منتديات الرس اكس بي  

العودة   منتديات الرس اكس بي > منتديات الرس اكس بي > الرياضة و السوالف و التواصل

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

موضوع مغلق
 
أدوات الموضوع انواع عرض الموضوع
قديم 08-07-2006, 04:00 AM   #1
العنود
مشرفة منتديات الأسرة
مشرفة القسم النسائي
 
الصورة الرمزية العنود
 
تاريخ التسجيل: Apr 2006
المشاركات: 3,791
معدل تقييم المستوى: 0
العنود is on a distinguished road
افتراضي شافك / شفتها بالغلط

هذي بعض المواقف التي تتعرض لها البنااااات

اذكر لكم بعض مواقف البنوتات


مره من المرات كنا نسوي بعض التعديلات في البيت وكان وقتها أيام الإمتحانات
وأنا من النوع الي أحب أغير المكان أثناء المذاكره ومسكت معي ذاك اليوم أذاكر بمجلس الرجال
والمجلس فاضي بالمرررره مافيه ولا قطعة أثاث ماكان فيه إلا كرتوووون كبيرررررررر
في الوقت الي كنت جالسه أذاكرررر فيه بالمجلس فجأه فتح علي الباب زووج أختي,,,
لا ومن زين الطبايع فتح الباب ولاما شافني قال أسمي
من الربكه مالقيت قدامي إلا هالكرتووون وطبيت فيه

-*-*-*-*-*-*-*-*-*-*-*-*-*-*-*-*-*-*-

ولد خالتي جانا مره من المرات وحنا كنا مولمين اعمارنا بنروح نسير على جارتنا نفاس ..
راحت امي للحرمه وقالت لي اجلسي بس الين يجي ولد خالتس قلطيه وتعذريلي منه والحقيني ..
قلت طيب ..
المهم اتصل اخوي قال ترا الولد جا افتحي له قلت طيب ..
لبست عباتي وفتحت الباب وقلت له يقلط عاد الولد ماشاء الله عليه دخل وراح للمجلس ..
عاد مجلسنا والمقلط مفتوحين على بعض مابينهم الا باب سحاب وبجمبهم مغاسل ..
قمت انا رحت للمطبخ وجبت ثلاجة قهوه وشاي وحلى ودنافيس في طوفريه
وحطيتها عند باب المقلط على اساس يطلع من المجلس وياخذهم المهم يوم نزلتهم قلت: يامحمد
قال : هلااااا
قلت : عن القهوه عند الباب وترا امي تستسمحك ساعه الين ترجع من عند جيرانا
قال : انشاء الله
انا جيت ابطلع من المجلس الا الولد في وجهي
اثره كان يكلمني وهو وراي عند المغاسل
وانا المدلخه على بالي انه جالس في المجلس
عاد انا حزتها وجهي تقطع وخددت حموري
وهو انواع الابتسامات والتميلح


-*-*-*-*-*-*-*-*-*-*-*-*-*-*-*-*-*-*-

كنا في يوم خميس الساعه 11 الظهر واختي تتمشى في البيت وهي لابسه قميص لونه يفقع العين
قميص الله لايوريكم فوشي فاقع المهم ان ولد عمي جاينا بيسلم على امي وابوي وبيتغداء عندنا ..
اللي صار كنا فاتحين الدرايش ,,والصاله مشمسه وصايره من قميصها فوشيه
وهو دخلته امي مع باب الرجاجيل وقالت بتوديه للمقلط عشان ماتكون جلستهم رسميه
والله وهو يدرعم ورى امي واختي تطلعلهم
تقول اختي الولد فغر <--- اتوقع يقول وش هالهاله الفوشيه الماشيه
واختي من الفشيله تقول ياربي ليش بالقميص هذا بالذات <--- تدور الكشخه حتى بالمواقف المحرجه

