يابنت يالي تلبسين الفرنسي

[مدمن المطازيز]

قصيده اعجبتني ونقلتها لكم

يابنت يالي تلبسين الفرنسي"- " وتمسسينه فوق مسّا
حمستي قلوب المساكين حمسي"-" والي يشوفك طال ليله ولا امسا

الناس تراها يا البنيه تحسّي"-" لا تحسبين ان العرب ما تحسا

وانتي عرضتي والبضاعه تعسي"-" والي يطب السوق مثلك يعسا

ابديتي الي كان لازم يدسي"-" الي عن عيون الخلايق يدسا

واليوم قدمتيه في وسط تبسي"-" وقلتي لجمهور الجياع كبسا

لين اجتمع وايل وهيثم وعبسي"-" مثل البساس اليا شمت ريح بسا

وجيههم مثل المرايات ملسي"-" وعيون مرطٍ والمناخير فنسا

لا ما التفت كنه مجبّس بجبسي"-" خايف على الغتره تعفط وتقسا

كنه مربط فوق علباه حلسي"-" ودك تعطيهوا بين الاسنان بقسا

بنت الرجال الي على الخيل ترسي"-" الي وراهم يشبع الذيب فرسا

صارت تغنّج بين كدلك وجمسي"-" واحمس قلبي من فعايلك حمسا

صدي عن اهل الدندنه والمجسّي"-" الي ليا ذكروا هل الطيب يخسا

ذولاك ما يسوون يابنت فلسي"-" لو جتهم الهيئه يروحون دعسا

نسيتي ان الي خلق جن وانسي"-" يمهل ولا يهمل ولا هوب ينسا

قادر على انه يحبس الروح حبسي"-" في ساعةٍ كل المخاليق خرسا

اضفي العبايه خلّي العود مكسي"-" حتى ترزقين بعريس وعرسا

تبنين جيلٍ يغرس الطيب غرسي"-" جيلٍ خذا في سلم الاجواد درسا


وسلامتكم .

[قرقور]

صح لسانك يامدمن .