العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

موضوع مغلق
 
أدوات الموضوع انواع عرض الموضوع
قديم 18-01-2007, 12:48 PM   #1
سيف الرعد
مشرف المنتدى العام
عضو مجلس الإدارة
 
الصورة الرمزية سيف الرعد
 
تاريخ التسجيل: Nov 2003
الدولة: رساوي حفراوي نجداوي شمالي
المشاركات: 11,627
معدل تقييم المستوى: 0
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
افتراضي رهينه والعنوود وقمر مع بسمة الم وغيوم (كشته )الجزء الثاني

غيوم درت بسرقة العزبة من قبل ملح وخوياه ..
طقت وصاحت من القهر قالت والله ثم والله لا وريكم يالتماسيح
أخذت الجوال و اتصال على العنووود الوووو
غيوم بصراخ وش فيكن مسكتات ماقلتن شئ قلع يقلعكن والله إني زعلة منقهره منكن ..
العنووود يوووه يار بي وش بلاااااتس يا خيه لا يطق عندتس عرق
هبلتي بي طيرتي عقلي ما هب عوايدتس تسذا سلمي صبحي عسى ماشر .. ؟
غيوم ... يا خيتي هو اللي سواه ملح الجريف وتماسيحه شوي هذا ما ينسكت عليه
صرتن مصخره ولعبه كلن يهرج بكن يالسحالي الشرهه ماهب عليتس ألشرهه على قمر الرياض اللي ساكته
وإلا أنتي خابرتس لا تهشين ولا تنشين دابة سليمة ..العنووو د أقول عن الغلط يا غيوم وش تبين اشق !ثيابي
وإلا أروح اللزخ ملح الجريف ..لا يا خيتي يالله السلامة من هالتماسيح زين اللي جت على العزبة بس .
غيوم والله ما منتس فووود الشرهة علي اللي قلت العنووود هي اللي تبي تساعدن ونشميه ..
العنوود صدقت عمره ينفع به تسذا قالت طيب أنا معتس بس أخاف من رهينة والله ما عاااد تشيلنا على سيارته وتكشت بنا
خلي نكلمه ونأخذ رأيه بالموضوع ...
غيوم وع يا ذيك السيارة القرنبع كل شوي تغريزه
بس عاد انت صادقه والله هي المفروض اللي كلمته من الأول احسن منك العنووود وش قلتي غيوم لا ولا شئ ..
العنوود طاقه من الزعل وتقول يالله كلميه وردي علي اجل علمين وش تقول ..
غيوم تتصل على رهينة صباح الخير رهينوووه .... ترد رهينه يا هلا من؟ غيوم تقول ما عرفتين أنا غيوم
رهينة يا هلا أختي غيوم صباح الخير أخبار الرس .. غيوم لا صباح ولا غيره وراتس مسكته على ملح الجريف ..رهينة منهبله وش تبي ذي وش عندس يا اخيه وش أنا مسكته عليه ناسيه الموضوع كله
غيوم أختي ما أختي تسانس أختي قولي معكن
رهينه معكن بس بشويش تراتس هبلتي بي ما أتحمل طاح قلبي .
اجل خلاص اتصل بك باتسر .
سكرت الخط غيوم ورهينة منهبله ما تدري وش السالفة وعيونه طايره
ما صبرت الضعيفة اتصلت على رقم اقرب سحليه وكانت قمر الووو قمر الرياض تكفين واللي يرحم والديتس
أنا وش بي أنا مسويه شئ أنا مخطيه على احد والله لا احذف عضويتي من السحالي اما علمتين ؟
قمر الرياض وش بتس عسى ماشر وش السالفه .
لا تخافين يا قلبي غيوم توه منزله السماعة متصلة بي على تلفون البيت تقول فيه اجتماع عاجل وسري
للسحالي في استراحة هلا... رهينة والله ماقالت لي الخبله اتصلت تخانق مدري وش تقول
قمر الرياض أيه هي تقول نسيت لا أقول لرهينة وقالت علميه وعلمي جني فيه موضوع مهم نبي نناقشه بجلسة عمل سريه رهينة طيب فيه عشى؟ وإلا أكل شي بالبيت قبل ما اطلع
قمر الرياض ماهمتس إلا بطنتس غيوم مشتبه وأنت تبين عشى
رهينة طيب فيه ضيوف اكشخ والا لا ... قمر يووووه يارهينه يالله لا اتاخرين مع السلامة تعرفين الاستراحة
رهينة إيه اعرفه أبحجز وأجي بيوم الاجتماع .
بيوم الاجتماع وصلت غيوم للاستراحة يوم بغى يمشى أخوها قالت اصبر لا تروح لين أشوف به احد وإلا لا
مآبه احد يا ويليه انتظر .. لا أشوى رح هذي العنوود جت اكشخ سواق اللي جايبه !
نزلت العنوود وفيه وحده راكبه قدااام قالت غيوم للعنوود منهي ذي قالت العنوود هذي الاندنوسية مرت السواق
وش فيها قالت غيوم خليها تنزل العنوود وشوله تنزل أنا جايبة قهوة معي قالت غيوم خليه تصب القهوة لنا في الاجتماع حقنا .. قالت العنوود الاستراحة ما به صبا بات ردت غيوم صبابات لخمس سحليات ادخلي بس وهاتي معتس مرت السواق .غيوم وشو الجمس الملكي ذا اللي جاء العنوود مدري اصبري نشوف اكشخ منهي ذي
غيوم إيه هذا زول بسمة الم بس من اللي معه العنوود عرفت هذي الجليدية امراة من الجليد من دعاهن للاجتماع ؟
دخلن وجت قمر الرياض ورهينة أما جنى تعبانه واعتذرت وموافقة على اللي يقولن وما يتخذن من قرارات غيوم والعنوود والاندنوسية يسحبن الطاولات على بعض يبن يسون طاولة مستديرة للاجتماع غيووم تحط شنطة يدها على الكرسي الرئيسي شافته العنوود وهي حطة شنطته بالكرسي اللي جنبه غيوم تقول للعنوود عند الباب نشوف باقي احد والا لا
مافيه احد يرجعن للصاله
يبدأ الاجتماع السري بكلمة الافتتاح من غيوم وكانت حماسيه وتوالت الكلمات وكانت الاخرى من بسمة الم نيابة عن جميع السحالي بالمنتدى تضمنت التأييد والوقوف بجانب السحالي المسروقات بكل ما أتينا من قوة ثم توالت الكلمات . واتفقن على شن حملة إعلامية على ملح الجريف ورفقاء دربه وسمي هذا الاجتماع اجتماع الانتقام وكان من أهم بنوده
1 دعوة ملح الجريف ورفاقه إلى ارجاع المسروقات من العزبة وخلافه
2 الدعوة إلى تعويض السحليات عن مالحقهن من ضياع الكشتة ماليا ومعنويا
3 رفع شكوى لإدارة المنتدى عن أعمال ملح الجريف ورفاقه العدوانية ضد السحالي
4استنكار هذه الأعمال وعد السكون اذا تكررت وسيكون جمس ملح الجريف هدا لطرطعان السحالي
5 إصدار قرار بذلك ينشر في منتدى سوالف
6 تشكيل لجنه لمتابعه الوضع عن كثب
7 اصدار تعميم لجميع السحليات بالسرية التامة عند الكشتات تجنبا للنكبات
وفي ختام الاجتماع
دعتهم حرمة السواق الاندنوسية لتناول الاندومي وكان بكميات كبيرة وحدد الاجتماع القادم لدى رهينة بالشرقية إذا لزم الأمر
__________________


(خليفة الخليفة)
تسرني متابعتك تويتر وسناب شات وانستقرام
khalifam2@

التعديل الأخير تم بواسطة سيف الرعد ; 19-01-2007 الساعة 07:12 AM
سيف الرعد غير متواجد حالياً  
قديم 18-01-2007, 01:51 PM   #2
ريم البراري
عضو مبدع
 
تاريخ التسجيل: Aug 2006
المشاركات: 1,176
معدل تقييم المستوى: 0
ريم البراري is on a distinguished road
افتراضي

وش جاب اخبار اجتماعنا السري هنا
لحول ياسيف خابرينك حليل
مادام الحرب اعلنت وكلن درا ياويلكم من السحالي
فليسقط التماسيح الحرامية يارب يغرزون يارب وتنشق خيمتهم وينسون الكباريت والولاعات والحطب وينسون الملح وخل ساسا الجريف ينفعهم
ترى حقين الألغاز قاهريني ذابحين لغز لي البارح قبل اكتب أ
الا يالسحالي وراكن مادخلتن السيارة بالبايكه والا نامت حديكن به
درس ذا يالسنعات
بعدين انا ماابي هلا للأجتماع لانها تذكرني بقل هلا لو بالقلب بلا
ياحبي لكن ختامها ورد مراعاة لحالتكن النفسية
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ريم البراري غير متواجد حالياً  
قديم 19-01-2007, 12:29 AM   #3
فيصل العلي
 
الصورة الرمزية فيصل العلي
 
تاريخ التسجيل: Sep 2005
المشاركات: 1,893
معدل تقييم المستوى: 0
فيصل العلي will become famous soon enough
افتراضي

اقتباس:
المشاركة الأصلية كتبت بواسطة سيف الرعد مشاهدة المشاركة
غيوم
يبدأ الاجتماع السري بكلمة الافتتاح من غيوم وكانت حماسيه وتوالت الكلمات وكانت من بسمة الم نيابة عن جميع السحالي التأييد والوقوف بجانب السحالي بكل ما أتيت من قوة واتفقن على شن حملة إعلامية على ملح الجريف
قلووووبنا معك يا ملح .. ولا يهمك اجتماع هالسحالي وبنودهم

ما غير يبلعون كراث وشاهي وحش بهالخلق خخخخخخخخخخ

/
\
/

عواااااافي سيف .. وسعت صدورنا
__________________
-
-
فيصل العلي غير متواجد حالياً  
قديم 19-01-2007, 03:20 PM   #4
سيف الرعد
مشرف المنتدى العام
عضو مجلس الإدارة
 
الصورة الرمزية سيف الرعد
 
تاريخ التسجيل: Nov 2003
الدولة: رساوي حفراوي نجداوي شمالي
المشاركات: 11,627
معدل تقييم المستوى: 0
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
افتراضي

اقتباس:
المشاركة الأصلية كتبت بواسطة غيوم مشاهدة المشاركة
وش جاب اخبار اجتماعنا السري هنا
لحول ياسيف خابرينك حليل
مادام الحرب اعلنت وكلن درا ياويلكم من السحالي
فليسقط التماسيح الحرامية يارب يغرزون يارب وتنشق خيمتهم وينسون الكباريت والولاعات والحطب وينسون الملح وخل ساسا الجريف ينفعهم
ترى حقين الألغاز قاهريني ذابحين لغز لي البارح قبل اكتب أ
الا يالسحالي وراكن مادخلتن السيارة بالبايكه والا نامت حديكن به
درس ذا يالسنعات
بعدين انا ماابي هلا للأجتماع لانها تذكرني بقل هلا لو بالقلب بلا
ياحبي لكن ختامها ورد مراعاة لحالتكن النفسية
ساسا اين انت
قامت الحرب الضروس


شكرا غيوم لمرورك واطلاعك


تحيتي
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متواجد حالياً  
قديم 21-01-2007, 03:51 PM   #5
๑вάиđàя๑
عضو خبير
 
الصورة الرمزية ๑вάиđàя๑
 
تاريخ التسجيل: Dec 2006
الدولة: SAUDI ARABIA
المشاركات: 4,725
معدل تقييم المستوى: 0
๑вάиđàя๑ is on a distinguished road
افتراضي

صنكيوووووووووووو
๑вάиđàя๑ غير متواجد حالياً  
قديم 24-01-2007, 12:46 PM   #6
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
افتراضي





اقتباس:
غيوم وشو الجمس الملكي ذا اللي جاء العنوود مدري اصبري نشوف اكشخ منهي ذي
هذي أنا .. هذي أنا ياهوووهـ .. بسومهـ

اقتباس:
غيوم إيه هذا زول بسمة الم بس من اللي معه العنوود عرفت هذي الجليدية امراة من الجليد
اخسسس يالجليديهـ و اللهـ منتيب هينهـ .. مصاحبهـ شيوخ

اقتباس:
بدأ الاجتماع السري بكلمة الافتتاح من غيوم وكانت حماسيه وتوالت الكلمات وكانت الاخرى من بسمة الم نيابة عن جميع السحالي بالمنتدى تضمنت التأييد والوقوف بجانب السحالي المسروقات بكل ما أتينا من قوة
و اللهـ حركتااات .. ما ألعب أنا .. أجل الزعيمهـ

اقتباس:
فليسقط التماسيح الحرامية يارب يغرزون يارب وتنشق خيمتهم وينسون الكباريت والولاعات والحطب وينسون الملح وخل ساسا الجريف ينفعهم
اللهم آمين

و لو ماشاللهـ .. فنّان أخونا سيف .. يكتب قصص و حركات
تعال دايم
عوافيـے ..



__________________
بسمـة ألــــــم غير متواجد حالياً  
قديم 26-01-2007, 12:54 AM   #7
مراقب من بعيد
عضو بارز
 
تاريخ التسجيل: Jan 2007
المشاركات: 627
معدل تقييم المستوى: 0
مراقب من بعيد is on a distinguished road
افتراضي

والله سعة صدر
لو سمحتو المرة الجاية مع الشاهي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مراقب من بعيد غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رهينة وقمر والعنود وجنى (كشتة) الجزء الاول سيف الرعد الرياضة و السوالف و التواصل 24 18-01-2007 01:28 PM
اعوذ بالله من الصقه waden المنتدى العام و الأخبار المتنوعة 0 16-09-2006 07:02 PM


الساعة الآن 02:08 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir