لغز طيب وحله قريب !!

[صوت الرس]

يا هلا بالجميع

لقيت لكم لغز ملياااااااااااااااااااااااان
ونبي رمع طيب ما هي سواليف !!

اللغز

[poem=font="Times New Roman,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انشدك عن بنت صغيره مهمه=خويه اللي يقــطعون المضامي
دلـــيــله العــد الظنين ومجمه=ادل من فرق القطاء والحمامي
العـد في خـشـم المطيه تشـمه=وســمها ياعـارفــين الاسـامي[/poem]

وشدو حيلكم

[ريم البراري]

تقول أمي البوصلة

[ابو ماجد]

صح لسانك
وعندي معرفه سابقه باللغز والحل
نفتح المجال للزملاء
تحيتي

[ملح الجريف]

صح لسانك ياخوي / صوت الرس وياهلا بك الف مليون

وش رايك بــــ ليفة الدلة

.

[سحبان]

،،،،،،،،،
هلابك ياصوت الرس ومرحبا وصح السانك

وش رايك بالبئر اللي يروون منه اصحاب القوافل

شكرا لك

[صوت الرس]

غيوم
يالسنافي
مالك لواء
والله يخلي لك أمك وحلها قريب من الصواب


اخوي ابو ماجد
أي والله طف النور
لين نشوف الجماعة وش عندهم

الغالي ملح الجريف
أي دلة !!
مرامع طيب بس منت حوله

الغالي
سحبان بصراحة أنت تخوف
وقريب يا بعدي


وننتظر الحل

[أبوسليمان]

بسم الله الرحمن الرحيم

أقول

(( قربة الماء ، أو المطّارة ))

وصح لسانك .

وللجميع تحياتي .

[صوت الرس]

الغالي
ابو سليمان

حوووووولها يا بعدي
بس قل اللي أبي

وانت وسحبان تدورن حول الحل

[ريم البراري]

طيب وش رايك باللوحة الأرشادية اللي على الطرق

[ملح الجريف]

اقوول ياصديقي / صوت الرس

تقول مانيب حوله ....... ايه كذاااا

اجل دوك قبل سحبان

هذي الله يسلمك بالسيارة ( ساعة الحرارة ) أو ( لمبة الحرارة )

قل تمممممم

.

[صوت الرس]

يا هلا بأخوي غيوم

بس هالمرة شكل الحل من عندك أنت
يا ليتك تسأل الوالده الله يطول بعمرها
ترى هي اللي تبي تجيب الحل

يعني الحل لا زال مفقود

الغالي ملح الجريف
والله إنك أبو العريف
بس مستحي أقولك من جنبه من جنبه من جنبه

وشكل الجماعة وحبيبنا سحبان
يبي يحلون اللغز قبلك
عطنا مرامع الأولين
وجود مرامعك بالحبل



.

[ريم البراري]

وش رايك بنجم الثريا