرب علي كل روحتي...حسبي الله عليه..

أخيرا"""
سؤالي :: من الذي يحدد ..يصلح و ما يصلح؟؟؟
الكاغدي غير متصل  
قديم(ـة) 11-06-2006, 10:54 PM   #30
عضو مميز
 
تاريخ التسجيل: Feb 2006
المشاركات: 264
قوة التقييم: 0
آل محفوظ is on a distinguished road
بالنسبه للمرأه الحامل اللي بين اللحوطه والمسلخ بالصدفه يمكن ماشافه الا انا تفرق عن اللي امام مرئى الجميع وحتى كشحة نور يعني لمحه سريعه.

اما العامل بمعنى كلامك عادي كأنه موب رجل حتى لو ماسوى شىء ضاقت مالقا يجلس الا على سور المحفل السيدين اللي فيه الحفريه مشجر وفيه بعد مظله سيارات واقرب مثال على خبثهم السوق كم عامل مسكو معهم صور للبنات .

بعدين تقولين متغطيات وين الغطى عبايات فتنه وبراقع لنص الخد وبناطيل العبات تهفهف مع الهواء بس يمكن تبي تبرد!!!!

وفيه موقف مع احد زملائي هو سباك لازم يلبس بدله وعمره تقريبا بالخمسين راح مره لمخبز ومر على البقاله واذا فيه مره عجوز كاشفه عند العامل (((انا ماتهمه بشيء))) تسأله عن اغراض تبيه زميلي واقف قدامه وهي تشوفه ويقول حاطتن نص الغطوه على وجهه تعرفون تغطي العجز كلم زميلي العامل والتفتت العجوز وقالت واخزياه سعودي وتغطت يعني العمل موب حرام يشوف بس السعودي حرام والله تفكير هههههههههه .
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
آل محفوظ غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 08:53 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19