كشتتنا بالكسر لم الرياض دون الفياض (صور )

[سيف الرعد]

[ جميلة جدا هي الاجواء
هذه الايام فمعها تحلوا الرحلات والكشتات
لكن شئ من الله سبحانه ما أحب الرياض
لا احد يزعل
واحمر واصفر لاصار لي روحة هناك .
وحكم على إني أروح الأسبوع الماضي..
أبو نواف يا حبي له .. خال العيال
يعرف الشئ هذا قال به كشته باتسر من الفجر
قلت مشينا قال خلك والم ... قلت ابشر .
بعد الصلاة الجوال يدق الو
أبو نواف اطلع طلعت ... قال اركب.. قلت اركب أنت
ركبنا وعلى الشباب في بيت العمده الله يعمره
ماشاء الله عليهم أخذنا فنجال وركبنا
وعلى الثمامه وهناك أخذنا ذبيحتنا من مفرق الصمان
حيث الغلا بالأسعار

ثم انطلقنا باتجاه( الكسر) يقولون اسمه كذا
الأرض ممطوره ونظيفة
واللعب بالرمل استهوى الشباب
فهل هو الحنين لايام الطفولة ؟ مدري
الله اعلم

اخترنا المكان فكان جميلا جدا

وهذي جلستنا

وطعينا النار (شبيناها )
استمرت طوال الوقت مشبوبه الشقى على الرمث تمعيط
وجهزنا الفطور فووووووول محكور بالكاتم من يد سعود
وسوالف وبلوت
وفاحت الدلة

الصغار كانوا شعله

والرمث على كيفك هات وشب وهات وشب
وبلا مسحاة
ويا كليب سب النار يا كليب شبه
عليك شبها والحطب لك يجابي

قرووم القوم

إلى أن حضر عميد الخليفة الله يحفظه
ويخليه لعياله ولعيال الخليفة
كلهم زانت الكشتة بوجوده

تغدينا وعينا من الله خير وهذا بريق
وذيك دله وذيك برتقاله بس
( ماهب يالبرتقاله .. )
لين جاء الليل صلينا المغرب
مع العشاء جمعا وقصرا جازت لبعض الربع
الشباب حكروا الحليب(زبطوه ) تسنه ترجمه
( أكثر ما بالطلعة الحليب والبرتقال )واكتشفت
شئ حلو
من أهل الرياض اللي يخلف الوعد ولا يجي حسب
الاتفاق من الشباب
إذا اتصل يبي الوصف ابلشه جب وجب لو انك
ما تبي فكرة( ن )جهنمية :
بعد العشاء اساذنت أنا لوجود موعد سابق
مع احد الزملاء (بالجزيرة)
مع إن الجلسة مع الشباب ما تتنفوت ابد
وناسه وفلة حجاج وجو زين ووجيه سفره

وخيال ورشرشة مطر
تحيتي

[الوشاح]

هلا سيف الرعد .. الصور ماضهرت

يبدو ان مركز التحميل بالمنتدا فيه بعض المشاكل

[سيف الرعد]

الوشاح

تم التحميل من جديد

طبعا هذا التحديث الجديد اللي صاير بالمنتدى
اضنك لا حضا التغيرات ......الف تحية للاخ عبد العزيز على جهوده
شكرا لك اتمنى ان الصور طالعه الحين


تحيتي

[الوشاح]

ياسلام على هالجمعه ..
الله يعطيك العافيه .. وألف شكر لعبد العزيز الدبيان على ترقية المنتدى
واضح التطور على المنتدى
تحيتي للجميع

[@الموهوب@]

سيف الرعد

الله يعطيك العافيه

كشته وفلات حجاج وناسه

جعله دوم الوناسه

[غريب الدار]

ماشاء الله تبارك الله
الله يسلم اللي خلاك تجيب العزبه
وصحاك من بعد الفجر
والله طلعه تفتح النفس
الله يعطيك العافيه يابومحمد
مشكوور

[سيف الرعد]

المشاركة الأصلية بواسطة الوشاح

ياسلام على هالجمعه ..
الله يعطيك العافيه .. وألف شكر لعبد العزيز الدبيان على ترقية المنتدى
واضح التطور على المنتدى
تحيتي للجميع

اشوى يعني طلعن يالوشاح

عافاك الله


تحيتي

[احلى الايام]

ما قصرت على سردك للرحة اخووووووي سيف الرعد


كفيت ووفيت وعن يمنك ما تعديت

وفعلاً كانت الكشتة احلى من الحلى ( كريم كرملا ) وكانت اجواء جداً رائعة واروع

وحلاوتها بجمعتنا ............. اهم شي الجمعة بين الحبايب

وما نقصني في الرحلة الا

امي <----------
نواف
والدباب

بس للأسف كمرتي ضاعت وماصور الا فديوووووووووو :(

[سيف الرعد]

المشاركة الأصلية بواسطة @الموهوب@

سيف الرعد
الله يعطيك العافيه
كشته وفلات حجاج وناسه
جعله دوم الوناسه

هلا بالموهوب

تواجدك رائع يا رائع

شكرا لتواجدك والله يا توقيعك حمل الله يعين ذوي الاتصال البطئ




تحيتي

[احلى الايام]

نسيت


اقول

عجبتني الصورة



وخاصة الي جالس على اليمين شف ايش مسوي فيه


ههههههههههههههههههههه

[المهاجر]

الله يبارك والله بهالوجيه
ما شاء الله عليكم رحلة حلوة

لكن طريقة أهل الرياض رهيبة <<<< يبي يطبقها
والحمد لله على السلامة

وتحية من القلب للجميع وخاصة أبو نواف أحلى الأيام والمنتدى منور بطلته

ـــــــــــــــــــــــــــــــــ

[سيف الرعد]

المشاركة الأصلية بواسطة غريب الدار

ماشاء الله تبارك الله
الله يسلم اللي خلاك تجيب العزبه
وصحاك من بعد الفجر
والله طلعه تفتح النفس
الله يعطيك العافيه يابومحمد
مشكوور

يواعدووووووووون ويخلفوووووووووووووون
هاااااااااااه
بس عساااااااااك كشت هنااااااااااااااااااك
ويا حبي لك
اشوى اني اخذت العزبه
بس تصدق ضيقت علينا
خاصة بالرجعه


تحيتي