يامحـلا الفنجــالـ وسيحــة البــالــ ..

[@الموهوب@]

.. السـلام عليـكم ورحمـة اللـّه وبركاتـه ..
هلا والله بأعضائنا الكرام .. حياكم الله على قل الكلافه ..
لحد يقرا الموضوع الا ماخذ فنجال ومتقهــوي ولا ترا ابزعل مايصيرتسيّرون ولاتقهوون


موضوعي ياطويلين العمر عن القهوه مهوب اي قهوه اقصد .. القهــوه العربيــه ..
محبوبة الجميع .. ومعشوقة الجماهير >> مهوب الكوره بس


القهوه تعبر عن أصالة الماضي وعبق التاريخ .. وفي الحاضر تراثنا الجميل وكرمنا الأصيل ..
القهوه رفيقتنا في أحزاننا وافراحنا .. رفيقتنا في حلنا وترحالنا .. رفيقتنا براًوبحراًوجواً.. تكونت معها ذكريتنا الجميله ..
القهوه جزأ لايتجزأ منا .. نشربها في جميع الأوقات هناك من يبدأ فيها يومه .. وهناك من يشربها بعد صلاة الظهر <<غالباً يوم الجمعه .. وعصراً <<تقدّم للضيوف مع انواع التمر والحلى .. والمغرب <<اساسي عندنا يالسعوديين .. والعشاء << وقت العزايم والعروس والمناسبات ..


أجمــل ماقـــيل فــي القهـــوه ..

القهوه تغنو فيها الشعراء ومدحوها في قصائدهم .. اصبحت محبوبتهم وتغزلووا فيها ..

يقول الشاعر راكان بن حثلين :

يامحلا الفنجال مع سيحة البال ..... في مجلساً مافيه نفساً ثقيله
هذا ولد عم وهذا ولد خال ...... وهذا رفيقاً مالقينا مثيله

ويقول الشاعر محمد بن عبدالعزيز القحطاني وهو يوصي ابنه

يابو محمد شب واقضب مكاني
في غيبتي قهو الرجال المشاكيل

وفل الحجاج لكل من جاك عاني
وابدا التحيه قبل سوق الفناجيل

احد الشعراء يوصي ابنه نمر وهذا يدل على كرمه وجوده ..

امل الوجار وخلو الباب مفتوح *** خوف المسير يستحي ماينادي
يانمر مافي صكة الباب مصلوح *** ولاهي لهلكم يامظنة فؤادي

وصفوها بأجمل الصفات .. ووصفو كيفية اعدادها ..

ياكليب شب النارياكليب شبه ,,, عليك شبه والحطب لك يجابي
وعلي انا ياكليب هيله وحبه ,,, وعليك تقليط الدلال النجابي

ويقول خلف بن هذال :

سوولي من الكيف وارهو لي من الدله ـ ـ ـ البن الاشقر يداوي الراس فنجاله
كيف لنا نحـرقه بالـنار ونــزله ـ ـ ـ وليا انقطع لو ورى صنعاء عنينا له

طريــقة إعــداد القهـــوه ..

القهوه طريقة تصليحها سهله ولا تستغرق وقت طويل .. واللي وده يزين قهوه ولا يعرف الطريقه
الشيف سنعه تعلمه المقادير <<الله واكبر يالشيف رمزي
المقادير :
قهوه محمووسه ومطحونه + ماء حار + بريق قهوه + زعفران +هيل
الطريقه :
نجيب بريق القهوه ونحط فيه مويه مغليه همين تحطوون كم فنجال قهوه على حسب الكميه وعلى حسب البريق وحطو شووي زعفران وخلوو القهووه تغلي (تفووح) واقصروو لها شووي تقريبا ربع او ثلث ساعه همين جيبو الترمس (زمزمية القهوه) وحطو فيها ملعقة هيل مطحون وشووي زعفران وصبو القهوه فيها .. وبالهناء والعافيه مطرح مايسري يمري..
إضافات القهــوه ..
يختلفون الناس في اضافات القهوه ..::
1- فيه ناس يشربوونها ساده بدون اي شئ <<مدري وشلوون يستسيغونها
2- فيه احد ييضف عليها الزعفران والهيل << هذا حنا وفيه اكيد غيرنا ياسلام على ريحة الهيل
3- وفيه احد يضيف مع الزعفران والهيل المسمار <<مهوب الحديد المسمار اللي هو (القرنفل )ويكون مطحون ..
4- وفيه احد يضيف لها كوفي ميت عشان يتفتح لونها ..
5- وفيه ناس يضيفون لها انواع من الاعشاب مدري وشي بصراحه ..
أنـــــواع القهــــــوه ..

1.. القهوه العاديه (البن ) 2.. قهوة قشور القهوه 3.. قهوة الشعير <<زينه للي فيهم سكر
4.. قهوة نواة التمر (العبس )<< صرتو تعرفون معناها
توها طالعه يقولون لها فوائد كثيره ..هذا اللي اعرف اللي عنده انواع ثانيه يعلمنا ..

الــدله تــراث فقط ..أم حاضــر ..


مايخفى عليكم ان الدله هي احد ركائز اعداد القهوه .. وكانت قديماً مرتفعة السعر لانها كانت تصنع يدويا .. اما في الوقت الحاضر اختفت الدله واصبح القله يستخدمونها واصبحت من التراث وتقتنى لتكون كالديكور يزين فيه المجالس والملاحق (الوجار ) تعبيرا ورمزا للكرم ..


واصبحت تستخدم في اضيق الحدوود عندما توقد النار في الشتاء<<( كن الشتاء بدأ اليووم )يعملون القهوه بأنفسهم ..ايضا في الكشتات البريه وفي مناسبات قله .. واستغني عن الدله واستبدلت بالترامس او حافظات القهوه والشاي (زمزميه )
وذلك حتى تحفظ الحراره وتبقى مدة اطول .. وايضا اشكالها متعدده ومختلفه تلبي كافة الأذواق ..

برأيكم هل الدله اصبحت من التاريخ والتراث ورمز للكرم ...؟؟؟
كيفيــة تقديـــم القهــوه ..
القهوه لها طرق كثيره وتختلف بأختلاف العادات والتقاليد ..
انا مثلاً.. يوم اني بالثانوي كانت القهوه عقدتي اذا قالو فيه عزيمه زملت وضاق صدري
تخبرون اوول كننا نخاف من صب القهووه يمكن تنكب ولا شئ ولا نكثر ولا نقلل ماعرفنا لهم لكن الحين اشوى
زارتنا ام جيراننا اول مره وكانت من الشمال وصبيت لها قهووه وتجيكم اختكم في الله وتملى الفنجال ملي <<< يقالها كريمه .. ورى ام جيراننا تطير عيونها قلت وش فيها ذي يووم طلعت الحرمه قالت امي ان الفنجال عندهم مايملى تصبين بأسفل الفنجال قلت اجل راعية طوويله ابقعد اصب 15 فنجال
قالت امي الله يحفظها عندهم اذا مليتي الفنجال انتس ماترحبين فيهم وانه ضيف مهوب مرغوب فيه وانتس اذا صبيتي شووي يدل على شدة الكرم قلت لأمي عشنا وشفنا اللي صار الشووي كرم
ومن يومها صرت ما املى الفنجال اصب وسط <<لاهجوم ازين
المووهم نجي لطريقة صب القهوه لقيتها لكم ..


- 1مسك الدلة باليد اليسرى والفناجيل باليد اليمنى
2- الوقوف أثناء صب القهوة >> ماهوب تدقين سوالف مع الحرمه وتنسين صب القهوه
3- -أن تقول لمن تقدم له الفنجال تقهو أو سم أو تفضل أو خذ
4- الاعتدال بعد صب القهوة
5- حمل الفناجيل باليد
6- أن تبدأ بالوالد
7- أن تبدأ بمن في صدر المجلس
8- أن لا يصب القهوة أحد الضيوف
9- أن لا يصب القهوة الأب والابن موجود
10- أن لا يصب القهوة الأخ الأكبر في وجود أصغر منه سناً من أخوته
- 11- أن لا يصب القهوة الكبير في وجود من هو أصغر منه سناً
12- أن لا يبدأ بصب القهوة من اليسار
- 13- ان تبدأ باليمين

فوائـــــــــــد القهـــــــوه ..


القهوه لها فوائد كثيره كشفت البحوث الحديثة ان استنشاق البخار الصادر من فنجان القهوة يعتبر مصدرا لتهدئة الاعصاب ويساعد على التركيز وأن هناك 800 مادة مفيدة في البن ، فشرب القهوة يقضي على التوتر العصبي ويساعد على التأمل، وهناك دراسة أخرى تقول ان تناول فنجان من القهوة المركزة قد يخفف من أعراض حمى القش وأنواع أخرى من الحساسية الشديدة مثل لسعات الحشرات والمواد المسببة للحساسية مثل اللوز والبندق وغيرهما والأشكال البسيطة من الحساسية التي نواجهها يوميا وذلك بسبب قابليتها للحد من افراز مادة (الهستامين) في الجسم، إلا أنه على الرغم من ذلك كله يجب عدم الافراط في تناول القهوة لأن الجرعة المثلى للكافيين في اليوم الواحد هي من 100 إلى 200 مليجرام أي حوالي فنجانين من القهوة يوميا<< ايه هين تكفي فنجالين ومن الفوائد ايضا
انها تزيد نشاط المخ ..2 تحسن المعنويات ..3 تقاوم بعض الامراض مثل مقاومة السرطان -امراض القلب - ظهور التجاعيد ..4 تزيد من الطاقه ..5 تساعد على ابعاد شبح مرض( باركنسون ) ..6 تعالج السيلولاليت ..7 تمنع جفاف الجسم ..8 تساعد على تخفيف ازمات الربوو .. وغيرها من الفوائد .. اشربوو قهووه ولاتخافوون ..
القهوات الحديثه وحرب ضد القهوه العربيه ..
مثل ماتلاحظون انتشار الكوفي ومحلات تناول القهوه واصبح الجيل الجديد يقبل على هذي القهوات الغربيه بشكل كبير .. كابتشينو ..فرابتشينو ..موكا .. اسبريسو وغيرها من القهوات
واصبح لهذي القهوات عشاقها في ظل تناسي للقهوه العربيه وانكارها ..

هل تتوقعون ان القهوات الغربيه سحبت البساط من القهوه العربيه عندالجيل الجديد ..؟؟
وهل ستظل القهوه العربيه شامخه وباقيه في الاجيال القادمه..؟؟


ادري طولت عليكم العذر والسموحه منكم .. بس انا علمتكم من البدايه قلت تقهوو وانتم تقروون
اللي يعد كم تكررت كلمة قهوه بالمووضوع له دلة قهوه مع صحن برحي ..؟؟<<مضروبه على راسها برحي هالوقت .. عاد احس اني ظلمت الشاهي رفيق القهووه ولاجبته بالطاري ولا شئ اخاف يشره ولا شي..

.. ان شاء الله عجبكم الموضوع واستفدتوو منه ..

دمتـم بخير وعافيه وقهوه دايمه ..,,
منقوووووووووووووول

[الوشاح]

ياكليب شب النارياكليب شبه ,,, عليك شبه والحطب لك يجابي
وعلي انا ياكليب هيله وحبه ,,, وعليك تقليط الدلال النجابي

ذوقك رفيع عزيزي الموهوب ... وهذي قصيده لمحمد عبد الله القاضي يصف فيها القهوه وطريقة اعدادها


[poem=font="Simplified Arabic,4,black,normal,normal" bkcolor="blue" bkimage="./images/backgrounds/20.gif" border="none,4,gray" type=2 line=0 align=center use=ex num="0,black"]
يا من لقلب كل مـا التـم الاشفـاق = من عام الأول به دواكيـك وخفـوق

يجاهد جنود في سواهيـج الإطـراق= ويكشف له أسرار كتمهـا بصنـدوق

إلى عن له تذكار الأحبـاب واشتـاق= باله وطف لخاطره طـاري الشـوق

قربت له من غايـة البـن مـا لاق = بالكف صافيها عن العـذف منسـوق

احمس ثلاث يانديمـي علـى سـاق = ريحه على جمر الغضا يفضح السوق

واحذرك والنيـة وبالـك والاحـراق= واصحا تصير بعاجل الحمس مطفوق

الى اصفر لونه ثم بشّـت بالاعـراق= صفرا كما الياقوت يطرب لها المـوق

وعطّت بريـح فاضـح فاخـر فـاق = لا عنبر ريحـه بالأنفـاس منشـوق

كبـّه بنجـر يسمعـه كـل مشتـاق = راع الهوى يطرب إلى دق بخفـوق

واحشه بدلـة مولـع كنّهـا سـاق = بلـورة مربوبـة تـقـل غـرنـوق

خله تفوح وراعـي الكيـف يشتـاق = إلى طفح له جوهر صـح لـه لـوق

أصغر قمـوره كالزمـرد بالاشعـاق = واكباره الطافح كما صافـي المـوق

زله على وضحا بها خمسـة أرنـاق= هيل ومسمـار بالأسبـاب مسحـوق

مع زعفران والشمطري إلى انسـاق= والعنبر الغالي على الطـاق مطبـوق

إلـى اجتمـع هـذا وهـذا بتيفـاق = صبه كفيت العوق عن كـل مخلـوق

بفنجال صين صافي عنـه الارمـاق = تغضي وكرسيـه غـدان لمعشـوق

إلى صب فابصر جوهره تقل شبراق= رنق تصور بالحمامة علـى الطـوق

شكل غرا الفنجال لونه كمـا انـراق = دم لقلـب وإن مـزع منـه معلـوق

خمر إلـى منـه تساقـى بالأريـاق = عليه من ما صافي الـورد مذلـوق

راعيه كنـه شـارب كـاس تريـاق = كاس الطرب وسرور من ذاق له ذوق

يحتاج من خمر السكاره إلـى فـاق = خشف تشف شفاه والعنـق مفهـوق

عبـْث يعيـل بحبـةٍ منـه مامـاق = وهو يضاهي زاهي البـدر بشعـوق

بين اشفيته إلى غنـج بـارق حـاق= عجل رفيفه بارقـه غـرق بطبـوق

سحر كتب من حبر عينيـه بـاوراق= خديه صاديـن ونونيـن مـن فـوق

كن العرق بخدودهـا حـصّ أرنـاق= ينثر على صفحـات بلـورة الشـوق

إلي تبسـم شـع وأشـرق بالآفـاق= نور يفوق البدر مع حسـن منطـوق

بالعنق كنّ الورس والمسك بـه راق= ما مشخص في صدره الشاخ مدقوق

يمشي برفق خايـف مدمـج السـاق= يفصم حجول ضامه الثقل من فـوق

إلى صفا لك ساعة وأنـت مشتـاق= فاقطف زهر مالاق فالعمـر ملحـوق

وإلى حصل ما قيل عندي فـالارزاق= بيـد كريـم كافـل كـل مخـلـوق

هذا وصلّوا عـد مـا نـاض بـرّاق = أو ما شكا الفرقى شفيق ومشفـوق

على النبـي مـا زِج زاج بـالأوراق= وآله وصحبه عد ما سيـق مسيـوق [/poem]

[عجـ100]

°•.♥.•°الــمــوهــوب °•.♥.•°



الــلــه يــعــطــيــك الــعــافــيــه عــلــى هــالــطــرح ...


شــدنــي الــعــنــوان ودخــلـــت ... !


وبــكــل صــراحــــــه مــوضــوع جــمــــيــــل جـــــــدا ً ..



وفــيــه مــعــلــومـات كــثــيــرهـ اجــهــلــهــا ..



و ســتــظــل الــقــهــوه الــعــربــيــه .. لــكــثــره عــشــاقــهــا ..



الـــف الــف شــكــر لــك ..



تــمـنـيـاتـي لــك بالــتـوفــيـق ... أخــتــك



.

[@الموهوب@]

المشاركة الأصلية بواسطة الوشاح

ياكليب شب النارياكليب شبه ,,, عليك شبه والحطب لك يجابي
وعلي انا ياكليب هيله وحبه ,,, وعليك تقليط الدلال النجابي

ذوقك رفيع عزيزي الموهوب ... وهذي قصيده لمحمد عبد الله القاضي يصف فيها القهوه وطريقة اعدادها


[poem=font="Simplified Arabic,4,black,normal,normal" bkcolor="blue" bkimage="./images/backgrounds/20.gif" border="none,4,gray" type=2 line=0 align=center use=ex num="0,black"]
يا من لقلب كل مـا التـم الاشفـاق = من عام الأول به دواكيـك وخفـوق

يجاهد جنود في سواهيـج الإطـراق= ويكشف له أسرار كتمهـا بصنـدوق

إلى عن له تذكار الأحبـاب واشتـاق= باله وطف لخاطره طـاري الشـوق

قربت له من غايـة البـن مـا لاق = بالكف صافيها عن العـذف منسـوق

احمس ثلاث يانديمـي علـى سـاق = ريحه على جمر الغضا يفضح السوق

واحذرك والنيـة وبالـك والاحـراق= واصحا تصير بعاجل الحمس مطفوق

الى اصفر لونه ثم بشّـت بالاعـراق= صفرا كما الياقوت يطرب لها المـوق

وعطّت بريـح فاضـح فاخـر فـاق = لا عنبر ريحـه بالأنفـاس منشـوق

كبـّه بنجـر يسمعـه كـل مشتـاق = راع الهوى يطرب إلى دق بخفـوق

واحشه بدلـة مولـع كنّهـا سـاق = بلـورة مربوبـة تـقـل غـرنـوق

خله تفوح وراعـي الكيـف يشتـاق = إلى طفح له جوهر صـح لـه لـوق

أصغر قمـوره كالزمـرد بالاشعـاق = واكباره الطافح كما صافـي المـوق

زله على وضحا بها خمسـة أرنـاق= هيل ومسمـار بالأسبـاب مسحـوق

مع زعفران والشمطري إلى انسـاق= والعنبر الغالي على الطـاق مطبـوق

إلـى اجتمـع هـذا وهـذا بتيفـاق = صبه كفيت العوق عن كـل مخلـوق

بفنجال صين صافي عنـه الارمـاق = تغضي وكرسيـه غـدان لمعشـوق

إلى صب فابصر جوهره تقل شبراق= رنق تصور بالحمامة علـى الطـوق

شكل غرا الفنجال لونه كمـا انـراق = دم لقلـب وإن مـزع منـه معلـوق

خمر إلـى منـه تساقـى بالأريـاق = عليه من ما صافي الـورد مذلـوق

راعيه كنـه شـارب كـاس تريـاق = كاس الطرب وسرور من ذاق له ذوق

يحتاج من خمر السكاره إلـى فـاق = خشف تشف شفاه والعنـق مفهـوق

عبـْث يعيـل بحبـةٍ منـه مامـاق = وهو يضاهي زاهي البـدر بشعـوق

بين اشفيته إلى غنـج بـارق حـاق= عجل رفيفه بارقـه غـرق بطبـوق

سحر كتب من حبر عينيـه بـاوراق= خديه صاديـن ونونيـن مـن فـوق

كن العرق بخدودهـا حـصّ أرنـاق= ينثر على صفحـات بلـورة الشـوق

إلي تبسـم شـع وأشـرق بالآفـاق= نور يفوق البدر مع حسـن منطـوق

بالعنق كنّ الورس والمسك بـه راق= ما مشخص في صدره الشاخ مدقوق

يمشي برفق خايـف مدمـج السـاق= يفصم حجول ضامه الثقل من فـوق

إلى صفا لك ساعة وأنـت مشتـاق= فاقطف زهر مالاق فالعمـر ملحـوق

وإلى حصل ما قيل عندي فـالارزاق= بيـد كريـم كافـل كـل مخـلـوق

هذا وصلّوا عـد مـا نـاض بـرّاق = أو ما شكا الفرقى شفيق ومشفـوق

على النبـي مـا زِج زاج بـالأوراق= وآله وصحبه عد ما سيـق مسيـوق [/poem]

مشرفنا الغالي الوشاح اسعدني مرورك ونورت الصفحه بطلاتك يالغالي

ومشكوووووووووور على القصيد

[@الموهوب@]

المشاركة الأصلية بواسطة عجـ100

°•.♥.•°الــمــوهــوب °•.♥.•°



الــلــه يــعــطــيــك الــعــافــيــه عــلــى هــالــطــرح ...


شــدنــي الــعــنــوان ودخــلـــت ... !


وبــكــل صــراحــــــه مــوضــوع جــمــــيــــل جـــــــدا ً ..



وفــيــه مــعــلــومـات كــثــيــرهـ اجــهــلــهــا ..



و ســتــظــل الــقــهــوه الــعــربــيــه .. لــكــثــره عــشــاقــهــا ..



الـــف الــف شــكــر لــك ..



تــمـنـيـاتـي لــك بالــتـوفــيـق ... أخــتــك



.

عجـ100 شكراً لكي على المرور

ونورتي الفحه بهطلاه

[غريب الدار]

الموهوب

الله عليك على هالموضوع الرائع

نقل مميز وذائقه جميل لعضو متوهج

الف شكر يالغالي

وإهداء لك قصيدة ابن حثلين :

[poem=font="Simplified Arabic,4,blue,bold,italic" bkcolor="transparent" bkimage="./images/backgrounds/33.gif" border="groove,2,blue" type=2 line=0 align=center use=ex num="0,black"]
يا محلا الفنجال مع ســـــــــــيحة البال = في مجلس ما فيه نفس ثقـــــــــــــيله

هذا ولد عم وهذ ولد خـــــــــــــــــــــال = وهذا رفيق ما لقينا مـــــــــــــــــــــثيله

يابو هلا طير الهوى خبث الــــــــــــــبال = طبعه خبيث والحباري قلـــــــــــــــــيله

يا الله يااللي طالبه مابعد قـــــــــــــــال = يا اللي من الضيفان ينجي دخـــــــــيله

افرج لمن قلبه غدا فيه ولــــــــــــــــوال = والنوم ما جا عينه الا قلـــــــــــــــــــيله

لامن ذكرت رموس عصر لـــــــــــــنا زال = شوف الفياض وفقد عز القبـــــــــــــيلة

يا زين شدتهم ليا وزع المـــــــــــــــــال = يتلون براق تلالا مخــــــــــــــــــــــــــيله

يتلون براق سمر يشعل اشــــــــــــعال = تلقا التريبي فايض عقب ســـــــــــــيله

يسقي خسيفا والثمان أرهمه ســــال = مرتع معطرة السيوف الصقــــــــــــيله

ممن حمو الساقات إلى السف همال = وينوش حسنا والرديفه مـــــــــــــــثيله

فإن قادنا من يمة القفر خـــــيال = يصبح شــديد البدو عجل رحـــــــــــــيله

قاد السلف واستجنبوا كل مـــشوال = وبالقصر يامحلا تخبط نــــــــــــــــــــزيله

فإن شرف البادي على روس الأقذال = والمال كثرالزوال مخمى جــــــــــــفيله

تلامحت مابينهم شهب الأديــــــــــال = ومن ضيع المفتاح وا عزتـــــــــــــــي له

وكبوا على طوعاتهم كل عـــــــــيال = كل أبلج يحري بكب الثقـــــــــــــــــــيله

تغازو بفزاع ذربين الافـــــــعال = من قبل سبـــق غارتــه تنشني لـــــــــــه

يبغون طوعة روسهم حين الارمال = تغزو والخلق كثير هجــــــــــــــــــــــيله

إن جا الحكى من دون عطرات الاجهال = مرو ولحقو مقحمين الذبــــــــــــــيله

واللي تثنوا كلهم تلبس الـــــــــــــشال = ومن صنع دواد لبوس ثقــــــــــــــــيله

لزم عليهم علة عقب الانـــــــــــــــــهال = ومن غارته لزم يضيع دلــــــــــــــــيله

والدم من قحص الرمك يثـــــــمل اثمال = يزعج على اوراك السبايا وشــــــــيله

هذيك براعيها من المعرفه مـــــــــــــال = وهذي ثكلها مطرق ما تشـــــــــــــيله

من وقع كل مقرنس قد له أفــــــــــعال = وفروخ صادن الحباري فضـــــــــــــــــيله[/poem]

لاتحرمنا من مواضيعك المميزه

تحياتي وتقديري

لاعدمتك

[@الموهوب@]

المشاركة الأصلية بواسطة غريب الدار

الموهوب

الله عليك على هالموضوع الرائع

نقل مميز وذائقه جميل لعضو متوهج

الف شكر يالغالي

وإهداء لك قصيدة ابن حثلين :

[poem=font="Simplified Arabic,4,blue,bold,italic" bkcolor="transparent" bkimage="./images/backgrounds/33.gif" border="groove,2,blue" type=2 line=0 align=center use=ex num="0,black"]
يا محلا الفنجال مع ســـــــــــيحة البال = في مجلس ما فيه نفس ثقـــــــــــــيله

هذا ولد عم وهذ ولد خـــــــــــــــــــــال = وهذا رفيق ما لقينا مـــــــــــــــــــــثيله

يابو هلا طير الهوى خبث الــــــــــــــبال = طبعه خبيث والحباري قلـــــــــــــــــيله

يا الله يااللي طالبه مابعد قـــــــــــــــال = يا اللي من الضيفان ينجي دخـــــــــيله

افرج لمن قلبه غدا فيه ولــــــــــــــــوال = والنوم ما جا عينه الا قلـــــــــــــــــــيله

لامن ذكرت رموس عصر لـــــــــــــنا زال = شوف الفياض وفقد عز القبـــــــــــــيلة

يا زين شدتهم ليا وزع المـــــــــــــــــال = يتلون براق تلالا مخــــــــــــــــــــــــــيله

يتلون براق سمر يشعل اشــــــــــــعال = تلقا التريبي فايض عقب ســـــــــــــيله

يسقي خسيفا والثمان أرهمه ســــال = مرتع معطرة السيوف الصقــــــــــــيله

ممن حمو الساقات إلى السف همال = وينوش حسنا والرديفه مـــــــــــــــثيله

فإن قادنا من يمة القفر خـــــيال = يصبح شــديد البدو عجل رحـــــــــــــيله

قاد السلف واستجنبوا كل مـــشوال = وبالقصر يامحلا تخبط نــــــــــــــــــــزيله

فإن شرف البادي على روس الأقذال = والمال كثرالزوال مخمى جــــــــــــفيله

تلامحت مابينهم شهب الأديــــــــــال = ومن ضيع المفتاح وا عزتـــــــــــــــي له

وكبوا على طوعاتهم كل عـــــــــيال = كل أبلج يحري بكب الثقـــــــــــــــــــيله

تغازو بفزاع ذربين الافـــــــعال = من قبل سبـــق غارتــه تنشني لـــــــــــه

يبغون طوعة روسهم حين الارمال = تغزو والخلق كثير هجــــــــــــــــــــــيله

إن جا الحكى من دون عطرات الاجهال = مرو ولحقو مقحمين الذبــــــــــــــيله

واللي تثنوا كلهم تلبس الـــــــــــــشال = ومن صنع دواد لبوس ثقــــــــــــــــيله

لزم عليهم علة عقب الانـــــــــــــــــهال = ومن غارته لزم يضيع دلــــــــــــــــيله

والدم من قحص الرمك يثـــــــمل اثمال = يزعج على اوراك السبايا وشــــــــيله

هذيك براعيها من المعرفه مـــــــــــــال = وهذي ثكلها مطرق ما تشـــــــــــــيله

من وقع كل مقرنس قد له أفــــــــــعال = وفروخ صادن الحباري فضـــــــــــــــــيله[/poem]

لاتحرمنا من مواضيعك المميزه

تحياتي وتقديري

لاعدمتك

غريب الدار

يسلملي مرورك وتعليقك

ومشكوووووووووووور على القصيده

صح السان الشاعر

الله لايحرمنا من طلاتك

[رسلان]

عافاكم الله أخي الحبيب : @الموهوب@ ...
موضوع جميل ومفيد ...
بورك فيكم ...

وشكر للأخوة على الإضافات الجميلة ...
جزيتم خيرا ً...

[جلوكوز]

مشكوررر

اخوي الموهوب على

الموضوع المفيد

و تسلم

[@الموهوب@]

المشاركة الأصلية بواسطة رسلان

عافاكم الله أخي الحبيب : @الموهوب@ ...
موضوع جميل ومفيد ...
بورك فيكم ...

وشكر للأخوة على الإضافات الجميلة ...
جزيتم خيرا ً...

الله يعافيك مشرفنا القدير رسلان على مرورك وتعليقك

اتمنى الموضع حاز على رضاك ورضاء الجميع

[@الموهوب@]

المشاركة الأصلية بواسطة cool_man

مشكوررر

اخوي الموهوب على

الموضوع المفيد

و تسلم

العفو

وشكلااً على مرورك يالغالي

[صدى الحرمان]

وش الحيــــــــــــــــاة من غيـــر قهوة...

وش مخ صداوي من غيـــــــــــــر قهوة...



الموهــــــــوب كفيت ووفيت
موضوع رائـــــــــــــــــع...
أشكــــــركـ..