عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 24-12-2006, 12:35 AM   #1
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
في الرس ..بيتزا هك ... وليست بيتزا هت

السلام عليكم ورحمة الله وبركاته
الله يعينكم على اللغة العربية العامية الفصحى ...
مسيكم بالخير
هنا ...ترددت كثيرا...قلت ياولد ... يعني ما يصير تكتب بخصوص مطعم بالرس ...والإخوان داخلين بحوارات من العيار الثقيل ... بس بالأخير أقنعت روحي وقلت انطلق ولاعليك ...فنحن هنا في محيط الأنترنت ..قل ماتريد فيما لا يغضب الله ورسوله ولا يخالف العرف
.
.
بين وفينه وأخرى أهتش إلى عنيزة (العزيزة على قلبي) << اللي بين قوسين مغصوبن عليه ...ومن ثم اخطم على بيتزا هت ...وأشتري منها قحشتن من البيتزا يجي لهن وحدة أو ثنتين ...همن أكلم المحاسب وأقول له متى تفتحون بالرس فرع ... يرد علي بدبلوماسية ويقول اندري عنكم وش دران انا ....انا مجرد محاسب ... وش شايفن المدير العام حق بيتزا هت ؟؟
أرد أنا وأقول ياخي لاتعصب طيب ...اهوه بتزاي لاتنتلي شيرة من سعابيلك ..وآخذه وأنطلق لم الرس ...
همن بانت أسارير الفرج << هي تجي تسذا صح يالحادي أو لا ..ارسل لي رسالة خاصة لاتفشلن قدام الناس همن اجي أنا واحرر الهرج وأقول خطأ مصبعي
المهم اقول لكم ...ويوم من السنين طقوا لنا لوحة بيتزا هت ... وصار شغلنا الشاغل متى تفتح ... وملينا وحنا نحتري ...ويوم قضينا مالين نحتري ...ومير نحتري مرتن ثانية عن قولت ما ملينا واجد....وكنت اسالي فرع عنيزة عن التأخير يقول لي مافيه عمال
المهم ...داااااااارت الأيام .....ومير يفتح الفرع هكاليوم فجأة ...وكنت على الموطر ومعي هزيمة والوراعين ...وعند الإشارة كنت هاجن اثمي << بلغة عنيزة وبريدة وافمي بلغة الرس
المهم .. قلت لهزيمة ... شوفي شوفي .... قالت وشو؟
قلت افتحوا فرع بيتزا .... ياحظنا ....ياحظنا ...ومير اقعد اخمخم عييلي بالسيارة ودموع الفرح تقل نوافير ...قالت هزيمة مر خل نتأكد ..وفعلا رحنا وحيوطنا من الخلف وفعلا لقينا واحد يطلب ... المهم ...
عندي هرجن واجد بس ما أبي أطول الهرجة ...عشان ماتملون وتقولون وش هالغثيث
رحت ليلة السبت اللي هي البارح ودخلت فرع بيتزا هت ..اقصد بيتزا هك ...وطلبت بيتزا بيبروني لأني ذقته في فرع دومينوز بيتزا بعنيزة وجازت لي
قلت إذا دومينوز هذا شغلهم اجل بيتزا هت وش يصير !
المهم واطلب ثنتين وحدة رقيقة ووحدة سميكة ...+ خبز بالثوم ...واروح اخلص كم شغل ورجعت وأخذت الطلب .. حطيته بالسيارة...واشم ريحة ...
بسم الله ... وش ذا .؟؟
قلت ممكن الريحة من خبز الثوم ... أو يمكن لأني ماتروشت من ثلاث ايام ....أو يمكن بسبب ان شي ما ادري وشو ....المهم انه فيه شي غطأ << جامعن غلط وخطأ مع بعض
واروح للبيت ...ونحطه على السفرة ..وحنا متشققين من الوناسة ...لدرجة إني رحت وعلقت كراتين البيتزا بالجدار بشطرطون عشان الجيران يشوفون اننا متعشين بيتزا هت
وأرجع عشان أتعشى ...
وش ذا ؟؟
وش هالطعم .؟؟
وراه مالغة << كنت أقول هالهرج لهزيمة وهي مثلي طايرتن عيونه ..ولا اكلت منه إلا قطعة وحدة
والله حسافة عليهم المبلغ اللي دفعته ...اللي شريت ما يطلق عليها بيتزا ... هي نعمة أكيد والحمد لله على نعمته ... بس بيتزا أي مطعم بأي مكان بالعالم أزين وأرخص منه ...
وأصبت بصدمة ... ولحقت علي هزيمة وحطت مكان الصدمة باقي الشطرطون اللي لصقت بوه الكراتين عشان ما ينزف دم
اليوم بالدوام سألت خويي أبو تركي ... أنت جربت بيتزا هك ؟
قال ياشيخ لاتذكرن أخذته يوم الخميس اللي اطرافها جبن ...أخذت بالدجاج واللحم وله ريحة ...خصوصا اللحم
خلاصة الكلام ياجماعة اننا صمنا ...وأفطرنا على بصلة
هذا غير إن الفرع غير مكتمل ....وله ريحة أول ماتدخل ...
.
.

لذلك ...أنا شطبت عليهم ...لأنه فعلا بيتزاهم هك
من جرب يعطينا خلاصة التجربة
وسلامتكم
وسامحونا

آخر من قام بالتعديل هزيم الرعد; بتاريخ 24-12-2006 الساعة 01:00 PM.
هزيم الرعد غير متصل  

 
قديم(ـة) 24-12-2006, 12:37 AM   #2
عضو مبدع
 
صورة ذُرا الرمزية
 
تاريخ التسجيل: Dec 2006
المشاركات: 1,175
قوة التقييم: 12
ذُرا is on a distinguished road
هههههههههههههههههههههههههههههههه فعلا بيتزا هك ..

