مد البساط ولشقر البن سوى

[البس الاسود]

الشاعر/ عبد الرحمن بن حمدان الصالحي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يقول من هو بالخلا شب ضوه = مد البساط ولشقر البن سوى
في صحصح خالي من الناس جوه = ماطبه اللي خلف آدم وحوى
عقب السحاب اللي زعج فيه نوه = ابطى يعله لين عرقه تقوى
ديم على العشب وتكامل نموه = ساق وتساقى لين روي وتروى
ينعش عبيره يوم اقطف علوه = بسباس وخزامى وربله وحوى
طيره يغني بالرواح وغدوه = قفر به آثار الزواحف تطوى
لون الفرآش بلون عشبه تموه = يقطف زهوره ثم طار يتهوى
عيني لها شوف الطبيعة ظروه = ورجلي معودها على كل دوى
بيني وبين البر صحبة وخوه = يبري جروح بين الأضلاع جوى
أسج ساعة مع ذعاذيع جوه = عن واقع منه الفؤاد يتكوى
الوحدة أفضل من خوي مفوه = يدوخك قال فلان وفلان سوى
واخير من مجلس عديم المروه = في هرجه إما اغتياب وإلاتبوى[/poem]



26/2/1426

[هبوب الشمال]

الوحدة أفضل من خـوي مفـوه
يدوخك قال فلان وفـلان سـوى
واخير من مجلس عديم المـروه
في هرجه إما اغتياب وإلاتبـوى
...
قصيده غايه في الروعه وبــ قافيه رائع جدآ
لاهنت يالبس الاسود

[الهواوي]

تسلم البس الاسود على الاختيار وصح لسان ابو عادل ونرجو منك تزويدنا بالمزيد من شاعرنا

[البس الاسود]

شكرآ لهبوب الشمال على الكلمات الجميله وللهواوي ازكا تحيه مع الاشواق