-*-*-*-*-*-*-*-*-*-*-*-*-*-*-*-*-*-*-

كنت مع امي واختي نغسل الحوش اللي قدام يعني حق الرجاجيل ويوم خلصنا رحنا للحوش الثاني
يعني حق الحريم,,,,دختو ولا توكم؟؟؟؟
ويوم خلصناه قالت لي الوالدة روحي سكري المويه وطبعا البزبوز في حوش الرجاجيل
فرحت اركض والشوشه طايرة والنعول زنوبات ..............يعني اكتملت الكشخة
ويوم قطعت مسافة في الحوش الا وانا انتبه ان اخوي داخل ومعه ولد عمتي فقال اخوي هي انتي
ومدري بعد وش قال فقمت والف وكأن شي ما صار وارجع بنفس السرعة والشكل مع اني بعدها حسيت بذهول

بس تصدقون ما بعد خطبني الى الآن غريييييييييبة
تتوقعون يجي والا لا


-*-*-*-*-*-*-*-*-*-*-*-*-*-*-*-*-*-*-

هذي السالفه هي الفشله من جد هذا يصير ولد عم امي وفي نفس الوقت يصير ولد اخوها بالرضاعه
والله الى الحين مدري اش يصير لي فامره كنا قاعدين بالصاله انا وامي واخواتي واخوي
الا يجي ذا ولد عم امي مدري ولد اخوها انا كنت باقي لابسه عبايتي وشيلتي على كتفي وجالسه
مدري اخذ الشيله وتغطى ولا كيف المهم انا اول مره اقابله في موقف اني لازم اسلم عليه
واشوف امي تسلم عليه وتبوسه بعد قلت اه الحين عرفت مدام امي سلمت عليه اجل عادي بسلم عليه
وبعدين اخوي ماقال لي يابنت انقلعي روحي تغطي بعد ما خلص منها جا عندي
وانا من الحيا مانيتي اقوم من الكنب يالله اني رزيت طولي واجي اسلم عليه وجهي احس انه حاااار من كثر ما حمر
في الا خير بعد ما سلمت عليه قالولي خالاتي اصلا مايصير تكشفين عليه بس امك هي الي تكشف عليه وانا الفالحه سلمت عليه


-*-*-*-*-*-*-*-*-*-*-*-*-*-*-*-*-*-*-

موقف لوحده...........كانو خالاتها جالسين يتقهون ويسولفون فقالوا لها ليه ماتسلمين على ولد خالك
اللي من الرضاع لان هالبنت تستحي مرة ورافضه تسلم تقول خلاص ماله داعي اهم شي اعرف انه اخوي من الرضاع وبس
وهم قاعدين يقنعون فيها فقامت وحده من خالاتها وراحت لولد خالها وقالت بعد الصلاة بتجي فلانه تسلم عليك
المهم بعد محاولات الاقناع قررت تروح تسلم لان اخواتها كلهم عادي يسلمون عليه بس هي فيها الحياء الزايد
عاد خالاتها يقولون لها سولفي معه واضحكي واساليه وش اخباره مو تطلعين دفشه وماتعرفين السنع ومن هالحكي
هم وصوها وانا اشهد طبقت بالحذافير و...وراحت...ودخلت ..وسلمت.......... وليتها..ماسلمت ...
تخيلوا دخلت قسم الرجال وسئلت واحد من الاولاد الصغار قالت فلان فيه قالو ايه مافي المجلس الا هو الحرمه استانست
وقالت فرصه ودخلت مسرعه وتسلم وشي وشيات واخونا في الله متنح مايدري وش القصة
وهي في نفسها تقول وين اللي يقولون انه جرئ ...والحرمه تسولف وتهذر......
وفي الاخير يدخل واحد من اخوانها والعيون عليها وصرخه عميقة لم تفق الا وهي في الصالة........
(عشانها ماقد شافت ولد خالها ماتدري وشلون شكله)
صار ولد خالتها........!
-*-*-*-*-*-*-*-*-*-*-*-*-*-*-*-*-*-*-



اكيد تعرضتي لسلسله من الفشايل والاحراجات
ابي اعرف مواقفكم؟

وش سويتي بوقتها ووش كان شعورك؟

ووش كان رد فعل الطرف الاخر؟
__________________
لِكُلِّ شيءٍ نِهَاية إلا ما كانَ لله ..

يُثمرُ في الدنيا ويمتدُّ حتى الآخرة ..
العنود غير متواجد حالياً  
قديم 08-07-2006, 02:57 PM   #2
الرسية XP
عضو متألق
 
تاريخ التسجيل: Apr 2005
الدولة: الــ(*_*)ـــرس
المشاركات: 958
معدل تقييم المستوى: 0
الرسية XP is on a distinguished road
افتراضي

الصراااااااحة موااااقف خطيرررة وصصصدققق فشيلللللللللللللة

_ - - - - - - - - - - - - - - - - - - - - - - - _

في يوم جتنا عمتي وبناتها
أمي وخواتي انشغلوا يجهزون القهوة

فقام أبوي يوريهم البيت
طبعاً أنا عندي خبر إنها راح تجي
وتووووي نااازله من غرفتي
متكششششخة
قلت ما له داعي أروح المطبخ
وبعدين أسلم
خليييني أسلم على طوووول

المهم سمعت أبوي وعمتي يسولفون
وقفت عند الباب
حسسسسيت باحساس غريب
ما أدري وشو

أنا واقفه عند الباب وأتفرج
والحمد لله إني ما دخلت
إلا وفيه ولد عمتي جالس جنب الباب
ومعطي الباب ظهره
أنا يوم شفته تسمرررررت
وصرررت خارج نطاق التغطية

وهم أسكتوا وجلسوا يناضرون الباب
ومستغربين وش اللي جااابني

المهم ولد الناس التفت يناظر
وبعدها ما تشوفينن من الفشيلة
الرسية XP غير متواجد حالياً  
قديم 08-07-2006, 03:05 PM   #3
الفيلسوفة
عضو
 
تاريخ التسجيل: Jul 2006
المشاركات: 2
معدل تقييم المستوى: 0
الفيلسوفة is on a distinguished road
افتراضي

خخخخخخخ
مواقف مضحكه بجد
انا عندي مواقف بس والله ناسيتهم ناسيه عشاي البارح على قولت امي
الفيلسوفة غير متواجد حالياً  
قديم 08-07-2006, 07:56 PM   #4
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
افتراضي

.....................

هههههههههههههههههههههااااا رهيـــــبه مواقفكــ ..

يـــا كثر ما يصيــر لي زي هالموااااااقف ..

<<<<<<<<< بلاتس دااااجه خخخخخخخخخ

طيب ..

مـــره رايحــة لبيت خـــالي و كان ولد خالي قاعد فوق بغرفته .. المهم قالولي خواته

إمشي بسوووومه .. خلينا نرقى فوق .. قلت لهم .. خلاص .. قولو لأخوكم إني بأرقى ..

المهم .. هو المسكين .. يحسبني رقيت و خلصت ..

و أنا صاعده الدرج .. إلا ألاقيه ناااااااازل ..

و قـــــــــابلنا بعض وجها لوجه خخخخخخخخخخخخخخخخ ffgf

طبعا مدري وش أسوي .. قلت له (( وجـــــــــــــــــــع ))

و كملت طريقي فووووق ههههههههههههههههاااا

<<<<<<<<< أقول وراه ما تركدين


يسلمووووو عالموضووووع العسل .. :)

تشـــــــــاو ..

..............
__________________
بسمـة ألــــــم غير متواجد حالياً  
قديم 09-07-2006, 02:59 PM   #5
العنود
مشرفة منتديات الأسرة
مشرفة القسم النسائي
 
الصورة الرمزية العنود
 
تاريخ التسجيل: Apr 2006
المشاركات: 3,791
معدل تقييم المستوى: 0
العنود is on a distinguished road
افتراضي

الرسية Xp عووووافي
الفيلسوفة ننتظر مواقفك

بسمـة ألــــــم مشكوووورهـ
__________________
لِكُلِّ شيءٍ نِهَاية إلا ما كانَ لله ..

يُثمرُ في الدنيا ويمتدُّ حتى الآخرة ..
العنود غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:28 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir