كشتتنا لم محيوة يوم الربوع 19/11/1427 هـ

هزيم الرعد · 02-12-2006, 11:26 PM

بسم الله الرحمن الرحيم

يالله حيهم
اقلطوا اقلطوا
رحلتنا إلى لم محيوة << وش لون تجي إلى ولم مع بعض يالله الخيرة
ايه صح
المهم يا إخوان يا أعزاء تقرر هكاليوم من قبل الزملاااااااء << ممدودة عشان تصير مثل حقات الخطب مع وقوف بسكون
أقول لكم تقرر إننا نكشت ... فأختلف...... الزملاء أين تريدون أن نكشت يا أعزاءنا << بوه احد قال يا أعزاءنا بس ما ندري منهو للحين
فقلت أنا ونفر معي نريد محيوة
فقال نفر رز بخاري مع حبة دجاج لا ...لا ..... نريد قطن
فقلت له وش تبي بقطن بعيد .... وبعدين هذا وقت النفود عندما يكون رويان وتتمشى على طعوسه البانوراما
فطأطأ صديقنا صاحب قطن رأسه معلنا موافقته على أن تكون الوجهه يم محيوة
فكان الإتفاق كما يلي ... نفر يتكون من ثلاثة يمشون ظهر الربوع
ونفر يتكون من واحد اللي هو أنا الحقهم عصر الربوع
ونفر يتكون من ما أدري كم حسب التساهيل والتصانيف ييجون صبح الخميس ...
سارت ركاب الأحبة قبلي بساعة ونيف ,,,,ولحقت بهم مع العصر ..وما جات الساعة خمس إلا ربع إلا وأنا على نفود محيوة وأدقدق على جوالاتهم ومسكرات مير خير شر ...قلت ماهنا إلا أمرين ... يامغرزين بنقرة مابه إتصال ... أو إنهم بنقرة مابه أتصال مغرزين ..وأحتري ...وأحتري ...وأحاول ...وأحاول ...ولكن لاحياة لمن تصوت له ...وأجري إتصالاتي باللي ييجون من باتسر عشان اباخذ جوال واحد من الثلاثة مهوب معه جوالي قلت يمكن هو الوحيد اللي يستقبل ...ومير يطلع مثلهم مايستقبل جواله ..شوي ...نصف ساعة من وصلي تقريبا ومير يتصلون علي ..قلت لهم وراكم توكم تتصلون وينكم ...قالوا تونا نتكي بالمكان وهه خذ الإحداثيات وتعال
وإلاه باقي على المغرب جيسة عشر دقايق <<< الجيسة وحدة قياس قديمة لقياس الزمن والمسافة والوقت والكتلة وعيار الذهب وبراميل النفط وكل شي
مالكم بالطويلة ...طبيت عليهم ولله الحمد بمحلهم قبل المغرب بشوين لأنه يوم أكلمهم كان بيني وبينهم يجي له 7 كيلوجرام << يقصد كلم
والحمد لله انبسطنا واستانسنا وجانا واحد بالليل من الربع ورحنا نجيبه من محطة المشاط ولولا الله ثم الجارمنات تسان قلنا له لقعة إنثبر بأرضك وش جايبك بأنصاف الليول ..هذا غير إننا وحنا رايحين نجيبه شوي وتقرون نعي بجريدة الجزيرة حيث إني أنا وأبو صالح نزلنا من فوق النفود ونمشي ونحسب اللي قدامنا منزل نفود أثره المنقع اللي يقولون له طيور البحير محير الماء ..وصار الموتر منصل على الماء بس الحمد لله بفضل من الله ومنة وبتوجيهات من زعيم الطلعة وأميرها أبو صالح خرج الموتر << أجل خرج ...ايه يعني بالريوس طلع من المارط ...ورحنا جبنا خوينا ورجعنا لربعنا ونمنا نومتن وش زينة ماصارت ولا إستوت ولاكانت حر ولا برد مهوب مثل اليوم تتراعد فرائص اللي جابونا من البرد ومن باتسرالصبح جو الباقين واستانسنا بس حمستنا شميسة الظهر قلت للي يقول نروح لم قطن وحنا معيين ..شفت لو حنا رايحين لقطن تسان تحت الطلاح يالله من فضلك ..وشوي ويلفعن بغطا الكاتم
المهم ماعلينا ....كثرت قرق عليكم حركنا راجعين مغرب الخميس بعد ماصلينا المغرب والعشاء جمع تقديم عند الماء
وإليكم بعض صور الرحلة
.
.
الصورة الأولى ... صباح يوم الخميس ... قمت بالصعود فوي النفود ... فتبادر إلى ذهني إني آخذ صورة فوقية لمكشاتنا << تراه مهيب أول مرة يتبادر ...دايم يتبادر بس ما اعطيه وجه

الصورة الثانية .... قلت ياولد ورى ماتجرب الزوم ...وأخذت هالصورة وأنا من نفس الإرتفاع ياحبي لهم ما يدرون إني أصورهم ولا يدرون إني أبنزلهن بالنت وأبفضحهم << تفكير بزارين

الصورة الثالثة .... منظر عام للنفود .اللي كان عن مكشاتنا شمال غرب تقريبا
أوبس ...بدون إطار

الصورة الرابعة...عندما رقيت فوق وكنت ألهث بقوة قلت سبحان الله وش لون يصير النفود بهذا الشكل ...جهة أملط مابوه شي ..وجهة له تدرجات غريبة ...طلعت فوق راسي لمبة مثل حقات فلم كرتون ...ودريت إن هذا بتأثير الرياح

الصورة الخامسة ...زعيم الرحلة أبو صالح ...وهو ينشر الحطب الغضا من أجل التدفئة والطبخ وسعة الصدر ...لله درك يابو صالح ...ودي أبوح لك بسر يابو صالح ....خيمتك زينة قوة ... وأشين مابه الشخص اللي نام معي ... مدعاة للريبة هههههههههه

الصورة السادسة...الذرة وما أدراك ما الذرة ...هي وأبو فروة ...لعبنا بهن لعب هناك يالله لك الحمد والمنة

[font=Times New Roman]الصورة السابعة ...منظر عام للمعاميل والعزبة ويلاحظ الأنواع والألوان المتعددة للمراكي اللي يشوفنا يقول مارين الحراج وشارينهن [img]]

الصورة الثامنة ...الشباب يستعدون لتقليط الغداء ... يم يم

[/color]
الصورة التاسعة ....الكبسة ......وما أدراك ما الكبسة

وآخر الصور ..
الصورة العاشرة .. محير الماء أو منقع الماء ....اللي بغينا نطيح به .. بس مهوب منا مناك مع الجهة الوعرة << يأشر بيده

تم إلتقاط الصور بكامرتي المحببة Nikon coolpex 3500
وهذي صورته

.
.
أتمنى إني أكون قدمت لكم ما يروق لكم ويعجبكم ...وإلى لقاء قريب في كشتتن ثانية إن شاء الله
برايفت لسيف الرعد والمهاجر .... شوفوا الصور وانقهروا .. كل أبو دايم تكشتون ولاتاخذونن معكم ...والأزرق تراك معهم بنفس البرايفت

[/color]

جلوكوز · 02-12-2006, 11:30 PM

اخوي هزيم الرعد

الصور ما طلعت عندي

هزيم الرعد · 02-12-2006, 11:42 PM

الغالي cool_man
بعد ردك عرضت الرابط على شخص ثاني وشاف الصور
لعلنا نشوف احد يسوي رجاحة عشان إذا فعلن ما يظهرن للجميع نحذفه ونعيده من جديد
الف شكر لمرورك

الوشاح · 02-12-2006, 11:44 PM

اقتباس:

يامغرزين بنقرة مابه إتصال ... أو إنهم بنقرة مابه أتصال مغرزين ..

الله يغــربل ابليسكـ ياهــزيم الرعــد

تسيف انــه تقطعت تسبــدي مــن الظحكـ هههههههه

ماعمــري شفتكـ كاشت بــدووووون ذره

وش الســر الي بينكــم ..؟

تسلم يابوصالح .. خلكـ علــى هالــوزنيــه

هزيم الرعد · 03-12-2006, 12:16 AM

ياهلا وغلا بالوشاح ...أزين وشاح بالعالم

أجل جازت لك هالكلمة ...تراي بعد كاتبه وأنا بي نوم << بدأ يملغ

بالنسبة للذرة والله يالغالي مهوب أنا اللي جابيه قسم << خاف

بس تراه صادفت مرتين نكشت معنا ذرة ...

والكشتة الجاية بعد يمكن تصادف ما أضمن لك

وياهلابك ومررررررررررررحبا والف شكر لمرورك

المهاجر · 03-12-2006, 03:10 AM

وش ذا وش ذا

يا هزيم انت لو كل ما كشت سويت تقرير مثل هالتقرير كان فتحوا لك قسم خاص

تسلم والله على هالتقرير وعلى هالأسلوب

أجل يامغرزين بنقرة مابه إتصال ... أو إنهم بنقرة مابه أتصال مغرزين ..

7

7

هذي لحاله يبو رعد

عاد غدينا نتبادر لذهنك لنا مرة ونروح معك

شكرا لك ولا تحرمنا جديدك

ـــــــــــــــــــــــــــــــــ

غريب الدار · 03-12-2006, 11:19 AM

تصدق ياهزيم ماطلع عندي الا صورة الكاميرا ..!

أما باقي الصور ماطلعن ..!

ياخي شف لك صرفه الصراحه التقرير يحمس الواحد على الصور ..!

تحياتي ولي عوده بعد ماشوف الصور والا ترى منب راجع

مشكور ياهزيم

تحياتي

جلوكوز · 03-12-2006, 12:21 PM

اقتباس:

المشاركة الأصلية بواسطة غريب الدار

تصدق ياهزيم ماطلع عندي الا صورة الكاميرا ..!

أما باقي الصور ماطلعن ..!

ياخي شف لك صرفه الصراحه التقرير يحمس الواحد على الصور ..!

تحياتي ولي عوده بعد ماشوف الصور والا ترى منب راجع

مشكور ياهزيم

تحياتي

نفس المشكلة يا هزيم

والله متحمس للصور

ريم البراري · 03-12-2006, 12:56 PM

اولا انهبلت قلت وش فيهم يبون يكشتون بــ19 وحاطينه هالحين يمكن حاط تقرير أولي عن الأستعداد

حنا اليوم 12-11

عدلوا التاريخ الله يجزاكم خير

بصراحة ياخوي هزيم المكان روووووعة

وتعليقاتك رهيبة

والذرة والكبسة عليكم بالعافية

وكثروا من هالتقارير المكشاتية اللي تفتح النفس

سليمان · 03-12-2006, 01:07 PM

الصور عندي طالعه ميه بالميه

وتقرير جميل وصور اجمل وخاصه صوره الذره

وانا مثل الوشاح مستغرب ما تكشت بدون ذره

والحمد لله على سلامتكم واذا بغيت تكشت دق علينا نخاويك

هزيم الرعد · 03-12-2006, 02:01 PM

رد سريع للإخوة اللي يشتكون من عدم ظهور الصور ... جيت ابرفعهن على مركز تحميل الصور هنا بالرس إكس بي ولقيته ما يعمل عندي
حرصي كبير على إنكم تشوفون الصور :(
لكن أبشوف لي صرفة
أو ياليت لو يرفعهن أحد من الشباب اللي مركز التحميل يشتغل عنده تمام ويحرر الرد
سواء مشرفي الرحلات أو أي أحد له صلاحية
تفكون << جدع شماغه بحجر المهاجر وقعد يصيح
لي عودة

سيف الرعد · 03-12-2006, 02:22 PM

هزيم يا خي انت قبل عندك اجتماااااع وش السالفه

وهذي رحلتكم صورها تقول انكم تمااااااااااام

الله يتمم عليكم

اختيار موفق لمكان الرحلة

تحيتي

02-12-2006, 11:26 PM	#1
هزيم الرعد عضو أثري تاريخ التسجيل: May 2002 البلد: الرس الله لايخلينا المشاركات: 9,384 قوة التقييم: 16	كشتتنا لم محيوة يوم الربوع 9/11/1427 هـ بسم الله الرحمن الرحيم يالله حيهم اقلطوا اقلطوا رحلتنا إلى لم محيوة << وش لون تجي إلى ولم مع بعض يالله الخيرة ايه صح المهم يا إخوان يا أعزاء تقرر هكاليوم من قبل الزملاااااااء << ممدودة عشان تصير مثل حقات الخطب مع وقوف بسكون أقول لكم تقرر إننا نكشت ... فأختلف...... الزملاء أين تريدون أن نكشت يا أعزاءنا << بوه احد قال يا أعزاءنا بس ما ندري منهو للحين فقلت أنا ونفر معي نريد محيوة فقال نفر رز بخاري مع حبة دجاج لا ...لا ..... نريد قطن فقلت له وش تبي بقطن بعيد .... وبعدين هذا وقت النفود عندما يكون رويان وتتمشى على طعوسه البانوراما فطأطأ صديقنا صاحب قطن رأسه معلنا موافقته على أن تكون الوجهه يم محيوة فكان الإتفاق كما يلي ... نفر يتكون من ثلاثة يمشون ظهر الربوع ونفر يتكون من واحد اللي هو أنا الحقهم عصر الربوع ونفر يتكون من ما أدري كم حسب التساهيل والتصانيف ييجون صبح الخميس ... سارت ركاب الأحبة قبلي بساعة ونيف ,,,,ولحقت بهم مع العصر ..وما جات الساعة خمس إلا ربع إلا وأنا على نفود محيوة وأدقدق على جوالاتهم ومسكرات مير خير شر ...قلت ماهنا إلا أمرين ... يامغرزين بنقرة مابه إتصال ... أو إنهم بنقرة مابه أتصال مغرزين ..وأحتري ...وأحتري ...وأحاول ...وأحاول ...ولكن لاحياة لمن تصوت له ...وأجري إتصالاتي باللي ييجون من باتسر عشان اباخذ جوال واحد من الثلاثة مهوب معه جوالي قلت يمكن هو الوحيد اللي يستقبل ...ومير يطلع مثلهم مايستقبل جواله ..شوي ...نصف ساعة من وصلي تقريبا ومير يتصلون علي ..قلت لهم وراكم توكم تتصلون وينكم ...قالوا تونا نتكي بالمكان وهه خذ الإحداثيات وتعال وإلاه باقي على المغرب جيسة عشر دقايق <<< الجيسة وحدة قياس قديمة لقياس الزمن والمسافة والوقت والكتلة وعيار الذهب وبراميل النفط وكل شي مالكم بالطويلة ...طبيت عليهم ولله الحمد بمحلهم قبل المغرب بشوين لأنه يوم أكلمهم كان بيني وبينهم يجي له 7 كيلوجرام << يقصد كلم والحمد لله انبسطنا واستانسنا وجانا واحد بالليل من الربع ورحنا نجيبه من محطة المشاط ولولا الله ثم الجارمنات تسان قلنا له لقعة إنثبر بأرضك وش جايبك بأنصاف الليول ..هذا غير إننا وحنا رايحين نجيبه شوي وتقرون نعي بجريدة الجزيرة حيث إني أنا وأبو صالح نزلنا من فوق النفود ونمشي ونحسب اللي قدامنا منزل نفود أثره المنقع اللي يقولون له طيور البحير محير الماء ..وصار الموتر منصل على الماء بس الحمد لله بفضل من الله ومنة وبتوجيهات من زعيم الطلعة وأميرها أبو صالح خرج الموتر << أجل خرج ...ايه يعني بالريوس طلع من المارط ...ورحنا جبنا خوينا ورجعنا لربعنا ونمنا نومتن وش زينة ماصارت ولا إستوت ولاكانت حر ولا برد مهوب مثل اليوم تتراعد فرائص اللي جابونا من البرد ومن باتسرالصبح جو الباقين واستانسنا بس حمستنا شميسة الظهر قلت للي يقول نروح لم قطن وحنا معيين ..شفت لو حنا رايحين لقطن تسان تحت الطلاح يالله من فضلك ..وشوي ويلفعن بغطا الكاتم المهم ماعلينا ....كثرت قرق عليكم حركنا راجعين مغرب الخميس بعد ماصلينا المغرب والعشاء جمع تقديم عند الماء وإليكم بعض صور الرحلة . . الصورة الأولى ... صباح يوم الخميس ... قمت بالصعود فوي النفود ... فتبادر إلى ذهني إني آخذ صورة فوقية لمكشاتنا << تراه مهيب أول مرة يتبادر ...دايم يتبادر بس ما اعطيه وجه الصورة الثانية .... قلت ياولد ورى ماتجرب الزوم ...وأخذت هالصورة وأنا من نفس الإرتفاع ياحبي لهم ما يدرون إني أصورهم ولا يدرون إني أبنزلهن بالنت وأبفضحهم << تفكير بزارين الصورة الثالثة .... منظر عام للنفود .اللي كان عن مكشاتنا شمال غرب تقريبا أوبس ...بدون إطار الصورة الرابعة...عندما رقيت فوق وكنت ألهث بقوة قلت سبحان الله وش لون يصير النفود بهذا الشكل ...جهة أملط مابوه شي ..وجهة له تدرجات غريبة ...طلعت فوق راسي لمبة مثل حقات فلم كرتون ...ودريت إن هذا بتأثير الرياح الصورة الخامسة ...زعيم الرحلة أبو صالح ...وهو ينشر الحطب الغضا من أجل التدفئة والطبخ وسعة الصدر ...لله درك يابو صالح ...ودي أبوح لك بسر يابو صالح ....خيمتك زينة قوة ... وأشين مابه الشخص اللي نام معي ... مدعاة للريبة هههههههههه الصورة السادسة...الذرة وما أدراك ما الذرة ...هي وأبو فروة ...لعبنا بهن لعب هناك يالله لك الحمد والمنة [font=Times New Roman]الصورة السابعة ...منظر عام للمعاميل والعزبة ويلاحظ الأنواع والألوان المتعددة للمراكي اللي يشوفنا يقول مارين الحراج وشارينهن [img]] الصورة الثامنة ...الشباب يستعدون لتقليط الغداء ... يم يم [/color] الصورة التاسعة ....الكبسة ......وما أدراك ما الكبسة وآخر الصور .. الصورة العاشرة .. محير الماء أو منقع الماء ....اللي بغينا نطيح به .. بس مهوب منا مناك مع الجهة الوعرة << يأشر بيده تم إلتقاط الصور بكامرتي المحببة Nikon coolpex 3500 وهذي صورته . . أتمنى إني أكون قدمت لكم ما يروق لكم ويعجبكم ...وإلى لقاء قريب في كشتتن ثانية إن شاء الله برايفت لسيف الرعد والمهاجر .... شوفوا الصور وانقهروا .. كل أبو دايم تكشتون ولاتاخذونن معكم ...والأزرق تراك معهم بنفس البرايفت [/color] __________________ عُدلت بواسطة الوشاح; 04-12-2006 الساعة 01:00 AM. السبب: خطأ لابد من تعديله

02-12-2006, 11:30 PM	#2
جلوكوز عضو متألق تاريخ التسجيل: Nov 2006 البلد: الـظـهران المشاركات: 759 قوة التقييم: 3	اخوي هزيم الرعد الصور ما طلعت عندي __________________

03-12-2006, 03:10 AM	#6
المهاجر مشرف المنتدى العام عضو مجلس الإدارة تاريخ التسجيل: Nov 2004 المشاركات: 11,894 قوة التقييم: 16	وش ذا وش ذا يا هزيم انت لو كل ما كشت سويت تقرير مثل هالتقرير كان فتحوا لك قسم خاص تسلم والله على هالتقرير وعلى هالأسلوب أجل يامغرزين بنقرة مابه إتصال ... أو إنهم بنقرة مابه أتصال مغرزين .. 7 7 هذي لحاله يبو رعد عاد غدينا نتبادر لذهنك لنا مرة ونروح معك شكرا لك ولا تحرمنا جديدك ـــــــــــــــــــــــــــــــــ __________________ كتب إعراب القرآن دراسة بسيطة و نماذج مصورة وبالأسعار

03-12-2006, 11:19 AM	#7
غريب الدار مشرف المنتدى العام عضو مجلس الإدارة تاريخ التسجيل: Oct 2004 البلد: الشرقية المشاركات: 37,999 قوة التقييم: 42	تصدق ياهزيم ماطلع عندي الا صورة الكاميرا ..! أما باقي الصور ماطلعن ..! ياخي شف لك صرفه الصراحه التقرير يحمس الواحد على الصور ..! تحياتي ولي عوده بعد ماشوف الصور والا ترى منب راجع مشكور ياهزيم تحياتي __________________

03-12-2006, 02:22 PM	#12
سيف الرعد مشرف المنتدى العام عضو مجلس الإدارة تاريخ التسجيل: Nov 2003 البلد: حول المرقب المشاركات: 11,190 قوة التقييم: 17	هزيم يا خي انت قبل عندك اجتماااااع وش السالفه وهذي رحلتكم صورها تقول انكم تمااااااااااام الله يتمم عليكم اختيار موفق لمكان الرحلة تحيتي __________________




	أهلا بأمير القصيم ونائبه في محافظة الرس على شرف أمير القصيم ندعوك لحضور حفل تخريج الدفعة الحادية عشرة من حفظة كتاب الله تعالى

02-12-2006, 11:42 PM	#3
هزيم الرعد عضو أثري تاريخ التسجيل: May 2002 البلد: الرس الله لايخلينا المشاركات: 9,384 قوة التقييم: 16	الغالي cool_man بعد ردك عرضت الرابط على شخص ثاني وشاف الصور لعلنا نشوف احد يسوي رجاحة عشان إذا فعلن ما يظهرن للجميع نحذفه ونعيده من جديد الف شكر لمرورك

03-12-2006, 12:16 AM	#5
هزيم الرعد عضو أثري تاريخ التسجيل: May 2002 البلد: الرس الله لايخلينا المشاركات: 9,384 قوة التقييم: 16	ياهلا وغلا بالوشاح ...أزين وشاح بالعالم أجل جازت لك هالكلمة ...تراي بعد كاتبه وأنا بي نوم << بدأ يملغ بالنسبة للذرة والله يالغالي مهوب أنا اللي جابيه قسم << خاف بس تراه صادفت مرتين نكشت معنا ذرة ... والكشتة الجاية بعد يمكن تصادف ما أضمن لك وياهلابك ومررررررررررررحبا والف شكر لمرورك

03-12-2006, 12:56 PM	#9
ريم البراري عضو مبدع تاريخ التسجيل: Aug 2006 المشاركات: 1,244 قوة التقييم: 4	اولا انهبلت قلت وش فيهم يبون يكشتون بــ19 وحاطينه هالحين يمكن حاط تقرير أولي عن الأستعداد حنا اليوم 12-11 عدلوا التاريخ الله يجزاكم خير بصراحة ياخوي هزيم المكان روووووعة وتعليقاتك رهيبة والذرة والكبسة عليكم بالعافية وكثروا من هالتقارير المكشاتية اللي تفتح النفس

03-12-2006, 01:07 PM	#10
سليمان عضو بارز تاريخ التسجيل: Apr 2005 المشاركات: 317 قوة التقييم: 4	الصور عندي طالعه ميه بالميه وتقرير جميل وصور اجمل وخاصه صوره الذره وانا مثل الوشاح مستغرب ما تكشت بدون ذره والحمد لله على سلامتكم واذا بغيت تكشت دق علينا نخاويك

03-12-2006, 02:01 PM	#11
هزيم الرعد عضو أثري تاريخ التسجيل: May 2002 البلد: الرس الله لايخلينا المشاركات: 9,384 قوة التقييم: 16	رد سريع للإخوة اللي يشتكون من عدم ظهور الصور ... جيت ابرفعهن على مركز تحميل الصور هنا بالرس إكس بي ولقيته ما يعمل عندي حرصي كبير على إنكم تشوفون الصور :( لكن أبشوف لي صرفة أو ياليت لو يرفعهن أحد من الشباب اللي مركز التحميل يشتغل عنده تمام ويحرر الرد سواء مشرفي الرحلات أو أي أحد له صلاحية تفكون << جدع شماغه بحجر المهاجر وقعد يصيح لي عودة

يتصفح الموضوع حالياً: 1 (0 عضو و 1 ضيف)

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي