عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 17-08-2006, 03:24 PM   #1
عضو مميز
 
تاريخ التسجيل: Dec 2005
المشاركات: 109
قوة التقييم: 0
أبو بدر الخليفة is on a distinguished road
هذا الي صار لي في بريدة امس

السلام عليكم
بقولكم يا اخواني واخواتي قصة صارت لي هالسبوع بالعربي يوم الاربعاء امس رحت اطلع لولدي جواز من ادارة بريدة طلعت من الرس حوالي الساعة سبع ونص ثمان ونص وانا تقريبا واصل للجوازات المهم ما لكم بالطويلة وادخل على طول واطلب استمارة وأقوم واعبيها بعد ما تسلفت قلم من واحد شفته جالس ينتظر يطلع جوازه المهم واعبي الاستمارة وأروح بوديها قالي الموظف انت مسدد؟؟ قلت وش اسدد؟؟؟ قال سددت البنك ولا لا ؟عاد خويكم ذكي قال لراعي الجوازات انا ما بعد طلع اسمي من البنك العقاري !!! ويطعلن ضروس راعي الجوازات قال اقول سددت رسوم الجواز الثلاثميه ولا لا؟؟ قلت لا والله لكن معي كاش اعطيك قال لا شف الصرافه من ورى رح وسدد وتعال وأطلع وارح للصرافه ومن حسن الحظ وتطلع الصرافه لبنك الرياض لان معي بطاقة لهم المهم انا اقبلت على الصرافة الا ويقابلني ذاك الشايب قال وانا اخوك (قهرني انا اصغر منه ويقول وانا اخوك ورى ما قال ياولدي) ابعطيك كاش بس ابيك تسسد لي رسوم تجديد الاقامة قلت ابشر وابركها من ساعة المهم قلتله انا الصراحة اول مرة بسوي عملية تجديد اقامة بس انت تعرف قال لا والله بس هم يقولون انه عن طريق الصرافة قلت مهيب مشكلة وانا احط البطاقة واحط الرقم السري وادخل على تسديد رسوم الدوائر الحكومية وادور على شي فيه إقامة بس ما لقيت الا شي يقول تسدسد رسوم اقامة جديدة قلتله انت تبي تطلع اقامة جديدة لعامل ؟؟؟ قال لا ابي اجدد اقامة العامل قلت ما فيه الا رسوم استخراج اقامة جديدة المهم ليتني سويتها له قلت اصبر بكلم واحد أسألة ما دريت الا ويجي واحد من ورى من يوم شفته ما هضمته قال وش عندكم واقفين عند الصرافه وادخل بعينه قلت وانت وش تبي؟؟ نبي نسرقه انت وش دخلك المهم هو شاف الشايب بلش عشان الاقامة ويتكلم معه قلت انا خلني اسدد رسوم جواز الولد اهم شي وانا اسوي العملية اسمع الشايب يقوله بعطيك كاش وانت سدد لي الاقامة قال هو للشايب انا رصيدي ما فيه بس الشايب نط في عينه قاله ما فيه ميتين ريال !!!!!!! يوم حمر وجهه وصفر قال وين الاستمارة خلني اشوف الرقم قال الشين للشايب خلاص بس التسديد تراه ميتين وعشرين قال الشايب الله لا يعطيهم عافية زادوها يوم تلعثم الشين وقال ميتين للتجديد وعشرين لحمة للعيال انا بيني وبينكم كنت معهم اسمع اهم شي ما دققت في الصرافه لانه مره قالت ادخل الرقم ثم قالت تأكد من الرقم او مدري تصحيح اهم شي كنت معهم واسمعهم والغيت العملية وسويتها من جديد وانا توي بسويها من جديد يوم دريت ويدخل الشين راسه عندي قال ما عرفت ؟؟؟ قلت انت ابعد بس وانا اعرف وشلون تبيني اعرف وانت ما بقى الا تحفظ رقمي السري والله انه مدخل راسه مقربه بغيت اكوعه اهدم سنونه اهم شي وأسوي العملية وامشي والشايب قاعد يقوله يا رجال العشرة تسدك وهو يقول لا انا الصراحة بغيت ارجع واقول انا اسويها لك ببلاش بس والله اني ما اعرف للتجديد ولا كان سويتها بعدين كنت عجل اشوي تركتهم ومشيت عاد في الليل سولفت الي حصل لي على ربعي وكان نقاشنا ساخن الي يقول انه الي يسويه الرجال عادي لانه ما ضرب احد على ايده وبعضهم يقول لا هذا استغلال لو انه ياخذ خمسه ولا عشره تسده عاد يطمع في الشيبان لانهم ما يعرفون وياخذ منهم عشرين بعضهم قلب النقاش وصار يقول هذولا اهل بريدة يعرفون وشلون يطلعون منك القرش بأي صورة

المهم بسمع تعليقات ربعي في المنتدى
أبو بدر الخليفة غير متصل  

 
قديم(ـة) 17-08-2006, 03:39 PM   #2
عضو مبدع
 
تاريخ التسجيل: Aug 2006
المشاركات: 1,196
قوة التقييم: 0
ريم البراري is on a distinguished road
>> وانا توي بسويها من جديد يوم دريت ويدخل الشين راسه عندي قال ما عرفت ؟؟؟ قلت انت ابعد بس وانا اعرف وشلون تبيني اعرف وانت ما بقى الا تحفظ رقمي السري والله انه مدخل راسه مقربه بغيت اكوعه اهدم سنونه<< shdfy hjj llk yrkl

أضحك الله سنك :)
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ريم البراري غير متصل  
قديم(ـة) 17-08-2006, 03:57 PM   #3
مشرف منتديات الأندية الصيفية
 
صورة قلم الصديق الرمزية
 
تاريخ التسجيل: Oct 2005
البلد: الرس رسك إذاالدهر مسك
المشاركات: 4,260
قوة التقييم: 17
قلم الصديق is on a distinguished road
هذولا اهل بريدة يعرفون وشلون يطلعون منك القرش بأي صورة


إي والله هذا الكلام اللي يجمد على الشارب
__________________


قلم الصديق غير متصل  
قديم(ـة) 17-08-2006, 04:06 PM   #4
عضو مميز
 
تاريخ التسجيل: Jan 2006
المشاركات: 182
قوة التقييم: 0
الفيصل 2 is on a distinguished road
اعتقد انه فيها محضور شرعي ( ربا ) حسب فهمي انه يسدد عنه ميتين كأنها سلف وياخذ منه ميتين وعشرين
اذا اصبح قرض جر منفعة في النقديين فهو ربا
شكرا اخوي ابو بدر على روح المرح في المقال
الفيصل 2 غير متصل  
قديم(ـة) 17-08-2006, 06:52 PM   #5
عضو متألق
 
تاريخ التسجيل: Dec 2001
المشاركات: 915
قوة التقييم: 0
تميم is on a distinguished road
انا اقول مافيها شئ ولكن ؟؟؟ ليس بهذه الصوره من الطمع والاستغلال.
والمفروض التسديد متاح لجميع البنوك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
تميم غير متصل  
قديم(ـة) 17-08-2006, 07:19 PM   #6
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اعووووووووووووووذ بالله
وش هالطمع
وش هالجشع
ماعنده شي اسمه نخوة ...أو فزعة ؟؟
بعدين انا قلت ممكن تكون ربا ..مثل ماقال الفيصل 2
وبعدين ياجماعة كل ديرة فيها الخير والشر ...التعميم هذااعتقد انه ظالم ...
__________________
هزيم الرعد غير متصل  
قديم(ـة) 17-08-2006, 08:33 PM   #7
عضو متألق
 
تاريخ التسجيل: May 2004
البلد: الخـــبر
المشاركات: 1,080
قوة التقييم: 0
طـــآرق is on a distinguished road
ياخوي انا يوم جيت بطلع الجواز الا يقولون سدد المخالفات


المهم واطلع للصرافة اللي عند الجوازت واحصل واحد يقول اسدد لك بس تدفع 30 ريال ليش مادري


انا مادري وش يحللها له والله اشك انا انها حرااااام



ومن هذ1 المنبر نطاااااااااااااااااااااااااالب بفتح فرع للجوازت السعودية في الرس لو ما يداومون الا يومين في الاسبوع


وبعدين بقولكم شئ انا دخلت الرس انبهرت من جد معظم المشاكل اللي تم طرحها في المنتدى انحلت او في صدد حلها

مثل المعلم اللي على طريق عنيزة والممر والاشجار و.. و.. و.. ...............الخ


المهم ترى صوووتكم مسموع


عموما شكرا لك ابو بدر



طااارق

.............


