عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 13-12-2006, 09:17 PM   #1
عضو بارز
 
تاريخ التسجيل: Mar 2006
المشاركات: 371
قوة التقييم: 0
مملكة المحترمين is on a distinguished road
البنت اللي يهددها شاب00 وش تسوي ؟؟ تعالي اعلمك ؟؟

هــــــــــذا الموضوع
انا حطيته عشان كل بنت تنتبه لنفسها 00
بدل الوضع المزري اللي صار عليه بناتنا وشبابنا 00

أختي العزيزة

اقرئي الموضوع للأخير 00000

اسمعوا بقول لكم قصة حقيقيه لفتاة عاشت هذه القصة مع بنت جيرانهم وتقول هذه الفتاة 000

جارتي بدويه وناس ملتزمين متشددين على عيالهم 00 من قبيله معروفه 00

((من المنطقه اللي سكنت فيها )) مني قايله وش هي عشان ما أسيء لااهل المنطقه
هع000 بس اغلبكم يعرفها

المهم هالجاره عندها بنت عمرها 16 سنه توها صغيره هالبنت دايم بشوشه وحبوبه وتمزح وتضحك ودمها زي العسل 00 ومع اني مااحب اجلس مع وحده اصغر مني بس هالبنت حبيتها دايم تجي عندي وبسطه وسوالف مع اني نص هرجها مافهمه هع ماغير اهز لها راسي هع
المهم
مرت اسبوعين البنت لاحس ولا خبر 00 ولا عاد جات عندي 00 وبعد فتره شفتها
البنت وجهها صاير اسود 00 كيئبه 00 عيونها كلهادموع 00 دايم سرحاااااانه
_ وش فيك000
عيت تجاوب مافيني شيئ ارق 00 تعبانه 00 بطني تعورني المهم جلست فتره وهي كذا
قلت لها00 براحتك بس لومحتاجه شيء انا تحت امرك 00

وبعد كم يوم 000
دقت امها علي شوفي وش فيها بنتي تكفين حتى الاكل ماتاكل 000 هي ترتاح معك 00 تكفين
والله واطق عباتي وعلى بيت جارتي .......(( يعنني مصلحه اجتماعيه)) هع هع هع

المهم والله ومسكت البنت واضيق عليها في الكلام لين مااعترفت حشى استخبارات


طلعت
تعرفت على واحد كلمته لمده شهرين بس وبعدها يبي يشوفها هي رفضت ولمن رفضت تحايل عليها ولمن عيت
هـــــــددهــــــا تعرفون بايش هددها ؟؟ انه يفضحها بصوتها عند اهلها وفي الحي كله ويروح لمقر عمل ابوها ويوزعه على كل اصحاب ابوها 00 يروح عند خوالها ويعطيهم نسخه من الشريط هالخسيس 00
وش ذا الادمي 00 لعب في راسها خلاها توسوس قايمه قاعده البنت نزلت بس في خلال اسبوع 6 كيلو

لحظه

خلي نفسك مكانها ثواني بس 00 وش راح تسوين ؟؟

تطلعين معه وتفقدين شيء غالي وممكن يصورك بعد 00 وإلا تنفضحين بصوتك عند اهلك وناسك
كل واحد امر من الثاني

بس مين اللي حطك في هالموقف؟؟ (( اسمحي لي اقول لك غبائك))

خلينا نحط الاحتمال الاول طلعتي معه ؟؟ وبعدين وش راح يصير00
تندمر حياتك كلها وعشان ايش 00 عشان واحد حقير مايسوى رجولك

طيب لو فضحك عند اهلك وش راح يصير ؟؟
تنضربين يوم 00 يومين 00 شهر00 شهرين هذولي اهلك واحن ناس عليك حتى لو انفضحتي قول لهم انا ماطلعت معه 00 كانت غلطة وانتهت 00 كان درس واتعلمت منه 00 واكيد مع الايام يسامحونك


هذي كانت الاحتمالات بس الواقع ادري انه صعب 00

المهم نرجع للقصه 00

جلست تبكي تصيح قول لي وش اسوي 00 انا بنتحر 00

_ قلت لها علمي امك ولا واحد من اخوانك

- لاااااااااااا والله اني انتحر اهون علي من اني اعلم امي ولا اخوي

_ -طيب
تبيني اعلم احد من اخواني يمكن يساعدك
__ لااااااااااااااا امانه لااااااااااااا ماابغى الموضوع يوصل عند احد خليه بيني وينك


- طيب وش تبيني اسوي
--- انا بطلع معه
__ مجنونه انتي اطلعي عشان تروحين واحد00 وترجعين اثنين
عطيني بس يومين افكر لك في شيء

وبعد تفكير طووويل وتخطيط 00000

اسمعي دقي عليه هالحقير الحين وسجلي تهديده لك وحاولي تبيني نفسك ضعيفه
والله وطلعت شاطره وسجلت له

و طلعنا عليه برنت كاااامل اسمه وعمله وكل شيء يخصه
طيب

وبعد يومين

اخذت منها الجوال ودقيت عليه و دار هالكلام بيني وبينه
الو فلان
ايه
فلان بن فلان الفلاني
مين انتي
مالك خص
اللي بيتكم في الحي ال ؟؟؟؟؟؟

وعملك كذا وكذا
الرجال تجنن تجنن تجنن انتي مين مين
هع هع حلال فيه

--- شوف كلمه وحده بقولها لك تبي تفضح فلانه افضحها 00

وانت برضوا راح يصير لك نفس الشيء

هذا صوتك وانت تهددها وانت تطلب منها تطلع معك (( وسمعته صوته ))

لو ينتشر صوتها في أي مكان راح احط اسمك بالكامل وصوتك وانت تهددها(( احطه في النت ))

ولو انتشر في النت 00 الامير سلمان الله يعطيه العافيه ماراح يسكت على موضوع زي كذا وراح تتبهذل بهذله
لانه مايرضى هالشيء يصير 00 وانت تدعوا للفساد اكيد فيها جلد وسجن وتشهير
هذا من غير ماينتشر عند اهلك
وفي عملك وبين اعمامك واصحابك
وتصغر بعينهم 00 و و و و
هذا من غير مااسلم الشريط للهيئه 00

عقلك براسك تعرف خلاصك 00 ولا تخلي الشر اللي فيك يدمر حياتك ويلوث سمعتك انت واهلك
فكر في اهلك قبل ماتفكر في نفسك ماراح تستفيد أي شيء 00
وسكرت السماعه
بعد يوم واحد بس
دق عليها
خلاص يابنت الناس روحي في حال سبيلك
بس سألتك بالله لاينتشر شيء عني
وانا اوعدك مااقرب يمك بس فكيني من شرك الله يلعن ال؟؟؟؟ اللي عرفتك فيه وسكر السماعه


*********************************

انتهى اللي تستفيد من هالموضوع امانه تدعي لي ربي يحقق امنيتي .

لحظه على فكره

مو الكل تنفع معهم حيله زي كذا 00 ممكن يحطك في راسه 00 و يصير اللي
مالا تحمد عقباه 0
عشان كذا فكري في هالموقف قبل ماتلكمين اي واحد
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مملكة المحترمين غير متصل  

 
قديم(ـة) 14-12-2006, 03:20 AM   #2
عضو اسطوري
 
صورة بسمـة ألــــــم الرمزية
 
تاريخ التسجيل: Apr 2006
البلد: القمـــــر
المشاركات: 17,637
قوة التقييم: 0
بسمـة ألــــــم will become famous soon enough
Arrow




`•.¸¸.•¯`••._.• ( تُشكر اخي على الطرح ) `•.¸¸.•¯`••._.•
القصهـ المذكورهـ في الموضوع تحدث بشكل شبهـ دائم بين فتياتنا .. اخي .. الفتاهـ لا تنجرف و لا تنحرف بلا أسباب .. أعتقد أن أحد أسباب إنحراف كثير من الفتيات .. هو الإهمال العاطفي من الأسرهـ .. حين تكون بـ أمسّ الحاجهـ إلى الحنان .. فتلجأ الفتاهـ إلى البحث عن هذهـ العاطفهـ .. من خارج أسرتها .. خارج محيطها .. فلا تلبث أن تسمع كلام معسول .. من أحد الذئاب البشريهـ .. إلا و تصبح مثل الخاتم بيد هذا الشاب ..

:

أما هذهـ الفئهـ من الشباب (( أو الذئاب كما أسميهم )) المذكورهـ في القصهـ .. ليتهم يملكون ذرهـ من الإحساس و يخافون اللهـ في اخواتهم ..
و لـ يعلموا .. أن الزاني سـ يُزنى بأهلهـ ..

تحياتي ..



__________________
بسمـة ألــــــم غير متصل  
قديم(ـة) 14-12-2006, 04:50 AM   #3
√ تمشي مـلكـهـ √
 
صورة واثقـــ الخطـــــــى ـــة الرمزية
 
تاريخ التسجيل: Mar 2006
البلد: في قلوب أحبابي
المشاركات: 2,357
قوة التقييم: 0
واثقـــ الخطـــــــى ـــة is on a distinguished road
وانتي الصادقة بعض البنات غبيات ومايعرفن وش نهاية الدرب اللي يمشن فيه >>>الله يعافيهن ولايبلانا

لكن والله انا مره سمعت محاضرة تتناول هالموضوع وقال الشيخ ان فيه بنات يعرفن ان الشباب راح يخدعونهن وانهن على غلط ويكون ردهن انهن قاعدات يتسلن ويضيعن وقت الفراغ ومانقول الا الله يحمينا وبنات المسلمين من كل شر وفساد سببه الأفكار الدخيله علينا من الغرب
__________________
واثقـــ الخطـــــــى ـــة غير متصل  
قديم(ـة) 14-12-2006, 11:38 AM   #4
مشرف سوبر
 
تاريخ التسجيل: Aug 2004
البلد: المملكة العربية السعودية
المشاركات: 14,939
قوة التقييم: 30
abu naif has a spectacular aura aboutabu naif has a spectacular aura aboutabu naif has a spectacular aura about
الله يبعد الشر
بس ليش الشاب دايم مظلوم
-
__________________
.
.
abu naif غير متصل  
قديم(ـة) 14-12-2006, 11:44 AM   #5
عضو مبدع
 
تاريخ التسجيل: Oct 2005
البلد: الشرق الأوسط...!!
المشاركات: 1,430
قوة التقييم: 0
Big_Brother is on a distinguished road
البداية "تسلية وترفيه وقضاء الوقت"..
النهاية "حب جارف وهمي و تعلّق وتهديد بالأنتحار و أبتزاز وتمريخ السمعة بالتراب و و و ألخ"

شكرا لك مملكة المحترمين..
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
Big_Brother غير متصل  
قديم(ـة) 14-12-2006, 12:27 PM   #6
عضو متألق
 
تاريخ التسجيل: Jun 2005
البلد: ان ماي هاوس .. خخ
المشاركات: 812
قوة التقييم: 0
امرأهـ من جليد is on a distinguished road
::

مـوضـوعـ فـي الصمـيمـ " ممـلكـة المحتـرميـنـ "

اقتباس:
أعتقد أن أحد أسباب إنحراف كثير من الفتيات .. هو الإهمال العاطفي من الأسرهـ ..
هـذا سبـب من الأسبــاب .. ولكـنهـ ليـس الأهــمـ !!

ولعـلـ أهـمـ هذـه الاسبـب اللتي تدعـو البنت إلـى الإنحــراف .. هــو غـيـاب الـوازعـ الدينــي !!
واذا غـاب الخـوف من اللـهـ .. فلـن تهتـمـ لأي شـيء

::

أمـا بـالنسبـهـ للذئـاب البشـريـهـ (( كمـا اسمتهـمـ بسمـة ألـمـ )) فهـمـ لايفكـروا بعــواقـب مــايفـعلــون .. لـن يفكـروا الا بـاللحـظـهـ نفسهـا
.. ولا يعـلمـون ان الدنـيـا سوف تدور عــليـهـمـ .. وكمـا فعـلوا ببنــات النــاس .. سيفعــل بأخــواتهـمـ أو بنــاتهـمـ .. إلا ان يتـوبـوا الى اللـهـ !!

..

اقتباس:
بس ليش الشاب دايم مظلوم
ليـسـ مظــلومـ .. بـلـ الذنـب كــلـهـ بقــعـ عــليــهـ !!
هـلـ سمعــت عن فتــاة أغــوت شــاب ؟؟
مــوجـود ولكــن ليـس بكــثرة الفتــيـان الذيـن يغــوونـ الفتيــات !!

"

مملكـة المحتــرميـنـ

/

أعتــذر عــن الإطــالـهـ ..

..

أحتــرامــي

__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
امرأهـ من جليد غير متصل  
قديم(ـة) 14-12-2006, 01:09 PM   #7
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
حسبنا الله ونعم الوكيل
الله يستر علينا وعلى بناتنا وبنات المسلمين
شكرا لك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 09:42 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19