عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 20-12-2006, 10:44 PM   #1
عضو بارز
 
تاريخ التسجيل: Nov 2006
المشاركات: 384
قوة التقييم: 0
راع الثميد is on a distinguished road
معكيـل من صعده00





مكعيل هذا رجل بسيط يماني من صعده .. بلغني انه من يهود اليمن ....
الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب "قواطي متربه" ...!

الناس تروح وتجي وتبيع وتشتيري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
هاك اليوم جا احد المحسنين .. وعطف عليه ،
قال له : مكعيل .. وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!

الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع ..

اندهش المحسن ..!
قال : طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
ابي اتقرب الى الله وافك عقدته واشتريها منه وخلصنا ..
والصدقة تجوز على الكلب..
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ..

وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...

قال المحسن : شفيك ... شفيك .. خير .. عسى ما شر .. مالك يا مكعييييييل ؟؟؟! "بلهجتهم"
قال مكعيل : العلب اللي شريتها مني .... ، قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها منطوله .. قال : ايه .. موجوده
قال مكعيل : تبيعها ؟

اندهش المحسن وفغر فاه .. قال : انا الحين مسوي فيك خير ومخلصك منها ..
تجي تشتري ثانية .! والله ما تلقى احد ياخذها منك بعدي ..

قال مكعيل : اخلص علي .. ابعطيك فيها ربح بس تكفى بعني اياها ...
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ...
قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..

يوم جا العصر والا هالرجال الطيب معلم جيرانه كلهم عن مكعيل وسوق مكعيل ..

قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..

اندهش الجميع وبدأ سوق مكعيل يثير فضول الجميع حتى التجار الشطار ..

جوا عنده اليوم الثاني والا هو صاف له 20 قوطي ومعبيهم تراب ....
الناس تطاقوا عنده .. كل واحد يبي يلحق له اكبر كمية قبل غيره ..
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطه ...
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة ..
ادخلها بسطته بدون علاوة اصدار حتى ..

وعباها تراب وبسط فيها اليوم الثاني

صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..

المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق

وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة والا البسطة باللي عليها ممسوحه مسح ..
مكعيل يالله امداه يتلاحق

عاد الاخوان هناك في صعده يقعد قدام بسطته القرفصاء ..
راز ركبه ورافع وزرته ما تميز وقت الزحمة ..

حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..

عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .

راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني ....!!!!!!!! عسى ما شر .

قال : صحيح .. صحيح ... والله انا غيرت النشاط ....!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!

صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ...
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد احدهم ويحاول يرميها على الثاني بأي شكل ،

وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ...

المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..

معقولة نشتري علبة مصدية وما فيها غير تراب بما يعادل قيمة بقره حلوب ...؟!!!!!!!!

وهالحين .. يعني هالحين حنا يوم شرينا الاسماك بـ 400 ريال .. او بيشه بـ 280 ريال او الباحة بـ 220 جينا نناظر السهم مالقينا في بطنه ولا تراب حتى ؟ وش السواة فيه ؟؟
يعني التراب ينفع للبناء مثلا ..

وينك يا مكعيل تجي تشتري ما بعته علينا ولو بأقل بنصف التكلفة ..
.. هذا حالنا مع سوقنا .. سوق مكعيل ..

عاد مكعيل هذا يهودي .. ولعبها صح .. وحنا مسلمين .. ولكن على قولة الشاعر..
من بد صهيون بذتنا صهاينا ..
السؤال اللي يمردغ نفسه : من هو اليهودي اللي وصلنا هالمواصيل ؟

..... شر البلية ما يضحك ...
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر من قام بالتعديل صوت الرس; بتاريخ 20-12-2006 الساعة 11:44 PM.
راع الثميد غير متصل  

 
قديم(ـة) 21-12-2006, 12:43 AM   #2
عضو بارز
 
تاريخ التسجيل: Dec 2005
البلد: في غِطاء .... قلمي .!
المشاركات: 331
قوة التقييم: 0
أبوفيصـل is on a distinguished road
اقتباس:
السؤال اللي يمردغ نفسه : من هو اليهودي اللي وصلنا هالمواصيل ؟

:)

.
.
أبوفيصـل غير متصل  
قديم(ـة) 21-12-2006, 01:29 AM   #3
عضو اسطوري
 
صورة ســــاري الرمزية
 
تاريخ التسجيل: Aug 2006
البلد: .. الكوكب المسكوون ..
المشاركات: 36,695
قوة التقييم: 0
ســــاري is a jewel in the roughســــاري is a jewel in the roughســــاري is a jewel in the rough
::

اخي الكريم راع الثميد ...

موضوعك المنقول جيد وفي حينه ...

لكن حسب اطلاعي على المنتدى انه قد سبق وأن نقله كل من ...

الاخ الكريم سيف الرعد في منتدى القصص

والاخ الكريم صالح الحناكي في المنتدى العام

للتذكير فقط لاغير ..

محبك / ســــــاري ،،،،


::
__________________
ربّ اغفر لي و لوالدي و بُنيّتي و اعلي درجاتهم في علييين،،



ســــاري غير متصل  
قديم(ـة) 21-12-2006, 09:58 AM   #4
مشرف المنتدى الأدبي
 
تاريخ التسجيل: Dec 2005
البلد: الرس
المشاركات: 2,144
قوة التقييم: 15
خلف is on a distinguished road
قصة رمزية ومطابقة لحالنا وحال الاسهم لكن اعتقد ان مافيها يهودي ( اقصد الاسهم ) .. لكن الفعل فعل يهودي

.... يعني (( المكاعلـه )) عندنا واجد .... حسبنا الله ونعم الوكيل .

هنا اذكر قصة النصاب الامريكي الذي اعلن في صحف بلده : من يريد ان يكسب مليون دولار في وقت قصير

يرسل لي دولارواحد وسوف ارسل له الطريقة بالبريد . وهكذا جمع الملايين ثم ابلغهم ( اعملوا كما عملت ) !

ياناس اين العقول ... هل اللهاث خلف الفلوس يضيع النفوس .. اقصد العقول ؟؟؟

شكرا لراع الثميد وعسانا من قصته نستفيد .



&&&&&&&&&&&&&&&&&&&&&&&
__________________
خلف غير متصل  
قديم(ـة) 21-12-2006, 02:15 PM   #5
عضو متألق
 
تاريخ التسجيل: Nov 2006
المشاركات: 759
قوة التقييم: 0
قصيمي نت is on a distinguished road
هههههههههههه هو ميعيكيل بس عندنا اخوه نكبه صعده اقوووووووووووول الله
يخارجنا من ذالحااااااااال
قصه طريفه بالفعل مشكووووور ياراع الثميد 0
انا اول مره اطلع عليها ياخوي ياساري اللي فات مات والاجيال تتجدد وهلا بك
قصيمي نت غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 12:28 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19