يا أهل الكشتات و النزهات البرية .. لا تنسوا هذا الأمر ،، [ مهم جداً ]

[ريم البراري]

.. .. ..

يا أهل الكشتات و النزهات البرية .. لا تنسوا ( أهليكم ) ..

أين أنتم عن ( أمّهاتكم ) و هنّ يتشوّقن إلى ( السيول ) و ( جريان الشعيب ) ، و نصيب ( الأسد ) منكم بين أصحابكم و أصدقائكم ؟! ..

تتحسّر ( الزوجة المسكينة ) و هي تسمع صوت الزوج يُواعد صديق لِـ ( نزهة ) ، و تفتقده أياماً في ( كشتة ) .. دون أن يكون لها حظّ في ( التنفيس ) بهذا الجوّ العليل و رؤية مناظر - تتقطّع قلوبنا إليه في هذا البلد - ..

( أخواتكم ) في البيوت .. أعطوهنّ قليل إحساس بمعنى ( الأخوّة ) في مثل هذه الطلعات ..

و ( الحريم ) - في هذا - لا يطلبنَ الكثير ،،

.. .. ..


(( منقول ))

[ريم البراري]

للأسف يلاحظ في اغلب محبي البر والكشتات الأنانية المفرطة وحب النفس.

كثير حريم يشتكون من هالشي لدرجة أنهن صارن يكرهن البر ويكرهن حتى أصدقاء أزواجهن.

المسيكينات إذا جاء وقت المطر والربيع زوجها محجوز من الأربعاء الى ليله السبت كاشت وكشتات حتى في وسط الأسبوع عند بعضهم.غير اللي يكشتوت بالأسابيع والأشهر

والله العظيم أني أتكلم لكم عن معاناه ناس أعيش وسطهم وأعرفهم يعني ماهو مجرد كلام.

وحده تقول حياته البر وأخوياه أما أنا وعياله أن فضى التفت لنا وبمنه بعد وحده تقول يقطع مئات الكيلومترات إذا ماهي الالاف ولو أطلب منه مره بالشهر مشوار يرفض ويقول ياكثر طلباتك والا ماني فاضي

تقول وحده إذا طلبت منه مشوار وقلت له مثلا يوم الأربعاء أو الخميس نبي نروح لكذا أو كذا قال لها أصبري بشوف الشباب يمكن عندهم طلعة!!!!!!وإلا يلغي مشوار لها لأن واحد منهم أتصل قال نبي نروح أستعد!!!!

ووحده عن زوجها جيب مجهز للبر والكشتات تقول الله يجعله يحترق كل مااشتهى واحد من اخوياه البر دق عليه قال نبي نروح وهو ماعنده مانع ويقول استحي يطلب خويي نطلع واقول له مقدر!!!!تقول تخيلوا بسبب الجيب هذا كل اخوياه يتصلون عليه اذا طقت كشتة في روسهم بدون مايراعون ان له اهل وله حياة

وحده تحب البر وتقول اترجاه يطلع بي معه ويلقى لي الف عذر بس خلي واحد من اخوياه يقول بنطلع والله مايعوقه شي وتقول كنت فرحانه قبل أتزوجه أنه يحب البر وبعد الزواج كرهت البر

صايرين رجال اليوم همهم نفسهم ووناستهم والأولوية للأصدقاء والبر والأستراحات أما الزوجة فاتنثبر في بيتها عند أعيالها

وياويل الزوجة اللي تفتح فمها وتناقش زوجها أوتعترض على الوضع أبسط وأسهل جملة مجهزها الرجال(عاجبك وإلا ....) يقول لها (هذا اللي ناقص حرمه تتحكم بي)!!

ترى ماهو لازم تكون الوحدة تحب البر زي زوجها.يعني أكيد لها أهتمامات ثانية.مثل ماانت تمارس هواية الكشتات شف هي وش تحب وعطها حقها.خل لها وقت مثل مالك أنت وتحمل الشي اللي هي تحبه مثل ماهي متحملة الكشتات وبعد الزوج عنها.

أقصد خلها تحس أنك مهتم بالشي اللي هي تحبه علشان تستحملك.

وفيه نقط ثانية أحب انبه أخواني طيور البر لها:

اولا إذا حبيت تروح لازم تكون موكل أحد ثقة في شئون بيتك واهلك.مثل لا سمح الله أحتاجوا مستشفى او اي طارىء ثاني.

بعدين لازم تترك لهم مصروف للطوارىء مثل لو أحتاجوا لمستشفى اومستوصف خاص في حال مرض الزوجة اومرض أحد أطفالك لاسمح الله حتى لوكانت موظفة او عندها فلوس لأن الشيء هذا من مسئولياتك.

وفيه شي برضه تشتكي منه زوجات الكشاتيه وهو أن الواحد يطلع من هنا ويقفل جواله من هنا

يقول يبي يريح راسه

مايدري الواحد عن الظروف وترى ماهو عيب تتصل على زوجتك تحسسها باهتمامك وانت بعيد وتخفف عنها بعدك.

فيه رجال الله يهديهم يستعيب زوجته تتصل عليه وتسأل عنه واحيانا تتصل ولا يرد عليها

وأخيرا أقول لاتضيعون بيوتكم ومسئولياتكم علشان البر.يعني الأعتدال زين في كل شيء من أمور الحياة.

الرسول عليه الصلاة والسلام قال(خيركم خيركم لأهله) يعني الرسول عليه الصلاة والسلام حط الأهل في الأهتمام في المرتبة الأولى واللي مافيه خير لأهله مافيه خير

[غريب الدار]

إذا تزوجت إن شاء الله أبحج بزوجتي >>اووف اقصد ابكشت بزوجتي

وإذا رحت للرس أبكشت بأمي

أما خواتي الأسبوع اللي راح كشت بهن >>مع اني جحدتهن الخميس ورحت مع أخوياي

مشكووره أختي غيوم

تحياتي

[احلى الايام]

غيووووووووووووووووووووووم


بانسبة لي ما انبسط في البر الا ومعي امي تاج راسي

حتى اطاعس فيها بالطعوووووووووووووس وناسه

واهم شي نواف ولدي


وبعض الحريم او ( الزوجات والامهات وبقية الاهل ) على قولتك مايحبون الكشتات ابد


وسلامتك

وارجو الاهتمام بالاهل

[ريم البراري]

جزاك الله خير والله ياخوي غريب الله يكثر من أمثالك مايخالف لك أسبوع ولهم أسبوع

[المهاجر]

الله يجزاك خير
تذكير في وقته ويحكي واقع
فعلا فإن لأهلك عليك حق

ـــــــــــــــــــــــــــــــــ

[*بنت روشه*]

مشكووور اخوي صاحب الموضوع..

كلامك صحيح.. اصلا الكشتات ما يصير لها طعم اذا ما كان فيها (نون النسوووه) :)

تحياتي للجميع..

[..غرور عجمية..]

تسلميـــــــن غيوم عالتنبيه عن جد هام

[ريم البراري]

أخوي احلى الأيام
الله يبارك فيك ويكثر من أمثالك بس أنتبه لاتعور أمك بالتطعيس

[ريم البراري]

جزاك الله خير ياخوي المهاجر

[فيصل العلي]

لفتة رائعة غيوم
/
\
/
!~¤§¦ أشكرك ¦§¤~!

[ريم البراري]

أشكر مرورك أختي بنت روشه