عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 06-09-2006, 06:50 AM   #1
مشرف منتدى الصور والتصاميم
 
تاريخ التسجيل: Dec 2001
البلد: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
المشاركات: 2,225
قوة التقييم: 18
أبو عليان will become famous soon enough
Talking ---×x× حريقة في بيتنا .. يا لهويـــــــــــــــــــــــــه ×x×---

°°°°°°
السلام عليكم على " أمكم " ورحمة الله وبركاته ..

" الموضوع موب ديني .. هذي سالفة لي "

لا يخفى على الجميع منكم دور الأم في بناء مسيرة الحياة .. كما قال عيد الدوسري في حفل الجوالة رقم ماادري كم

الأم مدرسة .. كجلمود صخر حطه السيل من علي .. وعلي هذي متوسطة درست بها الله يخلف (علي) <-- موب متوسطة ذي


-----

هذا طول الله بأعماركم .. واحدن يقاله عزوز .. أخوي .. وصيته أمس أنه يضبط لي كبسة البطاطس .. لأني كنت عاضن لوحة المفاتيح من الجوع ..


قالي : ولا يهمك إزهله .. قلت : كفو يالذيب .. ولا تنسى تجيب البارد معك .. قال : أبشر

وفي لمح البصر إختفى من قدام ناظري " أبوك يالوصف " ليضبط لي ذلك العشاء الكويس لبطني المش كويس !

10

20

30

40

50

Oh My God

حشى كل ذا الوقت عشان حتة بطاطس !!


بالبداية تعجيزت أقوم .. لكن يوم بدى الجوع ينخر في عظامي .. قمت مسرعن نحو المطبخ .. قبل هذا كنت شام ريحة

شيء .. وأحسبه واحدن يزقر .. " يسوي تتن "


أقبلت على باب بيتنا الداخلي حيث أني كنت في الملحق .. وفجأة <-- إسلوب تشويق ..

" لا تجي .. لا تجي " !

أنا طارت بوهتي " وش معنى بوهتي إلا ؟! "

أثاري الدنيا مـ تزبعره (1)



تذكرون أخوي اللي بأول القصة .. طلع شابن على الزيت ورايحن ومخليه .. ومشتبتن الدنيا .. !

يالهوييييييه !! يالهوييييييه !! وش الحل ؟!


"" أمي الصراحة ودي أقول إنها الكوماندز حق القصة .. بس مستحي منه ""


راحت علطول للغاز وفصلته حيث كانت هناك " دبتان " والله لو وصلهتن النار إن "تدبن بيتنا دب" إن نغدي مثل عفش مطلقة

من الخبة ماتدري أمي وش تسوي بالنار .. حيث إنها واصلة السقف والديكور حق المطبخ بدآ يحترق ..

جابت طشت (2) ماء ودغري على الزيت !!

فزادت النار !

الدنيا صارت سوداء وإنحاست زيادة .. ولا نقدر نشوف شيء ..

طلعنا وأحترينا لين هجدت النار وكملنا على اللي ماطفى لين طفى ..


موقف عصيب مر بحمد الله علينا .. والآثار اللي طلعت من أثر الحريق ..

السقف صار كنه جبهة حدا لحجيات مكة .. كوح !

المواعين والعفش مضلل 0 - 0 ..
خرب قزنا .. ولازم يبيله توظيب ..

عاد يوم جاء أخوي .. اللي بأول القصة .. للملحق .. وهو خايف إلى درجة إن رجلينه تصافـ تز (3) في بعضها ..

يوم حسيت بالخطر عليه لا تجيه حاله نفسية ويبتل طول عمره حبيس الموقف <--- شوفوا الإسلوب التربوي .. والله
إني أخو - نسأل الله الإخلاص - .

أخذته معي ورحنا نجيب عشاء و عطيته بعض الحكم والتوجيهات .. تعرفون أخوه الكبير ولازم أتفلفس بمثل هالمواقف ..


"وإلى هنا تكون قد إنتهت فقرات إذاعتنا لهذا الصباح .. وإلى لقاء آخر مع إذاعة أخرى .. أخوانكم في الإذاعة .."

إيه : عاد نسيت أقولكم .. <-- إنا لله يها النشبة ..

اليوم صارت عمليات التنظيف للمطبخ في طاقم قوامه 2 شغالة فلبينية ماادري سيريلانكية ..

وكل وحدة ماسكتن مكنسة وكنس للسقف .. عمركم شفتوا سقف يكنس !!


---

مايستفاد من القصة :

1 - أخي رب المنزل / إختي ربة المنزل : حطوا ببيتكم طفاية حريق .. الصراحة ماحسيت بقيمة ذا الطرمبة الحمراء إلا امس وجزمت إني أشري وحدة " إذا طلع الراتب " !

2 - إنه مايصلح تكب الماء على الزيت .. إذا صار مشتب لأن الزيت أخف من الماء .. وبزلك تكون النار فوق ..

3 - لا مانع من وجود أقنعة غاز في البيت ..

4 - إن الأم مدرسة .. والمدرسة أم .. وأم التخلف إن الواحد يحب المدرسة ..




و
و
و
صلامن عليكم .. كل أبوكم<-- (عشان مايزعل) وأمكم <-- (كفو بالكوماندز) .. ورحمة الله وبركاته ..

-----------------
حواشي :
(1) بلغت حدها الأقصى
(2) إناء ذو إستخدامات عديدة وغالبا ماتلقاه بالحمام وإلا عند الغسالة !
(3) تضرب اليمين باليسار واليسار باليمين .. ومع الوقت وعدم إستخدام زيت بترومين هناك أمكانية للتنحل


°°°°°°
__________________
...
أبو عليان غير متصل  

 
قديم(ـة) 06-09-2006, 07:19 AM   #2
عضو بارز
 
تاريخ التسجيل: Nov 2005
المشاركات: 537
قوة التقييم: 0
صـاحب النقب is on a distinguished road
كما اعتدتك يا أبا عليان

ترسم البسمة
بأسلوب جميل
وصادق

ينبئ عن طيبة قلب ،،،

وفقك الله
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
صـاحب النقب غير متصل  
قديم(ـة) 06-09-2006, 10:39 AM   #3
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
ههههههههههههههههههه
أبو عليان ... روعة بالسرد مع البساطة
الحمد لله على سلامتكم جميعا
وجاز لي الأسلوب التربوي مع الأخو
وقبل هذا جاز لي اسلوب التشويق مع فجأة
ويوم يقول ارجع ارجع ههههههههههههههههههههههههههههههههه
تسلم ياعميد خفة الدم بالرس اكس بي
وننتظر منك المزيد تكفى
__________________
هزيم الرعد غير متصل  
قديم(ـة) 06-09-2006, 02:15 PM   #4
عضو مميز
 
تاريخ التسجيل: Nov 2005
المشاركات: 136
قوة التقييم: 0
برق المنشأ is on a distinguished road
ههههههههههههههههاي ههههههههههههههههههاي الله يكون بالعوووووووووون يابوعليان اجل قبعرة

بالبيت مع الزيت وقبعرة بالمنتدى مع ابوليان وياليت كنت متابع قبل ماتحذف الردود بس اكتشفت انها قبعره من

وقت الردووووووووود .
برق المنشأ غير متصل  
قديم(ـة) 07-09-2006, 12:30 AM   #5
مشرف منتدى الصور والتصاميم
 
تاريخ التسجيل: Dec 2001
البلد: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
المشاركات: 2,225
قوة التقييم: 18
أبو عليان will become famous soon enough
°°°°°°
الغاليين ..

صاحب النقب .. هزيم الرعد .. برق المنشأ ..

" أنتم بالذات "

أتشقق من الوناسة لا شفتكم رادين على حدا مواضيعي ..


يامال الشقرن لكم ..

°°°°°°
__________________
...
أبو عليان غير متصل  
قديم(ـة) 07-09-2006, 12:33 AM   #6
مشرف منتدى الصور والتصاميم
 
تاريخ التسجيل: Dec 2001
البلد: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
المشاركات: 2,225
قوة التقييم: 18
أبو عليان will become famous soon enough
°°°°°°
برق المنشأ .. هع هع .. أشوى إنك مالحقت يالمقرود ..


وإلا تسان كابن عفشنا ..

°°°°°°
__________________
...
أبو عليان غير متصل  
قديم(ـة) 07-09-2006, 01:33 AM   #7
ღ قلب 1 ما نفترق ღ
 
تاريخ التسجيل: Nov 2005
المشاركات: 4,588
قوة التقييم: 0
miss a will become famous soon enough
ههههههههههههه
ياربي ماودي اضحك يبلان ربي
وخصوصا اني جوعانه وعلى بالي اقلي بطاطس
مير هونت :\
miss a غير متصل  
قديم(ـة) 07-09-2006, 01:35 AM   #8
عضو مميز
 
تاريخ التسجيل: Jan 2006
المشاركات: 182
قوة التقييم: 0
الفيصل 2 is on a distinguished road
الحمد لله على سلامتكم اخوي عليان
اما الاسلوب التربوي مع اخوك المفروض انه يكون عن طريق
تعطيه طراقين على صابره تخليه ما ينسى اي شيء على الغاز
بغى يوديكم بداهيه لو ان الله ستر وتقول اسلوب تربوي
الفيصل 2 غير متصل  
قديم(ـة) 08-09-2006, 01:21 AM   #9
اميرة الخيال
 
تاريخ التسجيل: Sep 2005
البلد: بين اكوام الاحزان
المشاركات: 1,821
قوة التقييم: 0
رهينة الشوق is on a distinguished road
[grade="00BFFF 4169E1 0000FF"]

ما يستفاد من ردي :


1- متحسفة على الردود اللي انحذفت ( ذبحته اللقافة ) .
2- اول مرة ادري انك تكتب قصص واقعية .
3- ياحبي لأمك ماشاء الله عليها تعجبك وقت الازمات وراه ما طلعت عليه .؟؟
4- اموت واعرف اخوك وين طاس يوم شب على الزيت وتركه .
5- ابو عليان ما عنده خوات ولا كان طبت منهم بس شكلك زعلات عليه ومطنشاته .
6- يوجد في بيت ابو عليان شغالتين ما ودك تأجر وحده لنا برمضان .
7- يتمتع ابو عليان بسرد رائع وجميل ومرتب .
8- انا اكتب مواضيع وحط صور بس دائم يقول الحروف والروابط كثيره انت ما تصير معك .
9- عجبتن الحواشي كاتب بحوث .
10- أي موضوع مثل ذا اعزمن عليه ترى ما ادري .
11- بس قضينا ............. [/grade]
__________________

رهينة الشوق غير متصل  
قديم(ـة) 09-09-2006, 02:28 PM   #10
عضو ذهبي
 
تاريخ التسجيل: Nov 2005
البلد: وسط قلب الشلهوب
المشاركات: 3,496
قوة التقييم: 16
@الموهوب@ is on a distinguished road
الحمدالله على سلامتكم يابوعليان

ناوي تجيب العيد وانت واخوك الدب بالبيت

احمدك ربك ان الله ستر عليكم انتم ويجيرانكم
__________________


هذي الهديه قليله بحق رجل مثل قامة ابوفهد فجزاك الله خير على كل ماقدمته لي
الفضل لله ثم لك يابوفهد
@الموهوب@ غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 02:05 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19