عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 16-06-2006, 09:20 PM   #1
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
تبي وظيفة تحت إدارة ((سوسن))و((ميسون))




تو .. طين

وش عاد يا دار ٍ بها صار ( توطين )
و في مكتب التوظيف سوسن و ميسون !
مديرهم مدحت و نائبْته نسرين
و على الرسبشن حمّص و فول و زيتون !
كل ما اتصلت اسمع ( الو مرحبا مين ؟
بدّك وظيفه ؟ .. مين دلّك على هون ؟ )
اقول انا لي اتصل صار شهرين
و انتوا وعدتوني متى بس توفون
اسمي ( مواطن ) ( جامعي ) طيب و زين
كني ابخطب عندكم و اتّغلون !
عندي شهاده طايحه بجبدي سنين
عشش عليها شي له ستة عيون !!
لو للشهاده لسان قالت ( على وين
ناوي توديني .. تلف فيني الكون ؟ )
من كثر ما صورتها غارق بدين
للهندي راعي المطبعه صرت مديون
لا ليلي ليل ولا نهاري نوى يبين
دقيت راسي لين ما صرت مجنون !
مطلوب خبره عالأقل في مجالين
ولا تجينا بواسطه و سير مدهون !
ولا انثبر في بيتك .. افرك بكفين
يومك يشابه امسك و عيش مغبون
تعدادنا ويّاهم اربع ملايين
و اهل البلد للحين ما صاروا مليون !!
ويلاه من باكر اذا وضعنا الحين
و احنا اقل من الربع حالنا شجون !
و اللي ابتسم له حظه والله مسكين !
حصّل وظيفه .. بس في وين .. تدرون ؟
ساكن في الرس .. حطوه بجيزان !!
و اللي سكن في المهد.. في ابقيق مدفون !!
يشوف اهله بس في الأسبوع يومين
و اذا حسبتوا الدرب كم ساعه .. تبكون
يعني في كل احواله ذاق الأمرين
شغّال محزون و بلا شغل محزون
و الأجبني اللي راتبه فوق عشرين
فله و سياره و تذاكر .. و طاعون
عنده بدل كل شي عالراتب الفين
حتى بدل معجون اسنان و صابون !
و من بعد ما يجمع من بلادي فلسين
و يربّي م القعده على الكرسي بطون
و يصير في بلاده غني و عنده برجين
يرحل و هو جاحد .. و كم مثله ملعون !
و حتى الجماعه قوم مدحت و نسرين
مردّهم لبلادهم لو يطولون
يرضون بشوية دراهم .. و شفتين
صبح و عصر .. لو حتى في الليل يرضون
بس لو سمعتوا همسهم بينهم بين
وسط القهاوي يلعنون و يسبون !
لا تحسبوني عنصري .. كلنا طين
و الخل لو عاتب محبينه يمون
داري و انا اولى بها من الغريبين
ما يوصلون لحبها لو يموتون
و ( الأقربون اولى ) .. كلام ٍ من الدين
ما جبته من شعري مع الهام و ظنون
ولد البلد ما يبغي لبلاده الشين
بالروح بالدم يفتديها ولا يخون
لكن سؤاله يوم قلتوا له ( توطين )
يا كيف بيد الغرب توظيفه يكون ؟؟!!
شعارهم معروف ( راجعنا بعدين )
و باين من التأجيل .. انهم يخافون
اذا معك خبره .. يا اهلين و سهلين
و اذا شهاده بس .. عنك يصدون
ما عندنا شاغر .. و بطلنا تعيين
ولو تحرق الهاتف ترى ما يردون !
من وين اجيب الخبره ؟ من وين من وين ؟
دام الوظيفه عند سوسنِ و ميسون !
عندي بمطبخ بيتنا خبره سنتين !
تنفع اذا صاروا المطاعم يوطنون ؟؟!
ولا اهاجر و آخذ الخبره في الصين ؟
صح العيون صغار .. لكن يقدْرون
سؤال يا دار ٍ ..صراحه بترضين ؟
اني اسافر و اطلب الغرب لي عون ؟
و سؤال يا ناس ٍ على الراس و العين
صدق الوظايف واسطه و سير مدهون ؟
اما الجواب الشافي يجيني الحين
او هاتوا تأشيره .. اذا كنتوا ترضون !


القصيده إماراتية تم تحويرها لمطابقتها لوضعنا مشكورين
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  

 
قديم(ـة) 17-06-2006, 02:08 AM   #2
عضو مبدع
 
تاريخ التسجيل: Jun 2006
البلد: امريكا & السعوديه
المشاركات: 1,331
قوة التقييم: 0
Mac.Mazyad is on a distinguished road
اعتقد فيه قسم للقصايد
Mac.Mazyad غير متصل  
قديم(ـة) 17-06-2006, 02:14 AM   #3
عضو متألق
 
صورة الوافي الرمزية
 
تاريخ التسجيل: Feb 2006
المشاركات: 747
قوة التقييم: 0
الوافي is on a distinguished road
شكرا لك بحر


ولا يـــهمــــونـــــــــــــك.




الوافي؛؛؛؛

آخر من قام بالتعديل الوافي; بتاريخ 17-06-2006 الساعة 02:25 AM.
الوافي غير متصل  
قديم(ـة) 17-06-2006, 02:50 AM   #4
عضو مميز
 
تاريخ التسجيل: Jun 2006
المشاركات: 175
قوة التقييم: 0
أم حذيفة is on a distinguished road
الله يعطيك العافية .
أم حذيفة غير متصل  
قديم(ـة) 17-06-2006, 10:15 AM   #5
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
أخوي ماك مزيد مرحبا بك وصدقت ومكانها المنتدى الأدبي ولكن أعتبرها حلى أو فاكهه حلي بها وأنت تطلع على المنتدى العام (( المنتدى العام)) عام لكل شيئ وسرني مرورك
أخي الوافي شكرا لك
أختي أم حذيفه شكرا لمرورك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  
قديم(ـة) 17-06-2006, 10:54 AM   #6
عضو مبدع
 
تاريخ التسجيل: Jun 2006
البلد: امريكا & السعوديه
المشاركات: 1,331
قوة التقييم: 0
Mac.Mazyad is on a distinguished road
اقتباس:
المشاركة الأساسية كتبها بحر
أخوي ماك مزيد مرحبا بك وصدقت ومكانها المنتدى الأدبي ولكن أعتبرها حلى أو فاكهه حلي بها وأنت تطلع على المنتدى العام (( المنتدى العام)) عام لكل شيئ وسرني مرورك
أخي الوافي شكرا لك
أختي أم حذيفه شكرا لمرورك
وجهة نظر قد تكون صحيحه
Mac.Mazyad غير متصل  
قديم(ـة) 17-06-2006, 04:09 PM   #7
عضو ذهبي
 
تاريخ التسجيل: Feb 2006
المشاركات: 3,073
قوة التقييم: 0
أميرة فقيرة is on a distinguished road
الله يعطيك العافية اما هذي سالفتي راعي المكتبة اللي حول بيتنا يطلبن فلوس حق الملفات والتصوير ههههه
أميرة فقيرة غير متصل  
قديم(ـة) 17-06-2006, 09:20 PM   #8
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
أختي أميره سرني مرورك وجزاك الله خير
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  
قديم(ـة) 19-06-2006, 04:11 AM   #9
عضو بارز
 
تاريخ التسجيل: Nov 2005
البلد: تأخرت طيارة شيكاغو ! ! !
المشاركات: 619
قوة التقييم: 0
الكاغدي is on a distinguished road
انا ابي
<<جواب على قد السؤال
الكاغدي غير متصل  
قديم(ـة) 19-06-2006, 04:27 AM   #10
عضو مميز
 
تاريخ التسجيل: May 2006
البلد: جنة القصيم .. الشيحية
المشاركات: 126
قوة التقييم: 0
الشيحية اكس بي is on a distinguished road
يسلمووو بحر على القصيدة
ويعطيك العافيه

ت ح ي ا ت ي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
الشيحية اكس بي غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 06:42 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19