مريت أنا قفرن بعيد المراميس

[سيف الرعد]

[poem=font="Simplified Arabic,5,black,bold,normal" bkcolor="transparent" bkimage="./images/backgrounds/18.gif" border="ridge,4,gray" type=2 line=0 align=center use=ex num="0,black"]
مريت أنا قفرن بعيد المراميس=أرضه جبال مشرفات علاوي

في لايذن مابه سموع التحاسيس=إلا يا كود الطنب من ذيب عاوي

فيها وحيف الريح جاله تهاميس=بين الغصون المبرضات الحناوي

في عازلن قفره حسين التضاريس=الأرض عثعث والمحاجر ملاوي

شعبانها بطحا ونيسة مجاليس =يجري مسيله بالبعيد المداوي

قاعد تحت طلحه بذيك المداعيس=ظلالها طمطم كما ليل داوي

ترابها عقب المراهيش ما ديس=ولا وطأ فيها من الناس شاوي

موقف جيبي كما جيش تتريس=أليا تبادا الحرب والقوم ضاوي

ولا طرا بالقلب جور الهواجيس=مستانسن بالي بذيك النحاوي

منثورة العدة سواة القراطيس=لبعثر أوراقه نسيم رخاوي

معي قرومن حازمينن نواميس=ربعن لهم بالبال عشب عذاوي

أسقيتهم كيفن ولا به مطاريس=بنن هراري بالدلال الحلاوي

وأركبت قدري بالعيون المقابيس=قز سويدي في مصيف وشاوي

اوزبت يم النار مابي مواهيس=ما غير أونس خاطري باللضاوي

النار تطرد طاريات التعابيس=عن وجه منعورن مولع خلاوي

وحطيت لحم الزاد بالجمر تحميس=أرنب فرنسيه مذاقه طراوي

وأرخيت من بالي جميع الحواسيس=أنا اشهد إني بالطبيعة سلاوي

بالليل يلعي به قعيع الهجاريس=والصبح توحي به طيور غناوي

هذا وتم القاف من خاطري قيس=استغفر الله عن زلال الخطاوي
[/poem] يوسف الخليفة

[حقيقة]

صح السان الشاعر

وسلمت يمين الكاتب

وجزاك الله خير

[ابوعيون]

صح السان الشاعر
ويعطيك الف عافية ياسيف الرعد
القصيدة يبي له اجازة شهر
مايسده خميس وجمعة

[رسلان]

صح لسان أبو عبد الله ...



وجزيت خيراً أخي على الموضوع والتنسيق الجميل ...
بورك فيكم وفي جهودكم ...

[النجــدي]

قصيدة رائعة من روعة صاحبها وناقلها

وتحكي الواقع <<< ( أجل أرنب فرنسية )

مشكور ,,,

[إنسان]

رائعه جديده من روائع سابقه

مشكور على جهودك

ونشكر الشاعر لتزويدنا بما لديه من قصائد جزله

[@الموهوب@]

الله يعطيك العافيه يابومحمد

صح السان الشاعر

[غريب الدار]

[glow="330099"]صح لسان الشاعر

وسلم بنانك أخي سيف

قصيده رائعه وجميله

لاعدمتك[/glow]