العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

إضافة رد
 
أدوات الموضوع انواع عرض الموضوع
قديم 14-01-2007, 01:45 AM   #1
رهينة الشوق
اميرة الخيال
 
تاريخ التسجيل: Sep 2005
الدولة: بين اكوام الاحزان
المشاركات: 1,478
معدل تقييم المستوى: 0
رهينة الشوق is on a distinguished road
Talking (( تــــــــماسيــح 000 في 000 مهــب 000 الريـــح )) بقلم رهينــة الشوق



مصافحـــه .. أولى بعــد العــــودهــ ... اهداء لك من احب قلمي...


[GLINT]
(( تــــــــماسيــح 000 في 000 مهــب 000 الريـــح ))[/GLINT]


الحـــلقـــــــــــــــــ ( 1 ) ــــــــــة




فـــــــــكرهـ :
ساري .

سيناريو وحوار :
رهينة الشوق

بـــــطولة :

بســــــمـــة ألـــم


المــــــهــاجـــــر

الطـــــــــــموح

بائعــــــــة الورد

صـــدى الحرمان

غريب الـــدار

ســـــــــاري

B ig_Brother

فيـــصل العــــلي

abu naif

الذهـــبي







1





2




3






[GLINT]اكــــــــــــشن ..[/GLINT]




الــوقت : الساعة الرابعة صباحاً


خ خ خ خ خ < === شخير غريب

كان غريب الدار نايم في أمــان الله...يتسعــد بعد شوي ان يرن المنبة حق جواله عشان يطس يروح للدوام ..



غرويبيوهـ .. غرويبوهـ .. قوم اعد من النوم ..قوم اقعد من النومه < ---- صوت المنبه في جــواله ..

قام غريب الدار على صوت المنبه كان ناوي يحطه على غفوهـ بس شاف ان في رسالة جايته .. ومن الحماس حتى وهو عيونه مغمضة يبي يفتحها ..


لقى رسالة من فيصل العــلي نصها ما يــــــــــلى :

(( غريب قلبي .. اسمع ترى انا والربع جايين للشرقية وهم يبون يسون لك مفاجأهـ بس قلت ابلغك عشان تبلغ امك بسمة تجهــز الغداء ولا تتفاجئ .. سلا م))

طارت عيون غريب من الرسالة وعاد قراها مرتن ثانية !!!!!!!

يوووووووهـ هذولي وش عندهم ..




ورجع كتب رسالة لفيصل العلي يقول فيها :
(( فص فص تتكلم من جد أنت ؟؟ وليه جايين وش عندكم ومن معك رد لا اجي اتوطى في بطنك )) < --- الاخلاق دمار .

بعد اقل من دقيقة رد فيصل العلى عليه برسالة
:
(( انت وجهك وليه بلعب عليك هذا اللي حاصل واللي جاي معي

ساري

وابو نايف

الذهبي

المهاجر
B ig_Brother

وبس وجاين نبي نسوي لك مفاجأهـ عشان نجاحك اللي كتابه بالمنتدى يالله استعد ))



[/CENTER]

التعديل الأخير تم بواسطة رهينة الشوق ; 14-01-2007 الساعة 02:24 AM
رهينة الشوق غير متواجد حالياً   رد مع اقتباس
قديم 14-01-2007, 01:54 AM   #2
ســــاري
عضو اسطوري
 
الصورة الرمزية ســــاري
 
تاريخ التسجيل: Aug 2006
الدولة: .. الكوكب المسكوون ..
المشاركات: 36,163
معدل تقييم المستوى: 0
ســــاري is a jewel in the roughســــاري is a jewel in the roughســــاري is a jewel in the rough
افتراضي

غريب طارت عيونه مرتن ثانيه وقال :

الله من البلشه والله من صدقهم هالتماسيح بيجون ؟؟

ويقوم طيران يروح لأمــه (( بسمة ألم )) ولقاها نايمة على سجادتها يا حياتي ..

غريب وهومختبص : يـــمـــه وش بك نيمه ولا ميتـــه انت الحين ؟؟؟


بسمة : وجــع أنت وخشتك يالله صباح خير تبين أموت جعلك اللي ماني قايله .. ..!!

غريب : لا يمــه ما هو قصدي بس شكلك كأنك ميته بسم الله عليس ؟

الام : الحين وش بك قايم تقل بك شي ؟

غريب بعد ما حب راس امه : يمــه .. ي م ــه . .

الأم : وحطبه وش بك تكلم خرعتني ؟؟ لا تقول اختك بائعة الورد تبي تولد وراحت مستشفى الولادهـ ، ليكون رجلها اتصل عليك ولا ناوي تعلمني ؟؟ تكلم ؟؟

غريب : لا لالالالا يمه ليته ؟

الام : اجــل وش بك ؟

غريب : ربعـــي بالــرس .. جاين للشرقية ... ويبون يقعدون معي هنا كم يوم ؟

الأم : وش يقعدون هــنا وين هنا لا تقول بالبيت وغديات جايه وعشيات رايحه واطبخ يا ام غريب ؟؟ انا ما صدقت ابوك ملح الجريف ما ت وافتكيت من العزايم تجي انت تطلع لي ..

غريب في حيرهـ : طيب وش اسوي يعني ؟

الأم : وراهــم ما يسأجرون لهم شقه وش يجبهم عندنا يا مال البخل ؟ كم هم ؟

غريب : ستــــه..

الأم : جعلهم للبقس ا اللي تبقسهم الحين .

غريب : يمه الحين وش السواه تراس مصختيها ؟


الأم : شف انا بس بسوى لهم غداء اليوم والباقي عاد عليك
.
غريب : شلون علي يعني ... ؟

الأم : اكشت معهم هالقصمان ما يجون للشرقية إلا عشان البحر طق لك خيمة قدام البحر وخلهم يطبخون ويحسون بأنفسهم .

غريب : والله انك جبتيها يا حبي لس يا بسومه .

التعديل الأخير تم بواسطة ســــاري ; 14-01-2007 الساعة 02:13 AM
ســــاري غير متواجد حالياً   رد مع اقتباس
قديم 14-01-2007, 01:56 AM   #3
ســــاري
عضو اسطوري
 
الصورة الرمزية ســــاري
 
تاريخ التسجيل: Aug 2006
الدولة: .. الكوكب المسكوون ..
المشاركات: 36,163
معدل تقييم المستوى: 0
ســــاري is a jewel in the roughســــاري is a jewel in the roughســــاري is a jewel in the rough
افتراضي

وما صدق غريب الفكرة اللي طقتها أمه في رأسه وعلى طول قدم أجازه اضطرارية من عمله

وسحب على شواطئ هاف مون البديعة ..
يدور يبي لها خيمة يمين يسار ..
وقف مصري اللى هو الطموح حق دبابا ت وسأله:



وين الخيام اللي كانت مالين البحــر وين طست ؟؟

قال له الطموح المصري : كل العالم في البر دلوقيت يا باشا .. محدش يجي البحر خالص ..

غريب : ليـــه ..طيب يا بلدياتي ؟

الطموح : كدية .. يا ابن العم .. عشان البــرد .واذا انت عاوز خيمه اشتري لك انا بعرف واحد من بلدياتي يأقر خيام عاوز اكلموه لك ،، انا مستعد نخدموك يا اخوي ..

غريب في نفسه : خوى جنبك ..

غريب : طيب كم التأجير ..

الطموح : اليوم بـ 700 ريال ..

غريب : نـــعم .. وش 700 ريال ياخي خيمة ولا فيلا.. ؟؟

الطموح : بكيفك يا ولد العم انا كان قصدي اساعدك ..


احس الطموح بخيبة أمل غريب، وغريب حس ان الوقت ما صار يساعدهـ .. والضيوف على وصول خلاص ..
وقام يكلم نفسه :

-يا ربي وش السواه الراتب باقي عليه واللي معي ما بكفي وامي

مضربه عن استقبالهم معذورهـ حرمه كبيرهـ وشلون بتقوم بـ 6 هروش ؟ بس فشله اقول لها

عطيني فلوس ؟ ايه ما في الا صــدى الحرمان يا حبي له بتصل عليها .



غريب : السلام عليكم .

صدى : هــلا والله بغريبوهـ الدب .

غريب : وشلون اختي الجميلة ؟

صدى : بخير عساك بخير وش عندك داق من صبح الله ؟

غريب : اقول صداووووووووي يا حبي لك ابيك في خدمة .. اخوس متورط بشئ ؟

صدى : بسم الله عليك وش بك وش صاير لك ..

غريب : ............... الخ والحين ابي فلوس لان اللي معي ما يكفون وتعرفين الاسهم خسرانه ، وكل فلوس راحت وغير كذا روحتى للحج اخذت كل الراتب ... و ..و

صدى : خــلاص يا خوي قطعت قلبي انت وجهك .. كم تبي ؟

غريب : 3000 ريال بس يمكن يزيد يمكن ينقصون والله مادري ؟

صدى : خلاص .. ولا يهمك ارسل لي رقم حسابك احول لك عن طريق الهاتف ولا يصير خاطرك الا طيب
.

التعديل الأخير تم بواسطة ســــاري ; 14-01-2007 الساعة 02:14 AM
ســــاري غير متواجد حالياً   رد مع اقتباس
قديم 14-01-2007, 02:04 AM   #4
ســــاري
عضو اسطوري
 
الصورة الرمزية ســــاري
 
تاريخ التسجيل: Aug 2006
الدولة: .. الكوكب المسكوون ..
المشاركات: 36,163
معدل تقييم المستوى: 0
ســــاري is a jewel in the roughســــاري is a jewel in the roughســــاري is a jewel in the rough
افتراضي

0000000000000000000000000000000000



(( في خــط القصيــم الشرقية ..)).




كانوا التماسيح جايين بسيارهـ المهاجر الجمس ..ولأول مـــره يزورا الشرقية وبيشفون بحــر
..


المهــاجر : يا جماعة لا توسخون السيارهـ بالفصفص .. انا قايل لك يا فيصل لا تجيب فص فص بس انت الله يهديك ما تسمع الكلام ؟

B ig_Brother : ياخي يا مهـاجر اخويتنا بسيارتك الجمس الجمس .. تقل محدن عنده سيارهـ الا انت ؟


[color=#000080]ساري : لا يا B ig_Brother تقل يذلنا بذا الجيه ما يدري ان كلنا عندنا جموس يالله من فضلك وهو اللي طاحت على سيارته القرعه .. ولازم تستحمل يا مهاجر
[/CO LOR] ؟

ابو نايف : عسى بس جبت كاميرتك عشان نصور ونقهر سيف الرعــد اللي غثنا بروحته للسودان تقل رايح لاستراليا!
!!الحبيب ما بقى شي ما صورهـ حتى مفك الصلصله مصورهـ يالله لك الحمد .


فيصل : مهاجر اسمع ابيك تصورنى وانا أغطس بالبحر .. عشان احطها بتوقيعي .. واسمعوا نبي نروح لقرية الدلفين عشان نصور مع الدلافين تقول رهينة ان الصورهـ 5 ريال بصور معهم وحطها بتوقيعي .. بعد ..

ساري : اسمعوا عاد اذا جاينا نبي نروح نسبح بالبحر تكفون وقفوني عند اكبر بياع سباحات تراي ما اعرف اسبح .

الذهبي : اجــل يبي لك لستك وش كبرهـ عشان يالله يالله .

فيصل : لا ياخي بنخلي بو نايف يراقبك تراهـ دايم يسبح ببركة مزرعتهم ..

بو نايف : اقول فصول لا تورطني تراي بركتنا


2 × 2 والبحر غريق ..




التعديل الأخير تم بواسطة ســــاري ; 14-01-2007 الساعة 02:28 AM
ســــاري غير متواجد حالياً   رد مع اقتباس
قديم 14-01-2007, 02:08 AM   #5
ســــاري
عضو اسطوري
 
الصورة الرمزية ســــاري
 
تاريخ التسجيل: Aug 2006
الدولة: .. الكوكب المسكوون ..
المشاركات: 36,163
معدل تقييم المستوى: 0
ســــاري is a jewel in the roughســــاري is a jewel in the roughســــاري is a jewel in the rough
افتراضي

[COLOR="seagreen"]B ig_Brother : هههههههههه خلاص يا ساري وشولوه تسبح وانت دبشه بالسباحة خلك على الشاطئ تفرج علينا
.[/color]

المهــــــاجر : شوفوا يا جماعة اللي ما يعرف يسبح من الحين لا يسبح نقعد نبلش مع اهليكم .. عاد وش يفكنا من السنتهم ..

ساري : الحين وراكم طبيتوا فينى كذا .. عناد لكم بسبح غصب عنك م
..


بونايف : حنا نخاف عليك وانا اخوك وش رايك نأجــر دباب بحري ونطعس في ذا البحــر ؟ وخلي ذا القراوهـ يسبحون عند الشاطئ ..

فيصل : انت تدري كم بيأجــرون الدباب يا حــلو ؟


بو نايف : بــــــــــــكم يا شين ؟

فيصل : الربع ساعة 70 ريال ؟

الذهبي : يووووووووهـ اجل راحت مكافئتي ..

ساري : معقولة .. لا اكيد تبالغ .َ!!!.

فيصل : ما عليك يمين .. بكيفك اذا وصلنا اسأل غريب ..

B ig_Brother : تدرون يا جماعة احلى ما في الرحلـــة إن ما

معنى ذا البزران .. اقلها الواحد يقعد قدام البحر يتأمل بهدوء .. عسى بس يا الذهبي جبت معك

عدت الطق طقه .. ترى ناوي اقلبها شيلات .. ومواليل ..


المهاجــر : ايه والله انك صادق .. اقول يا فيصل مجمع الراشــد وين بووهـ نبي نروح لمــه .


B ig_Brother : مهاجر وش تبي بالراشد يمـــــــــدحون معارض الظهران. .

ساري : اقول يا جماعة خلونى ننظم الرحلة ترى الدعوه كلها يومين
وحنا

راجعين لا تصير كل ما قلنا يمين قلتوا يسار .. حنا جايين عشان البحـــر .. وبسيارهـ وحدهـ

يعني نبي كل الوقت نكون عند البحر .. بلا مجمعات بلا اسوقه .. الحين انا فرح لان عزوبيه

وعشان ما يغثونا ها الحريم كل شوي نبي نروح سوق نبي نروح مجمع نبي نروح

ملاهي ..اقول خلكم بس رومانسيني وترى كل الرحلة قدام البحر هذا قراري ..


الذهبي : اقول يا ساري .. كانك صاير امير للرحلة وحنا ما ندري ؟

ابو نايف : ايه والله انك صادق يا الذهبي .. هذا وهو ما يعرف يسبح يبي البحر .. ههههههه

ساري عصب : اقول يا الفضي وش تبي الحين ؟

الذهبي : فضي ولا برونزي هههههههه
...


بو نايف :: فيصل :: B ig_Brother :: بصوت واحــد :
خخخخخخخخخخخخخخخخخخخخخخخخخخخخخخخخخخخخخ


المهـــــاجر معصب : اقــــــــــول قسم بالله ان ما هجدتوا وعقلتوا لا وقفكم في ذا الطريق واروح واخليكم .. بزران انتم قاعدين تهاوشون .. تاركين المنتدى عشان نرتاح من المضارب وبعد لاحقننا هنا ..

بعــد هوش المهاجر سكت الجميع إلى ان دخـــــــــــلوا الرياض ..






في الجــــــــــزء الاخيـــر ...
drawGradient()


نشاهــــــــــــــــد ماذا فعلووووووووا التماسيح في الشــــــــــــــرقيــــــــــــــة ....


انتظرونـــــــــــــــــــي ... قريباً ...
drawGradient()


__________________
ربّ اغفر لي و لوالدي و بُنيّتي و اعلي درجاتهم في علييين،،




التعديل الأخير تم بواسطة ســــاري ; 14-01-2007 الساعة 02:16 AM
ســــاري غير متواجد حالياً   رد مع اقتباس
قديم 14-01-2007, 02:43 AM   #6
عازفة الكيبورد
عضو ذهبي
 
الصورة الرمزية عازفة الكيبورد
 
تاريخ التسجيل: Aug 2006
الدولة: الـــــــــــــــرس
المشاركات: 2,114
معدل تقييم المستوى: 0
عازفة الكيبورد will become famous soon enough
Talking حركتااات والله

(( تــــــــماسيــح 000 في 000 مهــب 000 الريـــح )) بقلم رهينــة الشوق

هههههههههههههههههههههههههههههههههههههههه

الله يرجكم كل ابووكم

قريت البداايه ...والله شكله شيء..وبكمل البااقي بعد الاوختبااراات..>>^_^

رهينة الشوق&ساري..

الف شكر لكم

شغل متعوب عليه

اهم شيء

حجزت لي مكان...
__________________
Brb~

التعديل الأخير تم بواسطة عازفة الكيبورد ; 14-01-2007 الساعة 02:48 AM
عازفة الكيبورد غير متواجد حالياً   رد مع اقتباس
قديم 14-01-2007, 02:53 AM   #7
ليــدي
عضو
 
تاريخ التسجيل: Jul 2006
المشاركات: 10
معدل تقييم المستوى: 0
ليــدي is on a distinguished road
افتراضي

رهينه الشوق **ساري

يعطيكم العافيه

ننتظر الجزء الاخير لاتتاخرون علينا

اختكمـ00
ليــدي غير متواجد حالياً   رد مع اقتباس
قديم 14-01-2007, 06:11 AM   #8
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Talking

::


`•.¸¸.•¯`••._.• ( ويلكم باك رهونهـ ) `•.¸¸.•¯`••._.•

::

اقتباس:
قلت ابلغك عشان تبلغ [BLINK]امك[/BLINK] بسمة تجهــز الغداء
هـهـهـهـهـهـهـهـهـهـهـهـاااااااي

هـهـهـهـهـهـهـاااااي

آآآهـ يا بطني



أجل أنا أم ؟
و أم مين ؟

الأقشر غريب
و ربي ضحكت ضحك مهوب صاحي
بس و لو .. هالولد غاثني .. ما يسمع الكلام و لا شي

حتى امس أقولهـ
يا وليدي .. اكسب الأجر من ورا ميمتك .. ودي أحج قبل لا أفطس
يقول لي : أنا مكلوفن بتس .. طسي شوفيلتس حدا هالحملات يقشونتس معهم

و اللهـ و عرفتي تربين يا بسومهـ

::

اقتباس:
غريب بعد ما حب راس امه : يمــه .. ي م ــه . .
واتسبديييييهـ .. تقلّع منّاك

::

اقتباس:
انا ما صدقت ابوك ملح الجريف ما ت وافتكيت من العزايم تجي انت تطلع لي ..
هالشايب ما بغى يفارق
( بيلزخنا ملح )

::

اقتباس:
الأم : اكشت معهم هالقصمان ما يجون للشرقية إلا عشان البحر طق لك خيمة قدام البحر وخلهم يطبخون ويحسون بأنفسهم
ما قلت شي

::

اقتباس:
غريب : والله انك جبتيها يا حبي لس يا بسومه .
يا نعنبو ابليسك .. وشو بسومهـ ذي
أمك و تناديني بسومهـ
ما أقول غير اللهـ يصلحك و يهديك

::

اقتباس:
في الجــــــــــزء الاخيـــر ...
نشاهــــــــــــــــد ماذا فعلووووووووا التماسيح في الشــــــــــــــرقيــــــــــــــة ....
<< جالسهـ تنفخ لستكها .. و تدعي ياللهـ إنهم يآخذون هالعجيّز معهم للبحر ..
و هي ما غير مسنترهـ بـ مقلطهم و تدّهن رُكبها بفقس
هـهـهـهـهـهـهـهـهـ

::

عوااافي يا حركتات أنتم .. ننتظر البقيهـ
تحياتي ..




::
__________________
بسمـة ألــــــم غير متواجد حالياً   رد مع اقتباس
قديم 14-01-2007, 07:44 AM   #9
التوته
عضو بارز
 
تاريخ التسجيل: Apr 2006
الدولة: الإمارات
المشاركات: 506
معدل تقييم المستوى: 0
التوته is on a distinguished road
افتراضي

هههههههههههههههه


رووووووعه ما شاء الله عليتس


وووتسلميييييييييين يالغلاااااا ^_^
.
.
.
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
التوته غير متواجد حالياً   رد مع اقتباس
قديم 14-01-2007, 10:20 AM   #10
غريب الدار
عضو مجلس إدارة سابق
 
الصورة الرمزية غريب الدار
 
تاريخ التسجيل: Oct 2004
الدولة: الشرقية الله يخليني منها
المشاركات: 12,210
معدل تقييم المستوى: 28
غريب الدار has a spectacular aura aboutغريب الدار has a spectacular aura about
افتراضي

اقتباس:
مصافحـــه .. أولى بعــد العــــودهــ ... اهداء لكل من احب قلمي...
وأنا أولهم يارهينه ..!

اقتباس:
خ خ خ خ خ < === شخير غريب
هههههههههههااااااااااااااي

تراي منب راعي شخير لاتصدقونه ..!


اقتباس:
عشان يطس يروح للدوام
قويه يطس كككككككك ..!

اقتباس:
غرويبيوهـ .. غرويبوهـ .. قوم اعد من النوم ..قوم اقعد من النومه < ---- صوت المنبه في جــواله ..
ماجبتيها صح يارهينه

صوت المنبه عندي ((ابوي وهو يخانق عشان أفز من أول دقه ويصيرن عيوني سذا ..!



اقتباس:
قام غريب الدار على صوت المنبه كان ناوي يحطه على غفوهـ
ياكثر ماحطيته على إقفال وسحبت على الدوام ..!

اقتباس:
(( غريب قلبي .. اسمع ترى انا والربع جايين للشرقية وهم يبون يسون لك مفاجأهـ بس قلت ابلغك عشان تبلغ امك بسمة تجهــز الغداء ولا تتفاجئ .. سلا م ))
أبقفل الجوال كله لمدة أسبوع مهب يومين ..!

اقتباس:
(( انت وجهك وليه بلعب عليك هذا اللي حاصل واللي جاي معي

ساري

وابو نايف

الذهبي

المهاجر
B ig_Brother

وبس وجاين نبي نسوي لك مفاجأهـ عشان نجاحك اللي كتابه بالمنتدى يالله استعد ))
ل
الله من زين المفاجأه ياهالأشهب ..!

المفروض انتم اللي تسوون لي حفله وتعزمونن مهب أنا اللي أنجح وأسوي لكم بعد حفله يالشهبان ..!



هنا إنتهى الجزء الأول ..!

ونطالب عبدالعزيز بزيادة حجم الحروف والصور >>يقلد بعض الناس

تحياتي
__________________
غريب الدار
Instagram & Twitter: A_Karim_M
غريب الدار غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
""" الفتــــــــــــاة الســـــــــــــوداء """ بقلم رهينــ الشوق ـــــة رهينة الشوق تاريخ الرس و الأدب و الشعر 16 02-01-2007 04:10 PM
توقعات بجني ارباح اليوم و غموض يكتنف السوق ومخاوف من كسر حاجز الـ8 آلاف نقطة رجل الأعمال المنتدى العام و الأخبار المتنوعة 1 18-11-2006 09:05 AM
القبس الكويتيه ماذا قالت عن السوق السعودي رجل الأعمال المنتدى العام و الأخبار المتنوعة 1 15-11-2006 08:52 AM


الساعة الآن 07:35 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir