عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 30-06-2002, 06:17 AM   #1
امير الظلام
Guest
 
المشاركات: n/a
حوار رومانسي .. بين بيبسي وميرندا

حوار رومانسي .. بين بيبسي وميرندا
الموقع : ثلاجة في دكان راعية الدكان
الوقت : ثنعش الا ربع بالليل 11:45 pm

البيبسي : اختي ميرندا ... قايمة والا نايمة
ميرندا : هلا .. لالا قايمة ... وين تو الناس باقي ربع ساعة وبتسكر راعية الدكان هالانوار وبعدها بنام
البيبسي : هل لي بحوار جانبي معك ( ابووووك يالاسلوب )
ميرندا : ايييييه عادي وش دعوا
البيبسي : ماهي نوعية الحوارات الي اقصد اللي تحبينها ....( ترا كذا الاسلوب علشان يسحب معك السيفون .. اقصد الحوار خخخخخخخ )
ميرندا : ماعندي شي معين بعدين انت ناوي تطول بالكلام ؟ تبيني اعتذر من ابوي وانام برا الصندوق صندوق الميرند)ا )
البيبسي ( فرحان ) : اييييه كلامي مايخلص ولا بكرة .... انا اصلا كانوا يقولون عني المخقة كني سديراوي
ميرندا : تدري عاد اسلوبك وطرحك حلو بس ابوي يقول لاتمشون مع السود
البيبسي : ليه ترا والله ما نعض ... ألليفين بالحيل
ميرندا : بس تصدق انا معجبة بسوادك كأنه سواد ليلة مافيها قمرا سواد كالح كنه فحمة من كيس هالفحم اللي في المستودع تحت ... انا معجبة فيك بصراحة
البيبسي : يؤ ... احرجتيني .. امي والله صادقة
ميرندا : ليه وش قالت امك ...
البيبسي : امي تقول ان الميرندا احلى من الفراولة ... ماتدلعين زي الفراولة
ميرندا : ياحظي .. قال فراولة قال ... وش يخليني اتدلع
البيبسي : لا يعني لون الفراولة .. احلى من لونك ( الرجال بدا يخور ) لونها احمر يشق الجبهة
ميرندا : نعم نعم نعم .... عد بالله وش قلت ... انا وشفيه لوني
البيبسي : لا والله مو قصدي بس لونك كنه لون هالهندي اللي بالدكان اذا صار محسور ... برتقالي
ميرندا : والله حبيبي اذا مو عاجبك ... خلني اروح لصندوقنا بس
البيبسي : يؤ ... يالزعولة ليه زعلتي عاد من كلامي

وفي هاللحظة فتحت راعية الدكان الثلاجة وحطت فيها فراوله
 

 
قديم(ـة) 30-06-2002, 06:18 AM   #2
امير الظلام
Guest
 
المشاركات: n/a
الببسي و.....الجزء2

البيبسي : هلا والله وغلا بالفراولة ... يوووووووه يازينها زيناااااه

.... تو مانورت الثلاجة
ميرندا : هااااوو والله شي ... وقدامي تغزل فيها وانا من الصبح معك يالعبد الاسود يالمحترق
فراولة : يؤ ... وشفيها هذي معصبة كنها طقاقة ما نقطوها بحفلة زواج خخخخخخخخخ
البيبسي : لالا ماعليك منها انتي وش هالحلاوة وش هاللون الحلو
ميرندا : اقول يالدبا يالحمرا ء اللي لونك ماله داعي ..... كنه روج عبده
فراولة : هئق ... هئق ..( تشهق ) يالغيارة يالبرتقالية روحي بس ما احد شراك لك اسبوع هنا مرزوعة ما احد يبيك
ميرندا : والله ... ياشيخة تعالي دغدغيني احسن
البيبسي : ياجماعة كل وحده فيكم لها مميزات ولها صفات مستقلة خلونا بس في المفيد

وفي هاللحظة قاربت الساعة على 12 بالليل وجت راعية الدكان وخذت البيبسي والميرندا والفراولة بكيس واحد بتوديها معها للبيت وهذا الحوار اللي بالكيس :

البيبسي : هذي الساعة المباركة يوم صرنا بكيس واحد متلاصقين
ميرندا : اقول وراك لازق بالفراولة خلها تتنفس طيب حاشرها ( بدت الغيرة )
فراولة : يؤ ... من سألك انتي الثانية بعد وش عليك!! خليك بحالك!!
بيبسي : لاتحرجوني !! انا اخجل من ظلي !! يؤ....وخري ياميرندا شوي
ميرندا : هذي بعد راعية الدكان ماجابت كيس كبير ... حشرتنا بهالكيس هالبخيلة

في هاللحظة راعية الدكان أخذت الفراولة وفتحتها وشربتها وما بقي بالكيس الا البيبسي والميرندا !!
(البيبسي : الحمد لله كانت مضايقتنا الفراولة !! ......... ( منافق وماله خاتمة البيبسي
ميرندا : يؤ ... توني صرت غالية عندك .!! اقلب وجهك بس يالعبد مالك خاتمة
البيبسي : يؤ ... ضاعت على الفراولة والحين ضاعة الميرندا .... وش السوات انا ووحهي
ميرندا : اذلف بس ووخر عني ولا عاد تكلمني !!
(البيبسي : يؤ .... والله احتريت ( ارتفعت درجة حرارته
ميرندا : ايه عارفه من يوم راحت عنك الفراولة وانت متجه علي وتعبتني وكسرت قلبي
البيبسي : اييييييييه والله مريضة .... لا أكون انا السبب

وفي هذه الاثناء اصبحت حرارة الميرندا مرتفعة وانشد البيبسي بهذه القصيدة يصف حال الميرندا موجه كلامه لراعية الدكان اللي خذت الميرندا وفتحتها وشربت منها جزء بسيط وألقت بها في سلة المهملات لأن حرارتها مرتفعة ( ساخنة ) وبكى البيبسي في هذه الاثناء وقال :

قالوا حبيبك محموم فقلت لهم .... انا الذي كنت في حمائه السبب
عانقته ولهيب النار في كبدي ... فأثرت فيه تلك النار فالتهب

يئطع الحب وسنينه شو بيعمل ............. وخذت راعية الدكان البيبسي وفتحته وشربته وهو ينشد القصيدة وبصراحة ماسمعت كامل القصيدة لان البيبسي لطته راعية الدكان ببطنها قبل لا نكمل القصيدة ... الله من حرة البطن ياشيخة حراااااام عليكي !!


الموضوع منقول بس عشان تستانسون :D وبسمتكم عندي بالدنيا كلها
 
قديم(ـة) 30-06-2002, 10:34 AM   #3
عضو متواجد
 
تاريخ التسجيل: Mar 2002
المشاركات: 44
قوة التقييم: 0
عدول11 is on a distinguished road
Post

حللللللللوه

بس سراحه نهايه تعيسه للفراوله

حرام تموت على يد العجوز

همتك عاد تكملنا الجزء الثاني

وتقول وش صار للميرندا


لا تقول اشربته العجوز

ما ارضى......

دور غير هالنهايه
عدول11 غير متصل  
قديم(ـة) 30-06-2002, 07:55 PM   #4
امير الظلام
Guest
 
المشاركات: n/a
تسلم ياعدول على هالروح المرحه اللي تتحلى فيها وعسانا ماننحرم من بسمتك يالغالي
 
قديم(ـة) 05-07-2002, 03:48 AM   #5
عضو متواجد
 
تاريخ التسجيل: May 2002
البلد: على الارض
المشاركات: 38
قوة التقييم: 0
دالق الكشره is on a distinguished road
الموضوع منقول والي يقول غير كذا يسئل لا للتتن هههههههههه
دالق الكشره غير متصل  
قديم(ـة) 05-07-2002, 04:01 AM   #6
Banned
 
تاريخ التسجيل: Mar 2002
البلد: الـرس.. مؤقتاً
المشاركات: 758
قوة التقييم: 0
حزين الصوت is an unknown quantity at this point
والله ياأمير حتى القواطي قاموا يهرجون
انا ما قريتها كامله يبيلها قطع اتصال ذي

دالق الكشرة والله ياانت عجل ( بفتح العين ) ماشفت أمير وش كاتب تحت
حزين الصوت غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 01:05 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19