العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

موضوع مغلق
 
أدوات الموضوع انواع عرض الموضوع
قديم 04-01-2007, 02:49 AM   #1
صدى الحرمان
عضو مميز
 
تاريخ التسجيل: Nov 2005
الدولة: هنـــــــــاكـ
المشاركات: 250
معدل تقييم المستوى: 0
صدى الحرمان is on a distinguished road
Talking البـــر بريرهـ والهـــم بالديرهـ’’>>صور<<




السلام عليكم ورحمة الله وبركاته,,

ياللهـ حيهم ياللهـ حيهم,,

تسيف انتم؟؟
وتسيفكم مع البرد والثلج؟؟

خبركم بهالعيد الناس يكشتون ويرحون وهه وهه وهمانا كشتنا وهماي التقط بعض الصور,,

قلت الوكاد اني اسدحها لكم مع نبذهـ لسواليف وخربشة الكشتهـ,,






بها المناسبه احب ان انشد هذي القصيده الجميله


بطه يابطه شيلي الشنطه شنطه خفيفه زي الريشه وق واااااااااق واااااااااق










بس عاد قضينا مصالهـ وثقل دم,,




][][ البـــــر بريرهـ والهـــــــم بالديرهـ][][


<<<<< صدق من قالها >>>>>>




هذا اللهـ يسلمكم هالسنه عيدنا ماش ثقل دم الناس كلهم حاجين وماغير متقرعطين بهالبرد ويامتحضنين الدفايات والا النار اللهم ياكافي,,
غدت وجيهنا تسنها فحمتن سوداء الله ينجينا من نار جهنم,,

لذلكـ قررنا نكشــــــــــــــت,,


عاد تجهيزات للبر من ماء وزوالي وحطب وقدور ومواعين وعزبه..وفروه لإحتياطات البرد القارص..وشسمه وقراميش وخشاخيش وفرافيش ..المهم عاد..

وتالي الليل ماتشوفون الى هالسحالي متبطحين على السرير يابنت مانسينا شي ويابنت كل شي جاهز ,,
هاااااااااه شلتي الباصرهـ اييييييييييه شلتها والكورهـ اهم شي ايه ايه شايلينها والقلم والورقهـ نحتاجهن هناكـ خبرتس عارفهـ احب الشخابيط ,,



وما ان أتى الصباح الباكر ومع زقزة العصافير وصفارات الانذار (اخوي) بدأت العايلهـ الكريمهـ بالادهار,,

واستيقظت الفأرهـ<<<<بنت اختي الصغيرهـ,,

صدى وااااااااااااااااااااااااء صدى واااااااااااااااااااء

وش بلاتس انتي بعد,,
واااااااااااااااااااااء واااااااااااااااااااء تهي تهي
خلاص خلاص وش بتس ياوجه العنز<<تمدح

واثر هالتمساح اخوي مقومينووووووهـ غصب ونام بالصالهـ وازعجتوووووووهـ ورجفها رجفة اودت بحياتها خخخخخخخ

الوكاد اني فتحت شنطتي حقت الكشتهـ وعطيتها حلاوة مصاص ابو علك خخخخخ

ثم نزلت الى الدور السفلي<<<اخص
والقى العايلهـ مسفهلين يتقهوون وحنيني وسنع فالتقط هذه الصوره على غفلتن منهم وهم قد أكلوا الاخضر واليابس هع







وبدأنا بالانطلاااااادز للسيارات هه 8 وان تأخرنا 8 ونص

بيييييييييييييييييييييييب طاااااااااااااااااااااط يا ام شوشهـ انتي امشي خوذي ولدس اخوانا ركبيهـ معتس اوب رايحتن بذاك وعيالتس جادعتهم عندنا خخخخخ

بييييييييييييييييييييب وانطلقت السيارت

قبل هذهـ اللحظه هناك مشهد مبكي تهي تهي

كنت انا بجلالتي سوف اركب مع اخي الصغير<<<يمديكم عالفصحى
ووحيده سوف تركب معي<<<اتعب صراحه
لكن حصل مالم يكن في الحسبان
لقد جرت امي شعر وحيدهـ وضفتها معها بالسيارهـ الاخرى وقالت مالتس مكان بذاك وصدى مهب طايرهـ

واااااااااااااااء واااااااااااااااااااااااء وااااااااااااااااء واخذتها بالاحضان ثم انصرفت,,


وانطلقنــــــــــــــا الى البر,,
وفي هذهـ الاثناء كنا عند الاشارهـ,,
وعيال اختي فضحونا فاتحين الشبك وصراااااااااااااااخ سبقناكم سبقناكم,,
واخوي يلعن لا ابوكم لا ابو اللي يكشتبكم ياعيال اللذينا دخل راسك بعد انت وش مطلعووووووووووهـ,,
زاد امك وراهـ ما اخذكـ معه ,,

وما ان دخلنا البر حتى التقط هذهـ الصورهـ,,


وهـ بس




وبدأت الاتصالات بين السيارتين,,
للاتفاق من يأتي بالدبابات,,
وهنا بدأت بدق الرقبهـ من الاسفهلااااااال,,
انتم خلوها علي بس وصفولي مكان الاجار وأجيب الدباب,,
حتى التفت الي اخي وسحقني بتلك النظره التي جعلتني اصنم لمدة لاتقل عن ساعه,,
ولسان حالي يقول ماهذا ياصدى انثبري وعضي على شحمه,,



وهنا وصلنا البر,,

وبدؤا الاطفال الشهبان بالانطلاق الى النفود,,

وبدأت انا والصبايا الملاح بتنزيل العفش,,


وهذهـ صورهـ للعفش بعد تنزيلهـ وطرحة امي ترفرف عاليسار,,





وتلك صوره الرواق هناكـ,,


وبدأنا بتجهيز الفطور,,
واليكم صورة فطور السحالي,,
واليد اللي عاليمين لايفوتكم اخوي جاين يشحذ جبن خلص حقهم هع,,





وما ان حمدنا اللهـ بعد الفطور حطوا الحطب بيولعون النار,,



وبدوا الورعان يلعبون بالكورهـ,,
وهذي صوره الكورهـ,,





وذاك طفل تائه يبحث عن امهـ’,,



وما ان اتت الساعه الواحدهـ حتى بدأنا بالادهار للغداء وتدخيل اللحم والبصل بالاسياخ,,





وهذا بصل وحيدهـ الله يروحبها هي والبصل,,








يتبع *. -

__________________
عزيزي القلب
رجاء توقف عن الاهتمام بكل شي
مهمتك فقط هي ضخ الدم
ودع الباقي ل
عقلي
صدى الحرمان غير متواجد حالياً  
قديم 04-01-2007, 02:53 AM   #2
صدى الحرمان
عضو مميز
 
تاريخ التسجيل: Nov 2005
الدولة: هنـــــــــاكـ
المشاركات: 250
معدل تقييم المستوى: 0
صدى الحرمان is on a distinguished road
Talking


للمعلوميهـ اللي طبخ الغداء الشيف اخيي الله يطول بعمرهـ,,
واللهـ ياعليهـ كبسهـ تشق القلب ,,
وهذي صور للغداء وهو يطبخه وبعض الصور فيه عالجنب القهوة والشاي,,
ووووووووووووووهـ بس وهـ,,



/



/



/



/



/



/


^
لاتفوتكم التربيعهـ يمخمخ عالغداء هع,,




وهذا صور الشوي مو واضحه مره من الدخان,,,,



/



واللهـ يافاتكم وحنا ناكل كنت بصور بس والله من الجوع نسيت روحي,,
والريحــــــــــــــــه وهـ بس طارت بمخي وجدعت الجوال,,
ووووووووهـ بس






يتبـــــــــع * . -
__________________
عزيزي القلب
رجاء توقف عن الاهتمام بكل شي
مهمتك فقط هي ضخ الدم
ودع الباقي ل
عقلي
صدى الحرمان غير متواجد حالياً  
قديم 04-01-2007, 03:00 AM   #3
صدى الحرمان
عضو مميز
 
تاريخ التسجيل: Nov 2005
الدولة: هنـــــــــاكـ
المشاركات: 250
معدل تقييم المستوى: 0
صدى الحرمان is on a distinguished road
Talking

وتغدينا واسفهلينا وجاء العصر وبدينا عاد نتقهوى..والناس مبسوطه وأنا ماغير ( كشك كشك كشك ) اصور ومسفهله



/



/



^
وهذي صورة فنجال القهو حقي هع






وأهم شي صورة حلاو البقر هع



/



^
ياقددددددددددددموووووووووهـ,,


ويوم خلصنا متقهوين ونجيب الشاهي,,



/



/






وهذا اخيي مسفهل بالدباااااااااااااب,,




^
فديت هالعصقول,

وعندي صوره لي وانا بالدباب بس اووووووووب حاطتها<<<باند





وهذا قميص ام الله يخليها لي وووووووهـ بس<<وش بقى ماصورتيه؟




وفي هذهـ الاثناء انطلقت الوادهـ الله يطول بعمرها للبحث عن اثلهـ ليقظوا الاطفال حاجتهم هناك وتلك هي الصورهـ وهي تبحث,,





وعالساعه 4 بدينا نلعب حكم هع,,
وهذي الصورهـ,,
شوفوووووون انا اكثر وحدهـ كاسبه,,
هع هع



/



^
شوفوا درجات,,



وهذي صوره الجمـــــــــــر واللهـ ياهي شي,,





وهذي صور الغروووووووووووووب,,



/



/






^
وهذي الله يسلمكم اخر صورهـ التقطتها وحنا في طريقنا للعودهـ وكلن منا يحلم بحمام دافئ بعد هذهـ الكشتهـ,,,






إلى هنيا انتهى حتسيي قسمن ضلوعي تكسرن وجتني يبوسه وانا جالستن اكتب..



كانت معكم مراسلتكن السيلانيه هع
من فوق الطعس..
لمزيد من المعلومات زورو موقعنا على الشبكه العنبكوتيه
دبليو دبليو سدى آت الهرمان دوت كوم






وأخيرا,,

مايستفاد من الكشتهـ والحتسي اللي فوق,,


لاعمركم تكشتون من غير تخطيط مسبق,,
ولازم يصير معكم شيف والا تراكم تبي تبلشون,,
وكل واحد يمسك بزرووووووهـ معووووووووووهـ,,
وعند الاشارات قفلوا الدرايش,,
واللي مايعرف الصقر يشويه<<<تسنها خطمه خخخخخخخ






يامحلا الفنجال مع سيحة البال
في مجلسن مابها نفسن ثقيله



__________________
عزيزي القلب
رجاء توقف عن الاهتمام بكل شي
مهمتك فقط هي ضخ الدم
ودع الباقي ل
عقلي
صدى الحرمان غير متواجد حالياً  
قديم 04-01-2007, 03:00 AM   #4
فيصل العلي
 
الصورة الرمزية فيصل العلي
 
تاريخ التسجيل: Sep 2005
المشاركات: 1,893
معدل تقييم المستوى: 0
فيصل العلي will become famous soon enough
افتراضي

اقتباس:
المشاركة الأصلية كتبت بواسطة صدى الحرمان مشاهدة المشاركة



كرافت و خبز الحار
أتعب أنااااااااااااااا

لي عودة بعد الصحوة من الصدمة
__________________
-
-
فيصل العلي غير متواجد حالياً  
قديم 04-01-2007, 03:15 AM   #5
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Talking



`•.¸¸.•¯`••._.• ( أطلق موضوع ) `•.¸¸.•¯`••._.•
نُطالب بالتثبيت

تحياتي ..


__________________
بسمـة ألــــــم غير متواجد حالياً  
قديم 04-01-2007, 03:18 AM   #6
صدى الحرمان
عضو مميز
 
تاريخ التسجيل: Nov 2005
الدولة: هنـــــــــاكـ
المشاركات: 250
معدل تقييم المستوى: 0
صدى الحرمان is on a distinguished road
Talking

اقتباس:
المشاركة الأصلية كتبت بواسطة فيصل العلي مشاهدة المشاركة

كرافت و خبز الحار
أتعب أنااااااااااااااا

لي عودة بعد الصحوة من الصدمة



خخخخخخخخخخخخ واللهـ يا انت اوب جوعان ابد,,
ننتظر العودهـ,,
وأبغى ردن سنع,,
دمت مسفهل, ,
__________________
عزيزي القلب
رجاء توقف عن الاهتمام بكل شي
مهمتك فقط هي ضخ الدم
ودع الباقي ل
عقلي

التعديل الأخير تم بواسطة صدى الحرمان ; 04-01-2007 الساعة 03:21 AM
صدى الحرمان غير متواجد حالياً  
قديم 04-01-2007, 03:25 AM   #7
صدى الحرمان
عضو مميز
 
تاريخ التسجيل: Nov 2005
الدولة: هنـــــــــاكـ
المشاركات: 250
معدل تقييم المستوى: 0
صدى الحرمان is on a distinguished road
Talking

اقتباس:
المشاركة الأصلية كتبت بواسطة بسمـة ألــــــم مشاهدة المشاركة


`•.¸¸.•¯`••._.• ( أطلق موضوع ) `•.¸¸.•¯`••._.•
نُطالب بالتثبيت

تحياتي ..




^
فديتتس واللهـ,,
وفديت خشيشتس,,
نورتي,,


__________________
عزيزي القلب
رجاء توقف عن الاهتمام بكل شي
مهمتك فقط هي ضخ الدم
ودع الباقي ل
عقلي
صدى الحرمان غير متواجد حالياً  
قديم 04-01-2007, 06:00 AM   #8
..جينان..
عضو غير مشارك
 
تاريخ التسجيل: May 2005
الدولة: اوطه فوق السطوح
المشاركات: 0
معدل تقييم المستوى: 0
..جينان.. is on a distinguished road
Talking




صدى..ترى ذقت المر..لين طلعوا لي الصور قصم من قبل لايأذن مؤذنا ..وانا داخلتوه..ومير يقولي موضوعتس..ربتس كريم ولا صوره راح تطلع لك..وكان اسوي تحديث..واسوي تحديث..ومآآآآآآآش..
واجي احط رجوع للخلف..والمنتدى كله معلللق..واحط اكس واركد شوي..وافتح المنتدى..ودآيركت اركض وانا عاضة خيوط ترنقي..وانصآه..ومير تطلع الصور..
<<<<ماودتس تصكينه بقدركم على هالقرق
بس وربي من الحره اللي فيني..شكلي ابشبك بمقهى الجوكر اصرف..هع

بس ياقوي قلوبكم..قصم برد يكسر المسمار..شلون كشتوا ورآعينكم معآكم..؟
وإذا فيصلوه مع كرافت وخبز حار يتعب انا ارقد 5 ايام و 33ساعه..ولا بعد فيه سلاته تووونه..(قلب حب يأشر بوميض)..
والحنيني..
قصم من دخل الشتاء وانا اقول لامي سوي لنا...ومير ساحبتن علي..
×
×
صــــــــــدو..ماقريت خرطك..بس تفرجت عالصور..وردي هذا مجرد حجز مقعد امامي في الدرجه الاولي..
وثآني مره اعزمي..
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
..جينان.. غير متواجد حالياً  
قديم 04-01-2007, 01:41 PM   #9
mgroo7
مشرف منتدى التصاميم والصور
 
الصورة الرمزية mgroo7
 
تاريخ التسجيل: Aug 2006
الدولة: my room :$
المشاركات: 3,804
معدل تقييم المستوى: 17
mgroo7 will become famous soon enough
افتراضي

والله وما طلعت علي تحبين البر
أعوذ بالله أنا أكره مأشوف البر
__________________
Done



.
mgroo7 غير متواجد حالياً  
قديم 04-01-2007, 08:26 PM   #10
بـائــعــة الـــــورد
عضو مبدع
 
تاريخ التسجيل: Nov 2005
الدولة: ارض الاحـــلااااام
المشاركات: 1,295
معدل تقييم المستوى: 0
بـائــعــة الـــــورد is on a distinguished road
افتراضي

خخخخخخخخخخخخخخخخخخخخخخخخخ

باين نواشف الحطب

عوافي صدو
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بـائــعــة الـــــورد غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:15 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir