مطـــــــــــلق في جوهــــانس بيرغ ... ( الجزء الاول )

الخرجاوي · 30-10-2006, 08:14 PM

السلام عليكم ورحمة الله وبركاته 00

مساكم الله بالخير وصبحكم بالرضى والعوافي كلن ووقته اللي تطيح عيونه على حروفي 00

انشاء الله الجميع بخير وسهاله ونعمه وربي يوفقكم ويكتب لكم كل الخير فالدنيا والاخره 00

مالكم بطويل الكلام بيكوز اي ونت تو تلك ان ذا سالفه 00

مطلق في جوهانس بيرج

في ارشيف بلدية الخرج كان فيه فراش اسمه مطلق ابن صعفق هالمطيلق رجالن حبيب وونيس مجلسن معه مايمل كان هالانسان طيب القلب وعلى نياته بالعربي سبيكه وينلعب عليه ( سبيكه = ماهنا زود لكاعه وفهم ) كان مطلق يشتغل فراش كل صبح يقوم من مرقده اللي هو عباره عن دوشق قطن تشقق من كثر ما تخيطه اميمته الله يرفعها بالعافيه اللي فيها عله في رجيلاتها ماتخليها تتحرك والا تقوم وتقعد ومطلق على قولة السوريه ولدن مرضي مراعي اميمته وقايمن بها ورغم حالتهم الضعيفه وبييتهم الشعبي اللي لو تمر جنبه سيارة صوتها رفيع شوي قام يتنافض تسنه شويب داخله البرد , المهم قلنا لا قام الصبح وصلى الفجر مع الجماعه رجع وزل دليلة القهوه وجاب التمر وخبيزتن من عقب عشاه امس وحماها على الضو وقرب الاكل لاميمته وحب رويسها وقهواها وطلع من عندها وهي رافعتن يدياتها لرب العالمين يالله ياوليدي جعل ابواب الرزق تفتح لك يالله ان تجعل دربه خضرن مهوب غبر يالله ان تسخر له عيال الحلال و ترضى عنه يارب العالمين زي ما ارضاني وعن الحاجه وذلها اغناني 00

لبس ثويبه والطويقيه اللي مصفرتن اطرافها فوق رويسه وقط هالغتره فوق راسه وطق بنت البكار ( هذي تشخيصه ونسفة العرابجه منول وسواقين المكده ) وركب دديسنه موديل اثنين وثمانين اللي يومن يكح ويومن يشرق ويومن يمشي تسنه وارد من بلاده قبل امس 00

ويوصل مبنى البلديه اللي جنب المشتل اللي يرتاده الاشوام غالبا والسودانيين بين الفنية والاخرى ( يازيني وانا احتسي فصيح ) ويدخل مطيبخه ويفوح بريدز المويهه ويزل القهيوه والشاهي ويترس الزمازيم ( الترامس عند البعض ) عاد هو رجالن شقردي فالشغل ونظيف 00

وفي يوم من الايام قام لصلاة الفجر ولقى اميمته على سجادتها احتراها لين سلمت وحب رويسها وقال : صبحتس بالخير يمه وشلون رجيلاتس اليوم عساهن اشوى 00

قالت : ياوليدي اليوم منيب اونس شي 00

مطلق : الله يصحح بدينتس ياميمتي بالعافيه 00

الام : رح صل وانا امك الصلاة نورن فالوجه وسعتن فالرزق والله يوفقك ويفتح لك ابواب الرزق والخير ويحماك من كل شر ويرضى عنك مثل ما ارضيتني واسعدته قليبي في هالدنيا 00

طلع مطلق وعقب مارجع من الصلاة مر على غرفة اميمته ولقاها ساجده على سجادتها ما ازعجها وراح يزين القهوه والفطور يوم دخل عليها لقاها للحين ساجده جلس عندها واستبطى سجودها يوم قرب منها وحركها لقاها أسلمت روحها لرب العالمين , توفت امه وهي على سجادتها تصلي وتدعي له 00

سالت من عييناته دموع وقال :

يانور هالبيت وش انا دونتس 00 غابت الشمس في وقت الشروق

واستمرت حياة مطلق هذا الشاب المستقيم طيب القلب 00

تعود الموظفين في بداية كل عام تطرح بعثات من هنا ومن هنا لتطوير الموظفين مطلق كان فراش وماله في هالطلايب وفي هالانتدابات لكن اللي هز اركان مبنى البلديه ابو دور وبيبان مخرعه هو ... خطاب انتداب للموظف مطلق ابن صعفق لجنوب افريقيا وبالتحديد لمدينة جوهانسبيرغ عاصمة هالدوله اللي كانت تعيش مرارة الحروب الاهليه واصبحت من اكبر وارقى الدول الصناعيه 00

مطلق ناداه المديره وعلمه بالخبر مطلق زي اللي ماصدق هو في حلم والا في علم وهو ماكان همه السفر كثر ما كان يهمه بدل الانتداب وتدبيل الراتب وهو ماعمره تعدى برج الخرج شمالاً واستراحات الثليما جنوباً واشارة السهبا حرض شرقا والدلم غربا 00

اكملكم السويليفه مرتن اخرى النوم يداعب جفوني وورانا قومتن من الفجر للدوام 00

نكته 00

واحد ساكن جنب خباز باكستاني وكل يوم عقب صلاة العشا يشتري منه خبيزات للعشا يوم لقى في الخبز جناح صارور اعزكم الله ويوم لقى رجل صارور ويوم لقى راس صارور وعقب الراس راح ورضه لين كسر نص عظامه قال الباكستاني صديق انتا مافي معلوم انا يوم سوي رجل يوم سوي جناه ويوم سوي راس انتا جمع صرصور كامل انا يعطي سياره 00

قوافي 00

نغمة رساله قلت يالله عسى خير 00 وانا ثلاث ايام محدن ذكرني
فتحتها بلهفه من الفرح اباطير 00 واقول ياحظي من اللي افتكرني
اثره من الجوال يرسل فواتير 00 هو الوحيد اللي ابد ماهجرني

انتظروني قريبا فالجزء الثاني ومن يجد صعوبة في اي كلمة من كلماتي العاميه يسأل عنها ولا يستحي يشرفني سؤالكم واستفساركم وانتظروني مع 00

مطـــــــــــلق في جوهــــانس بيرغ

فمان الله

قمـ الرياض ــر · 31-10-2006, 01:21 PM

هههههههههههههههههههههههههههههههههههههههههههههههههه هههههههههههههههههه

القصه خطيره

بس الصراحه كلماتها شي ^_^

قعدت اقراها بصوت عالي عشان افهم وش مكتوب

ماشاء الله عليك قاموس متنقل للمصطلاحات الشعبيه

بس سؤال فيه كلمات قصيميه و كلمات رياضيه (يعني منطقة الرياض )

وش نوع اللهجه بالضبط ^_^

•·.·´¯`·.·• (الخرجاوي ) •·.·´¯`·.·•

أهلا ومرحبا بك بمنتدى القصص والروايات

وننتظر تكمله القصه المشوقه بأسرع وقت

(سجل أسمي متابعه للقصه ^_^ )

دمت بخير

قمـ الرياض ـر

عضو متلطم · 31-10-2006, 06:16 PM

هههههههههه

ما شاء الله الله لا يضرك

ღ ع ــــــبود ღ

الخرجاوي · 31-10-2006, 09:13 PM

ياهلابكم ومليون هلا 00

قمر الرياض .. هلا ومرحبا بك وهاللجه لهجة اهل نجد عموما مع بعض التصرف الخرجاوي ههههههههههههههه

الف شكر على المرور والتعقيب ..

عظو متلطم .. هلا والله وغلا بك واتفل علي لا تنظلني بس وشو عليه مافيني مايفتح العين المغمصه ..

الف شكر على مرورك وتعقيبك ..

الى اللقاء

جنى المحبة · 31-10-2006, 10:07 PM

مرة أخرى يحالف الحظ قسم القصص والروايات..

ويكسب قلماً ذهبياً.. وريشة مبدع..

.

أسلوب رائع في الكتابة..

تسلسل جميل للأفكار..

والجميل فيها أيضاً اللهجة النجدية الرائعة..

.

[glint] أخي الكريم..

الخرجاوي..

[/glint]

مرحباً بك في منتديات الرس اكس بي..

ومن الملاحظ أنك تمتلك موهبة رائعة في فن القصص..

بداية القصة رائعة جداً..

وها أنا أنتظر تكملتها على أحر من الجمر..

فلا تتأخر علينا..

وسنكون جمهور متابع لقلمك الذهبي...

أشكرك أخي الكريم..

أختكم.. جنى المحبة ..

رهينة الشوق · 01-11-2006, 11:54 AM

شـ ــــــ ـــ ــــا فط ـ ـ هـــوا . . .

الخرجــــــــــ ـــا وي . .

راعي سواليف الشيبان . . .

مهنـــــــدس القصــــــــــــــه الفكاهيــــــــه ...

[grade="2E8B57 FFA500 FFA500 2E8B57 32CD32"]يعني ما شاء الله على ذا المطيليق .. تصدق اني حبيته ..!!!

يخي فيه بر بأمه وصفاء قلب لا يعلى عليه .. بس تهقا عشانه فقير مسكين ..

بس وش ذا البعثه اللي جايت لفراش ؟؟؟؟؟!!!!!!!!

ليكون مسكين يتولم ويجهز عمره بعدين اول مايحط رجله بالطياره يقولون له ترى ،،، يا بو الشباب غلطنين بالاسم ...

والله شكله كذذذذذذذذذذذا ...؟؟؟

.. ترى كسر الخواطر شين وخصوصن اذا كان يتيم فقير ..

عمومـــــــــــــا ...

شافط .........هوا ..

ننتظـــــــــــــــرك بفارغ الصبر كي نرى ما يحل وحل ببطلنا ..

بس شف وين البطله ......؟؟

عسى بس ما يتزوج له زنجيـــــــــــه في ذيك الديره ..

>>>>>> ورا ما تهجدين وتشوفين الحلقه وأنتي ساكته ..[/grade]

[grade="DEB887 D2691E A0522D DC143C FFA500"]لـــــــــن ازيـــــــــد ..
فالابداع هو منك وفيك ..

لن ازيــــــــــــــــد ..

فالبسمة مع شافط لا بد ان ترتســـم ..

هـــــــــــــــم .. وانــــــــــا ... ما زلنا في قاعة الأنتظــــــــــــار ..

لنقلع مع مطلق .. في الحلقة القادمة فلا تتأخـــر يا خرجاوي . .. [/grade]

قمـ المحبة ـر · 01-11-2006, 01:52 PM

يعطيك العافيه الخرجاوي

القصه مررررره روعه

ننتظر التكمله لا تتأخر علينا

قمـ الرياض ــر · 01-11-2006, 02:50 PM

اقتباس:

شـ ــــــ ـــ ــــا فط ـ ـ هـــوا . . .

الخرجــــــــــ ـــا وي . .

؟؟؟؟؟؟؟؟؟؟؟؟؟؟؟؟؟؟؟؟؟؟؟

ممكن توضحون
أنت العضو شافط هوا ما غيره

عضونا القديم ؟؟؟؟

الخرجاوي · 01-11-2006, 05:13 PM

هلابكم جميعا 00

جنى المحبه تقف عباراتي خرساء واتشرف بحروف قلتيها بحقي فلك الف شكر على مرورك الكريم 00

اميرة الخيال صاحبة الكلمة الرشيقه والخيال الحالم و مدينة الابداع اشكرك على كل كلماتك واشكرك دوما على قصصك التي لا ارتوي من قرائتها دوما واتشرف بكلماتك الرائعه ومرورك الاروع 00

قمر المحبه ربي يعافيك ويسلمك واسعدني مرورك 00

قمر الرياض ايه انا مشاء الله رهينه ماتعودت على هالاسم الرسمي على قولتها للحين تردد اسم له من العمر ست سنوات 00

انتظروا مطلق صاحب القلب والنوايا الحسنه ( منظمة الامم على غفله ههههههههههههههههههه )

شكرا لكم والى لقاء

رهينة الشوق · 01-11-2006, 08:21 PM

8
8
8
8
شفووووط

واراه ما تخلص علينا ...؟؟؟

30-10-2006, 08:14 PM	#1
الخرجاوي عضو مشارك تاريخ التسجيل: Oct 2005 المشاركات: 22 قوة التقييم: 0	مطـــــــــــلق في جوهــــانس بيرغ ... ( الجزء الاول ) السلام عليكم ورحمة الله وبركاته 00 مساكم الله بالخير وصبحكم بالرضى والعوافي كلن ووقته اللي تطيح عيونه على حروفي 00 انشاء الله الجميع بخير وسهاله ونعمه وربي يوفقكم ويكتب لكم كل الخير فالدنيا والاخره 00 مالكم بطويل الكلام بيكوز اي ونت تو تلك ان ذا سالفه 00 مطلق في جوهانس بيرج في ارشيف بلدية الخرج كان فيه فراش اسمه مطلق ابن صعفق هالمطيلق رجالن حبيب وونيس مجلسن معه مايمل كان هالانسان طيب القلب وعلى نياته بالعربي سبيكه وينلعب عليه ( سبيكه = ماهنا زود لكاعه وفهم ) كان مطلق يشتغل فراش كل صبح يقوم من مرقده اللي هو عباره عن دوشق قطن تشقق من كثر ما تخيطه اميمته الله يرفعها بالعافيه اللي فيها عله في رجيلاتها ماتخليها تتحرك والا تقوم وتقعد ومطلق على قولة السوريه ولدن مرضي مراعي اميمته وقايمن بها ورغم حالتهم الضعيفه وبييتهم الشعبي اللي لو تمر جنبه سيارة صوتها رفيع شوي قام يتنافض تسنه شويب داخله البرد , المهم قلنا لا قام الصبح وصلى الفجر مع الجماعه رجع وزل دليلة القهوه وجاب التمر وخبيزتن من عقب عشاه امس وحماها على الضو وقرب الاكل لاميمته وحب رويسها وقهواها وطلع من عندها وهي رافعتن يدياتها لرب العالمين يالله ياوليدي جعل ابواب الرزق تفتح لك يالله ان تجعل دربه خضرن مهوب غبر يالله ان تسخر له عيال الحلال و ترضى عنه يارب العالمين زي ما ارضاني وعن الحاجه وذلها اغناني 00 لبس ثويبه والطويقيه اللي مصفرتن اطرافها فوق رويسه وقط هالغتره فوق راسه وطق بنت البكار ( هذي تشخيصه ونسفة العرابجه منول وسواقين المكده ) وركب دديسنه موديل اثنين وثمانين اللي يومن يكح ويومن يشرق ويومن يمشي تسنه وارد من بلاده قبل امس 00 ويوصل مبنى البلديه اللي جنب المشتل اللي يرتاده الاشوام غالبا والسودانيين بين الفنية والاخرى ( يازيني وانا احتسي فصيح ) ويدخل مطيبخه ويفوح بريدز المويهه ويزل القهيوه والشاهي ويترس الزمازيم ( الترامس عند البعض ) عاد هو رجالن شقردي فالشغل ونظيف 00 وفي يوم من الايام قام لصلاة الفجر ولقى اميمته على سجادتها احتراها لين سلمت وحب رويسها وقال : صبحتس بالخير يمه وشلون رجيلاتس اليوم عساهن اشوى 00 قالت : ياوليدي اليوم منيب اونس شي 00 مطلق : الله يصحح بدينتس ياميمتي بالعافيه 00 الام : رح صل وانا امك الصلاة نورن فالوجه وسعتن فالرزق والله يوفقك ويفتح لك ابواب الرزق والخير ويحماك من كل شر ويرضى عنك مثل ما ارضيتني واسعدته قليبي في هالدنيا 00 طلع مطلق وعقب مارجع من الصلاة مر على غرفة اميمته ولقاها ساجده على سجادتها ما ازعجها وراح يزين القهوه والفطور يوم دخل عليها لقاها للحين ساجده جلس عندها واستبطى سجودها يوم قرب منها وحركها لقاها أسلمت روحها لرب العالمين , توفت امه وهي على سجادتها تصلي وتدعي له 00 سالت من عييناته دموع وقال : يانور هالبيت وش انا دونتس 00 غابت الشمس في وقت الشروق واستمرت حياة مطلق هذا الشاب المستقيم طيب القلب 00 تعود الموظفين في بداية كل عام تطرح بعثات من هنا ومن هنا لتطوير الموظفين مطلق كان فراش وماله في هالطلايب وفي هالانتدابات لكن اللي هز اركان مبنى البلديه ابو دور وبيبان مخرعه هو ... خطاب انتداب للموظف مطلق ابن صعفق لجنوب افريقيا وبالتحديد لمدينة جوهانسبيرغ عاصمة هالدوله اللي كانت تعيش مرارة الحروب الاهليه واصبحت من اكبر وارقى الدول الصناعيه 00 مطلق ناداه المديره وعلمه بالخبر مطلق زي اللي ماصدق هو في حلم والا في علم وهو ماكان همه السفر كثر ما كان يهمه بدل الانتداب وتدبيل الراتب وهو ماعمره تعدى برج الخرج شمالاً واستراحات الثليما جنوباً واشارة السهبا حرض شرقا والدلم غربا 00 اكملكم السويليفه مرتن اخرى النوم يداعب جفوني وورانا قومتن من الفجر للدوام 00 نكته 00 واحد ساكن جنب خباز باكستاني وكل يوم عقب صلاة العشا يشتري منه خبيزات للعشا يوم لقى في الخبز جناح صارور اعزكم الله ويوم لقى رجل صارور ويوم لقى راس صارور وعقب الراس راح ورضه لين كسر نص عظامه قال الباكستاني صديق انتا مافي معلوم انا يوم سوي رجل يوم سوي جناه ويوم سوي راس انتا جمع صرصور كامل انا يعطي سياره 00 قوافي 00 نغمة رساله قلت يالله عسى خير 00 وانا ثلاث ايام محدن ذكرني فتحتها بلهفه من الفرح اباطير 00 واقول ياحظي من اللي افتكرني اثره من الجوال يرسل فواتير 00 هو الوحيد اللي ابد ماهجرني انتظروني قريبا فالجزء الثاني ومن يجد صعوبة في اي كلمة من كلماتي العاميه يسأل عنها ولا يستحي يشرفني سؤالكم واستفساركم وانتظروني مع 00 مطـــــــــــلق في جوهــــانس بيرغ فمان الله

31-10-2006, 01:21 PM	#2
قمـ الرياض ــر مجـ Mjaaree7ـاريح مشرفة الأقسام النسائية تاريخ التسجيل: Dec 2003 البلد: هناك حيث لا يسع المكان اثنين ...؟! المشاركات: 4,834 قوة التقييم: 9	هههههههههههههههههههههههههههههههههههههههههههههههههه هههههههههههههههههه القصه خطيره بس الصراحه كلماتها شي ^_^ قعدت اقراها بصوت عالي عشان افهم وش مكتوب ماشاء الله عليك قاموس متنقل للمصطلاحات الشعبيه بس سؤال فيه كلمات قصيميه و كلمات رياضيه (يعني منطقة الرياض ) وش نوع اللهجه بالضبط ^_^ •·.·´¯`·.·• (الخرجاوي ) •·.·´¯`·.·• أهلا ومرحبا بك بمنتدى القصص والروايات وننتظر تكمله القصه المشوقه بأسرع وقت (سجل أسمي متابعه للقصه ^_^ ) دمت بخير قمـ الرياض ـر __________________ فــــ ليمضيے من هوَ علىے الضفّــہ الأخرىے حياتـہُ بـ الإنتظار... !! عُدلت بواسطة قمـ الرياض ــر; 31-10-2006 الساعة 01:47 PM.

31-10-2006, 06:16 PM	#3
عضو متلطم مشرف قسم شباب الرس تاريخ التسجيل: Sep 2006 البلد: .. حيث المحبة .. المشاركات: 8,190 قوة التقييم: 11	هههههههههه ما شاء الله الله لا يضرك ღ ع ــــــبود ღ __________________ .. الف عافيه ريف ..

31-10-2006, 10:07 PM	#5
جنى المحبة مشرفة المنتدى الأدبي تاريخ التسجيل: May 2005 البلد: بين ركــام الماضي وأمـل المستقبل.. المشاركات: 3,419 قوة التقييم: 7	مرة أخرى يحالف الحظ قسم القصص والروايات.. ويكسب قلماً ذهبياً.. وريشة مبدع.. . . أسلوب رائع في الكتابة.. تسلسل جميل للأفكار.. والجميل فيها أيضاً اللهجة النجدية الرائعة.. . . [glint] أخي الكريم.. الخرجاوي.. [/glint] مرحباً بك في منتديات الرس اكس بي.. ومن الملاحظ أنك تمتلك موهبة رائعة في فن القصص.. بداية القصة رائعة جداً.. وها أنا أنتظر تكملتها على أحر من الجمر.. فلا تتأخر علينا.. وسنكون جمهور متابع لقلمك الذهبي... أشكرك أخي الكريم.. أختكم.. جنى المحبة .. __________________ إنّي لا أخشى على نفسي أن يُغريني الشيطان بالمعصية.. ولكني أخشى أن يأتيني بها مغلفة بثوب من الطاعة.. ( السباعــي )

01-11-2006, 11:54 AM	#6
رهينة الشوق اميرة الخيال تاريخ التسجيل: Sep 2005 البلد: بين اكوام الاحزان المشاركات: 1,761 قوة التقييم: 5	شـ ــــــ ـــ ــــا فط ـ ـ هـــوا . . . الخرجــــــــــ ـــا وي . . راعي سواليف الشيبان . . . مهنـــــــدس القصــــــــــــــه الفكاهيــــــــه ... [grade="2E8B57 FFA500 FFA500 2E8B57 32CD32"]يعني ما شاء الله على ذا المطيليق .. تصدق اني حبيته ..!!! يخي فيه بر بأمه وصفاء قلب لا يعلى عليه .. بس تهقا عشانه فقير مسكين .. بس وش ذا البعثه اللي جايت لفراش ؟؟؟؟؟!!!!!!!! ليكون مسكين يتولم ويجهز عمره بعدين اول مايحط رجله بالطياره يقولون له ترى ،،، يا بو الشباب غلطنين بالاسم ... والله شكله كذذذذذذذذذذذا ...؟؟؟ .. ترى كسر الخواطر شين وخصوصن اذا كان يتيم فقير .. عمومـــــــــــــا ... شافط .........هوا .. ننتظـــــــــــــــرك بفارغ الصبر كي نرى ما يحل وحل ببطلنا .. بس شف وين البطله ......؟؟ عسى بس ما يتزوج له زنجيـــــــــــه في ذيك الديره .. >>>>>> ورا ما تهجدين وتشوفين الحلقه وأنتي ساكته ..[/grade] [grade="DEB887 D2691E A0522D DC143C FFA500"]لـــــــــن ازيـــــــــد .. فالابداع هو منك وفيك .. لن ازيــــــــــــــــد .. فالبسمة مع شافط لا بد ان ترتســـم .. هـــــــــــــــم .. وانــــــــــا ... ما زلنا في قاعة الأنتظــــــــــــار .. لنقلع مع مطلق .. في الحلقة القادمة فلا تتأخـــر يا خرجاوي . .. [/grade] __________________ الحب في عالمي كـموج البحـر

31-10-2006, 09:13 PM	#4
الخرجاوي عضو مشارك تاريخ التسجيل: Oct 2005 المشاركات: 22 قوة التقييم: 0	ياهلابكم ومليون هلا 00 قمر الرياض .. هلا ومرحبا بك وهاللجه لهجة اهل نجد عموما مع بعض التصرف الخرجاوي ههههههههههههههه الف شكر على المرور والتعقيب .. عظو متلطم .. هلا والله وغلا بك واتفل علي لا تنظلني بس وشو عليه مافيني مايفتح العين المغمصه .. الف شكر على مرورك وتعقيبك .. الى اللقاء

01-11-2006, 01:52 PM	#7
قمـ المحبة ـر عضو بارز تاريخ التسجيل: Oct 2006 المشاركات: 476 قوة التقييم: 3	يعطيك العافيه الخرجاوي القصه مررررره روعه ننتظر التكمله لا تتأخر علينا

01-11-2006, 05:13 PM	#9
الخرجاوي عضو مشارك تاريخ التسجيل: Oct 2005 المشاركات: 22 قوة التقييم: 0	هلابكم جميعا 00 جنى المحبه تقف عباراتي خرساء واتشرف بحروف قلتيها بحقي فلك الف شكر على مرورك الكريم 00 اميرة الخيال صاحبة الكلمة الرشيقه والخيال الحالم و مدينة الابداع اشكرك على كل كلماتك واشكرك دوما على قصصك التي لا ارتوي من قرائتها دوما واتشرف بكلماتك الرائعه ومرورك الاروع 00 قمر المحبه ربي يعافيك ويسلمك واسعدني مرورك 00 قمر الرياض ايه انا مشاء الله رهينه ماتعودت على هالاسم الرسمي على قولتها للحين تردد اسم له من العمر ست سنوات 00 انتظروا مطلق صاحب القلب والنوايا الحسنه ( منظمة الامم على غفله ههههههههههههههههههه ) شكرا لكم والى لقاء

01-11-2006, 08:21 PM	#10
رهينة الشوق اميرة الخيال تاريخ التسجيل: Sep 2005 البلد: بين اكوام الاحزان المشاركات: 1,761 قوة التقييم: 5	8 8 8 8 شفووووط واراه ما تخلص علينا ...؟؟؟

يتصفح الموضوع حالياً: 1 (0 عضو و 1 ضيف)

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي