الحنـاكي صـالح المطلـق تبناهـا فـرش لـزلـولها

[شامان]

قصيدة منبرية (( إلقائية ))
الشيخ / صالح بن مطلق الحناكي من منا لا يعرفه ، رجل كريم وشهم محب للخير ، له أيادي بيضاء مع الأيتام والأرامل ، ومهما كتبت عنه لن أُوفي هذا الرجل حقه .....

[poem=font="Simplified Arabic,5,white,bold,normal" bkcolor="transparent" bkimage="./images/backgrounds/28.gif" border="solid,4,crimson" type=2 line=1 align=center use=sp num="0,black"]
ســلام ياشـيخ ٍ تـعـلا فـوق هـامـات السـحاب = رام العـلا بالمراجـل وكفـكفـها وأخــذ محصـولها
قـعد لها الـحـر الأشـقـر واحتواهـا بـليا حـراب = وطـاوعت لـه عقب مـا عسفـها وامتـطى لخيـولها
كـل(ن) تخـطـفها يبيـها واخـتـفـت مثل الـسراب =واستبشرت مـن يـوم أبو مطـلق وسـم مـرسـولها
شـرب الـمراجـل والكـرم وهـو بريعـان الشـباب =حـاز العلـوم الجميلـة وارتـوى وهـو كـفـو(ن) لها
الطيب لـه سـاس وشـواهـد لمقدام يفـوج الصعاب=ياقـل هـالـوقت مـدركهـا ويـاكثر مـن نسى زولها
حشت المراجـل بفعـل الـطيب وللنومـاس كـسـاب=تسهيل رب الكـون لشـرواك مـاكـل شـخص يطولها
أنت عـد(ن) للـمساكـين وللـيتامى وأيضـاً الأقـراب=هــداج تيمـا يـروي النـاس ولـو كـثير إنـزولها
مـن لابة نفـخر لـهـا ونفـخر بها عـند الأجـناب= ياسـعـد منهـو مــرتـكي عـلى ثـقـال إزحـولها
هـيـه ياللـي مـا تـمـيز وينهـا وين الـصـواب= إقـصـر إخـطــاك أنت ضــايــع منتب حـولها
طـالع لها عـند الذي مـشرع لـهـا كـل الأبـواب= الحنـاكي صـالح المطلـق تبناهـا فـرش لـزلـولها
كـريم سـبلا فـاتـح دكـاكـينه بلـيـال حـسـاب= كـل مـن يستحق الرعـايـة ينتظر دوره أنت إتعولها
لـه مجلـس(ن) مايمل يزدحم بعلوم المراجـل والأدآب= تلـقـا العلوم النافـعـة وتسقـيـك مـن مـدلـولها
نفسه سخيه بفعل الخير والمعروف إن نصيته ما تخاب= إيفرج الضيقات بعـد الله لامن الوعـايد بركت إحمولها
أنـشـهـد إنك عـمود البيت مثبت كـل الأطـنـاب= بالـعقل والعـرف والفـزعة أنت أبـوهـا ومسـؤلها
ولا يهينون الفهود حـافظـين المراجـل كـان غـاب=وارثين الصخى والطيب من نادر(ن) كل الملا يشـهدولها
يا الله يا منزل الكـهف والفرقـان وتبارك والأحـزاب= عسـاه في جنة الفردوس وكـان لـه منوة(ن) ينـولها
سريت منه وخـاطري كله غـلا وفـخـر وإعجاب= وسطرت ما كنيت في صـدري أرجو من سمعها قبولها[/poem]

كتبها / إبراهيم بن محمد العطني ..................... محافظة الرس ،،، 15/08/1427هـ

[سالم الصقيه]

يا الله يا منزل الكهف والفرقان وتبارك والأحزاب
عساه في جنة الفردوس وكان له منوة(ن) ينولها


أمين

[الهواوي]

يستاهل ابو مطلق وتسلم ياشامان ويسلم شاعرنا ابو محمد 0

[majed]

يستاهل ابو مطلق صاحب الايادي البيضاء
وصح لسان الشاعر العطني
وتسلم مبدعنا شامان على النقل
تحيتي
-

[ملح الجريف]

سريت منه وخاطري كله غلا وفخر وإعجاب
...................وسطرت ما كنيت في صدري أرجو من سمعها قبولها

يستاهل (( أبومطلق ))

والقصيدة تجبر اللي سمع واللي ماسمع على قبولها

فقائلها شاعر صادق , يملك مقدرة تصويرية فذة

وبمن قيلت ... في شخص شهادتي فيه مجروحة

علم على رأسه نار (( صالح المطلق الحناكي )) ونعم الرجل


.......

صح لسانك / أخي ابراهيم العطني

والحمدلله لقد وفقت فلقد جاءت القصيدة رفيعة المستوى لتناسب مقام (( أبومطلق ))

أشكرك , وأحييك

.

[سحبان]

،،،،،،،،،،،،،،
الطيب له ساس وشواهد لمقدام يفوج الصعاب
........ياقل هالوقت مدركها وياكثر من نسى زولها
حشت المراجل بفعل الطيب وللنوماس كساب
.........تسهيل رب الكون لشرواك ماكل شخص يطولها


،،،،،،،
الأخ شامان تحية وتقدير

كم تخونني الكلمات كي أعبر عن هذا البوح الرائع لشاعر رسم

مكانته الشعرية بإتقان .

وكم هو جميل ان يرسم لنا رسما شعريا لرجل يستحق ذومكانة

شامخة في قلوب الجميع فالشيخ صالح المطلق الحناكي حفظه الله

رجل يجتذب الكلمة الطيبة والشعر المنظوم لسجايا لا تخفى على القريب

والبعيد .

الشاعر ابراهيم العطني ابدع ايما ابداع بهذه القصيدة الجميلة فقد انتقى

الأبداع من مفاصلة ورسم لنا صورة شعرية غاية في الروعة .


شكرا لك أخي شامان على اتحافنا بهذه القصيدة لا عدمناك


لك تقديري وشكري

[صرير القلم]

قصيدة رائعة قيلت في رجل رائع

ويستاهل ابو مطلق كل خير

والله يوفقه لما فيه خير

وشكرا على عرضها

وصح لسان يالشاعر ابراهيم العطني

[الطموح]

قصيدة رائعة جدا

يزيد روعتها أن قائلها شاعر رائع صادق

ويجملها ويحسنها أنها بالشيخ صالح الحناكي


شكرا لك أخي إبراهيم

[وادي الرمة]

والله القصيدة ممتازة صح الله لسانك

[شامان]

أخي سالم الصقيه

مرورك يشرفني وأعتزفيه ،،،، هــــــــــلا وغـــــــــــلا

[شامان]

أخي // الهواوي

يشرفني مرورك على ما أكتب ،،، هـــــــــــلا وغــــــــــــلا

[شامان]

مشرفنا الرائع /// ابونايف

عندما أكتب ويتم المرور من شخصكم الكريم ،،، يكون لي الشرف بذلك ،، وأعتز بمرورك ،، دمت لنا