هبوب الشمال ////// أســـتلــــم الرد !!!!!!!!!!!!!!!

[شامان]

[center][size=4][color=DarkRed]السلام عليكم ورحمة الله وبركاته
أرسل الأخ الكريم // هبوب الشمال قصيدة ،،،،، عبر منتدى ( الرس إكس بي) وتم الرد عليها حسب معرفتي المتواضعة وعسى أن أكون قد وفقت بالرد ،،،،،

قصيدة هبوب الشمال


[poem=font="Arial,5,white,bold,normal" bkcolor="transparent" bkimage="./images/backgrounds/95.gif" border="double,4,black" type=2 line=0 align=center use=ex num="0,black"]
عزي لقلبٍ غدا في داخله طيرين =طيرٍ وحش وطيرٍيسبـق الهـده
طيرٍيعانـد يكفـخ بالجناحيـن =عقب صده من مده لـي مـده
ماشوقنه من الصيدات السميـن =ولا حركنه مـن حولـه نمـده
إلا هنوفٍ من نـاسٍ قريبيـن =وقَع طيري والشبوك من خـده
حاولت ارده من يسار ويميـن =ولابرقعٍ من شوف عينه يصده
سوت زحمه بين القلب والعيـن =ولاشغلـةٍ تسلانـي عـن وده
وطيرٍ هزل جسمه ياكوده يبين =عقب السفوح الزبره هي حـده
هواه البـر والخيـام والطيـن =ودلال صفرٍ حول الرمث نلـده
مـع نـاسٍ للمراجـل شفقيـن =وماهمهم بكـره للجـور عـده
هذا طيري وارجي له من يعين =امـا يقـوى ولا اللحـد قـده
شامان تكفى وانا خابرك زيـن =علاج طيري تكفـى قـوم وده
حيثك من الناس اللي هم قليليـن =شف لي حلولي وعن غيرك حده
ياسديد الراي والعرف المتيـن =ندك تراه السيـف وانـت نـده[/poem]

وإليكم ردي المتواضع

[poem=font="Arial,5,white,bold,normal" bkcolor="transparent" bkimage="./images/backgrounds/95.gif" border="double,4,black" type=2 line=0 align=center use=ex num="0,black"]
يامرحبا والعلم بين الحجاجين = من صاحب(ن) بيح معليق سده
انشهد إنك من حموله ونعمين = فعل المراجل والكرم دوم مده
شكواك يالصاحب على الراس والعين = يمناك عندي له يمين تشده
عجلت طبختها وهي مستوت زين = وفاح النجيض ومال حمل الأشده
وأنا معك دايم على العسر واللين = أقف برجلي حالف(ن) ما أرده
أبشر بما تطلب ولك مستعدين = مالي وأنا فيما تطلب اليوم عده
الحب عذبكم وعذب كثيرين = وأشوف حبك واصل اليوم حده
ما تنام ثلث الليل لو راح ثلثين = من جادلن نور القمر وسط خده
معسول هرجه ذاب بين الشفاتين = وجاك الهيام وزاد بالقلب وده
قد الرسن قدملها اللطف واللين = وأصحا الحسود بنقل علم(ن) يبده
ترى العرب فيهم شطارة وحذرين = حذراك من علم(ن) علينا يلده
هبوب الشمال العرب وينهم وين = ضيعتني مابين شرقٍ وضده
لاوسم لاوجهه تبلشت ومنين = عطني خبر يالقرم مابه مهده
نسري لهم لوهم علينا بعيدين = ونطلبه لك والتعب مانعده
نركب أنا وياك بين العشاوين = ولا نصبح إلا من ورى المستجده
ون كان هي بالشرق نطلب عناوين = تاصل مراسيلي طوارف إمصده
ون غربت من يمت الغرب سيدين = من يمة الساحل ورى شط جده
نجمع قراطيع الهوى للمحبين = لأجل تنام العين فوق المخده
وكان دربك فيه بعض الحسودين = أنا معك وفي يدي أم خده
ون كان وقتك خالطه زين مع شين=الله بسطها سهلة(ن) مجرهده
أبعد عن الرديان لوهم عزيزين = أطو الرشا لاتصير تحت المحده
ون كان تعرفهم وهم لك قريبين = أقلط عليهم وخطبه دون صده
وترى المعونه جاهزه للعروسين = وليل الفرح شعارنا مستعده
السيف بتار نهار المعادين = ولحاجته يستل من وسط غمده[/poem]

///// شامان /////

[الخلاوي]

[glow="CC0099"] [SIZE=3]الله الله يـــاشـــــــــــــــــامــــانundefined[/size]undefinedundefined[/glow]
قصيدة حلوة من هبوب الشمال والرد كان رائعا بمعنى الكلمه وليس مستغربا الشعر من منبعه فلكما منا كل الشكر والتقدير وبمثل هذه القصائد يحلا المنتدى(وأن كان دربك فيه بعض الحسودين+أنا معك وفي يدي أم خده)
لاشلت يدك ولافض فوك ياشامان والسلام ختام

[سحبان]

،،،،،،،،،،
[frame="11 70"]اهلا وسهلا بشعرائنا وحياكم الله

هنا قرأنا جمال الشعر والابداع قصائد قد ضربت اطنابها بقوة في هذه الساحة

تصدح بمعانيها الجميلة والرائعه .

الأخ شامان وفيت وكفيت وكعادتك مبدع وتتوق للإبداع لافظ فوك والشكر موصول

للشاعر هبوب الشمال الذي سطر قصيدة رائعه .

شكرا لكما ومزيدا من الأبداع كما اعتدنا منكم[/frame]

[ملح الجريف]

كفووو .. وقدها وقدود

هذا الكلام

تسلم / شامان , وصح لسانك

ويسلم هبوب الشمال

.....

[مستور]

صح لسانك الف يا شامان
قلت فأبدعت بارك الله فيك ولك .

قصيده ولا أروع . .... تحياتي

[غريب الدار]

[glow="330099"]عز الله انك كفو ياشامان

صح لسان يالذيب

وعلا شانك

والله لايهينك

قصيده جزله ورائعه

ورد جميل جداً جداً

فألف شكر شعرائنا الكرام على ماطرحتم

تحياتي وتقديري وشكري

لاعدمتكم[/glow]

[الهواوي]

أبعد عن الرديان لوهم عزيزين = أطو الرشا لاتصير تحت المحده
الله يبيض وجهك على هالرد اطربت القاف ياشامان اشهد بالله انك مبدع مبدع مبدع وانك كفيت ووفيت ابطح راسك ياهبوب الشمال جاك المدد skjj

[عجـ100]

°•.♥.•°هــبـــوب الــشـــمـــال °•.♥.•°

°•.♥.•°شــــامـــان °•.♥.•°


تــتــســـابـــــق حــــروفــــي وعــبــاراتــــي لــتــحــيـــي أصـــاحـــب الأقــلام الــرائــعــه ..

قـــصــيـدتـــيــن فـــي قــمــه الــــرووووووعــه ..

صــاغـــهــا لــنـــا شـــاعـــريـــن رائــعــيـــن ..

بـــبـــراعـــه واتــقـــان..

يــعــجــب الــقـــارئــيــن ـ بــهــذهـ الــكــلــمــات الــلــطــيــفـــه والــمــعــانــي الــجــمــيــلــه ..

والأســلــوب الــشــيـــق الــــرائـــــع ...


ســجـــلـــو اعــجـــابـــــي بـــالـــقــصــيــدتــيـــن ..

وبـــنـــتـــظـــار الــجــديــد والـــرائـــع مــنــكــمـــا ..

تــمــنــيــاتــــي لـــكـــم بالــــتــوفـــيـــق ...

وكـــــل عـــام وأنـــتـــم بــخـــيــــر ...


الــعــجــمــيـــه ...

[هبوب الشمال]

اخي العزيز
شامان
اعذرني على التأخر في التعقيب..والظاهر انها عاده غدة لي!!
اشكرك على الرد والتفاعل السريع
..كتبت فأجدت..
بيض الله وجهك
وترى كل حرف قلته يجي يوم واطلبك فيه
...........
ون كان وقتك خالطه زيـن مـع شيـن
الله بسـطـهـا سـهـلـة(ن) مـجـرهــده
أبعـد عـن الـرديـان لـوهـم عزيـزيـن
أطـو الرشـا لاتصـيـر تـحـت المـحـده
.
.
بعيــده الحمدلله
........................
""فيه سر بالقصيده ودي انك كشفته""
......
اكرر شكري لك
وكل من قام بالمرور..واخص العجـ100
1000 شكر لمن حضر

[شامان]

أشكر الجميع على المرور

أخي هبوب الشمال

إذا كان في القصيدة كلام ،، فأنا لم أفهمه

أرجو المعذرة

واللي تأمر عليه أنا مستعد

أكرر شكري وتقديري لك

فأنت صاحب الأوله ،،،، وراعيها مايلحق

لك مني كل الأحترام