شكل الدقيق اللي هم يمطرسون به بلية ثانية مهب دقيق ..

ابوكم متنفخ مهب مثل تنفخ البيتزا اللي نعرفه من بيتزاء هت ..

فعــــــــلا هنا انا اقف معك اخي ..
__________________
عظيم الهمة لا يقنع بملء وقته بالطاعات ، وإنما يفكر ألا تموت حسناته بموته
ذُرا غير متصل  
قديم(ـة) 24-12-2006, 12:47 AM   #3
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها ذرى مشاهدة المشاركة
هههههههههههههههههههههههههههههههه فعلا بيتزا هك ..

شكل الدقيق اللي هم يمطرسون به بلية ثانية مهب دقيق ..

ابوكم متنفخ مهب مثل تنفخ البيتزا اللي نعرفه من بيتزاء هت ..

فعــــــــلا هنا انا اقف معك اخي ..
وعلى قولة المثل شين وقوي عين ... مخلين المطعم مفتوح للجميع ومافيه اي حواجز .. يعني اللي يجي يطلب يشوف كل شي قدامه ...
أصلا انا من يوم شفته يطلع العجينه اللي هكالكبر مدري وش لون قايلة وانا ما ارتحت له ... رحا مهوب عجينة
خسارة والله ... مالي عن اروح استقر بعنيزة
مشكورة أخيتي
هزيم الرعد غير متصل  
قديم(ـة) 24-12-2006, 12:47 AM   #4
عضو بارز
 
تاريخ التسجيل: Dec 2001
البلد: الرياض
المشاركات: 568
قوة التقييم: 0
الرساوي is on a distinguished road
بصراحة جربت البتيزا حقته أول مافتحوا وقبل خمس ايام وأمس

كلها مثل بعض مافيه فرق

مثل البيتزا اللي أخذها من الرياض واللي أخذها من برى السعودية واللي بالرس مثل بعضه

بس يمكن أنت ماكنت مشتهي للبيتزا ومتغصبه وأنت تلقاك مشتهي كبسة ولا بروست
__________________
اللهم إنا نسألك العفو والعافية
أبو سليمان
الرساوي غير متصل  
قديم(ـة) 24-12-2006, 12:52 AM   #5
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها الرساوي مشاهدة المشاركة
بصراحة جربت البتيزا حقته أول مافتحوا وقبل خمس ايام وأمس

كلها مثل بعض مافيه فرق

مثل البيتزا اللي أخذها من الرياض واللي أخذها من برى السعودية واللي بالرس مثل بعضه

بس يمكن أنت ماكنت مشتهي للبيتزا ومتغصبه وأنت تلقاك مشتهي كبسة ولا بروست
شف يا خيي ....فيه نقطة ...ممكن تكون دومينوز بيتزا متفوقة عليهم بهالنوع ....<< اللي هي ببروني
بس تبقى سالفة الريحة ...
بالنسبة لي البيتزا مفضلة أكثر من الكبسة والبروست ...
<< نباتي
مشكور وماقصرت
هزيم الرعد غير متصل  
قديم(ـة) 24-12-2006, 12:52 AM   #6
عضو خبير
 
صورة البس الاسود الرمزية
 
تاريخ التسجيل: Aug 2006
المشاركات: 5,308
قوة التقييم: 0
البس الاسود is on a distinguished road
وش فيها الكليجا احلى من البيتزا

ابجرب غدآ واخبركم
__________________
البس الاسود غير متصل  
قديم(ـة) 24-12-2006, 12:54 AM   #7
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها البس الاسود مشاهدة المشاركة
وش فيها الكليجا احلى من البيتزا

ابجرب غدآ واخبركم
من جايب طاري الكليجا ؟ << شك بنفسه
ننتظر تجربتك أخوي
ومشكور وماقصرت
وهلابك وبكل البساسة السود والبنفسجيات :)
هزيم الرعد غير متصل  
قديم(ـة) 24-12-2006, 12:59 AM   #8
عضو بارز
 
تاريخ التسجيل: Dec 2001
البلد: الرياض
المشاركات: 568
قوة التقييم: 0
الرساوي is on a distinguished road
اقتباس:
المشاركة الأساسية كتبها البس الاسود مشاهدة المشاركة
وش فيها الكليجا احلى من البيتزا

ابجرب غدآ واخبركم
الظاهر فيك عرق من بريدة
__________________
اللهم إنا نسألك العفو والعافية
أبو سليمان
الرساوي غير متصل  
قديم(ـة) 24-12-2006, 01:00 AM   #9
عضو مشارك
 
تاريخ التسجيل: Dec 2006
المشاركات: 20
قوة التقييم: 0
الطائر الجريح is on a distinguished road
اصلا عادي وجوههم مثل قفاهم
الطائر الجريح غير متصل  
قديم(ـة) 24-12-2006, 01:01 AM   #10
عضو مشارك
 
تاريخ التسجيل: Dec 2006
المشاركات: 20
قوة التقييم: 0
الطائر الجريح is on a distinguished road
اي شي منتفخ حتى لو هو كليجا ممتاز
الطائر الجريح غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
الأماكن السياحيه بالرس عضو متلطم منتدى السفر و الرحلات البرية والصيد 12 10-02-2007 04:41 PM
اين اذهب بضيوفي بالعيد عضو متلطم منتدى السفر و الرحلات البرية والصيد 19 03-01-2007 10:35 AM


الساعة الآن +3: 05:19 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19