عقوق الوالدين .. قصة واقعية .. من الجوف

[سالم الصقيه]

هذه القصيدة للشاعر جحيش بن مهاوش ( من أهل الجوف )

قال: قصيدة في عيالة حيث انه دعا عليهم ان الله ما يرزقهم الاولاد

واستجاب الله دعاه حيث قيل انهم تزوجوا مرة وثنتين وثلاث ومارزقهم الله بالاولاد وانقطعت من ذلك الوقت ديارهم واخبارهم بدعوة ابوهم عليهم.

بدت القصة يوم ماتت امهم وتوهم صغار، وقام والدهم جحيش بتربيتهم ورعايتهم الين ما كبروا وكان لهم مثل الام والاب يسهر الليالي على تربيتهم وراحتهم وفي النهار يسعى عشان يجلب لهم الزاد وكان في ذلك الوقت صعب الحصول على الطعام الا بشق الانفس وكان يترك عياله عند خوالهم او عند الجيران وعند الاكل كان يحرم نفسه نصيبه ان كان الاكل شوي ويكتفي بشربة ماءوينام وهو جايع ومن حرصه على عياله انه ما تزوج بعد ما ماتت امهم لانه خايف انها تكون قاسية عليهم وتكفل بالحنان والتربية لهم.

ومرت السنين والسنين وكبروا عياله وتزوجوا واحد وراء الثاني وبعد كل اللي سواه لهم ما لقي من عياله الا الجحود والنقص في معاملتهم له، ولا عاد احد منهم يبي يخدمه او يقضي لزومه بعد ما حل عليه الشيب وكل هذا عشان زوجاتهم اللي اصبحن يتوذن من خدمته حتى ان كل واحد منهم صار يطرده من بيته ويصك الباب من دونه.

ويوم شاف هذي الطريقة منهم قال قصيدته المشهورة

والقصيدة تقول:

قال الذي يقرا بلايا مكاتيب****** ياللي تقرون العمى من عناكم

ياعيال ياللي تشرفون المراقيب****** تريثوا لي واكثروا من خطاكم

خذوا كلام جحيش ما به تكاذيب****** مثل السند مضمون للي وراكم

ياعيال وان صرتوا ضيوف ومعازيب****** ترا الكلام الزين ملحه قراكم

ترا البلاسة من كبار العذاريب****** ترا البلاسة ما تطول لحاكم

يصير بعبون الرفاقة تقل شيب****** الى منه اقبل قيل هذا بلاكم

المذهب المذهب ترا المذهب الطيب****** ترا ردا المذهب يبور مساكم

ياعيال ما سرحتكم للمعازيب****** ياعيال ما عمر المعزب ولاكم

ياعيال ما ضربتكم بالمشاعيب****** ولا سمعوا الجيران لجة بكاكم

ياما تمسعرت بالخلايق تقل ذيب****** من خوفتي يقصر عليكم عشاكم

احفيت رجليني بحامي اللواهيب****** وخليت لحم الريم يخالط غداكم

واليوم شوفوا لحيتي كلها شيب****** وشوفوا محلة تخوضعي في ذراكم
قمت آتوكا في عوجا المصاريب****** قصرت خطاي يوم طالت خطاكم

ياعيال ياعيال عليكم مطاليب****** عطوني القربة جزا ما جاكم

خوالكم ياعيال ماكر الطيب****** يا عيال مدري ها الردا منين جاكم

ياعيال ياعيال الخنا كلكم عيب****** ياللي على الوالد كثير لغاكم

قصيتكم واسندت وادي سلاحيب****** ( ونثر بالصبخا مدافيق ماكم)

يا عيال بعتوني بصغر العراقيب****** ماهي حقيقة سو الله قراكم

اطلب عسى نسوانكم ماتحمل ولا تجيب****** تغيب شمس الصبح وتعتم سماكم

ولابد ما هو عاوين دوني الذيب****** بالقبر مفرق طيبكم من رداكم



منقول

[قمـ الرياض ــر]

ياما تمسعرت بالخلايق تقل ذيب****** من خوفتي يقصر عليكم عشاكم

احفيت رجليني بحامي اللواهيب****** وخليت لحم الريم يخالط غداكم

واليوم شوفوا لحيتي كلها شيب****** وشوفوا محلة تخوضعي في ذراكم

قمت آتوكا في عوجا المصاريب****** قصرت خطاي يوم طالت خطاكم

حسبي الله ونعم الوكيل
هذا جزء المعروف (عقوق الاب)


جزاك الله خير اخوي على القصه المؤلمه



ننتظر جديدك


قمـ الرياض ـر

[% دنيـا الـولـه %]

الله يعطيك العاافيه على القصه المؤلمه

[المهدي]

مشكوووووور

[بـائــعــة الـــــورد]

الله يعطيك العافيه على هالقصه

والله يصلحنا ويصلح ذرياتنا