.•.°.• الجزء الثالث والأخير من مغامرتانـ بعــد منتصفـ الليلـ .•.°.•

[جنى المحبة]

هنا الجزء الأول والثاني من المغامرة....

أهلاً وسهلاً بكم مجدداً في شاشة القصص والروايات...

ومرحباً بكم معنا في الجزء الثالث والأخير من مغامرتان بعد منتصف الليل...

مرحباً بكم معنا.. في الإثارة والتشويق...

مغامرة نبثها من أطراف منتدى الرس إكس بي..

تحمل في طياتها مشاعر كثيرة.. بين الخوف والجرأة..

الإثارة والفكاهة...

لن أطيل عليكم..فجديدنا قادم....

1

2

3

.....

وبدأت العضوتان يحاولن ينغزن بالأزره بس ما ش ما عرفن شي ..

جنى : يالله خلاص طفشت ما اعرف شي .

رهينة : امممممممم حتى انا وش رايس نروح لعبدالعزيز نساومه من جديد ؟

- عبدالعزيز قصدي عبدالعزيز الله يرحمه .

- جنوووووه بتجين ولا لا ؟؟

- يالله ... انا مادري وش مخلين ادخل نت الليلة ..

0

0

0

ودخلتا على عبدالعزيز وهو لا يزال تحت الثلاجة ..

- عزوز ......... بشر وش صار معك ..مر عليك احد ؟!

-.....اه .. اه .. حرام عليكم يا بنات وين الرحمة؟

- اقول عبدالعزيز .. ما ودك تغير رايك ؟؟

- لا ............. لا ...........

- عموماً شف هذي لوحة التحكم .. جبناه لك ..

- وترى وانا اختك خلاص ما بقى بالعمر كثر ما مضى ..

استسلم تسلم ... وتخيل شكلك إذا نزلنا موضوع وفاتك بمنتدى الطبخ عند البنات .. وش بيقولون الناس عنك ..

رهينة في خبث : ووووووووواخزياه .. طاب على قسم الحريم اخر الليل وش عنده ههههه..

عبدالعزيز في لحظة يأس : خلاص بستسلم بس وش تبون بالضبط اللوحة ولقيتوه ...

رهينة في خبث : نبيك تعلمنا عليه او تنفذ الاوامر اللي ..

- أي اوامر .. ؟!

- اللي بنقول لك عليه.

- خلاص انا تحت امركم ريا وسكينه ..

جنى ورهينة يتشاورون مع بعض ..وقامن وطلعوه من تحت الثلاجة وربطوه بكرسي عشان ما يهج ..

[جنى المحبة]

امام لوحة التحكم ...

- يالله وش تبين اسوي ..

- غير اسم المنتدى من الرس اكس بي الى الرس RG اول حرف من رهينة وجنى .

- خيـــــــــــــــر .. لا معصي ..

- اقول عزوز نفذ ..

- طيب ........

وتم التغير ..

- يالله شل اعضاء مجلس الادارة الحالي .. وحط الاسماء اللي بنعطيك اياه ..

- مستحيل ........ ما اقدر مسوي معهم عقود انا ..

- ايه صح دافعين لك 5000 ريال .. اقول سوى اللي نقول لك ازين لك ..

- حشى ما نتم حريم انتم ..وش الاسماء اللي تبونه ...

جنى : الاتي :

بسمة آلم ، رهينة الشوق ، جنى المحبة ، مجر د اثنى ، مسوية زحمة ، اااااااامممممممممم .. ايه .. عاشقة العيون ، عجمية ..بنت الشيحية

- واختس قمر الرياض ما تبينه .؟؟؟

- لا ما ابيه ..

- وش ذا كله سحالي ولا تمساح ؟؟؟

- لا ما نبي تماسيح... يالله رح ضيق الرد وحط اقل من 1000 حرف ما يقبل .. يعني الردود ابو كلمة وربع كلمه ما نبيه يا يملي الرد ولا مهوب لازم يرد ..

- رهينة كذا الاعضاء بخسرهم ..

- سو .. وانت ساكت ..

- رهينة وش رايس ..انا المنتدى العام قاهرن .. كله هوشات وش رايس نحذفه ..

- والله انس صادقة .. انامير لما ادخله تطقن ام الركب من الخوف .. اجل شورتك وهداية الله .. عزوز احذف منتدى العام .

- لالالالالالالالالالا هذا القلب النابض بالمنتدى ..وشلون احذفه ؟؟

- وراك انت كل شي معترض عليه .. خلاص سوى اللي نقول لك عليه وانت ساكت قال قلب ..

- يالله زد كل عضو او عضوة مشاركاتهم ما وصلت 100 مشاركة زدهم بسرعه ..

- ليـــــــه لكل مجتهد نصيب ..

- اقول لا يكثر اخلص علينا ورانا سحور ..

- رهينة وش رايس نحذف مشاركات فيصل العلى ونخليه 10 خخخخخخخخ ...

- والله انس جبتيه .. ياختي فقع روسنا من وصل الـ 30 آلف شايف نفسه علينا ... مير او ل كان يرد على مواضيعنا الحين طنشنا .. يالله احذف مشاركاته بسرعه ..

- لالالالالالالالا ما اقدر كلش الا فيصل .. يذبحن ..

- اقول سوووووووووه بس لا تسوي لنا فلم مصري ..

[جنى المحبة]

- نزل الطموح من الاشراف مانبيه مشرف ...

جنى تهمس لرهينة: لا حرام يا رهووون ..

- لالالالالالالالالا عاد بيختيه يا رهينوووووووه ..كلش الا اخوي ..

رهينة وجنى في تعجب : ايش اخوووووووووك ؟؟؟؟

عبدالعزيز في حزن : ايه اخوي ..

- وانا اشوفه متفرعن علينا وشايفن عمره اثريه اخو العريس ؟؟؟ اقول اشطب الطموح وارسله على ايميله رسالة شكر وقله مشكور على خدماتك ما نبيك ولا عاد نشوف خشتك بالمنتدى ..

عبدالعزيز يكلم نفسه : ان لله وش ذا البلوه .. واعوذ بالله ولا احد من المشرفين مر من هنا !!! هذاالاتفاق اللي متفق معهم انها يناوبن 24 ساعة بس الله يخلف عليك يا عِزيز على المشرفين ..كل اسبوع اجتماعات وذبايح ولا فاد فيهم شي .. انا لو اقدر ألقى جوالي كان ادق او ارسل لهم رسالة يجون يخلصونن من الجلادتين .. بس وينك يا جوالي ..

رهينة تكلم جنى : وراه سرح .. وبحلق عيونه كذا ..

-اخاف ان التغيرات والثلاجة اثرت به..

- شكله كذا ..

-: يا بنات ممكن اشرب ماء عطشان ..

- من وين نجيب لك الماء ؟؟

- انا اروح مكتبي واحيب من الثلاجة ماء ..

- يالله روح ..

- وش يالله رح لو هج؟؟ ..

- اجل روحي انتي جيبيه من مكتبي .

- بروح معس .. ما اقدر اقعد معه لحالي ..

- يالله .. يالله قوه اصلا ما به حيل يتحرك او يهج يا حول ..

[جنى المحبة]

وبينما رهينة وجنى راحوا لمكتب عبدالعزيز .. دخل عبدالعزيزالماسنجر ولقى كل المشرفين مجتمعين .. وعلى طول وبسرعه طلب منهم الحضور .. الى المنتدى وقسم المشرفين بالتحديد ومعهم الشرطة ..

في هذه الاثناء كانت رهينة وجنى مبهورات بمكتب عبدالعزيز الجميل والانيق ..

- رهينه تسمعين صوت رجال ............. شكل المشرفين جووووووووووا

رهينة طلت من دريشة مكتب عبدالعزيز ايه والله كلهم داخلين بدداسن .. والعجرات بيدينهم...

- وش الحل .. ياويلى ..

- نبي نهج من الدريشة يالله نطي ..

- وشو ننط... صاحية أنتِ؟؟؟ تدرين عندي خطة...

- وشي؟؟

- خلينا نتغبا ورى الباب لين يدخلون كلهم للقسم بعد كذا نطلع ونقفل الباب عليهم.. خخخخخخخ ونحشرهم عن بكرة أبيهم..

- والله يانتي جنية منين جايبتن هالعقل.؟؟

- تسلم لي صاحبة الأفكار.. ومنكم نستفيد..

- يالله توكلنا على الله..

- شوفي أكيد بيدخلون مع البابين.. أنا بروح لباب وانت للثاني.. طيب..

- طيب..

اختبأت كل من المغامرتين الشجاعتين خلف الباب... وبعدها دخل المشرفون يتزعمهم عبد العزيز الدبيان والشرر يتطاير من عينيه..

- وينهن والله ما أخليهن.. ضيعن علي السحوووور وييييييييييييييينهن بس طلعوهن...

- جنى تكلم رهينه بالجوال..أف رهينه والله يا هو حاقد علينا.. والله ان مسكنا ان نصير شكشوكة بيدينه..<<<< براءة

- لا ما عليتس ان شاء الله مهوب لا قينا شوفي انا اشوف بابتس قدامي بعلمتس اذا دخل آخر واحد وانت بابي قدامتس علمين اذا دخل الأخير ونعد لين 3 ونطلع ... افقنا..

- اتفقنا..

[جنى المحبة]

- يالله قضوا اللي عندتس .. وأنا؟

- حتى أنت خلصوا يالله 1..2..3

- هذاهن لا يفلتن منكم.. امسكوهن... اللي يمسك وحده منهن له زيادة 10 مشاركات يالله..

ومع هذا التحفيز تطامر المشرفون لإمساك الفتاتين البريئتين..

لكن الحظ كان حليفا لهما.. فأغلقتا الباب بالمفتاح.. الا ان رهينة كانت تعاني من مشكله..

- جنوووووووو.. بسرعه ساعدين..

- وراتس وشبتس؟؟

- شوفي اصبع حدى المشرفين عالقن بالباب وعجزت أصكه..

- اصبري معي ولاعة الفرن حقنا قضى القداح وصرت استخدم الولاعة.. افتحي الباب شوي بس عشان يحرم يسوي نفسه ذيب مرة ثانية...

- خخخخخخخخخخ.. رهيبه..

وتولع جنى الولاعة باصبع المشرف وما سمع بعد ذلك الا صرخته..

بعدها هربت البطلتان بعد أن بلغتا الشرطة عن سماع أصوات في المنتدى وخشيتا أن يكون لصوص..

وفتح الباب للمشرفين وهم في حالة يرثى لها...<<<<< ضربني وبكى سبقني واشتكى

.

.

وبعد يومين رجعت المغامرتان ليسجلن بالمنتدى باسماء جديدة ..

رهينة الشوق بأسم صاحبة العيون الحول ..

جنى المحبة بأسم بنت بس بشنب ..

[glint]النهاية[/glint]

[جنى المحبة]

تمت بحمد الله القصة من أولها لتاليها...

وتوبة إن عمري نزلت شي بالمنتدى لين يتسنع...

تكسرت يديني.. وانعمت عيوني... وانقص ظهري..oukl

وبالأخير... (( لقد قمت بتضمين صور كثيرة في مشاركتك وفي توقيعك . الرجاء العودة وتصحيح الخطأ .

الصور تحتوي على الإبتسامات , أكواد vB [img] وأقواس HTML <img> .)))

وأنا أقول وراه رهينووووووه تحايلن أنزل هالجزء.<<<< بس هيّن أوريتس..

الجزء الأخير كان من المفروض إن رهينه تنزله...

لكن ولظروف العمل الكنقوي...

طلبت من إني أنزل الجزء... وأنا وافقت بعد أن تم الإتفاق بيننا..

على أن تدمج مملكتي الخاصة والكبيرة والمتواضعة مع المملكة كنقتكم...

وتم التوقيع على الإتفاق السابق في يوم الأحد الموافق 9 / 9 / 1427هـ..

وذلك في البريد الهوتميلي الماسنجري...

وأعلن عن ذلك في هذا اليوم وفي هذا الصباح وفي هذا المكان بالتحديد...

شاكرين مشاركاتكم.ومتابعتكم..

جنى بنت المحبة.. ورهينة بنت الشوق..

شكراً..

[فيصل العلي]

[glow="666666"].•.°.• رائــــع جنـــى .•.°.•

.•.°.•ஐ•i|[♥ أشكـــرك ♥]|i•ஐ.•.°.•
[/glow]

[عازفة الكيبورد]

جنوون
روووعه
ابداع
والله مبدعاات
يسلمو قصصكم او مغامراتكم تجنن وتوسع الصدر

[فيصل العلي]

المشاركة الأصلية بواسطة جنى المحبة

- رهينة وش رايس نحذف مشاركات فيصل العلى ونخليه 10 خخخخخخخخ ...

- والله انس جبتيه .. ياختي فقع روسنا من وصل الـ 30 آلف شايف نفسه علينا ... مير او ل كان يرد على مواضيعنا الحين طنشنا .. يالله احذف مشاركاته بسرعه ..

gggg hjj gggg

[blink]جنت على نفسها براقش [/blink]

[بسمـة ألــــــم]

جنى : الاتي :
بسمة آلم ، رهينة الشوق ، جنى المحبة .... الخ

و اللهـ فكرتـ(ن) حلوتـ(ن) مرتـ(ن) بالحيل

<<< اللهـ من الدجهـ بهالسحالي ffgf

- نزل الطموح من الاشراف مانبيه مشرف ...

حطوني بدالهـ عشان أحذف توقيعهـ

- رهينة وش رايس نحذف مشاركات فيصل العلى ونخليه 10 خخخخخخخخ

تسان يجيهـ شي بس مدري وشو

رهينة طلت من دريشة مكتب عبدالعزيز ايه والله كلهم داخلين بدداسن .. والعجرات بيدينهم...

يـمـهـ .. يخوفون

وتولع جنى الولاعة باصبع المشرف وما سمع بعد ذلك الا صرخته..

كفوووو واللهـ جنوو

إيهـ و أنا إختس .. هالتماسيح ما تنفع معهم إلا العين الخضراء

بس المرهـ الجايهـ .. خوذوني معكم ..

عشان >>> الطـ ......




•·.·´¯`·.·• ( جـنى & رهـينهـ ) •·.·´¯`·.·•

للأمانهـ تمتلكان اسلوب رائع .. و بالإمكان أن تؤسسا من أنفسكم مشروع كاتبتي قصص ..!

أتمنى لكما التوفيق و السداد و المتابعهـ في هذا الفن الصعب ..!


تحـياتي ..



....

[الطموح]

المشاركة الأصلية بواسطة [QUOTE

جنى المحبة]

- نزل الطموح من الاشراف مانبيه مشرف ...

جنى تهمس لرهينة: لا حرام يا رهووون ..

- لالالالالالالالالا عاد بيختيه يا رهينوووووووه ..كلش الا اخوي ..

رهينة وجنى في تعجب : ايش اخوووووووووك ؟؟؟؟

عبدالعزيز في حزن : ايه اخوي ..

ودي أعرف ليه يقولها بحزن .. المفروض يفخر بي .

بعدين وش فيكم حاقدين حرام عليكم خلوني في قسمي وش أحليلي ما لي ولا علي

وشكرا يا جنى



رهينة الشوق وجنى المحبة

قصة ممتعة وأسلوب فكاهي رائع
أتمنى أن نقرأ لكم عملا جديدا بعد حين

شكرا لكما

[الطموح]

حطوني بدالهـ عشان أحذف توقيعهـ

بسمة ألم توقيعك مخالف >>> والله النشبة

عشان >>> الطـ ......

وش قصدك ؟؟؟؟؟؟!!!!!