نموذج من الشعر هدية خاصة لملح الجريف

[جفرة شايع]

شعر مثل يافاهمين التماثيل
كلٍ يجي شعره بحسب اقتداره
من عاش ينظر بالسنين المقابيل
يذوق من عقب البرودة حراره
الطيب يخلق مع قلوب الرجاجيل
ماهوب في بنك التجارة تجاره
والرزق من عند الولي بالتساهيل
ماهوب بالقوة ولا بالشطاره
من عاش في حيله وكذب وتهاويل
ياسرع من عقب الطلوع إنحداره
والشور ماينفع قلوب المهابيل
كالزند وان حرك تطاير شراره
لو تامره بالعدل يعرض عن الميل
يمشي على رايه بربح وخساره
والطبع ماينزال غيره بتبديل
مثل الجدي مرساه ليله نهاره
والحنضله لوهي على شاطي النيل
زادت مرارتها القديمه مراره
هذا مثل يافاهمين التماثيل
كل يجي شعره بحسب اقتداره


الشاعر ( الشاعر ) لويحان

[بحر]

والرزق من عند الولي بالتساهيل
ماهوب بالقوة ولا بالشطاره

صح لسانك وبارك الله فيك

[سيف الرعد]

اخي بارك الله فيك
الموضوع مكانه الادبي وليس العام
ينقل للقسم المناسب


تحيتي

[ملح الجريف]

هذا مثل يافاهمين التماثيل
كل يجي شعره بحسب اقتداره

صدق الشاعر / عبدالله لويحان , قال حسب اقتداره ولم ينتقص الآخرين

أشكرك / جفرة شايع على الهدية , وأنت تهدي أكثر

.

[جفرة شايع]

اشكرك على قبول الهدية ............ واستغفر الله