تحياااااتي لكم كلكم
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
طـــآرق غير متصل  
قديم(ـة) 17-08-2006, 10:02 PM   #8
Banned
 
تاريخ التسجيل: Jun 2006
المشاركات: 341
قوة التقييم: 0
نجمة بعيدة is on a distinguished road
ياااااااااااااااااااااااحرام والله ضعيف ذا الشااااااااااايب مسكيييييييين والله.. لو انه أنا بمكاااااااانك كان سووويتهااااااااا له أو خاانقت الشين وخليته يستحي على دمه صدق حيووووان.
نجمة بعيدة غير متصل  
قديم(ـة) 18-08-2006, 03:01 PM   #9
عضو مميز
 
تاريخ التسجيل: Dec 2005
المشاركات: 109
قوة التقييم: 0
أبو بدر الخليفة is on a distinguished road
أضحك الله سنك :)


الله يديمها من ضحكة يا غيوم


ـــــــــــــــــــــــــــــــــــــ

قلم الفاروق الي افهم منك ان الدعوى ما فيها شي ffgf

لكن هزيم الرعد يقول ان التصرف منبوذ وانه جشع

ــــــــــــــــــــــــــــــــــــــــــــــــــ ـــــ



تميم انا والله مثلك اقول ان العشرين كثيرة يعني لو خمسة او عشرة اذا كثر


ـــــــــــــــــــــــــــــــــــــ


الفيصل الله يبارك فيك اي والله انك نبهتنا لامر مهم يمكن الامر فيه محظور شرعي
بس اوعدك ان شاء الله بحاول اسأل عن الامر

ــــــــــــــــــــــــــــــــــــ

طارق شكرا اجل انت صار لك ما صار للشايب بس لا تكون دفعت ffgf

ــــــــــــــــــــــــــــــــــــ

نجمة قلت انا والله لو اعرف كان يمديني سويتها ما تركت الشين يبتز الشايب لكنها ما توصل لقولتك حيوان kloi
أبو بدر الخليفة غير متصل  
قديم(ـة) 18-08-2006, 05:42 PM   #10
عضو متألق
 
تاريخ التسجيل: Jul 2006
المشاركات: 732
قوة التقييم: 0
مسلم غيرمتعصب is on a distinguished road
اقتباس:
المشاركة الأساسية كتبها طارق698
ياخوي انا يوم جيت بطلع الجواز الا يقولون سدد المخالفات


المهم واطلع للصرافة اللي عند الجوازت واحصل واحد يقول اسدد لك بس تدفع 30 ريال ليش مادري


انا مادري وش يحللها له والله اشك انا انها حرااااام



ومن هذ1 المنبر نطاااااااااااااااااااااااااالب بفتح فرع للجوازت السعودية في الرس لو ما يداومون الا يومين في الاسبوع


وبعدين بقولكم شئ انا دخلت الرس انبهرت من جد معظم المشاكل اللي تم طرحها في المنتدى انحلت او في صدد حلها

مثل المعلم اللي على طريق عنيزة والممر والاشجار و.. و.. و.. ...............الخ


المهم ترى صوووتكم مسموع


عموما شكرا لك ابو بدر



طااارق

.............


تحياااااتي لكم كلكم

صحيح الامر أختلط علينا
تدفع ثلاث مائة للدولة وتعتبرها حلال والضعيف يبي ثلاثين مقابل يريحك من مشوار قيمتة اكثرمن ثلاثين رايح جاي وحرام علية هو اولي من الدولة .
مسلم غيرمتعصب غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 02:39 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19